德美壽司

營業中

休息中

牛油果軟殼蟹卷：軟殼蟹炸得好香好脆，同牛油果真係絕配😍😍😍野菜牛肉鍋:因為有個朋友話食日本野一定要食牛肉鍋，所以就點左。無乜特別，不過湯底味道好濃郁🤤🤤🤤炸雞軟骨：呢間啲炸野都係即係炸，熱辣辣嘅炸雞軟骨加青檸再點啲蛋黃醬真係好正😋😋😋木筒鰻魚飯:本來我就中意食燒鰻魚多啲，今次試下木筒蒸鰻魚。又幾特別，雖然無左燒鰻魚個種脆口嘅感覺，但係因為蒸嘅關係啲飯入晒味，我個人黎講係幾中意🤣🤣🤣海膽:叫左一板海膽7個人share真係有啲少，不骨呢個海膽完全無腥同苦味，仲有少少甜tim!!

過到嚟尖沙咀，亦唔想食咁多放題，我決定就嚟到厚福街呢一邊試吓佢嘅日本菜，事關近排荷包比較緊，亦好想食日本野，所以聽朋友嘅決定就過咗嚟德美呢間店過到嚟大概差唔多12點鋪頭啱啱先開，我哋已經喺外面等左一陣，店員亦都叫我地喺外面坐一陣就會開舖，係12點開始嘅時候就入咗去，但佢嘅環境真係有少少麻麻哋，可能係佢條麥枱布唔乾淨啦，搞到所有枱都有臭味， 我哋同店員講咗佢亦都係好理會我哋，希望佢哋可以改善下啦我地點左個壽司餐就等左差唔多10分鐘左右，呢度每一件壽司都係壽司師傅逐件逐件咁樣去處理嘅，我覺得佢哋好專業，亦都好細心，係食呢個壽司同烏冬之前佢亦都有個 燉蛋、沙律俾我哋享用，而最後食完壽司我亦都送咗一個甜品就係一個福口比我地享用

兩個人由屯門去尖沙咀行街，大概11點40分左右，今日壽司隱又發作就去德美排隊食壽司，但12點先開門，所以等左一陣先有得入，又限時一個鐘，所以一坐低就要叫野。其實張枱有啲怪味發出黎，唔知係咪啲毛巾洗唔乾淨就抹枱。我叫左個壽司併牛肉烏冬，我個朋友就叫左牛肉生姜燒定食。壽司都係貴價壽司款，但都係99蚊全包唔駛加一，都算抵食。原來大多數套餐都包左沙律、燉蛋、仲有甜品添都幾豐富。下次出黎尖沙咀都會再黎食過。

同朋友相約係尖沙咀食晚飯，唔想諗食咩，都會揀德美壽司。雖然食過幾次，但總會有一種魔力想再食！由於無得book位，我地都早左到，但都要等一陣先入得。打開menu實做太多選擇，壽司、刺身、鍋物、串燒、炸物...每次都要諗一陣先落到單！芝士鰻魚卷 $63估唔到芝士同鰻魚都幾夾，口感好豐富。其實我好怕鰻魚食到啲好粗既魚骨，但依度一啲都唔覺有骨。散叫左啲壽司，有三文魚、帆立貝、蟹肉蟹膏軍艦，全部都好新鮮，鮮甜肥美！味淋雞泡魚乾 $57雖然價錢有啲貴，但我每次黎都會叫，雞泡魚乾燒得岩岩好，唔會太乾，軟硬適中，好香口！溫泉蛋天婦羅 $47外皮脆薄，溫泉蛋中和左油膩度，幾特別，好少地方食到！士多啤梨汁鐵板鵝肝 $76士多啤梨汁酸酸甜甜，令到鵝肝感覺無咁肥膩，不過鵝肝有少少騷味。 安格斯鐵板牛扒 $88牛扒鐵板上熱辣辣，但又唔會過熟，岩岩好，牛扒肉質juicy,除左牛扒，仲有唔少配菜，抵食！最後，仲有甜品送，成餐飯非常圓滿！

德美壽司終於有機會食到朋友介紹人氣超高既德美壽司啦位到排滿左𨋢口😱 柚子醋煙三文魚西柚沙律55配這集齊甜酸咸辣味道的沙律，超級開胃，份量都好多日式海膽蒸蛋54一揭開勁大舊海膽超足料底下仲有冬菇，當然仲有滑蛋大滿足，熱辣辣,好滑~好味野菜牛肉鍋主食我地就揀左野菜牛肉鍋入面有勁多牛肉，幾款蔬菜十分足料。 湯底濃郁所以全部食材都好入味粉絲係勁入味，必食！食埋個免費甜品結埋尾🥳🥳好滿足！整體感覺滿意，環境、食物和服務質素都不錯，可以一試。 推介⭐️⭐⭐️⭐⭐

在尖沙咀有不同的大型日本料理，今天想找一間比較有名的壽司店。餐廳裝修不俗，比起其他壽司店，這裡光猛格調為主，平凡中帶一點高貴。 .三色壽司盛這裡的壽司中能保留到魚的鮮甜，入口即溶證明處理得十分到位。.吞拿魚蓉色澤鮮紅帶油光，軟滑口感，魚味清甜！海膽厚身且色澤圓潤，味道鮮甜，肉質也入口即溶，佔據埋軍艦上蓋的面積，足料！魚子要我著墨說說，每粒魚子入邊都充滿了魚油，一咬即爆，魚香充滿口腔。男朋友吃完拋下一句：「很清甜！醬油都不用蘸了！」.螢光魷魚我最愛的餐前小吃！新鮮，吃下去開胃，很有嚼頭！爽口彈牙，惹味。這個冷盤小吃相當不錯！.大蝦天婦羅吞拿魚蓉卷卷是普通的天婦羅壽司，大蝦爽脆，上面鋪滿了吞拿魚魚蓉醬，吃下去味覺酸酸甜甜，很開胃，下面的壽司飯則剛好幫忙解膩，所以成舊魚蓉醬入口，也不致於覺得太濟。.大阪風免治墨魚串另外點了一客墨魚串，廚師料理燒日本魷魚筒，份量十分足夠入口，還有很多魷魚汁，很鮮甜。覆蓋上很多的木魚，配搭滿分。.韓風泡菜豬肉鍋湯被煲至紅色，泡菜及豬肉精華都溶在湯內，飲下去很清甜，每啖都嚐到濃濃的泡菜味！其他配料在長時間的淆製下，亦散發出自身的味道！.廣島蠔石鍋飯最後點了一客石鍋

有空當然要跟好朋友吃飯見面，這天放工去了這家網紅壽司店，跟朋友談談心，吃個dinner。這裡氣氛不錯，店內的樓底很高，空間感不俗，枱也不算很多，即使搭枱亦很寬敞。.螢光魷魚作為我們的餐前小吃，魷魚新鮮，吃下去酸酸的，很有咬口，前菜吃這個真的覺得很幸福！.三色壽司盛不要以為三款份量就很少，其實選用這三款刺身是設計過的，為什麼我這樣說呢？.首先，吞拿魚不再是完整上，反而是變成了蓉，口感又不一樣，入口即溶的速度比整件刺身更快。.三文魚子壽司，每粒魚子入邊都充滿了魚油，一咬即爆，魚香充滿口腔。當然話就不少得海膽啦，海膽香甜美味，如果你細心的話，就不難發現這三款刺身作壽司都是一流。.大蝦天婦羅吞拿魚蓉卷這個要推介一下。卷是天婦羅壽司，但上面鋪滿了吞拿魚蓉卷，吃下去味覺很豐富，啖啖蟹魚蓉，下面的壽司飯則剛好幫忙解膩，所以成舊天婦羅和魚蓉入口也不會覺得太咸或太濟。這個卷味道好得來，也很有創意，我覺得大家可以留意一下。.韓風泡菜豬肉鍋湯由豆腐、豬肉和泡菜熬成，因此很鮮甜，重要的是辣味不算很強，有效點綴湯底本身的鮮味，不會蓋過湯味，很好吃！.大阪風免治墨魚串墨魚串極度彈牙，彈性十足，非常爽口，外脆內軟。

平時食魚生壽司都係去開元氣、千両、極上大喜屋果啲，無咩點試其他壽司店，因為怕會中伏，今日朋友就帶咗我去呢間壽司店幫襯，因為佢之前食過評價都唔錯。差不多六點幾去到，做咗第一枱客，好彩早到如果唔係有排等 ; 餐牌選擇都多，叫咗自家玉子、油甘魚壽司、野菜牛肉鍋、煎鵝肝帶子卷、洋風鰻魚班戟。自家玉子 ($36) + 油甘魚壽司 ($38) : 估唔到咁普通既玉子都整得咁出色，玉子夠挺身之剩重切得好工整，而且內裏口感軟熟多汁 ; 油甘魚好新鮮，而且好嫩滑，抵佢收呢個價。👍🏻 👍🏻野菜牛肉鍋 ($74) : 呢個鍋真係不得了超好味 😍 開頭諗住呢啲牛肉鍋，啲牛都唔方會比靚牛你，點知真係比啲靚牛肉，雖然賣相係差啲，不過肥牛超有牛味，唔係一般平價貨嚟，同埋牛肉既份量好多，加埋其他配菜 (大白菜、金菇、粉絲、雞蛋、冬菇等等)，另外最最最重要係佢個湯真係無得輸，我自己都喝左幾碗 😍 呢個一定要叫。煎鵝肝帶子卷 ($82) : 幾特別既菜式，所以點咗嚟試下，最面係微辣既脆脆同帶子，而卷物內就係爽口青瓜絲夾著軟嫩多汁既鵝肝，口感層次相當豐富。😋洋風鰻魚班戟 ($59) : 又係一款特別菜式，所以都叫咗嚟試下

喺尖沙咀假日夜晚咁繁忙既時段，要walk in都唔係一件容易既事。好采我拎飛拎得早，過咗一陣，就超多人排隊，我哋都等咗差唔多20分鐘先有位。鍋燒烏冬呢個烏冬真係又平又抵食，60幾蚊一大鍋，超多料。有一條超長既天婦羅蝦，竹輪，蛋(我要求1全熟)，菜，雞肉......d 料比相像中多，湯都好清甜，不過偏甜咗少少，整體表現還好。腐皮餃子用腐皮包住d餡，然後拎去炸，好多肉汁，肉菜比例啱啱好，隻隻都好飽滿，比平時食既餃子熱氣，但值得一試。海膽魚生飯呢個係朋友食既，本身仲配湯同沙律，好豐富，配料好多，用料都好新鮮，而且份量十足，佢未食完已經好濟，失去戰鬥力了。飯後仲有每人都有甜品，味道不俗，可惜唔記得影相。

跟一個好久不見的朋友吃個飯，他說想吃吃看這家，所以就算有20張檯要等也等下去。想說真是家有名氣的店呀，平日晚上小小的店面全店爆滿，在等的途中也看到不少人上來。幸虧前面不少人拿了號就走了，所以等了35分鐘左右就有位置了。壽司是真的好吃，海鮮一上桌就是個明晃晃一個大寫的新鮮中吞拿是摯愛，油甘魚真的是又油又甘特別連甜蝦也特別有蝦味牡丹蝦更是難忘從蝦頭的膏吃得出蝦的新鮮，沒有奇怪的臭味，蝦肉很彈牙，入到口中有重類似蝦膠的感覺

叫左個天婦羅烏冬，佢有四種天婦羅，有冬菇﹑蝦﹑蕃薯﹑南瓜。我最愛係佢既南瓜，因為咬落D南瓜好甜﹑好冧同埋仍然係好濕潤。唔會話炸到好乾好硬。而烏冬就係甜甜地既昆布湯，配埋佢栗米同昆布真係好正宗既味道。佢大約有10舊魚生壽司同3件小卷。我覺得佢既三文魚﹑吞拿魚同油金魚真係好新鮮，同入口即融。佢飯既軟硬程度合到好處，同埋即使我將壽司咬斷一半，佢完全冇散開，可見師傅的功力十足。和牛壽喜燒煱可以因應自己的喜好去調教牛既生熟度，而我最鍾意尼個煱既地方係因為佢有好多唔同既菜，D菜吸收晒牛肉同湯既精華。

月圓之夜就同左男朋友食呢間，之前係大埔食過簡直係超大件超抵食超高CP值。所以就番兜啦！ 不過今次就黎左尖沙嘴分店。 坦白講，係失望😞好失望。 首先壽司🍣縮晒水。而且好唔新鮮！ 其中一舊海膽係苦的！ 有冇搞錯？ 帶子好明顯擺出黎太耐🙄 不過油甘魚keep到水準既。 男朋友唔死心， 特登叫多左火炙帶子，但都係失望😞失望😞再失望。買單食左400幾蚊，真心好唔抵，而且唔係話飽。服務都叫幾好。 不過尖沙咀分店質素真喺有待改善。

晚市用膳時間為90分鐘...三文魚親子卷 - $64親子卷味道豐富，材料新鮮，配上點點的沙律醬，更添美味。燒牛舌 - $40 / 七味燒雞腎 - $22牛舌厚身，口感一流，爽口有咬口。燒雞腎加了點七味粉，令雞腎味道更突出，更惹味。味醂雞泡魚干 - $57雞泡魚干軟硬度適中，味道鮮甜，煙煙韌韌，香口又有咬口。德美海膽魚生飯 - $158丼飯還配上送麵豉湯及沙律。沙律菜翠綠，加上了三文魚、栗米、醬汁，食落特別醒胃。麵鼓湯入口不會太咸。德美海膽魚生飯內有：三文魚、海膽、蟹柳、三文魚籽、帶子、還有德美玉子。三文魚厚身肥美，海膽鮮甜入口即溶。

我平時去開紅磡德美，間唔中都會黎下尖沙呢間。上次黎德美尖沙咀呢間分店都無咁多人。今日full house喎！我地兩個人就嗌咗壽司盛合 美、燒腐皮餃子同野菜牛肉鍋。壽司盛有呑拿魚 油甘魚 三文魚 池魚 帆立貝 熟花竹蝦 三文魚子 鰻魚 拖羅茸卷 蛋。我首先緊係搶咗吞拿魚黎食啦。入口即溶，仲好新鮮！其他都係好新鮮，兩個人食要share 同搶，哈哈。我地仲叫咗燒腐皮餃。係我見到隔離枱叫，好似幾好食咁，所以叫。佢係腐皮卷同餃子混合物！腐皮卷煎得脆脆的，餡料係豬肉。再沾少少，應該係天婦羅汁。成件事好特別，我都幾鍾意食。另外仲叫咗一個野菜牛肉鍋。我哋應該係第一次喺度食牛肉鍋，牛肉份量勁多，入邊仲有粉絲同冬菇。好足料！我估啲牛肉應該係牛肩肉，比較少肥。

尖沙咀厚福街就出名多好嘢食， 今日好想食日本嘢，於是就想咗呢一間德美壽司。 入到去最吸引我係窗外面嗰幾個燈籠，同埋一個好似日本建築嘅嘢， 即刻好有日本feel。三文魚腩刺身，肉質新鮮肥美串燒雞軟骨 火喉恰到好處亦都唔會太鹹牛油果配炸軟殼蟹手捲呢個大件夾抵食， 炸軟殼蟹大大嚿而且上面有我最鍾意食嘅飛魚子， 可以話係超抵食！食日本嘢除咗食壽司嘅時候會食飯之外，我都唔會刻意叫麵食， 所以就叫咗番薯天婦羅， 食完之後真係十分之有飽腹感， 佢真係日本番薯所以食咯有一種濃厚味道嘅感覺。食咁多嘢埋單都係二百幾蚊，喺尖沙咀嚟講真係十分抵食嘅日本菜！