德美壽司

營業中

休息中

厚福街多野食就個個都知啦，今日想食日本野🇯🇵就徳美啦徳美有幾間分店，大埔同尖沙咀分店都試過，午餐同晚餐都試過，質素當然得啦我叫咗個壽司飯，跟咗🍵麵豉湯+🥚🥣+🥗🥚🥣滑&香🥗 新鮮🍵 正常留意返，烏冬餐就冇得跟麵豉湯喇刺身夠新鮮，份量啱啱好呀！個飯唔係就咁日本珍珠白飯，有料架，食過就知掂喇呢個係烏冬壽司套餐，其實食晒都幾飽囉兩個餐都好好食最尾仲會有個小甜品，一人一粒，軟林林都幾好味！ 如果每人俾多兩粒就好啦😂😂😂成餐飯侍應嘅服務都好好，會不停為你加茶，亦會喺適當嘅時候幫你清走枱面上嘅碗碟！值得讚！ 大家都可以去試下呀！

又到午飯時間，今日想食日本野，同事介紹話厚福街有好野，平靚正一定要試，今日主角就係德美！入到去場地唔大但樓底夠高，有落地玻璃出面係個大露台，光線十足。叫左個咖喱吉列豬扒定食，66蚊仲要唔駛加一！頭盤先有個煙三文魚沙津，沙律菜好新鮮，爽口多汁，煙三文魚得一塊，但香味十分濃厚，配上清新既沙律菜，微酸既沙律汁，好開胃呀。之後有一個茶碗蒸，雞蛋蒸得好嫩滑，一d都唔覺老，入面有蟹柳，新鮮冬菇，口感幾有層次，重點係清，冇咩油，唔會鹹，飯前飯後食都得。碗麵豉湯都要讚下，好多海苔，唔會鹹，重點係夠熱！我覺得湯如果唔夠熱真係會減好多分，所以加分！好啦到主角吉列豬扒咖喱飯啦，好大碟！咖喱又係偏淡口，但香濃既，薯仔同紅蘿蔔都足料，佢仲有隻溫泉蛋，督爆佢撈咖喱都好正。唯一可惜吉列豬扒唔夠大塊，而且外唔夠脆，內唔夠嫩，有d鞋身，可能係一早炸定，呢方面可以改善下。最後仲有個甜品，香芒豆腐奶凍，奶凍係豆腐做既，好香豆味，夠滑，淋左芒果漿係上面，幾清新。總結蔗渣嘅價錢，燒鵝嘅味道，有下次！

12點去到哩間大廈，整棟都係食店，上去兩三間都好便宜，甚麼第二個六折，但黑麻麻同無人，最後去了德美，佢寫明坐底60分鐘要埋單，要同朋友吹水就吾好來啦。但真系去到12點20左右已經要排隊。客人都坐滿，但waiter都好有調理，招呼OK。午餐餐牌選擇算幾多，價錢有平有貴，選了兩個定食。落單好快先來-味噌湯比較淡-蒸蛋好多料，但比較似港式蒸蛋-米飯無米香同鞋口銀雪魚西京定食（$92）3分-銀鱈魚幾多油脂，但吾夠魚香味德美幕之內便當（$96）3分勝在多野食，有得選擇-刺身兩種都幾新鮮-厚肉子燒兩小塊，但無乜蛋香-天婦羅蝦炸得幾鬆-甜品有三層，我就覺得麻麻啦！但老婆話好食喔。

通常一想不到要吃什麼就去德美🤣平日都超多人的，記得先預約😘😘蟹子沙律份量很多，青瓜絲夠爽脆，很清新很開胃的前菜。鵝肝帶子卷，最邪惡的配搭，是我每次必點item♥️ 另外還試了海膽花之戀。三文魚肥美厚切，海膽不腥但海膽味不太重。大阪風免治墨魚串很彈牙爽口，而且烤得香脆，一上枱時已經超香。燒黑豚腩厚切，半肥瘦好juicy😋 還有雞軟骨~~ 串燒都燒得剛剛好，很惹味。大蝦天婦羅一點也不油膩，新鮮炸起味道好香，而且炸蝦很大條好正。鰻魚炒飯用石窩送上，熱辣辣更滋味😍 鰻魚肉超多，而且好厚肉肥美，每一啖都充滿油香，好足料！最後還有椰汁紅豆糕送上☺️

港女愛日料是真的🙈凍冰冰還是想食日本嘢🤣 今晚同寶寶再次來德美晚飯💕不過今晚以暖笠笠嘅菜式為主❣️溫泉蛋天婦羅 $49超特別嘅菜式❗️唔係度度都有得食～我同寶寶一見到就即刻不約而同想食呢樣😂新鮮即炸❣️上枱時仲噴緊煙㗎😍外脆內軟嘅口感俾人一種幸福感☺️廣島蠔石頭鍋飯 $96竟然有4隻蠔咁多🤭伴住蠔嘅係一啲唔同種類嘅番薯～絕對係無敵飽肚之選🤣蠔非常新鮮而且無雜質👍🏻 熟咗都非常好口感，不愧係廣島蠔❣️一定一定一定要溝埋個伴飯醬汁一齊，因為咁樣撈埋食先至夠鮮甜美味呀❗️鍋燒烏冬 $69呢個烏冬都非常豐富🙈有一隻天婦羅大蝦🍤、一隻溫泉蛋、長竹輪、蟹棒、日本魚蛋、椰菜等，份量十足❣️搞爛埋隻溫泉蛋用買入啲湯度仲正🤤烏冬條條分明，唔會過熟，入口彈牙💕熱辣辣，非常啱冬天食☺️炸雞 $46估唔到有六件咁多😍勁開心❗️日式炸雞來講，呢個炸粉層算幾薄身，完全做到外脆內軟熱❣️雞肉一啲都唔乾唔柴😌嫩滑多汁，肥瘦適中，新鮮無雪味👍🏻好好味💕配埋炸雞嘅他他沙律醬味道同炸雞好夾☺️味道酸酸地，入口感覺冇咁油膩🤓我同寶寶都大讚❣️食到飽一飽😌 唔記得咗最後仲有甜品添❣️

終於吃到德美壽司了！其實這是第二次來德美壽司，但是第一次在尖沙咀呢間用餐。最特別是有個呑拿魚茸鵪鶉蛋壽司，配合起來Fusion效果不錯，既沒有只是蛋那麼Dry，也讓濃烈的吞拿魚片稍為減淡，互補不足。有驚喜的還有煎鵝肝帶子卷， 嫩滑的鵝肝，釀入肉質比帶子爽口的鮮元貝生煎，油香與鮮味混合，配以XO醬及露筍，香氣全被蒸蛋白吸收，令人口水直流。德美獨家！德美獨家限定仲有洋風鰻魚班戟，將吾啦間既野roll埋出奇地好食，又咸又甜咁，但就好鬼Match！三文魚壽司，肉質厚切，味道甘香豐腴。挑了個野菜牛肉窩作飽肚之選，份量不錯，味道也OK。加洲卷芥末八爪魚梅之卷, 味道酸微微 , 不錯啊!最後有甜品送!

香港人出街食嘢， 諗唔到食乜， 再簡單直接就係食日本嘢， 而且 講真食日本嘢朋友永無甩拖， 大家都啱食。 所以今日放咗工就順理成章 去搵日本嘢食。 今次去嘅係位於厚福街的德美壽司， 即使平日夜晚去， 都座無虛席，可見德美壽司質素有幾高， 跑贏同區其他壽司店幾條街。 餐廳佔 全層，有散座，亦都有bar枱, 坐吧枱仲可以食omakase 。今日冷熱食物都叫咗一啲。大阪風免冶墨魚串40 大阪風免冶墨魚串似食緊 大阪燒咁，有木魚絲同埋燒汁，喺墨魚穿上高飄啊飄。 墨魚串 厚實又爽彈，色澤潔白，入口富有彈性。 燒雞軟骨19 即叫即燒， 少少鹽調味已經夠曬好味 ，香脆有嚼勁。 最後仲叫咗一個丼飯：德美海膽魚生飯 晚市魚生丼飯配沙律及味噌湯。 沙律菜新鮮，而且更附有一隻帶子，香甜美味。 味噌湯更加入海鮮一齊煲，味道豐富濃郁。 海膽魚生飯材料豐富， 海膽、帶子、三文魚 、油甘魚、蟹柳、玉子和三文魚籽。 三文魚子粒粒晶瑩通透脹卜卜, 咬落去勁富鮮味。 三文魚和油甘魚也切得厚， 啖啖滿足， 帶子鮮甜厚實。 最後點解送的甜品不是一般壽司店的雪糕糯米糍而係自家製的布甸， 口感滑溜，為這一餐帶來完

試過黃埔分店真心一試難忘，今晚尖咀行完街就特登黎另一間分店回味下。牡丹蝦、甜蝦、花竹蝦壽司 ($103)一次過試哂咁多款蝦，唔洗講一定係牡丹蝦最鮮甜彈牙。 反而另上既炸蝦頭幾有驚喜，炸得極脆，蝦膏又香，成隻食哂。拖羅、三文魚腩、油甘魚腩壽司 ($145)本來預期係油脂組合，但今日拖羅同三文魚腩都唔算好肥，但係新鮮既。火炙帆立貝壽司 ($42)帆立貝好肥美，輕輕火炙下更加甜。芝士鰻魚卷 ($64)鰻魚厚肉、燒得香口，配埋香醇既忌廉芝士真心冇得彈，十級滿足。炸雞軟骨 ($42)岩岩炸起好香口，不過份量較少。野菜牛肉鍋 ($76)牛肉好靚唔會太肥，底下有大量雜菜，好香甜，難怪台台都嗌左。

喺香港想食壽司，選擇愈來愈少。但去試左尖沙咀厚福街H8呢間壽司店，質素又唔錯喎！呢度主打係壽司，但另外都有炸物、小食、鍋物、飯同烏冬等等可以食我就先叫左幾件壽司！🍣甜蝦壽司（$38/兩件）🍣帆立貝壽司（$38/兩件）🍣蔥拖羅茸軍艦（$48/兩件）壽司係由吧檯位既師父即叫即做！帆立貝雖然唔係珍寶size, 但呢個size 都絕對對得住個價錢！而且鮮甜十足！！另外呢度既拖羅蓉又係必食！鮮美的拖羅蓉，放於壽司飯上，加上蔥花，更可帶出拖羅蓉的鮮味，而且又能中和淨係食魚生的油膩感。🍚廣島蠔石頭鍋飯（$96)石鍋之內，除左滿滿既熱飯之外，上面亦鋪左幾隻廣島蠔，仲有啲紫薯同南瓜作為配菜，賣相精美之餘，食落既口感同味道都更為豐富！岩哂咁凍既天氣食！最後店員仲送左份甜品。係芒果醬奶凍，味道於香滑之餘，果味清新。

本身今日唔係去呢間餐廳既，不過因為另外果間好多人，最後來左呢間食。星期六度度都多人，但來到呢度竟然有位緊係即刻入去坐，同朋友坐左吧枱，都唔錯呀可以同朋友坐埋d傾計。我地兩個人叫左一set壽司盛，有唔同壽司，包括三文魚、蝦、帆立貝、鰻魚、吞拿魚等等，大眾選擇，材料新鮮好味！然後叫左牛油果軟殼蟹卷，鐘意食牛油果既朋友一定鍾意！同我同行既朋友原來本身唔食牛油果，佢同我講佢就係之前去左呢間食牛油果軟殼蟹卷，所以先開始食牛油果😱 我覺得呢個可以係其中一個必叫既選擇。另外叫左粟米天婦羅，平時去食日本野，天婦羅不外乎係蝦、茄子、蕃薯，粟米真係未試過！一食落去好鮮甜好好味，作為小食既選擇實在很不錯。然後叫左海膽魷魚壽司，呢個配搭真係第一次見，好新奇，食落去又夾wor味道，可以一試！最後叫左冷麵來涼爽下，一如想像中唔錯，特別在，出面既冷麵只會俾冷麵同一碟汁你，呢度會有隻蛋同一d配料俾你撈埋泥食，口感好過癮。總而言之，今餐真係好滿足呀！😋😋😋

同男朋友嚟尖沙咀食日本野，去到厚福街呢一邊，其實地下就已經有好多間日本野，立食壽司串燒店，或者拉麵丼飯間間都排晒隊，然後行入d決定去h8食德美壽司😚因為之前食過呢一間，日本料理方面樣樣都有，而且樣樣精，價錢亦合理，唯一可惜的一點就是要全部散叫。😛壽司盛合 美($218)有呑拿魚，油甘魚，三文魚，三文魚籽，池魚，帶子，蝦，鰻魚同埋拖羅茸小卷連玉子燒共10款，件件大嚿而且厚切同埋新鮮，食得過！好過散嗌壽司。如果多人的話又係平日黎食，可以直接嗌個壽司大盛唔使煩！野菜牛肉鍋 ($75)唔想食壽司生冷野的話可以叫個鍋暖下，必叫呢個野菜牛肉鍋！cp值高，個鍋係壽喜燒做底，份量好足，而且入面做有d冬粉可以當主食😍最後每位仲有個抹茶甜品送👍🏻

德美壽司，身邊好多朋友都介紹過，呢間日本餐廳真係有d料到，聽朋友講過佢地嘅set好抵食。不過我今次去到尖沙咀分店就冇set menu，可能間間都有d唔同啦🙃之不過menu選擇十分多！應該有成廿頁紙，可以比你食勻所有日式料理，刺身壽司卷物串燒，烏冬炒飯鍋類sake都應有盡有！🥰嗌左一個壽司盛，一個天婦羅炸蝦呑拿魚蓉卷，一個小食溫泉蛋天婦羅同埋野菜牛肉鍋。真心講句，客雖然好多，但服務周到，而且上菜速度快，揀食咩仲耐過佢上菜😂壽司盛好適合2個人share，每樣都有d而且大大件又新鮮，亦用上山葵！好有誠意。蝦壽司好出色，連同卷物嘅炸蝦都係高質之作。溫泉蛋天婦羅我就覺得略為厚粉，但十分酥脆，流心十足。最後嘅鍋物好暖胃，正常水準，呢個天氣好啱食呢個，下次會試下佢嘅海鮮鍋😋

今日口痕想食壽司，由於擺去美心集團嘅關係唔食元氣，所以同事就介紹左我去位於尖沙咀嘅德美壽司食日本野，可以話係別有洞天嘅經驗✨雜錦天婦羅($78)雜錦天婦羅係一道值得去食嘅一道菜 雜錦天婦羅包括有炸蝦天婦羅，茄子天婦羅，魚天婦羅，每一份都係新鮮炸起，味道好香，炸蝦天婦羅足足有十幾cm長真係好誇張！✨厚燒玉子($38)係性價比最高嘅一道菜 ，一共有六粒口燒玉子而每一粒都分別寫咗德同美字 ，厚燒玉子嘅溫度冰凍 ，成個口腔都充滿着蛋味同甜味！✨三色魚生飯($129)三色魚生包括有三文魚，油甘魚同埋帶子，上邊仲灑上蟹子同埋溫泉蛋，刺身非常新鮮，每塊刺身都有好靚嘅光澤！呢一份三色魚生飯套餐仲包埋前菜沙律同埋麵豉湯，以尖沙咀嘅地段同埋味道來講，真係認真唔錯同抵食！✨芝士鰻魚卷芝士鰻魚卷入邊有大大粒芝士青瓜同埋一塊厚身嘅鰻魚食甜甜鹹鹹咁，非常好味

今日係萬聖節，夜晚黎左尖沙咀玩，所以就揀左好出名既德美壽司🍣之前一直聽人講呢間壽司好食，今次終於輪到我試下啦😃我六點半入黎已經差不多坐滿哂人，地方已經算大，夠闊落，好彩我地早少少黎唔係好洗等位就入得👍🏻 門口旁邊見到壽司師傅整壽司感覺好乾淨😃😃因為唔係好肚餓，我地只係叫左一個丼飯同兩款壽司🍣首先係拖羅蓉丼飯，佢既丼飯係跟埋麵史湯同沙律，好掋食👍🏻拖羅蓉好新鮮，而且份量超級多。佢既拖羅蓉差不多多過d飯😆所以每一啖都有拖羅既，十分滿足☺️☺️而且佢仲配埋好多大大粒蟹子，好好味😋將個細生um春蛋搞埋一齊食另到拖羅蓉更加滑，配飯食真係一流呀👍🏻之後我地仲叫左火炙三文魚壽司同埋火炙左口魚壽司🍣火炙三文魚壽司一向都係我至愛，呢個果然冇令我失望，佢火炙完有些少炭燒香味，再加強左三文魚既魚油香味，而且半生熟有入口即溶既感覺，再加埋日本白葱配合，真係好好味呀👏🏻👏🏻而火炙左口魚都好正，佢更加有入口即溶既感覺，因為佢油脂應該比較多，火炙完之後真係好正，食完成個口都係魚油香味😃總括來講，呢間德美壽司CP值真係好高，價值唔貴之餘，食物都好有質素，非常值得一試👍🏻

尖沙咀H8入面既德美壽司晚市長期爆滿，我今晚平日過黎都等左一陣先可以入左右。點解咁爆？梗係因為性價比高啦！<海膽魚生飯> ($165)呢度叫丼飯係跟埋面豉湯同沙律，啱曬一人晚餐。唔好以為跟餐既就好流，個面豉湯係有蜆肉架！味道唔會好鹹，非常啱我口味。沙律係青瓜絲，沙律醬唔算過量，夠開胃。主角非常足料。魚生有三文魚、油甘魚、帶子、三文魚籽、蟹籽、海膽，另外有蟹柳同一隻熟竹籤蝦。飯量適中，女仔應該食完就飽架。但係我作為大胃王，都係決定加單叫多樣小食。<洋風鰻魚班戟> ($61)呢個睇餐牌相幾吸引，黎到竟然真人靚個上鏡！第一次見用班戟卷鰻魚，仲有芒果同牛油果，好特別！味道超豐富，有來自芒果既鮮甜，又有牛油果既creamy，當然唔少得來自鰻魚醬既甜味同軟糯口感！食埋呢個就食飽飽，交番張枱比出面等緊位既人喇。呢度晚市限時90分鐘，因為真係太好生意喇。