德美壽司 (新都城中心1期) (已結業)

疫症下政府出左好多新規則包括每枱不多於四個客枱與枱之間要1.5米距離等呢間壽司店做到足不過佢太好生意如果唔可以過一半入座率就要等好耐我當然唔想喺街等啦而且外賣又有折咁我就叫左個lunch set叫左個壽司定食配牛肉烏冬仲有茶碗蒸同smoked salmon沙律外賣速度算幾快等左唔洗十分鐘就搞掂返到屋企坐低逐盒開放靚啲，其實都幾似堂食嘅😅冇計啦疫情關係嘛其實外賣返去食自己都少份擔心又食得安心啲其實味道都冇乜點變似堂食壽司依然新鮮鮮甜

還在思考晚餐吃什麼，經過一連串餐廳，發現這家正在做外賣自取的九折優惠，那就吃日式吧。我們點了一客刺身飯及炒飯，晚飯套餐還包括沙律及麵豉湯。碎吞拿魚蓉丼丼飯材料有三文魚籽、青瓜絲、蘿蔔絲、芝麻、芥末及鵪鶉蛋。在外面吃過，丼飯有時會拌上生蛋，但拌鵪鶉蛋倒是第一次，帶微微的鹹香，沒想到挺配的，底下是醃過的日本醋飯。吞拿魚腩剁成碎魚蓉，滿滿的鋪在飯上。京蔥切粒，魚蓉帶點筋腱，可能因外賣關係，拿到回家吃，已待了好一會，色澤漸變暗啞。但味道仍然新鮮美味，質素不錯。海鮮炒飯大約兩大碗飯的份量，蠻多的。細小鰹魚絲鋪面，搭配多款切粒海鮮如蝦、三文魚、八爪魚等；飯採用日本珍珠米，圓圓細粒，米質彈牙煙韌。炒飯很惹味，和風味道，跟中式炒飯不同，亦不會油膩，不知不覺吃完整碗飯呢！

又食外賣喇！呢次係將軍澳嘅德美壽司🍣。Poly人對呢間日本料理餐廳應該唔陌生，舊hall附近都有分店。最近佢做緊優惠，外賣免加一之餘仲有九折。.🍱日替便當三段（$88）便當三段包括炸雞，刺身，仲有一碗烏冬。買完30分鐘啲炸雞仲keep住暖暖地，表面輕輕調味，雞肉冇雪味。刺身冇腥味，不過油甘魚色澤差少少😣。烏冬比起想像中多料，冇諗過除咗昆布之外仲有牛肉😋。.銀雪魚西京燒定食（$118）外皮燒得香脆，魚肉保持嫩滑，即使買完半個鐘先食都毫無腥味。醬汁係帶甜味嘅麵豉醬，餸飯一流。雖然唔夠便當三段豐富，但呢道菜食得出食材夠高質素😚。.所有套餐附送沙律、麵豉湯。冇諗過沙律會有煙三文魚🤪。.🍣德美壽司將軍澳貿業路8號新都城中心1期地下99- 100號舖

呢間餐廳之前試過好鍾意，今日夜晚決定食多次。我今次就叫左個鰻魚飯定食，定食除左個飯之外仲有沙律、麵豉湯、同埋甜品。個沙律係帶子沙律，再加埋少少芝士粉好清新同特別，食完都開胃d。至於個主菜鰻魚飯亦無令我失望，每舊鰻魚都夠曬肥美，好有鰻魚本身嘅油香味，再用鰻魚汁撈飯食就更吸引。另外，我仲叫左一客鵝肝壽司，之前未試過所以覺得好特別，估唔到鵝肝壽司真係好正，雖然比較高膽固醇，但係間唔中食一次都唔怕嘅，好重油香未之餘作為壽司亦都好搭。

自己本身係一個日本餐愛好者屋企附近有一間叫做德美壽司、經常都見到有人排隊就算而家飲食業低迷嘅時候佢都經常好好生意其實已經想試咗好耐有一日中午嘅時間見咗人少少晏晝入去食咗個set lunch我揀咗個壽司套餐 件件都係我最鍾意食嘅淨係個帆立貝壽司三文魚子壽司🍣同埋吞拿魚茸壽司已經值回票價我坐咗喺吧枱上面睇住壽司師傅即造壽司乾淨雙手俐落原來set lunch 仲係包埋沙律同埋烏冬而且唔需要+1非常之高性價比怪得之城咁多人排隊

今晚買外賣番屋企食，德美呢度做緊外賣9折！！我就揀左日替便當三段（$88）、碎吞拿魚蓉丼（$118）。每份便當包左前菜三文魚沙律、面豉湯！前菜沙律菜好爽，加上沙律醋超正。另外面豉湯好多海帶，又唔會太鹹。日替便當有厚切三文魚、油甘魚各兩片。仲有玉子燒！就算外賣盒都擺得超靚！有曬立體效果，攞住行都無散。跟牛肉烏冬！好滑！外賣無分湯所以要盡快食！碎吞拿魚就略為淡味，要落多啲豉油同芥末先得，都幾大份！炸雞都幾正，點啲炸雞醬超惹味！外賣盒每個便當$5。

德美算係我其中一個飯堂，一個月至少食兩次，受到我既熏陶，我屋企人都變得愛食德美，今日父母問我晚餐去食德美壽司，我當然舉腳贊成。魚生丼同定食都會附送湯、沙律同甜品。沙律絕不馬虎，唔係只得蔬菜，仲有一大粒帶子。- 三色魚生丼三色包括橙（三文魚）、白（帶子）同紅（油甘魚），魚生多到覆蓋成個醋飯。油甘魚味道幾甘香，帶子一般，三文魚幾肥美。至於醋飯方面，飯粒黏度適中，酸度亦啱啱好，另外醋飯混入左冬菇片，更添香味。- 野菜牛肉鍋定食湯底係壽喜燒湯底，湯底幾香濃，溫泉蛋可以平衡返醬汁嘅濃度，另外牛肉嫩滑，蔬菜吸收左湯底精華變得好甜。- 什錦天婦羅包括茄子、冬菇、蘆筍、大蝦、魚同南瓜每款天婦羅既麵衣幾薄，不過炸得唔算均勻，例如南瓜，其中一面既麵衣剝落左。我應該大蝦>魚> 蘆筍>茄子>南瓜>冬菇。- 免治雞肉棒外皮有少少焦脆，調味啱啱好唔會太鹹。德美性價比仍然高，食物質素冇參差，上至魚生丼下至天婦羅都幾出色。

上個月食過德美對佢嘅海膽魚生丼念念不忘🤤於是尋晚去食晚飯又嗌咗德美特選海鮮丼- 海膽魚生丼$158入面有海膽，三文魚🐟油甘魚🐠帶子 熟蝦🦐蟹柳蟹籽🦀 三文魚籽🟠青爪絲🥒 海帶油甘魚特別肥美再加上切得好厚😻食落啖啖肉好好味😋而嗌餐仲會送麵豉湯🥣沙律🥗同甜品🍮今次跟餐沙律仲有帶子同麵包粒🤩小食方面嗌左鹽燒油甘魚鮫$90肉質鮮嫩，魚皮整到脆卜卜🤤而且好易食 唔會好多骨👏🏻因為比較肥膩所以會另外上一碗檸檬醬油咁就可以用檸檬酸味中和番油甘魚嘅油香👍🏻

得閒揾食去到tko行街~就上apps揾下睇下有咩餐廳推介。最鐘意食日本野的我，見到德美食壽司commemt唔錯，我地就捐左去食好西雖然地點唔係在當眼位置，但係餐廳卻滿座。相信一定係有一定的水準話明壽司又點可以缺少主角壽司呢勁大隻花竹蝦壽司，唔單止大而且仲好厚。完全大到唔知點放落口另外叫左活赤貝都係我至愛的日本直送海產之一天婦羅烏冬天婦羅好好味，最近冇得去日本，唯有食住日本餐望梅止渴一排先啦好彩仲有高水準的壽司店

其實壽司用材唔係過太新鮮叫左個$158 全壽司set叫左個$98 set 有個肥牛烏冬再配幾樣壽司海膽壽司，唔太鮮甜，但都唔苦，不過不失。吞拿魚茸壽司，打到好蓉，反而中意唔打咁爛，有小小肉咁。肥牛烏冬都好普通。只能說$68-98 食餐日本野都ok，唔好太大期望。

呢間都幾出名又要真正日式餐廳feel食過幾次紅磡寶琳呢間都係第一次食人都唔少疫情下幾乎坐滿一坐低經理會介紹吓有咩酒好飲有咩推介有set亦可以叫主餐牌嘅壽司同小食因為尋日食完壽司所以今晚揀set都夠德美特選海鮮丼超推介👍🏻一個海鮮丼大路嘅刺身都齊晒刺身鋪滿晒成個丼🥳基本上我全部都成日點嘅有海膽，蝦，蛋，三文魚子，蟹子，三文魚，帶子，蟹柳。。。最重要係海膽勁勁勁鮮甜味道起香🥰其實叫set好抵有哂湯，沙律，主菜，甜品沙律完全唔係hea嗰啲係凱撒沙律👍🏻甜品我就略嫌綠茶粉太苦

最近屋企附近開咗間日本餐廳呢間餐廳平時喺紅磡嗰邊都食過印象係價錢唔貴份量幾大所以有時夜晚諗唔到食咩就入去食一嚟到已經覺得呢度嘅嘢食唔算貴大大個德美海膽魚生丼 $158🐟🍱入面有三文魚海膽魚子蝦玉子等等壽司飯亦都幾好食 份量一個人食絕對夠飽牛油果軟殼蟹卷 $79🦀🦀份量有大概四舊 鋪滿左一舊牛油果另外仲有兩舊大大嚿嘅軟殼蟹鮮炸出爐 外脆內軟 我哋三個人食後尾都叫多咗一客enchore🤤芝士鰻魚卷$64🐟🐟呢個同平時食開嘅芝士鰻魚差唔多不過價錢就比軟殼蟹平少少黃金汁焗蠔 $40🦪🦪大大嚿 鋪滿左芝士 燒完之後都幾大粒唔會縮好多水原條魷魚筒 $32🦑算係最抵食嘅小食30幾蚊就有大大嚿完條嘅魷魚筒佢嘅燒汁燒落去都幾入味好快成條清總括嚟講呢間鋪頭係一間夜晚嚟食唔錯嘅日本餐廳刺身同埋壽司都好食

今日黎到將軍澳行街，經過這間壽司店，裝修好日式，我同朋友決定試下。等左一陣就有位。😌店員安排我地坐2人枱。樓底都夠高，空氣都幾流通😆👍🏻店員放下餐牌後便奉上日式綠茶🍵，飲落暖笠笠。睇下餐牌，有唔少丼飯，刺身，壽司，燒物同天婦羅🍤。晚餐仲有定食，包左主食，沙津，湯仲有甜品😋我地叫左2個套餐，一個係三色魚生🐟丼，另一個係活鰻魚🐟朴葉飯定食。店員好快手送左沙津同湯比我地☺️沙律方面，疏菜好新鮮，配埋沙津醬好開胃，仲有帶子刺身係入面😍湯係日式麵鼓湯，飲落好香，有海帶味😋三色魚生飯，入面有油甘魚，三文魚同帶子刺身，仲有一隻溫泉蛋係中間，魚子都係滿滿的🤩我地先將刺身放在碟中，再將溫泉蛋與飯拌勻，飯不是普通白飯，係用左香菇一起煮的醋飯☺️三文魚食落好彈牙，油甘魚唔腥都幾肥美，帶子超鮮甜😆👍🏻連埋飯一齊食又係另一個層次❤️活鰻魚朴葉飯定食，飯係用木盒裝住，可以keep 到個溫度，鰻魚食落有碳燒味，好香仲脆脆地，重點係唔多骨😆但飯先係精華所在，吸收左鰻魚嘅香味，仲有燒汁嘅味道，勁好食😍甜品方面，係傳統日式甜品-蕨餅，食落甜甜地，為今晚嘅晚餐畫上完美句號🤗值得一提係店員好有禮貌❤️

自從唔食某日本餐廳後，周圍搵好食嘅日本餐廳，估唔到德美都好質素！晚餐定食已經多選擇，即使今晚同唔太食得生冷嘢嘅友伴去食，都仲好多選擇，價錢亦都唔算貴！🍣🍚三色魚生丼三文魚、帶子、吞拿魚同蟹籽，仲有一粒溫泉蛋，而且珍珠飯飯量一啲都唔少，混埋溫泉蛋嘅蛋汁，真係絕配！魚生都係厚切，而且都好新鮮，三文魚魚油都豐富！壽司🍣叫咗幾件個人心頭好！帆立貝壽司、洋風三文魚同魷魚！大推魷魚，勁新鮮，入口仲食到魷魚獨有嘅口感，絕對係平時食個啲放咗好耐魷魚冇嘅嘢🤣🍲鍋燒烏冬烏冬份量勁大碗，都係用上好嘅烏冬，入口彈牙，配料份量唔少：魚蛋、大蝦天婦羅同大蔥之類！個餐仲跟沙律味增湯同埋芒果奶凍！

今晚與朋友來到將軍澳新都城廣場嘅德美壽司，時間只是下午六時幾，已經有不少客人用餐。這裏的裝修以木材為主，有日本氣氛，點了海膽魚生丼，魚生嘅份量多，刺身款式都幾多，有蝦，海膽，油甘魚，三文魚，三文魚子等，砌得好靚，啱曬打卡。另外再加一份油甘魚刺身，刺身有厚度，十分新鮮，肉質嫩話，油脂滿溢。壽司就叫咗鰻魚，玉子同瀨尿蝦，餐廳嘅餐牌好豐富，款式多姿多彩。 仲有串燒添，點咗雞軟骨，免治雞肉串，燒得好香。最後還每位免費送咗芒果奶凍，奶凍美味，奶味濃。