德美壽司

營業中

休息中

好耐無去呢頭搵嘢食，繼續係日本嘢食。朋友話之前都試過呢間，就呢間。難得入到嚟有，平時話好難先有位㗎。環境都唔錯，又唔算坐得好迫。午市係免加一，價錢唔算貴（諗起觀塘又唔係特別好食又貴，尖沙咀嘅打工仔真開心）。每種丼或飯都會跟set，有沙律，好正，有粒帶子係上面，成件事即刻好清新。面鼓湯清甜，入面好似係魚骨嘅東東。蒸蛋好滑好好味，有菇有蟹柳，真心唔錯。我係食呢個三文魚三之彩，有三文魚子，三文魚肉碎同埋三文魚刺身。上面又有一舊帶子啦，大愛，好好味。三文魚子同三文魚刺身正常，無雪味，而且三文魚肉碎好夠味，同一啖飯一齊送係perfect match！仲有一個甜品送到，佢上面鋪咗小小芒果汁，三層唔係好食得出係乜，芒果汁有小小蓋咗。78元真心好抵食，又飽，又唔會有油煙味，如果公司係尖沙咀就好啦。😢

20171228🤗來吃個生日午飯💕來了一間質素很不錯的日本餐廳刺身十分新鮮!特別帶子，三文魚超級鮮甜!壽司烏冬定食（$97）有6件壽司，一碗細的牛肉烏東，一個沙律前菜，一碗麵豉湯，一個茶碗蒸，一個甜品6舊壽司都好好食，壽司分別有三文魚，勁甜美的帶子， 吞拿魚，三文魚魚子，超級大條的熟蝦，左口魚同埋玉子燒兩粒🍣每樣都好好食，好鮮甜，好肥美，連粒玉子燒都好Juicy，好好食!到牛肉烏東，牛肉吾係肥牛，所以一啲都吾油膩，湯底好清，烏東煙韌，正!其他分別叫了刺身定食餐， 吞拿魚蓉帶子海膽丼，海膽好鮮甜，吾係苦果隻海膽，帶子好大隻，好肥美!基本上成餐都好好味好豐富，4個人叫左5個餐，埋單連加一$600有找，只係服務麻麻…係外面企左陣都冇人黎安排入坐…食緊中途話要收反啲豉油😅😅

適逢一年一度同好閨蜜聚會決定用盡銀包啲錢都要食好啲同行既港女閨蜜推薦呢間就黎試下啦！不過佢又提到德美既紅磡分店啲員工態度麻麻⋯咁我地叫左咩呢！首先上黎既係三文魚茶漬飯其實我好似冇試過食茶漬飯既 第一次食既感覺幾有趣因為一粒粒個啲似米又脆卜卜咁口感幾特別 亦唔似白飯咁飽肚幾啱女仔食！我地就略嫌三文魚咸左啲 但配試湯飯都ok既！然後係活鰻魚飯我都唔知點解叫活鰻魚 明明就熟既不過份量足夠 係鰻魚太熟（？）太lum呀！食落去冇咩肉感咁囉 都係係日本食最正又有叫稻庭烏冬同雞軟骨雞皮等等唔係我食 唔知味道如何⋯但冇聽到怨言 應該正常既！哈哈最後有送一個小甜品～

德美壽司一直都想試好耐作為三文魚愛好者 嗌左6片三文魚腩 實在非常肥美 口感豐富 實會再去encore壽司方便有蟹肉蟹膏 蟹子蟹膏 海膽 三文魚子 拖羅 池魚 火炙鰻魚 火炙和牛 每種壽司都好新鮮 特別係海膽壽司 真係好鮮甜 而池魚壽司配上一些薑絲 出奇地match 卷物方便order左鵝肝帶子卷 幾特別嘅combination 不過用筷子一夾就起散開 食得比較論盡 不過整體來說 都好味鰻魚蛋飯方面 鰻魚都肥美 啖啖肉 望住張相又想去食啦 

第一次食午餐，原來選擇也不少，價錢也好抵食。有蒸蛋，好滑身，有菇，雞肉粒，好好味，面豉湯不是好咸。好飲！！壽司套餐，有蝦，吞拿魚蓉，三文魚子，三文魚，吞拿魚，蛋，劍魚，帶子，海膽。全部都好新鮮，帶子鮮甜，肉質肥美，三文魚好味，蛋，蝦，也好正，其它也好正。飯不是好大件。145元包蛋，湯，甜品好抵食！！銀雪魚也是好香好好味，滑身夠甜。份量也不少，有些蝦米仔椰菜配菜。好好味的。甜品，椰汁糕。也幾香的！！

我一直都想試德美壽司，因為聽過不少朋友推薦，但每次星期六、日去到都大排長龍。所以，這次特意選平日晚上去品嘗，誰知平日也不能訂八時以後的枱，那只好排隊吧，結果差不多排了半小時。我們一行四人，立刻點菜：先點一個壽司盛合，再點一些熟食例如芝士年糕、串燒、溫泉蛋天婦羅、牛肉鍋等等。這間餐廳的食物當真不錯，壽司很鮮味，比起其他日本壽司店，也算挺大件的。熟食也有很多選擇，味道很好，份量也適中。唯一美中不足，是服務生經常不太理會你。可能他們人手少，比較忙碌，但有時舉手五分鐘也未有得到回應，也挺令人沮喪的（特別是當人筷子掉在地上想拿新的，和結帳時）。

同男朋友終於嚟咗德美壽司食lunch！訓到夠再黎食好味既壽司簡直係一件勁幸福既事！我哋每人叫咗一份Sushi set !入面有八件壽司，兩件卷物！ 壽司嘅魚全部都好厚切而且魚味好重好新鮮好鮮甜！賣相一流！我地梗係相機食先！sushi set另外仲有茶碗蒸，蒸蛋一樣好滑！

話說個fd 生日想食壽司聽過德美好耐，未食過就心思思去左試事前book 左位限食90分鐘係門口等齊人就入得每人食左250左右食材新鮮幫我地落單哥哥人好好呢由於我係♥️左口魚裙邊♥️既愛好者(sor 呀太心急食左唔記得影相🤦🏼‍♀️)Meun 沒有😫本來有d 失望 😞但係厚住面皮一問之下🤩🤩🤩🤩🤩🤩🤩🤩🤩🤩哥哥仔話有☺️開心原來係有hidden meun 嫁大家都可以試下問下你既心水食物

好想食壽司，又約左朋友食生日飯🎂，朋友又鐘意食日本野🇯🇵，所以就迫左佢黎食德美🤣午市只有walk-in而無得book位，仲有只限坐一小時，無所謂啦，大家食lunch都係得一粒鐘🕑去到大約十二點半，都已經差唔多坐滿晒😅點餐後馬上上前菜 - 野菜薯仔沙律🥔夠凍又夠味，咬到粒粒薯仔，加埋爽口野菜，好味道😋食完沙律就跟手上茶碗蒸蛋🥚蒸蛋好滑，食到有冬菇同蝦肉🦐，唔錯跟住輪到面豉湯 (未到主菜都飽左3成🤣) 望到都知多料，仲要有粒大蜆，味道 👍🏻終於食main course，朋友點三色丼，有吞拿魚腩蓉，帶子同海膽，仲有少少三文魚子朋友好快就清晒🥣，絕對相信好好味 😋我就點左極上壽司定食🍣，8件壽司2件吞拿魚腩小卷再加2件玉子，每件都好新鮮，最好味係海膽，雖然唔知產地，但係好鮮甜，食完個人好滿足😌💕最後仲有甜品，今日係奶凍，淋左少少芒果汁😋😋真心覺得抵食，短期內要再去過，不過要好肚餓先食得晒😝

Weekday夜晚要出去抖下氣第二日先有動力返工今晚約左2個朋友去尖沙咀H8去到睇下邊間餐廳唔洗等位先決定食咩上到去5樓德美見到仲有幾張吉枱想攞個menu睇下食咩先店員就即刻同我地講每人最低消費$120食一個半小時$120日本菜應該點都食到就打算試下叫左一個海鮮炒飯 烏冬 同埋啲小食小食先上炸蠔同雜錦天婦羅都係即叫即炸熱辣辣好食炸蠔仲配埋沙律薯仔煙肉沙律好正食完都飽左一半之後黎既飯同烏冬大碗到嚇親我地烏冬個湯好飲配上個生蛋perfect海鮮炒飯都好香食落都幾多海鮮最後每人都食左幾碗先食得哂下次可以再黎！！

Had the sushi platter and seared olive flounder sushi. Also had beef fried rice and a few skewers. All the food was great! Service was ok. Went on a Friday night (around 7.15pm) and didn’t have to wait, for a seat at the bar table. Pretty happy with this place!

趁大家更忙前，同朋友一聚~佢地都係識食之人，每次佢地揀嘅餐廳都係水準以上，今次呢間都唔例外落堂之後已經勁肚餓，其中一個朋友已經去咗攞位先，但就算係平日，黎德美嘅人都唔少，而且間鋪頭座位唔算多，所以想食嘅朋友要有心理準備等一陣晚市限時1.5小時，因為勁肚餓嘅關係，等位嘅時候已經睇定menu，望梅止渴😂雖然餐廳唔算大，但座位寛敞，坐得舒服唔好驚訝，原本係有六塊玉子燒，但因為太肚餓嘅關係，所以唔記得食之前影相😂呢個玉子燒整體唔錯，不過不失三色魚生飯，有附送沙律同味噌湯魚生新鮮大份，唔係切成一粒粒特別之處係加咗温泉蛋，飯入面亦有紫菜撈埋一齊食好正野菜牛肉鍋牛肉見到仍然有少少紅色，無煮得過熟，所以食落牛肉好嫩配菜有豆腐、粉絲等材料，一鍋都好大鍋，價錢都係接近80蚊，抵食！鹽燒鯖魚私心推介，自己本身都好鍾意食，所以可能有bias😂燒得好靚，入面係燒得啱啱好，唔係燒定擺咗一陣番熱攞出黎，魚肉好滑~大蝦天婦羅呑拿魚茸卷擺得好精緻，令唔太鍾意食呑拿魚嘅我都接受到嘅配搭有甜品送~雖然價錢唔算好平，但質素真心唔錯推介比所有鍾意食日本野嘅朋友

德美壽司🍣一間價廉物美的日本料理餐廳兩個人撐檯腳緊係食日本野鰻魚pancake好有驚喜，內面餡有牛油果同芒果，配埋鰻魚口感好特別自己偏愛食日本燒鯖魚，皮燒得剛剛好，魚肉本身又鮮日式海膽燉蛋燉蛋好滑，內面仲有菇、嗚門卷等配料當然唔少得壽司啦～食物質素很高，性價比算好高如果五六日嚟食飯就最好打去book定位先餐廳環境幾舒服，有bar檯又有沙發位不過晚飯時間多人，用餐都有時間限制

成日都聽到德美呢個名 今次終於去試啦尖沙咀H8真係好多好野食 好想每一間都試唒🙈呢到午市唔洗加一 又幾好喎放十二點lunch 所以輕鬆攞到位🤔今次order左呢個北海道三色丼 $83賣相不錯呀有帶子 三文魚同油甘魚每樣都好厚切架大大舊🤤 又新鮮 中間仲有隻温泉蛋😍加少少豉油撈暈黎食 好開胃😂如果自己識得煮温泉蛋 每日就可以整到又平又好食嘅飯嚕🙈呢個set仲會跟埋湯同甜品$83 食到高質刺身丼 物超所質啦🙈下次要試下晚市🙈🙈

午市攻略：呢間餐廳約左幾次食飯，終於試到了，咁難黎到原因，因為午市限食1個鍾，又無得訂位，要有人先嚟拎位先，如果唔係佢座位有限，遲左黎LUNCH TIME 時間等唔到枱，咁就無得食。好受歡嘅尖沙咀OL選擇！最好先上網睇定食咩，一到就落定單，咁就唔洗食到好趕！如要大枱（5人以上），最好12點半或之前好黎拎位，唔係要一班人等好耐，同留意佢入座計得1小時時限！地點： 尖咀厚福街H8, 方便不在話下，只係電梯多人時要排隊，不過多係晚市，午市排隊情況好些／唔洗排環境：有窗開揚有陽光街景，坐得都OK，但唔係好疏落嗰種服務：佢地都知午市緊張，都盡量開排位，上菜都快，又有BB櫈，都幾好！5個人叫了5個定食，個個定食都會跟前菜，甜品，蒸蛋和／或麵豉湯。魚子蔥吞拿魚腩茸飯（附沙律，味噌湯，茶碗蒸蛋，甜品）＄89： 個人都同朋友都食呢個，我覺得好好食呀！吞拿魚腩蓉無撈好重醬料，食得出佢新鮮同魚嘅鮮味，但又唔會腥，賣相一流，顏色豐富，撈埋蛋黃山葵，勁好味！銀雪魚西京燒定食（附沙律，味噌湯，茶碗蒸蛋，白飯，甜品）＄89銀雪魚不嬲都貴，不過佢肉質真係好食嘅，肥美油香的感覺好吸引 ，佢西京燒帶點甜味豉油香，唔少得旁