微辣大排檔 (已結業)

今日慕名專程過黎沙田呢邊試試呢間由YouTuber 開嘅大排檔，位置都幾好搵，就開喺一田隔離。有別於傳統大排檔較為簡陋嘅裝修，呢度裝潢十分有港澳特色，細心睇仲可以見到好多微辣嘅彩蛋，有留意開嘅fans黎到一定會心一笑。黎到食物啦，第一道就係呢個冰鎮素咕嚕肉，老實講如果唔係事先知道係素肉，食落口感的確拍得住真肉，酸酸甜甜十分開胃，再黎就係呢個米酒雞，上菜十分吸引眼球，再食埋字真係淋左米酒喺側邊再開蓋，十分惹味，雞肉質嫩滑，內裡釀入嘅雲耳金針亦都十分入味。跟住就係呢個yelo咖哩大雜燴，材料都十分豐富，有魷魚、柚皮、魚蛋等等，樣樣嘢都煮得好入味，再加埋個咖哩汁，簡直係白飯殺手最後就係甜品啦，呢個士多啤梨味嘅格仔餅配上3.6牛奶簡直一流，奶香濃郁，為呢一餐作一個完美嘅結尾