德美壽司 (新都城中心1期) (已結業)

黎到德美，除左叫壽司、刺身外，原來牛肉炒飯係咁好食 未上哂枱，個炒飯已經渣渣聲咁，索到一陣香濃飯焦味即刻用匙羹去攪拌埋D牛肉！ 底下既金黃色飯焦真係一流 ‘飯氣’十足啊！ 可惜牛肉就細細粒，不過勝在量多 ————————————————————-We came here not only for the sushi none sashimi but Beef Fried Rice, definitely a must-eat,the golden crispy rice on the bottom were so delicious and mixed with so many beef (although the size of the beef were so mini😂) !

原來德美分店已有好幾間，開到將軍澳，咁啱呢邊做完嘢，又見到外賣有九折🤩之前喺黃埔返工，個個都視之黃埔名物㗎，確實係性價比高，咁一於買個外賣返屋企慢慢嘆🍣🍣外賣連擺盤都一絲不苟，一啲都唔馬虎㗎！其實我仲用咗差唔多30mins先返到屋企，食物都冇話飛到出哂界，依然賞心悅目💁🏻‍♀️🔸三文魚土壽司🍣 $28近shot真係冇飛到出哂界㗎，魚生同飯無分離👍🏻三文魚🍣厚切，豐盈油脂，雖然唔係腩但都好rich而且新鮮😍100%推介⭐️⭐️⭐️⭐️⭐️🔸德美海膽魚生丼 $158丼飯好豐富，有海膽三文魚，蝦，油甘魚，帶子，三文魚子，甜蛋樣樣依材新鮮，魚生多到飯都見唔到👀所以食到最後一啖飯都仲有魚生，毫不話吝嗇！

次次lunch time嚟到德美壽司都full house，今日都唔例外，所以唯有叫個外賣自己返屋企毒食lunch嘅menu有放係餐廳出面，方便我揀個lunch set，等嘅時間都好短，拎完個刺身丼，快快手返屋企享用佢每一樣小品都有個盒仔裝住，係疫情時期，咁樣真係食得幾安心打開啲蓋，發現同堂食嘅lunch set感覺差唔多，完整嘅定食，有前菜沙律，味噌湯同茶碗蒸唯一美中不足嘅可能係個茶碗蒸冇堂食嘅時候咁靚，始終一邊行返屋企都會震爛啲蒸蛋主角係滿滿配料嘅「海膽魚生丼」，首先顏色望落好sharp好吸引，橙紅嘅魚肉同海鮮加上翠綠嘅青瓜絲同蘿蔔苗丼飯上面嘅材料有：加拿大海膽，蟹籽，三文魚，油甘魚，熟蝦等等其實我估啲材料係師傅覺得新鮮就會放，因為真係每樣刺身都好冰凍好鮮甜蟹籽脆卜卜，食落口發出好利落嘅嚼嚼聲海膽鮮甜有海水味，食落唔腥，三文魚肥美嫩滑，加上其他魚生，真係一次過滿足好多個願望沙律爽脆，蒸蛋嫩滑，入面仲有啲雞肉同蟹柳味噌湯一如既往有海帶同蘿蔔最後食完好飽好滿足今日自己食所以外賣返屋企，估唔到都幾高質，仲好有日式小店嘅感覺如果下次有朋友陪我食，仲想試埋佢lunch嘅人氣之選「德美刺身便當

◾️今次要介紹嘅餐廳係位於將軍澳寶琳嘅德美壽司，主打日式料理。我哋大約中午時間去到，發現都多人係等候緊，所以決定外賣佢哋嘅午市套餐。Sushi Tokumi is located in Tseung Kwan O Po Lam, specializes in Japanese dishes. People were queueing for lunch even we have arrived at noon, so we decided to make a takeaway order of its lunch set.◽️壽司定食配牛肉烏冬 (Assorted Sushi with Beef Udon) $99有六款壽司，整體都好新鮮。魚生嘅份量幾慷慨，當中較欣賞帆立貝同三文魚子壽司。牛肉烏冬唔錯，烏冬煙韌而牛肉唔會太肥。沙律感覺清新，而且仲配有三文魚作點綴。蒸蛋雖然賣相一般，但味道比想像中好，而且質感仲好滑。整體而言，外賣仍然能夠保持一定嘅水準，而且價錢都合理，值得一讚。There are six types of sushi, all of them tastes fresh an

今日難得想係屋企附近搵下有咩好西食，於是周圍行下睇下食咩好，見到呢間閒日都甘多人食，仲要有人等位，就想話試下好吾好食。見佢外賣9折，於是吾想等位又吾想自己一個人係餐廳食既我，就決定買返屋企食好了睇睇menu午餐既選擇都可以，價錢還可以，吾算好貴，日料黎講都算平。諗左好一陣，都係決定食剌身便當，menu都有寫清楚每個餐有咩係入面，吾錯，至少很清楚有咩食到。外賣要加5蚊外賣盒錢，不過有折之後，夾夾埋埋，其實都扣左個外賣盒錢，都比平時抵既。返到屋企拆開黎睇睇，賣相都吾錯，同menu講既野一樣，不得不提既係魚生的確很夠厚，也很新鮮肥美，不過個wasabi 就吾係好辣，醬油都有另外裝開。可以簡炸雞或者係蔬菜餅，我簡左炸雞，食落都幾滑嫩，都脆既，大大粒炸雞，沙律醬味道相對淡點。壽司方便還可以，相對其他比較一般。小菜方面都可以，份量吾多。下次可以去鋪頭入面試下，睇下外賣同堂食既分別。

最近疫情關係，見到好吸引嘅餐廳都盡量外賣返屋企食。經過見到將軍澳都有德美壽司，忍唔住要買個餐食下。午餐order咗海膽什錦魚生飯。乜都有d, 仲跟埋味噌湯．沙律．茶碗蒸蛋 同 甜品。重點係有我至愛嘅海膽。魚生刺身好新鮮，份量一d都唔少。一個人食完已經飽到夜晚。Menu上仲有好多款式都好吸引😍質數比其他連鎖日本餐廳更好食。餐廳環境好舒適，今餐100蚊都唔洗，好抵食呀。下次要帶埋屋企人一齊嚟晚飯，試多d款😂

Stay home🏠 enjoy my Sushi time🍱❤️..有時想食下壽司🍣🥢，但呢段時期 又唔想出去食，外賣回家最好不過。一邊煲劇，一邊食壽司，有時候躺在家hea下都幾舒服。 -想食壽司，找間質素不錯既壽司店不能少。呢間日本野印象中不錯，午市堂食免收加一，而且正值抗疫期間，外賣仲有9折優惠啊啊啊。好吸引 真係好抵食。-l[壽司定食配牛肉烏冬]l $99Assorted Sushi (6pcs) with Beef Udon(套餐包括：壽司6件，厚燒玉子，牛肉烏冬；附送沙律，茶碗蒸蛋，甜品）一個餐好豐富❤️，有壽司🍣 又有熱食🍜，仲有前菜🥗🥚添。壽司質素算不錯，刺身又有我愛既帶子、三文魚，魚籽亦鮮甜。-就算跟餐沙律🥗，都有一粒帶子刺身。茶碗蒸蛋🥚 雖然冇賣相，但都夠滑。而牛肉烏冬🐮🍜，就算外賣到家，都沒有浸淋 保持住煙韌口感。..在家吃個壽司外賣，都可以吃得好開心又精緻。..×××壽司 -Sushi Tokumi]××ש將軍澳貿業路8號新都城中心1期地下99-100號舖..

第一次食德美係去尖沙咀個間個時覺得d野好食，新鮮，價錢合理真係食日本野唔錯嘅選擇今次去左將軍澳嘅德美食晚餐好彩我地早去，大約7點倒如果唔係又要排隊（大約7點打後會開始有人排隊）我地叫左2個定食每個定食都有麵豉湯 同 沙律最鍾意食佢地嘅沙律🥗💛有粒大大粒嘅帶子😋😋😋一d都唔馬虎！壽司定食配牛肉烏東魚生好新鮮👍🏻👍🏻👍🏻同埋全部都厚切唔會有渣玉子好滑，又夠厚我次次都係食完全部野最後食玉子😛德美海膽魚生丼海膽一d都唔腥而且比得好大舊😍😍魚生同樣係厚切👍🏻雖然飯比得較少但係通常食日本都都係一邊飲茶一邊食就會飽hahaha魚子好正👍🏻👍🏻👍🏻👍🏻👍🏻最後甜品係一舊抹茶蕨餅味道不過不失食完飯最後嘅少少甜都唔錯嘅🙈🙈🙈服務方面，員工好勤力幫你加茶，拎走食完嘅碟友善👍🏻👍🏻👍🏻雖然佢好趕住執枱比下一輪嘅客人但係都唔會覺得趕你走咁嘅～

今晚唔想煮飯，因為返工太累。想食日本嘢，於是返到屋企附近就去咗德美，呢間係我覺得一直都能保持水準嘅料理店。兩個人，點了豚肉生薑燒定食，三色魚生丼，蟹肉忌廉薯餅，炒野菜，沙律，味噌湯。先講個薯餅，極之creamy但唔膩，好香口。魚生丼入面嘅魚生好鮮，仲有隻半生熟蛋，有驚喜。味噌湯不太鹹，飲完不會勁飲水。生薑燒定食就不過不失，豚肉不韌之餘食落有燒過的味道，份量亦足夠一個男士。總括而言，每次食德美都好滿足，掂!

今日好想食壽司，將軍澳冇乜邊間高質，原來新都城有間睇落好認真製作壽司既店🥰一去到門口發現好多人排隊呀，打算去食既人要早少少呀🤣我都係外賣自取算，仲有9折添！.壽司定食配牛肉烏冬 $168 套餐有7件壽司加1粒玉子，牛肉烏冬，麵豉湯同沙律。壽司拼盤好吸引😍每一件都好用心製作唔馬虎，魚生好新鮮牛肉烏冬啲烏冬好煙韌，湯底都調得好飲沙律有片煙三文魚🥰好清新.加州卷 $48加州卷一向比人感覺都好頹，但呢份加州卷好有驚喜！加入牛油果令成件事高級左，青瓜切絲都令口感易食左，仲有沙律醬同大量飛魚籽，一啖食落去好滿足😋

約左朋友傾野要上人屋企，趕唔切又有少少餓，買個外賣仔上friend度食。朋友介紹話呢間德美好食嘅，咁咪試試。又唔多肚餓，叫左幾款壽司外賣，比我個 friend 話我唔識叫同專叫貴野⋯⋯哈但又好彩我叫下啫，如果唔係我同佢點會知散叫嘅海膽壽司係咁鮮味呢？另外有叫拖羅茸、帆立貝、同埋蟹膏蟹肉，全部都逼近日本市場食嘅水平。我個friend叫我下次試魚生飯嘅set，好啦既然壽司都咁高水準，即係魚生唔會差啦，下次聽佢話試試先。

雖然依家熱情稍為舒緩 ， 但係叫外賣嘅人數仍然都幾多 ，而今晚就跟隊係德美壽司叫咗兩份外賣。 唔好以為叫外賣就少緊啲嘢 ，呢到每份定食都包括咗麵豉湯同埋沙律， 外賣亦都唔會畀漏咗。沙律係三文魚沙律， 沙律菜新鮮而三文魚亦都肥美。麵豉湯唔過鹹， 有豆腐亦都有海帶 ，暖暖胃熱下身就最好。活鰻魚朴葉飯定食108朴葉燒鰻魚飯， 整個定食的份量都幾多 。原先就很肥美的鰻魚加上朴葉的鹹香後，吃起來更為下飯。 鰻魚本身肥美肉厚，肉嫩不嚡，飯粒口感好，又滲了葉香，不錯。銀雪西京燒定食118燒好後的銀鱈魚表面金黃， 雪白的魚肉帶有淡淡白味噌甘甜，配上日本米飯簡直一流！

今晚買德美外賣做晚餐，餐牌有多款選擇，魚生丼飯及定食比較適合外賣，每個主菜都已包味噌湯及三文魚沙律，份量不少。現在外賣還有九折優惠，更加抵食。選了一個三色魚生丼飯，三色分別為帶子，三文魚及油甘魚，賣相當然不及堂食好，回到家温泉蛋有點散，但刺身厚切，新鮮肥美，每款刺身都有兩,三片，魚生飯上除了有刺身及温泉蛋，還舖上大量蟹子，魚生飯的飯身本身應該已經調味，所以加少許醬油及芥末已經很好味。另外點了豚肉生薑燒定食，份量足，甜甜的薑汁十分好送飯，豚肉不會煮得太老身。

最近HomeOffice多咗時間係屋企，一於叫個外賣同屋企人一齊慢慢嘆！知道寶琳有依間德美壽司好出名，成日都好多人排隊，今次一於嚟試吓啦，唔同嘅係今次買外賣，質素都仍然保持得咁好🤩👍🏻帶咗兩個午餐set，好豐富呀💕滑蛋雞扒飯雞排有好多塊，好嫩口好有雞味，係日式炸雞扒味，配埋滑蛋食簡直一流！蛋仲要整到好香滑❤️高質午餐便當！仲有沙律、蒸蛋、味增湯好正呀，係三文魚沙律，滑蛋仲要超滑，好友日本式嘅感覺😛滑蛋豬扒當同樣係配沙律、蒸蛋、味增湯超超超好味！豬扒肉質細嫩，仲加咗蘑菇、洋蔥、滑蛋一齊食，口感好豐富，而且廚師一啲都唔吝嗇，每一樣材料都好多好豐富😍有驚喜嘅日本餐廳，估唔到外賣都可以維持到食物質素，食到好飽，以後都會再嚟食💕🤩

自疫情以來，多了時間在家食飯。但放工山長水遠，回到家無時間煮，有時都會外賣。我跟某人很喜歡到德美，因為食材新鮮，味道又保持到水準。現在更有外賣自取9折優惠﹐對愛食日本菜的我們，沒有不食的理由。落單後，大約10分鐘已經出到食物，真的好快手，當即回家用餐。我們二人雖然食量不算大，但因為德美的確味道一流，所以忍不住，除了每人一個定食外，另加兩個小食，這餐晚餐實在豐富。9折後，兩個定食加兩個小食不用300﹐而且份量除了足夠我們二人晚餐外，還可以留多一份作為我第二日的午餐飯盒，真抵。豚肉生姜燒定食 - $78用了日本珍珠米，粒粒分明，入口煙韌有嚼感。豚肉份量十分多，煮的時間剛好，肉質沒有過老，配洋蔥一起，醬汁帶少少甜味，十分可口。定食跟日式麵豉湯及沙律。回家要一段路程，雖然隔了一段時間，但麵豉湯仍然微暖，好香濃，除了一大片海帶，還有少量甘荀及豆腐粒粒。沙律一點也不求其，除了菜十分新鮮、爽脆外，中間還夾有一粒帶子刺身，配沙律醬，十分開胃。三色魚生丼 - $118同樣配日式麵豉湯及沙律。三色分別是三文魚、油甘魚及帶子，中間放了溫泉蛋，而上面舖滿粒粒魚子。這個真心推介，性價比十分高，上面的魚生刺身大大