微辣大排檔 (已結業)

微辣片就睇得多，餐廳都係第一次幫襯，原本才想試小炒，但今日大排檔無開，所以轉左食冰室，即係食豬扒包同車仔麵裝修富懷舊氣息，也有不少微辣的海報大利來記 豬扒豬仔包$38包烘得幾脆，豬扒都好大塊自選車仔麵 （呢碗$118）配搭如下：鮑汁鮑魚、上湯花膠，Yelo咖喱陳皮魚蛋、豆卜、豬紅、手打蝦丸、泰仔腸(冬陰功香腸)、蝦籽柚皮、幼面、清湯、微辣辣汁、唔鐘意加蔥鮑魚係平日罐頭鮑魚嘅味，其他配料嘅份量都好多，其中蝦籽柚皮係平日比較少見的，甜甜地，柚皮厚身，煮得好鬆軟，手打蝦丸的味較淡自選車仔麵（呢碗$179）配搭如下：白菜發記豬肉餃(自家製)、Yelo咖喱陳皮魚蛋、通菜、金針菇、手打蝦丸、手打墨魚丸、韮菜發記豬肉餃(自家製)、粟米發記豬肉餃(自家製)、麻辣發記豬肉餃(自家製)、蘇霖柱候牛腩、油麵、清湯、唔要醬汁、鐘意加蔥、瑞士雞wing另外叫多杯霍哥頂得住（珍寶青檸樹）$32好fresh好大杯，食完濃味車仔麵，好啱飲

今日經過微辣大排檔，試下個豪Dee車仔麵。食之前，有個靚仔都提示我未必食得哂，但人呢就硬係任性。點知真係大碗到食唔晒員工氣氛亦非常歡欣，非常好尤其成頭金毛嘅男仔成手紋身嘅女仔同埋全場最高嘅男仔，抵讚

微辣就聽得多, 原來宜家微辣仲開左一間餐廳係新城市廣場呀~~~門面裝修得好得意, 有少少似懷舊既香港茶餐廳~難得weekday都想出街就去左喱間餐廳試下~餐廳內有唔同既影相位~例如係竟然有一個包廂係用地鐵車廂作為設計概念, 叫做微辣站! 我今日坐個個位就係港式冰室既樣，每張台入面都有麻雀/賭台佈置，勁適合打卡影相坐低見到差唔多每一台都有叫一個咪走雞(米酒雞)就知道喱個菜一定要叫了~上菜時見到煲蓋係一隻雞樣。店員特別提醒我地可以錄影~~原來佢打開煲蓋後就淋米酒點火，勁有諗頭呀。原隻雞用荷葉包住, 拆開雞肉嫩滑有淡淡既荷葉香氣, 份量超足~~唔係BB雞黎, 可以當係一個主食!其他野食方面, 我地簡左要一個蝦多士﹑發記大香腸同埋通菜特別鐘意食蝦多士, 蝦多士本身炸得香脆，唔會食出一啖油~~蝦肉亦彈牙新鮮~最特別既地方係蝦多士可以配餐廳炮製既蟹膏同蟹籽~海鮮味更加濃郁,真係超級滿足微辣大排檔似乎係落足心機係食物既擺盤/用既餐具上面~就好似發記大香腸咁~上碟時吊起成條香腸 HAHAHA創新得黎又可以客人打卡影相~~味道都唔錯呀, 比較似係台灣夜市個種香腸椒絲腐乳通菜既份量亦正常, 平日最喜歡食通

微辣喺沙田都開咗一排，經過幾次都覺得入面啲裝修好得意，又似大排檔又似舊式酒樓咁🫖今日終於同家姐一齊去試吓😌一入到去發現原來呢到勁大，唔係淨係門口見到嘅範圍，穿過咗兩個食堂仲有第三個食堂😳 呢到有個好大嘅電視播住微辣啲片，啲枱張張都好有特式，安排咗一張麻雀台🀄️比我哋坐🤭 一坐低就比咗一大個鐵水壺茶我哋，倒落儡兩隻戰鬥杯🍺 呢到係飲earl grey 茶好香👍🏻米酒雞（原味）勁大個煲😱成隻雞樣🐔嘅紗煲蓋好得意😂 侍應會隨即幫你開蓋然後淋啲酒上去個荷葉上面燒著佢🔥好有睇頭😆 等啲火燒完之後就可以自己用枱面上已細心準備好嘅手套🧤同埋鉸剪✂️鉗去食呢隻雞喇，不過其實隻雞好夠淋，一扯已經撕開到唔洗剪🥳 隻雞好入味，雖然附送左一兜燒烤粉，但係覺得完全唔洗醮隻雞好入味，雖然附送左一兜燒烤粉，但係覺得完全唔使醮都夠味，個煲底仲有好多乾蔥🧅同蒜頭🧄，成個煲都好香，展開隻雞中間仲有好多金針菇同埋黑木耳添🤩🍤懷舊蟹膏蝦多士第一次食蝦多士係會有埋蟹蓋上，入面有蟹膏同埋蟹子😳 下多士炸得好脆，蝦肉都好夠多，加埋佢嘅蟹膏一齊食味道好有層次之餘仲可以濕潤埋個多士🤤 🦀蟹膏甜甜地鹹鹹地入邊仲蟹膏甜甜地鹹鹹地入邊仲混咗啲蒜

微辣大排檔📍沙田沙田正街2-8號新城市廣場第三期2樓A216號舖💰人均消費：$230/人==================我同朋友不嬲都有睇開微辣的YouTube片, 最近聽聞佢哋在沙田開咗微辣大排檔，就梗係要嚟朝聖啦!😍一入到門口，店員就問我哋係嚟食車仔麵定係食小菜，我哋決定食小菜試吓!我哋總共叫咗四樣嘢黎試：🥓冰鎮素咕嚕肉呢個素咕嚕肉真係幾好食，完全食唔出佢原來係素肉！食落仲外脆內軟! 上碟嗰陣伴隨着乾冰，簡直係仙氣飄飄! 加埋三色椒同菠蘿，酸酸甜甜的，非常開胃!🥙Yelo咖喱大雜燴入面有陳皮魚蛋，豬皮，白蘿蔔同魷魚! 呢個煲一上菜侍應就點火令佢keep 住個溫度。最好食係豬皮，完全吸收晒所有咖喱汁😆咪走雞呢隻雞係用一個勁大嘅碟裝住,上菜嗰陣店員會淋上米酒同點火,過程非常打卡！雞入面係有雲耳同金針菇等調味料！雞肉都幾嫩滑同入味😍！雪糕格仔餅(抹茶味）格仔餅正常發揮，反而個抹茶雪糕特別出色!😍😍做飯後甜品真係一流!

澳門特色大排檔今日同朋友慕名而來，一入到門口就即刻feel到好多微辣元素係度，周圍都係麻雀🀄裝飾，佈置得好靚😍食材都充滿大排檔風味1.冰鎮素咕嚕肉啲素咕嚕肉好仿真!完全食唔出係素肉，而且炸到脆脆地，味道剛好😋而且乾冰一路都保持住低温，一凍🧊一熱🔥，冰火交融，加上新鮮菠蘿🍍嘅甜，青椒清嘅爽，酸甜凍熱融合一齊，好開胃🤤2.Yelo咖喱大雜燴呢個煲一上菜侍應就點火，所以一直keep到熱🔥，食落去又好夠辣🌶真係唔飲杯茶都唔得😅材料有豬皮 魚蛋 香料 白蘿蔔 魷魚 咖喱汁😋豬皮 蘿蔔同魚蛋吸收晒咖喱汁精華，就算辣都覺得好惹味3.米酒雞呢碟原隻雞好大碗!侍應一上菜就係塊葉上面點火🔥可以保持温度，而隻雞入面竟然有雲耳同金針，食落唔會太單調，而且雞味🐔好突出，啲肉又好鬆軟，份量又唔少，推薦大家試下4.雪糕格仔餅(草莓味)呢個甜品簡直可以中和返之前幾樣菜嘅味，而且好解暑😍😍啲草莓同埋醬融合埋格仔餅令人覺得冇咁肥，值得一提嘅係草莓🍓好鮮甜🤤做飯後甜品就最適合總結:呢間大排檔衛生好好，佈置裝飾又好有特色，啲枱係麻雀枱，睇得出每個細節位都好有心思， 環境舒適，又有配樂，好適合係呢度一路吹水一路歎茶😊

沙田有一間好有特色餐廳，雖然叫大排檔，間餐廳環境非常舒服，有冷氣，裝修非常有特色，好適合打卡。環境非常特別，有麻雀枱度，大電視。餐廳好有80年代嘅風格。非常有特色。餐廳嘅餐具都好帶70年代嘅風格。茶杯同碟嘅用料好似70年代嘅。餐牌價錢唔貴㗎，有抵食嘅二人餐，四百幾蚊就有咁多嘢食。非常抵。佢嘅海鮮價錢都唔貴，選擇都好多種類，好值得一試。佢非常出名嘅咪走雞係必須嘅推介。佢上碟用一個好靚嘅蓋冚住，非常搶眼同有特色。呢隻雞係用荷葉包住，跟住職員會喺荷葉上點火。雞肉好滑，入口即溶，雞肉入面包住好多雲耳。用料豐富。腐乳炒通菜，非常香口。淡淡的腐乳香味。我最鍾意食嘅蝦多士蟹膏，蝦多士炸得到很香脆，再配上蟹膏，絕配。

今天晚上八點多叫了個外賣，是免治植物豬肉烤青辣椒芝士漢堡包加薯條加汽水，一杯凍奶茶，由於是外賣關係，所以就去了附近行吓，10分鐘後回去，收銀員哥哥說：唔好意思我們沒有植物豬肉，可否轉其它漢堡呢？由於本人是一個素食者，諗住見到小店有素漢堡諗住支持一下。收銀哥哥啲選擇給我，叫我轉其它漢堡包，但全部都有肉，冇理由放塊菠蘿或番茄收我$72，佢支悟以對，但有冇諗住退錢。跟住我就問他：你們店裏面有個素食車仔麵，價錢一樣可否轉這個，他說可以，跟住到再諗住去攞車仔麵嘅時候，收銀員哥哥跟我說：唔好意思我哋個湯底有牛，你是否要走湯？我問他唔係應該有素湯底咩？另外一個樓面解釋，雖然我哋呢款叫素食車仔麵，但是因為有啲素食人士不介意有牛湯底的，所以我哋先問你介唔介意，你介意就同你走咗個湯，完。1)為什麼收銀，會這麼疏忽，沒有這個飽又要收錢？2）如果沒有素湯底？為什麼叫素車仔麵？或者可唔可以滾水加少鹽或生抽呢？3）外賣的時候連筷子也沒有給我4）如果根本沒有心服侍素食人士，我勸喻你們的店，就不要買素食，大大隻字寫住素食，但湯底同我講話是有牛，其實買一罐菇份值得幾錢？由於本身是叫素車仔麵，因為是牛湯底所以被迫走湯，也

今日放假專程入沙田去探探舊朋友 , 聚舊到5點幾 , 見大家都肚餓打鼓就想行下商場睇下有咩岩食 , 行到新城市3期見微辣幾吸引又未食過就入去試試門口都幾大 , 旁邊有細counter , 賣一D小食 , 雞蛋仔等內裡裝修行近幾年開到成行成市既大熱復古懷舊風 , 全是仿60-80年代的痕跡 , 甚有格調環境新淨 , 乾淨企理 , 位置寬闊 , 坐得舒服店員殷勤有禮餐牌簡而精 , 前後兩頁order唔夠10分鐘, 就各樣陸續上枱米酒雞 $198 - 用荷葉包裹整隻雞 , 店員先倒米酒後 點燃燒著成隻雞 , 開封後香氣四溢 , 雞肉滑嫩 多肉汁 , 配搭香蔥蒜頭及獨特汁醬等帶出其味道精髓 , SIZE不容置疑椒絲腐乳通菜 $88 - 爽脆可口 , 入口微辣適中 , 蒜蓉又惹味 , 配搭咸香腐乳 零舍不同發記大香腸 $68 - 外層蜜味出色 , 燒得脆脆 , 惹味可口 , 肉質不錯 , 俾8.5 /10 分懷舊蟹膏蝦多士 $98 - 蝦多士外層炸得脆脆 , 新鮮熱辣 , 配搭濃濃蟹膏同漁子一齊食 , 非常滋味埋單連加一$500左右 , 下次可試下LUNCH其他菜式

微辣香港開餐廳緊係要去試下啦！啲菜式名改得好棧鬼真係幾有心思，總括食物都高質！懷舊蟹膏蝦多士即叫即炸，多士真係包住粒粒蝦肉好好足料架，蟹膏份量多連埋蟹子撈增加口感，之前都係分開食，驚喜原來兩樣搭配味道都合得來👍發記大香腸係即燒黑椒台灣腸，黑椒唔會太濃味，反而佢搭配咗一個特色辣醬配芥末醬，辣勁十足，呢個真係幾好食，店員仲會好好剪好曬方便我地一啖啖食，服務周到👍椒絲腐乳通菜，呢樣幾時都係我最中意既小菜之一，廚房炒得夠鑊氣，好juicy，吸滿曬腐乳汁既通菜幾時都最好味哈哈，齋食都唔會覺得好鹹，調味得宜👍至於招牌菜咪走雞真係必定要試！原隻荷葉包雞，特製醬汁加左蒜頭白酒等，一打開香氣撲鼻，雞肉非常滑嫩，真正啖啖肉，雞髀任食，雞皮吸曬啲汁仲正，我地飽到捧住個肚走，超滿足呀🥰

好耐冇去澳門⛴呢次到訪既【微辣大排檔】充滿澳門特色！！餐廳內唔同角落都係打卡位📸🤩包括有模仿渡海小輪既冰廳，兩邊窗外可以見到維港景色🏙，令我好掛住以前坐船去澳門既日子🥲；又有地鐵主題，內有好搞笑既Poster可以打卡🤣而我坐果度就係一個懷舊冰廳，內有麻雀枱同賭場果d枱，真係玩味十足🀄️剩係影相都夠晒開心💕雖然佢係「大排檔」，但係係一間坐得非常舒服既大排檔😚環境闊落，座位有好多，好適合我呢d鍾意靚環境既港女😂❥ 米酒雞 $198打卡一流📸！！首先佢既煲蓋係一隻雞既造型🐔店員打開煲蓋後就淋上米酒點火，我地好似睇表演咁，即刻影相🔥原隻雞用荷葉包住，香氣十足♨️雞件好大隻，食落啖啖肉🤤雞肉好淋好嫩滑，店員提供埋較剪方便我地剪開黎食👍兩個人食完已經有飽飽地🤭❥ 懷舊蟹膏蝦多士 $98我見到「蝦多士」呢三個字就決定要叫黎食🤭❤️新鮮熱辣，炸得好金黃香脆，蝦肉彈牙紮實😋最正係面頭可加上蟹膏同蟹籽🤤食落更加香口，口感大滿足💕❥ 發記大香腸 $68另一款打卡菜式🤣！一上枱成條香腸吊起左，第一次見呢個造型😆店員會俾時間你盡情影相🤭跟住佢就會幫手剪開👍果然係「大香腸」，真係夠晒大條，係蜜糖黑椒味，甜甜地，好香口惹

好耐都無過過澳門啦，一直都好掛住澳門嘅美食，今次微辣帶埋好多特色野食過嚟香港，真係要試試佢先。要講一講佢餐廳環境先，佢裝修比足100分極有心思，如果鐘意打卡影相真係吾好放過，由餐廳環境到杯杯碟碟，都係充滿自家元素！由落單到上菜，餐廳上菜快手，嚟到份量好足，今次我地總共叫左4樣野食。🥩冰鎮素咕嚕肉依個真係喜出望外，佢份個吾算好大碟，但佢個素肉吾講真係吾知原因係素，而且佢係啖啖肉、脆卜卜。🍛Yelo咖喱大雜燴用舊式大排檔嘅砂鍋上菜，仲加左個 mini gas 爐熱住，務求每一舊都係熱辣辣咁食。呢個大雜燴有豬皮、魚旦、魷魚、蘿白，每一件都好入味，豬皮彈牙吾會太淋。 🐓咪走雞必點招牌菜，上菜時滿滿儀式感，先嚟一個angry bird樣嘅煲，店員即場打開落左啲米酒再點火，當火熄滅嘅時候就食得啦，雖然話係BB雞，但一啲都吾會太細隻，肉質滑嫩，用隻夾或手可直接拆肉。佢會跟多一碟干碟蘸料，想重口味啲可以點埋。而雞入面包左金針黑木耳，夾埋啲雞油勁香口下飯。 🍵綠茶雪糕格仔餅 份量夠哂大份，雪糕吾會死甜有綠茶味，紅豆夠哂夾咁多件夾仔餅，而夾仔餅蛋味好重。

今日慕名專程過黎沙田呢邊試試呢間由YouTuber 開嘅大排檔，位置都幾好搵，就開喺一田隔離。有別於傳統大排檔較為簡陋嘅裝修，呢度裝潢十分有港澳特色，細心睇仲可以見到好多微辣嘅彩蛋，有留意開嘅fans黎到一定會心一笑。黎到食物啦，第一道就係呢個冰鎮素咕嚕肉，老實講如果唔係事先知道係素肉，食落口感的確拍得住真肉，酸酸甜甜十分開胃，再黎就係呢個米酒雞，上菜十分吸引眼球，再食埋字真係淋左米酒喺側邊再開蓋，十分惹味，雞肉質嫩滑，內裡釀入嘅雲耳金針亦都十分入味。跟住就係呢個yelo咖哩大雜燴，材料都十分豐富，有魷魚、柚皮、魚蛋等等，樣樣嘢都煮得好入味，再加埋個咖哩汁，簡直係白飯殺手最後就係甜品啦，呢個士多啤梨味嘅格仔餅配上3.6牛奶簡直一流，奶香濃郁，為呢一餐作一個完美嘅結尾

讚1 菜式擺盤整體都搶眼 大腸係客面前堂剪 乳鴿放係磅上檯 的確影相一流2 有啲嘢食係好味既 蠔仔紫菜湯足料夠甜 炒麵乾爽唔油彈1 嘢食質素參差 鯪魚餅既然係薄身但又唔脆既 其實整番粒波出黎仲好 乳鴿實在乾到係標本級 咁既價位要再做好啲噃2 侍應互相傾計極大聲 有一刻係懷疑緊唔通拍緊youtube 唔係點會個個都咁好中氣

中晒伏啊大佬，其實未食之前都睇左食評，諗住比次機會佢，點知真係唔好食我食左碗車仔麵，貴都唔係問題，真係唔值咯！啲餸真係唔掂，秘製沙嗲魷魚真係冇沙嗲味！滷水大腸冇滷水味！牛腩又硬！本人同老公都食得辣既，比佢 辣到入醫院 既辣度吸引！點知來到 好失望 淡到死！對於食得辣既人黎講 係一啲都唔辣！仲要咁大碗車仔麵 講到咁辣 都係比得果丁屎辣醬，仲要咁多湯，落完啲辣醬係冇味！之後叫人加辣 先比返少少辣醬我哋叫咗炸薯條，又唔脆既！真係唔會再有下次！