德美壽司 (新都城中心1期) (已結業)

限聚令之後我哋都好少出街食飯，多數都係嗌外賣，好彩係屋企附近有間高質素嘅日本餐廳，雖然唔算街坊價錢，但質素可以媲美銅鑼灣同尖沙咀嘅日本餐廳，我又鍾意連小朋友都好鍾意食佢。高價食品但用平啲嘅價錢就可以食到，lunch更加幾十蚊就有一個餐。除咗有主菜仲有沙律同埋燉蛋添。沙律菜好新鮮，食入口好爽口，佢仲有半粒帶子刺身，配埋沙律醬一齊食，酸酸甜甜好開胃。我今次就叫咗雜錦壽司，再加一碗牛肉烏冬，都係$99外賣仲有九折添。壽司好新鮮，睇吓隻蝦大隻過我隻手指，就知道真係真材實料，帶子肥美，食落口好鮮甜，吞拿魚茸份量好多，配埋香蔥增加口感，入口軟滑，好好味。雖然佢話係迷你烏冬，但係食落其實都好多好大碗，烏冬好滑索晒啲湯汁，小朋友都話好好味，一個午餐有咁多嘢食，真係飽到我晚餐都唔係幾食得落，所以我喺呢度食lunch真係好抵食，外賣就更加之抵。

母親節因為疫情關係打算外賣自取食物，一早6點前已到。拎定一早寫好的order給職員後就等待外賣(本人是第一位買外賣的)由6點等到8點，你無睇錯，足足等左2小時，堂食人客第一輪食完第二輪已入座，外賣還未得。期間比我遲來既外賣人客已取外賣。根本職員處理單子很有問題，最早既單壓到最後，遲過我半小時至一小時既外賣全數處理好，頭三張外賣單成為最後拎外賣 次序為第三 第二 第一(即係我)。第一位買外賣，但等左2小時成為最後一位先拎到外賣既人返到屋企，更發現職員在沒有詢問下自行決定某一款壽司變成另一款壽司。差評，母親節不愉快的經歷。不會再光臨的！

今日去將軍澳送貨俾個朋友，因為傾耐咗，就落樓下買啲外賣。平時都聽過朋友讚德美壽司用平民價錢可以享用優質日本菜，今日就一於試吓。依家外賣仲有九折優惠，真係好抵食！晚餐嘅選擇都好多，有魚生丼同定食，外賣就會配上麵豉湯同埋沙律。由落單至取食物大概等10分鐘。我就揀咗一份三色魚生丼，三色魚生即係有三文魚、油甘魚同帆立貝，上面仲舖上蟹籽，最驚喜係沙律內都加咗一粒小元貝，真心好味另外揀咗天婦羅烏冬定食，天婦羅分別有蝦、南瓜、茄子同埋蘆筍，而烏冬就用上鰹魚湯底，清得嚟又夠味，烏冬同兩片魚蛋都彈牙，呢個價錢我就覺得超值喇我覺得最出色係由買外賣到打開食相隔接近一小時，仍然保持到食物質素，魚生仍然新鮮，烏冬仍然彈牙，足以證明佢哋嘅食材質素相當高，抵讚

✨中女獨食難肥日誌 ✨德美壽司sushitokumi 將軍澳美食 中女食將軍澳一向也喜歡吃德美❤️得知疫情期間餐廳做外賣自取9折優惠，就來個外賣午餐定食😋暫未能去日本都可解解鄉愁😌壽司定食配牛肉烏東 $99（外賣有9折）定食包括6款壽司、厚燒玉子、牛肉烏東、沙律及茶碗蒸蛋，最適合又想吃壽司又想吃熟食的我！而且外賣亦絕不馬虎，包裝得很好，吃到堂食9成風味！讚👍🏼壽司有帆立貝、三文魚🍣、油甘魚、熟蝦、三文魚籽、吞拿魚蓉卷及招牌德美玉子！都很肥美新鮮！單單這盒壽司都值$100！好抵！沙律🥗沙律新鮮，還有煙三文魚！蒸蛋有水準，好滑！牛肉烏東也不錯吃👍🏼

德美網上好評如潮唔少網民都表示食過返尋味今日趁有空試一試今次小試牛刀已經感到相當失望😖壽司有 三文魚 北寄貝 同沙律貝柱雖然厚切 但用料感覺唔新鮮 味道稱不上出色 並非物有所值活鰻魚朴葉飯份量十足 但飯太少鰻魚汁 食落乾噌噌而蛋絲太甜 遮蓋左鰻魚嘅味道牛肉炒烏冬 汁過多 味道不佳類似平時茶餐廳嘅水準總括而言 實左太 失 望 🥺

疫情下好少堂食，多數買外賣，今天去將軍澳新都城，見到有間德美日本餐廳，攞起餐牌，樣樣都想食，最想都係鰻魚飯😋落咗單，等左一陣，店員有禮貌地攞出嚟，已經聞到陣陣香味☺️回到家，急不及待打開餐盒，鰻魚有四大舊，有焦香味又有鰻魚味，又夠厚，食落好滿足，加埋鰻魚汁嘅白飯，好好食👍外賣餐盒一啲都唔馬虎，跟堂食不遑多讓 ，配菜和餐湯....😊沙律蔬菜，夠新鮮！麵豉湯，夠香濃 ！茶碗蒸旦，夠晒滑 ！🤗見到餐牌上，仲有好多美味的食物，魚生飯，天婦羅，咖喱吉列豬扒飯，下次一定要試埋😄

剛好來寶琳這邊找朋友，記得這邊有家德美。平時去市中心的德美總是要等位，這邊可能比較少人一點，最近外賣自取還有9折呢。吞拿魚腩茸三色丼（$148）感覺飯量不多但吞拿魚腩茸多，正好適合晚上不要吃太多。晚市套餐還附上麵豉湯及沙律，9折後又不用加一，不錯！蟹子沙律（$50）分量非常驚人，而且外賣的擺盤也非常精美。底下滿滿的青瓜，再拌上蟹柳、蟹子及沙律醬。最欣賞的大概是沒有事先混好，怕肥還可以拿走一半沙律醬呢！

食物壽司刺身好難食，食材完全唔新鮮，海膽唔鮮甜甚至有啲苦，差評。朋友啲熟食反而ok，奉勸大家唔好食壽司。環境環境好迫，如果約會就千奇唔好去。服務特別差，朋友兩個熟食到曬，我同另外一個朋友叫左壽司定食，人地食完我地個個都未黎。不過我地係中午多人時段去既。

最近都在將軍澳站吃外賣，趁今日中午來到寶琳站買點東西，一於係新都城吃啦～見到將軍澳新都城一期這間日式餐廳幾人在等外賣，而且未吃過，一於就呢間吧。點了一個人氣推介：德美刺身便當外賣拎走，這個相當豐富的便當🍱，包括有刺身有和壽司各有三款、厚燒玉子、卷物和炸物，仲有沙律、味噌湯、茶碗蒸蛋和甜品。外賣包裝得很好，生和熟的食物各自分開放置，吃得放心。剌身非常新鮮味美，刺身蝦、三文魚非常正！果然有驚喜，特別喜歡厚燒玉子，面頭有其餐廳名字「德美」，蛋香有質感的厚厚燒玉子，一咬滲出香甜香甜，吃得滿足。另外，茶碗蒸蛋也很好，熱熱的每啖滑蛋相當味美。炸物選了海鮮野菜餅，也是很不錯的，炸得金黃，菜餅炸的粉漿不厚適中，香口又健康。原來將軍澳有一間咁正的日式餐廳，實在是正正子。

我已經食過好多次德美㗎啦！成日耐唔耐就心思思想食，因為每次都叫成個定食，食完都覺得好豐富，好開心😋價錢又好合理。上次食咗尖沙咀分店，今次嚟到將軍澳梗係要試埋佢啦！佢呢一間分店好大間，好光猛。俾人好有信得過，好安心嘅感覺😂今次買外賣返屋企食，因為疫症期間，德美都推出左外賣自取有九折嘅優惠。真係好貼心啊！三個餐加埋都只係二百幾蚊。我哋嗌左三個餐，每個餐都會送埋煙三文魚沙律同埋海帶湯。我勁鍾意食佢嘅燒鯖魚，就算拎到返屋企稍為冇咁熱，都一啲都唔腥。配埋佢附送嘅酸汁同埋蘿蔔蓉真係絕配😱我不停夾不停夾！😂另外想講一講嘅係佢哋嘅鰻魚飯都好唔錯喎！平時食開一個鰻魚飯都要二百幾，佢呢度百零蚊就食到！重要嘅係！！！！！鰻魚好厚身，一碗飯都有四大件。佢嘅飯仲有好多嘅鰻魚汁同蛋絲，真係好好食😱薑炒豬肉片都好唔錯，份量好多，味道又啱啱好。帶啲甜味嘅豚肉片真係好好送飯！食埋佢哋嘅沙律同湯，就真係啱啱好，好滿足啦！德美一直都冇令我失望😋讚！

德美嘅lunch set性價比非常高，相入面嘅三文魚子吞拿魚蓉丼都只係$118，但質素就比得上貴價嘅魚生丼😋吞拿魚蓉分量非常充足，上面加左蔥絲同芝麻，食落非常香口；三文魚子非常鮮甜，大家不妨去試下🤣

最近由於疫情嚴重嘅關係政府就推出左每一間餐廳都要最少有1.5米距離，每枱唔可以多過4個客人德美壽司呢一間舖頭就真係做得好足嘅但係呢好多人等堂食嘅關係所以我決定外賣！再加上佢外賣自取有九折嘅優惠係屋企食又舒服啲又安心啲所以外賣都係不失係一個好選擇睇返餐牌嘅選擇非常之多咁我今日呢就叫咗一個壽司定食配牛肉烏冬佢當中仲配上左茶碗蒸同埋沙律非常之豐富呢度外賣嘅速度非常之快唔需要10分鐘就已經送到去我手上其實外賣同埋堂食真係冇乜太大嘅分別依然都係咁好食首先仍然都係好新鮮嘅，帶子非常之厚身，三文魚同埋油甘魚都係好肥美，油脂滿溢！牛肉烏冬唔好睇佢好似細細碗咁但其實非常之飽肚牛肉嘅份量非常之多呢一份絕對係一頓豐富嘅午餐！外賣九折完再拎返屋企可以舒服咁樣食絕對係抗疫餐廳之選🤣

今日係德美叫外賣，其實同堂食一樣咁高質!魚生三色丼攞到返屋企都照樣保持到鮮味，魚生有三文魚、吞拿魚同埋帆立貝，三文魚係新鮮之餘肉質好彈牙，魚味濃郁而且帆立貝大大粒又爽口，加上其他配料一齊食基本上同堂食冇分別，拍得住酒店既水準!另外仲有叫咗海鮮炒飯，海鮮有魷魚、蝦、帶子等等，基本上同飯既比例係1:2，每食一啖飯一定會食到其中一樣海鮮。飯係用咗珍珠米，加上調味令每粒飯都好香，好出色而且食完真係返唔到轉頭!下次會再試其他炒飯類別!

留家抗疫多時..都要外出伸展一下今日去咗將軍澳新都城嘅德美壽司德美壽司久仰大名今日終於可以一試魚生丼擺放到似藝術品仲有當然係佢地最出名諗印住德美嘅玉子啦刺生非常新鮮螢光魷魚仔非常野味雞翼串燒香口三文魚腩 厚切壽司非常精彩勝價比極高

放假同媽咪拍吓拖仔 去咗食我哋兩個最鍾意食嘅日本菜🤪《三文魚X炙燒三文魚X海膽魷魚X炙燒左口魚裙邊壽司》三文魚🍣不過不失啦 魷魚壽司上面嘅海膽亦尚算鮮甜 反而炙燒左口魚裙邊壽司係我最推介嘅✨ 油脂豐富超香口我每次食左口魚裙邊一定要食炙燒過嘅 因為咁先至逼到啲油脂出嚟 做到入口即溶嘅效果《牛油果軟殼蟹卷》因為嗌咗天婦羅蝦 所以卷物方面就叫左軟殼蟹 呢個配搭食落感覺上就健康啲但牛油果嘅卷物未必個個都鍾意 好唔好味就睇你個人喜好喇《雜錦天婦羅》其他天婦羅可以唔講 但佢個天婦羅蝦🍤就一定要提 大隻不特止 咬落去鮮甜爽口 大大超出我嘅期望 大家嚟一定要試😋《牛舌串燒》最後當然唔少得媽咪最鍾意食嘅牛舌串燒 佢都稱得上係牛舌嘅專家 佢話好食嘅就一定唔會差得去邊😼