微辣大排檔 (已結業)

微辣大排檔嚟咗香港啦😋😋😋😋😋😋好開心呀，我本身勁鍾意睇微辣大排檔，知道佢嚟咗沙田開舖頭，一定一定一定要去試吓。店內裝修非常有特色，空間寬敞，座位坐得很舒服，員工的制服很有特色，令到人睇得開心時，食得也開心。何佰爆屎渠 （配酥炸豬大腸）賣相相當吸引，別出心思，釋出情懷，脆皮炸大腸煙韌，夾雜油香，皮脆肉嫩，香濃鮮美，且不帶騷味。紅燒沙田友乳鴿食乳鴿梗係嚟沙田啦，即叫即炸，再吊乾，皮脆肉嫩，保留到乳鴿的鮮味和肉汁豐富😋😋😋😋好色豪Dee （潮式蠔餅）香港人非常喜歡脆口的食物，這個蠔餅鬆脆度適中，廚師炸至金黃食，非常香口，又能夠食到蠔的鮮味😍😍😍😍北角雪糕雞蛋仔（3.6牛奶草莓）雞蛋仔是香港的特色小食，雞蛋仔非常吹口，色澤金黃，配以牛奶雪糕，增添口感，別有一番風味。

等緊男朋友收工 就諗住試下 已經去過幾次啦 味道真係唔錯😋原來餐廳係分左微辣大排檔同微辣冰室 2間野 我就揀食冰室 就點左菠蘿豬排包同3餸車仔麵🍲👉🏻車仔麵揀左生菜 魷魚 牛筋 沙爹湯 加辣菜脯 米粉個湯底真係好夠味 一d味精感都無 咁濃郁的湯底 一定要襯米粉 先會索曬湯ge味🤩配菜都好好食👍🏻 好夠味  魷魚如果可以淋d就好 牛筋好彈牙👉🏻另外 有一次去就點左 菠蘿豬排包 下午茶必點 食完超滿足💗佢個菠蘿包面頭好酥脆 而豬排係有骨 食ge時候有d唔方便 不過味道都好好 再配上薯條 超邪惡 總勁大份 薯條炸得5夠脆~~夜晚都5洗食野啦P.S除左食物，環境都認真得意 好似係架船度咁 搞怪打卡都不錯✨

星期日諗住搵間環境唔錯既餐廳坐下 見微辣大排檔假日都唔爆 而且好評都有唔小 諗住比個機會佢 點知就中曬伏 3個人各食一碗車仔面 就出事啦 d 面食落似唔熟而且個湯底飲落係味精湯黎 落咁重味精都可以令到個面無乜味道 究竟係點做到？牛柏葉 豬紅 魚蛋咁簡單既野都係唔入味的 魚蛋仲有d 雪藏味。。。。3個人 叫埋野飲加一個小食 都要三百尾埋單 性價比勁低！不過環境就算幾特別 都有特式既！如果係微辣死忠都可以去打下卡 但千奇唔好諗住會有佳餚食到！係到勸下比好評既打手唔好再害人啦 好多人真係靠睇評價去幫襯 食物質素差到極點都仲會有人話好食。。

微辣是自媒體娛樂公司，是澳門本地的創意綜合娛樂品牌，主力拍搞笑題材，香港大部份年青人都會睇過借住個勢係香港開左食店，入完裝修氣氛玩味夠濃，影相打咭好一流，真係十二張相都唔夠放點餐就叫左紅燒沙田友乳鴿$58 X2個造型好驚喜，係差在隻鴿原隻上要自己剪開不過隻鴿幾好食， 皮脆肉爽又香，有D估唔到🤤Yelo 咖喱大雜燴$88有豬皮、魚旦、蘿蔔、魷魚，唔算辣都OK四色搞搞震（四色豬肉餃子 8隻)$58懷舊蟹膏蝦多士$98炸得好香脆，仲跟埋蟹膏一齊食，幾好味😉味滑雞火山石煲仔飯$98好熱好香多飯焦雞肉夠滑

主要分咗4個區域 - 港澳渡輪雅座、港鐵車廂、娛樂空間麻雀枱、大排檔風格舊式冰室，各有特色，好啱打卡。四色搞搞震 （四色豬肉餃子8隻）用咗唔同顏色嘅餃子皮包，餃子炸得非常香脆，餡料亦有唔同嘅配搭，其中一個係粟米豬肉餃，粟米同豬肉嘅比例剛好，粟米嘅甜味加埋豬肉嘅香味，層次感豐富。懷舊蟹膏蝦多士多士上面蝦嘅份量好多，有厚度，鮮蝦彈牙配上香脆多士，一直係本人至愛，依家唔係太多地方有得食。旁邊嘅蟹膏入口香軟細膩，鮮甜微鹹，必點！紅燒沙田友乳鴿上枱好特別，乳鴿放係一個秤上面，大家第一時間都係打卡。乳鴿表皮炸得非常香脆，仍保持肉汁，肉質嫩滑。臘味滑雞火山石煲仔飯店員超好服務，會幫你落埋豉油，同埋焗一焗個煲仔飯，最驚喜係底部有香脆焦黃鍋巴，後來先知原來微辣大排檔雲集左米芝蓮品牌嚐囍。

在沙田新城市廣場揾食，OpenRice 見呢間微辣大排檔幾多好評👀 一於就試下佢餐廳個名係微辣，係澳門網媒呢，餐廳餐牌裏面嘅食物名都好搞笑，都係有啲故仔，睇唔明就上網追下微辣先啦😉😉餐牌有都好多野揀，我們叫咗三樣嘢，分別係咪走雞（原味）、椒絲腐乳通菜、懷舊蟹膏蝦多士。餐廳裝修都別有一番特色，我地張枱係麻雀枱呢 🀄️🀄️餐廳上菜快手，有大排檔嘅效率😆😆話咁快上菜就係呢個咪走雞，有個咁得意既angry bird 蓋裝住左店員打開蓋，香氣撲鼻雞有荷葉包住，好香、好嫩、好滑，熱騰騰的，同時料都好多，好好食，大家食的同時都讚不絕口。椒絲腐乳通菜幾有鑊氣，腐乳配通菜總是好夾。😗旁邊果兩枱都有叫懷舊蟹膏蝦多士，證明呢個係好出名，蝦多士十分之香脆可口，岩哂喜歡食炸物的朋友；另外配搭好濃郁的蟹膏蟹子，好creamy，好食。呢間餐廳仲有好多得意小食，好似有豬仔包、豬扒包、玻璃辣魷魚、格仔餅、雞蛋仔等等⋯⋯下次一定要試下😉

QR落單落錯左一個餸已即刻話改單！佢話唔得！冇得改！整左！前後冇1分鐘！但碗野係佢手上！為保命廢事掙扎！門口紋哂身條女好似睇場咁！話哂事咁！背住佢都聽到佢叫另一個樓面呢樣個樣！如果真係繼續咁落去！一定流失哂d客！粗聲粗氣！食物質素…叫左米粉同油麵，嘩完全未煮熟,硬到根本吞吾到，咖哩魚蛋無咖哩味都算啦,仲有陣雪藏味,豬皮有少少怪味,其他餸完全無咩特別!如果真係好奇心可以黎既！好奇下有幾咁好！大把更好選擇！都唔關係咪風格事！

一個午餐乾炒牛河加一杯凍奶茶，牛河＄88，奶茶＄24，夠膽死收＄10 茶錢再加1，埋單＄134，咁嘅價錢你唔執笠我都唔係好信。 牛河味道一般，凍奶茶，2分鐘未到所有冰已溶，又唔夠滑。  第一次喺茶餐廳被收茶錢平時我都唔會特別批評食店，今日真係條氣唔順先會寫食評，希望大家如果去試之前做好心理準備。除非係微辣死硬粉絲，真係唔值咁既價錢。  

疫情關係連澳門都去唔到，去呢度可以感受下久違嘅感覺。餐廳裝修好有澳門feel，好有趣味，有麻雀枱、賭枱設計嘅枱，地鐵站車廂嘅空間，好搞笑。Yelo 咖哩大雜燴，顧名思義，咩都有啲咁，有蘿蔔、豬皮、魚蛋、魷魚等等。味道冇乜特別，略嫌唔夠咖哩味，同埋有點油，但賣相有火點住咁幾得意。冰鎮素咕嚕肉，食落完全唔似素肉，好食👍🏻。酸酸甜甜，好開胃，冰鎮住夏天食幾好，推介👏🏻👏🏻咪走雞，個名幾得意，有點火儀式，幾有睇頭😂。隻雞用荷葉包住，雞肉超級滑+淋，好似唔洗咬都得咁😂。雞入面有大量金針雲耳，可以夾埋雞肉一齊食。傍邊嘅蒜頭都幾好食，好淋同埋唔辣。甜品叫左個雪糕格仔餅，味道冇乜驚喜。份量算多，2個人食好多，不過如果格仔餅脆啲會好啲。

純粹行過見到裝修咁特別，諗住入去食少少嘢打下卡，後來先知原來微辣大排當係一個好受歡迎嘅channel, 真係out😅😅Menu 有香港、澳門特式食物，但我都係支持返香港叫咗個車仔麵：豬皮魷魚雞翼河粉加菜莆除咗豬皮未夠入味，魷魚雞翼同湯地都好惹味，依家好多新嘅車仔麵，個湯地唔知係咪要健康，唔似得舊式車仔麵有一啖陳年鹵水嘅味道，呢度雖然未夠濃，但係都有嗰個feel，已經係唔錯。下次先試大利豬扒包啦。臨走見到晚市餐，順便映俾大家參考下。

今天去咗新城市三期遊走，二樓有間微辣大排檔(沙田)，門前有一組懷舊汽水樽飲品別具特式，好奇心驅使入座吃個晚餐休息一吓。店員全是年青的小伙子很有活力，而且都非常有禮貌，內進店舖裝潢很有懷舊feel也很適合打咭📸📸。地方非常寬敞，每一處地方都很有個別特色，我被小伙子帶領進入賭場🤣🤣麻雀枱，番攤.....等我嗌咗一款餸聽落令人即時反胃，食落令人食指大動誇啦啦👍👍1.何伯爆屎渠(攪笑板)🤣🤣其實豬腸外皮脆卜卜又juicy，腸內非常乾淨又無肥膏😋😋2.紅燒沙田友乳鴿~乳鴿上抬時好攪笑斤兩十足伴入七彩蝦片好吸😻😻鴿肉質嫰滑油而不膩yummy3.好色豪D~不用多想炸餅大大粒肉鬆脆香口4雪糕格仔餅~格仔餅燒得香脆，配上雲尼拿雪糕香滑，cream,士多啤梨和菓醬，好美味甜品

平時成日係youtube睇微辣 得知沙田開咗間微辣大排檔 相約朋友今晚收工一於去試吓 餐廳闊落 裝修佈置有撘船去澳門嘅感覺 電子落單十分之方便雖然只係晚市7點 但所有口味嘅雞蛋仔、格仔餅、鹹牛肉芝士菠蘿包都已售罄😳😳😳呢度招牌有豬/牛三寶車仔麵 微辣五寶車仔麵 食豪Dee十全大補車仔麵 方便選擇困難症人類 我地每人嗌左一碗車仔麵 我揀左油麵 鮑汁鮑魚 瑞士雞WING秘製沙嗞魷魚Rachel愛豬手鹵水大腸  梅菜發記豬肉丸 清甜蘿蔔頭Roberto微辣辣汁 好L鐘意加蔥 啲送名全部都好fun好有別色 嗌左微辣都幾辣好正 鮑魚大粒 蘿蔔甜 雞翼入味😆😆😆我地仲叫左豬扒豬仔包 外皮香脆 青辣椒芝士漢堡包 跟餐有薯條 飲品 思男絲襪奶茶好大杯 另外仲加左香脆炸魚皮 奶油豬 麻辣牛肚🤩🤩🤩

呢間大排檔店面好大，分左唔同區域，每個區域都加入好多舊香港元素。但餐廳喺商場入面，冷氣好足，夏日炎炎黎呢度真係舒服好多😌。 ❤咪走雞超級大煲又好味~用憤怒鳥煲蓋裝住，造型好搞笑🤣，店員開蓋後即時加酒精燒一燒，適合打卡之餘又真係完全帶出左荷葉嘅清新香味。原隻雞又滑又多汁，入面仲釀左好多齋菜，係我覺得最有特色嘅一道菜😍。 ❤懷舊蟹膏蝦多士四塊蝦多士炸得非常酥脆，蟹蓋裝住大量蟹膏同蟹子，有日本濱燒嘅感覺，但平時多數係配餅乾食，原來用黎搽蝦多士係咁鮮味😋。 ❤發記大香腸係港版司華力腸，上桌時好似人地d巴西燒烤咁🤩。外皮燒到脆脆地，又有粗粒黑椒，少少辣又多汁。 ❤椒絲腐乳通菜呢個係有街邊大排檔嘅鑊氣，又大大碟，通菜爽脆，腐乳份量啱啱好，鹹香味十足，用黎撈飯好開胃。

作為微辣粉，當然要黎打下卡，好多佈景好得意，有地鐵站、渡海小輪、大排檔，充滿香港特色情懷。食物有好多係傳統小吃，勾起兒時回憶！咪走雞好大個雞煲，店員即場表演-將啲酒淋落去時，成隻雞燒著🔥原隻雞用葉包，鎖住肉汁，配料有大量蒜頭🧄、香葱，好香、好入味！Yelo咖哩大雜燴喜歡掃街的人一定要點呢個！有咖哩牛栢葉、魷魚、魚蛋，咖哩汁不辣而惹味，仲有火爐keep warm，熱辣辣~冰鎮素咕嚕肉素食者都岩~佢同真咕嚕肉根本一樣，個皮好脆，內裏好稔，加上個汁又酸又甜，送飯一流。甜品叫咗雪糕格仔餅，係士多啤梨雪糕🍦x雞蛋仔，好大份，好扺食，雞蛋仔少少似麻糬，較軟熟，有蛋香味，一定要留肚食！

/📍 微辣大排檔 (沙田)沙田沙田正街2-8號新城市廣場第三期2樓A216號舖同男朋友行街順便去食下呢間🥰入面裝修真係好得意！睇得出好俾心機同埋好懷舊🥹椒絲腐乳通菜🥬炒得得超級香口同埋好有鑊氣😌！仲食到有少少酒味🔥同埋真係好大碟！懷舊蟹膏蝦多士🥪蝦多士好彈牙👍🏻多士炕到脆卜卜😋最緊要配埋蟹膏！我男朋友話好似有隻蟹係個口到打橫行🤣真係好鮮！一齊食提高左個層次👍🏻咪走雞🐔全隻雞咁上仲會用火燒🔥雞入邊有啲金針雲耳🥰隻雞超級嫩滑！用筷子一夾啲肉都甩出嚟👍🏻發記大香腸🌭真係超級大香腸🤣燒到外皮好脆👍🏻入邊都好Juicy🥰帶有少少黑椒味😆點埋跟嘅芥辣醬都唔錯😋呢個香腸口味係小偏最鍾意嘅偏甜腸💕💕💕！飲品🍹思男絲襪奶茶懷舊紅豆冰（霍哥頂得住睇落幾得意下次先埋😋）報告完畢🫡