德美壽司 (新都城中心1期) (已結業)

放假食lunch間唔時都會行過嚟寶琳德美，貪佢夠多選擇。講真佢食lunch算係幾抵，100蚊有找由前菜食到甜品。我通常都係揀壽司+牛肉烏冬～前菜係沙律，冇乜特別，不過都好少會對前菜沙律有咩期望；壽司都幾好食，仲要有好多件，再加舊細細地嘅蛋，款式都幾多，味道係中中等等嘅質素，但唔會食到腥味，呢個價嚟講算係咁；牛肉烏冬嘅牛肉有少少瘦，不過都夠淋身；甜品係泡芙，唔太甜，但有啲凍哈哈。總括嚟講話超好食就唔算，但CP值相當高，所以想平平地食日本嘢就好啱喇。

今晚屋企無飯食，本來想叫外賣，最後決定去德美食個Quick Dinner，見到佢地都做緊外賣自取9折優惠。之前食過幾次，中意呢度d魚生飯幾有誠意，厚切上枱，唔係薄薄地hea你嗰種，會keep住幫襯。《德美海膽魚生飯 $158》魚生丼或定食均配沙律及味噌湯，沙律菜新鮮，配上帶子一隻，上面撒上芝士粉，味道幾得意。海膽魚生飯勁足料，賣相精美，款式亦好多，包括海膽、三文魚、油甘魚、帶子、三文魚籽、蟹籽、蟹棒，以及印上「德美」二字的玉子。先來一口海膽，口感細膩鮮甜，算是不錯。三文魚籽每粒脹卜卜，鮮味四溢，連埋飯一齊食好滿足。三文魚、油甘魚新鮮肥美，5塊同樣厚切，絕不馬虎；帶子則中規中矩，質感肉厚，無雪藏味，不過未夠甘甜。米飯卻有小驚喜，醬油飯配上香菇、昆布和芝麻，酸酸甜甜，鮮味提升，飯粒分明有咬口，唔需要再蘸醬油已經好好味。

德美已經喺寶琳開咗好耐🥰今次我哋揀咗個精選二人套餐🤤🤤外賣自取仲有九折😍近排疫情可以考慮幫襯呢一間🤤1. 前菜+麵豉湯：前菜係一碟份量好大嘅螺肉🤤味道都okay，唔似擺左好耐的😌麵豉湯好足料🤤2. 和風沙津呢個又係份量好大，有一大個湯碗嘅份量，入面主要都係以生菜同車厘茄為主🥳3. 油甘魚壽司 & 三文魚刺身🤤壽司同刺身類好快上左菜😆而且食材好新鮮😌如果壽司嘅飯可以再實d就更perfect 🤤4. 日式牛肉烏冬&野菜牛肉鍋開頭以為係同一款菜式😳點知店員拎上枱真係嚇親😱原來係兩款唔同嘅菜🤤而且牛肉烏冬仲要一人一碗😌烏冬嘅牛肉類型係肥牛，牛肉肥膏唔多🤤食落去都唔肥膩😏😛牛肉鍋湯嘅牛肉係鮮牛肉🤩牛肉味好濃👍🏻4. 鯖魚鹽燒🥰鯖魚慢工出細貨🤤師傅將鯖魚醃製得剛剛好🤤而且有烤過的味道，條魚都算係冇骨同滑嘅🙊Jeng💕5. 什錦天婦羅🤪又一足料之作💕有兩隻大蝦，大家唔洗爭😆😆大蝦肉質有彈性🥰其他蔬菜都整得唔硬😬🤩

星期五下晝點零鐘門口已經擠咗十個八個人等候，一行四人等咗大概15分鐘就有位，lunch set嘅選擇都幾多，有平有貴，魚生食落去都幾新鮮，有咁嘅價錢有咁嘅質素，對於一個casual嘅lunch來講，都叫做平靚正。lunch set包左沙律、味增湯、蒸蛋和甜品，可以一次過黎晒就好啦！食物分量都唔錯，但係個Bento box就大左啲，望落去有點空洞，所以影相出嚟效果都冇乜驚喜。服務員態度亦都唔錯，有禮貌，有效率，值得再去。

係將軍澳想食壽司，其實唔想大型連鎖都多選擇嘅！個人鍾意食德美，除咗壽司刺身都好多選擇！今日第一次試佢嘅鰻魚飯定食！本身都冇乜期望！點知唔係平時嘅急凍鰻魚，鰻魚肥美肉厚，肉質嫩滑，而且都冇碎骨！另外飯帶有少少朴葉香味！壽司方面，叫咗甜蝦、魷魚、三文魚腩、帆立貝同蔥拖羅茸軍艦！唔食大型連鎖嘅日本餐廳，就可以食到啲新鮮嘅壽司，個人最鍾意德美用料新鮮！另外朋友都叫咗個鍋燒烏冬，烏冬口感彈牙，配料有天婦羅蝦蟹柳同雞肉，份量都唔少！個人認為食壽司配生啤最夾！啤酒嘅苦澀味可以減少油膩感！最近香港又有本地感染個案 我自己之後都會叫多啲外賣食 咁岩德美外賣有九折優惠！

食物質素一般，態度劣質。坐位近出風冷氣口，想安排轉位至空枱。服務員話枱俾人訂左。我問：不嬲冇得訂枱，點解而家有些服務？服務員： 特別客戶先有訂台服務。我問： 點樣先成為特別客戶？服務員：識老闆就可以。真心唔再幫襯，因為唔識老闆

豚肉生羌燒定食套餐，包括有豚肉生羌燒便當、味噌湯、帆立貝沙律；豚肉生羌燒便當包括有生羌豚肉燒、沙律、白飯；生羌豚肉燒味道咸甜帶辛，生羌口感軟腍，豚肉肥瘦即中，肉嫩多汁，好入味；沙律嘅各款蔬菜都好新鮮，口感爽脆；白飯軟硬適中；味噌湯味道咸香，昆布爽滑；帆立貝沙律嘅帆立貝口感厚肉、彈牙，鮮味十足，凱薩沙律味道正宗。蟹子沙律，份量大，蟹籽口感脆口，蟹棒味道鮮甜，青瓜口感脆口，味道清甜，配以美乃滋食用，味道更佳。

前幾日想食德美壽司😍個場 Full 晒😔所以就叫咗外賣.活鰻魚朴葉飯定食🍱鰻魚都幾肥美，香嫩細滑帶少少咬口😆蒲燒汁甜甜哋，但係唔夠撈飯食🥺面頭嘅雞蛋絲同黃蘿蔔🍳令成個飯更加開胃😋沙律🥗加咗芝士粉同麵包粒🧀🍞豐富唔少😌味噌湯入面有好多海帶🥣.海膽手卷，海膽量啱好☺️味道鮮甜又唔腥，淡淡嘅海水味.北寄貝壽司🍣厚身爽口.蟹柳壽司就普普通通🦀.熟花竹蝦壽司🦐花竹蝦勁大隻😱仲好彈牙

壽司癮突然發作，但有事做緊行開唔到太耐，唯有外賣自取壽司拎返去嘆。睇MENU都幾多款式選擇，價錢由六十幾至百幾蚊不等，豐儉由人。今次叫左 壽司定食配牛肉烏冬($99)，呢個SET有壽司6件、厚燒玉子、牛肉烏冬、沙律、茶碗蒸蛋、甜品，以1個SET入面有咁多野可以食，認真豐富開餐之前影張合照先壽司6件：佢預設6款壽司，不設自選，今次有三文魚、吞拿魚蓉、油甘魚、熟蝦、帆立貝、三文魚籽軍艦。壽司飯都握得好好，唔會一夾起就散。每一款都好新鮮，特別係帆立貝，真係好鮮甜熟蝦就肉質彈牙厚燒玉子：玉子上面有佢個招牌名「德美」喺到，相當吸引，食落去都幾甜，而且口感唔錯，幾軟身沙律：今次係三文魚沙律，份量唔算多，不過作為前菜開下胃都幾好牛肉烏冬：牛肉數量都OK，食落去味道唔錯，裡面仲有D魚片、昆布、粟米粒等配料。雖然烏冬冇分湯裝，但拎返去食時，烏冬都依然彈牙茶碗蒸蛋：估計係拎返去時震到散開左，所以賣相唔算理想，但食落去嘅味道仍舊不減，蒸蛋好滑身好香蛋味，裡面仲有D菇、蝦、蟹柳配料甜品：明明我睇MENU呢個SET係有甜品，不過拎到返去開餐先發現唔見，唔知係跟漏左，定係要堂食先至有佢呢到外賣自取會收取外賣盒$5

自搬家後，我經常單獨一人到附近商場閒逛，這天就來到新都城shopping~在地下看到「德美壽司」，本想入內吃一個豐富的午餐，可惜人客大多，加上1.5距離，最後決定外賣算了~餐牌上定食選擇極多，價錢親民，基本上全都附上沙律、味噌湯、茶碗蒸蛋等。德美幕之內便當內容豐富，包括有刺身、厚燒玉子及小食，而燒物更可從八款食物中，安指示選擇兩款，當然，便當已包 沙律、味噌湯、茶碗蒸蛋、白飯及甜品等。燒物方面，我選了一夜干(花魚)及天婦羅，一夜干經醃漬及風乾後，魚肉味道份外鮮甜，魚肉入口緊實，口感不會「乾爭爭」，佐飯非常合適~天婦羅份量不少，當中有炸蝦、茄子及南瓜，口感酥脆，炸漿薄薄的，不厚實，蝦肉彈牙，南瓜超香甜~三文魚刺身是厚切的，甘香肥美，入口帶有三文魚獨有魚脂香味，厚燒肉子味道香甜，帶有蛋香。沙律、味噌湯、茶碗蒸蛋茶碗蒸蛋入口滑捊捊，蛋味濃郁，而味噌湯味道剛好，不會過鹹~

午市有多款定食選擇，地方也不少，開放式廚房，師傅在冰櫃裡拿魚生，有一個玻璃器皿放了不少爬來爬去的蟹仔，下次有機會想試下。而冰櫃前面就有幾個bar枱的座位。定食配有迷你沙律，茶碗蒸蛋及味噌湯。沙律是普通玉米及生菜。蒸蛋滑溜，有少量配菜，味噌湯味道正常。主角雜錦魚生飯，有蝦，蟹籽，三文魚籽，海膽，油甘魚，德美玉子，蟹柳，鋪滿在白飯上，多款食材可滿足貪心的顧客。食材新鮮，但個人喜愛加了壽司醋的米飯，這樣配搭會更美味。

因為疫情嘅關係, 所以好耐都冇喺餐廳堂食, 今晚忽然間想食日本嘢，所以就去屋企附近，之前都食過嘅德美買外賣， 而家外賣仲有九折🔸壽司烏冬set $168裏面有6嚿壽司， 2嚿玉子一個細牛肉烏冬，仲有個餐前嘅沙律同埋麵豉湯🍜份量相當足夠，D魚生好新鮮同好味尤其係熟蝦壽司，超大隻同彈牙三文魚同帶子壽司亦好鮮甜🐠惟獨三文魚子軍艦，可能因為焗住咗, 所以返到屋企紫菜已經諗曬，啲三文魚子跌曬出嚟😔同埋我唔係好鍾意食三文魚子, 因為覺得有啲腥🤭但佢呢度啲三文子完全唔腥， 加埋佢新鮮嘅wasabi, 令我完全接受, 整體嚟講佢啲壽司新鲜同好食嘅👍🏻👍🏻

寶琳呢間日本餐廳之前係其他地方都試過佢既分店 記得質素都幾好 今日突然想食日本野 咁啱有太多人所以就買咗個外賣食北海道魚生丼$138分別有甜蝦三文魚帶子鯛魚子等等嘅刺身仲有沙律同埋麵豉湯 壽司飯入邊有紫菜同埋冬菇食落去更加開胃芝士鰻魚卷 $64呢個價錢有四舊大大嚿嘅 壽司上面鋪滿晒魚子 中間有忌廉芝士同埋鰻魚好開胃㗎食落去其實嚟咗幾次食嘢每次夜晚都幾爆滿 而且呢度嘅嘢食質素都幾好 不過就建議如果大家想食最好就避開繁忙時段早少少嚟食

日本野我全家都好鐘意食架，係屋企食左咁多餐，係時候食下D屋企煮唔到既，抖抖喇。但講真依家帶住小朋友出街食飯真係好麻煩，又要攪口罩，又怕周圍摸，仲要怕會感染，始終仲有新確疹個案。所以今次就決定外賣自取，拿拿聲出去拿拿聲返黎。今次就去左寶琳港鐵站對住新都城商場1期既德美，呢間店由招牌到餐廳內裝修都好和風，加埋三個壽司師傅企係中間既壽司吧，成件事真係好正。今次叫左「德美幕之內便當」，入邊係自選配自己想食既餸，我就叫左豬軟骨同天婦羅，便當仲跟埋刺身、厚燒肉子、小食、沙律、 味噌湯茶碗蒸蛋 同埋甜品。一個便當份量已經夠我同小朋友一齊食。豬軟骨好入味，甜甜地入口即溶，撈飯食一流。刺身好大件唔係伴碟細細舊，仲有倆種魚類，好新鮮。茶碗蒸蛋夠晒滑， 熱辣辣好好味。天婦羅大蝦好大隻。第一次試真係唔知佢地咁高質素，下次要同屋企人坐底慢慢食先得。

疫情關係，好耐都無出行食飯，最近好想食日本野，諗起屋企附近間德美外賣仲有9折，所以決定外賣返屋企食，感覺安全啲！晚市定食價錢合理，每個定食都包埋麵豉湯同煙三文魚沙律，好豐富！天婦羅烏冬 $88原本唔諗住叫湯類既定食，驚外賣返屋企會淋晒，但天氣咁熱唔係好想食飯，所以決定試一試！估唔到外賣同堂食都唔差好遠，烏冬依然煙韌彈牙，再配埋鰹魚昆布湯底，好清甜。 天婦羅有蝦、茄子、南瓜、蕃薯、蘆筍，值得推介係大蝦，用料新鮮，食落鮮甜爽口！銀雪魚西京燒定食 $118銀雪魚燒到表面金黃色，白麵豉醬醃得好入味，食落香甜，魚肉嫩滑，用黎送飯食好好味！性價比高嘅日式餐廳，無論堂食定外賣都一樣咁好食😋