微辣大排檔 (已結業)

話說好耐冇食過大排檔，突然醒起沙田新城市開左間微辣大排檔，所以一於去食下！鋪內裝修以幾個唔同場景為主，有mtr、小輪、戲院、麻雀館、冰室等，好鬼多打卡位😁今次我同朋友叫左4樣野食，分別係懷舊蟹膏蝦多士、發記大香腸、椒絲腐乳通菜及米酒雞1.懷舊蟹膏蝦多士嘩，好吸引，好好食！蝦肉打得夠膠同夠晒大舊，多士炸得香脆又唔會太油，另外，蟹膏一d都唔腥，夾埋一齊食，勁正😋😋2.發記大香腸上枱夠晒大條，見到都流晒口水🤤食落有d似台灣腸風味，但比台灣腸更實肉同更多油脂，味道岩岩好唔會話太重味，點埋黃芥末黎食，勁正😋腸控朋友仔就唔好錯過啦！3.椒絲腐乳通菜控制火喉岩岩好，冇炒老d茶，腐乳味夠晒，果然通菜同腐乳係絕配，而且份量都夠晒大碟！4.米酒雞原隻雞製作，雞內放入金針雲耳做餡，用荷葉包住成隻雞，加入蒜、洋蔥仔等配料烹調，最後上枱時，淋上米酒點火，傳出陣陣酒香同荷葉香，聞到都留晒口水🤤雞肉食落嫰滑，帶住荷葉香味，而且一夾就離骨，証明用左好多時間去煮，非常好食😋整體黎講，食物質素好，而且又有打卡位，除左食味道外，仲令人食返情懷

終於嚟到試呢間充滿特色既餐廳門口已經見到充滿特色😍😍好靚 環境充滿大排檔既味道～米酒雞（原味）好有特色既雞 店員落完酒再燒 好震撼！而且隻雞好夠食 啖啖肉 好嫩！而且好多配料 有木耳絲 金菇 蒜頭 好惹味！好色豪dee (潮式蠔餅）炸得好脆好乾身！！而且好多蠔仔😗點埋佢啲汁好好味 好match!!! 紅燒沙田友乳鴿隔離仲配埋啲蝦片 好脆身 乳鴿啲肉都好腍好入味～冰鎮素咕嚕肉炸得好脆 食落完全唔似素肉！味道酸酸甜甜好入味好開胃 仲有啲菠蘿同埋三色椒 好好好好味！仲有兩款甜品 雪糕雞蛋仔同埋格仔餅 配埋3.6牛奶草莓雪糕 好夾！雪糕好重牛奶味 雞蛋仔好煙韌！好好好食 好特別 格仔餅都係！推推推！整體都好高質 而且啲menu既名好有特色！大家有機會都要試下！！！

微辣大排檔充滿老香港特色，空間感豐富，佈置有懷舊氛圍，餐廳分四個特色區域：渡海小輪、地鐵車廂、港式大排檔及麻雀娛樂場所，配上色彩繽紛的霓虹燈，十分適合打卡。餐桌上的大水煲及飲勝酒杯，像回到70年代的香港。發記大香腸68大肉腸垂涎欲滴，掛在鐵架上，炭烤後店員幫手剪成一口size。香腸比一般的肥厚，入口彈牙，肉汁豐盛飽滿，油潤肉汁，十分惹味。懷舊蟹膏蝦多士98脆卜卜的多士，炸到甘香酥脆，油而不膩，吃到啖啖蝦肉，惹味得一口接一口。伴以蟹膏甲羅燒，用上蟹肉、蟹膏、蟹籽及鵪鶉蛋，香烤至焦黃，把蟹黃放在蝦多士上享用，濃郁的鮮香，十分邪惡!椒絲腐乳通菜88通菜鑊氣十足，口感柔軟，每條掛上香濃腐乳醬香，加上辣椒絲和蒜蓉，微辣風味，拌飯一流。米酒雞198整隻雞以荷葉包裹着，倒上米酒後，用火槍點燃，賣相吸引。剪開雞肉享用，雞肉肥美厚實，內裏釀入金針菇、雲耳，雞皮香嫩滑溜，咀嚼之間沁出淡淡酒味，令人意猶未盡。

微辣大排檔我估大部分人無睇過都聽過，佢地半年前仲由拍片走向真實，喺沙田開咗間超打卡嘅大排檔，第一次食估唔到裝修靚之餘，野食高質又實惠！🐥米走雞 $198雞用荷葉包裹，店員再喺鍋中灑上米酒，即刻火光熊熊🤪 雞肉充滿酒香仲好嫩滑，配埋惹味紅蔥頭，又入味又大份，唔叫就真係走雞喇😆🦐懷舊蟹膏蝦多士 $98蝦多士香脆可口，甲羅燒份量佛心，舖上蟹膏嘅多士啖啖咸香～🦪好色豪Dee $128潮式蠔餅香脆可口，蠔仔份量頗多，熱氣香口之選🤪🦃紅燒沙田友乳鴿 $58原隻燒乳鴿用一個懷舊磅上碟，玩味十足！乳鴿皮香肉嫩，咬落去仲有乳鴿油溢出🤤🥬椒絲腐乳通菜 $88出去嗌菜最驚得嗰幾條，呢碟通菜份量大方，幾有鑊氣，名符其實大排檔感覺🔥

沙田新城市第三期微辣大排檔，餐廳環境闊落，平日早啲嘅話基本上唔使等位可以直入。入到去有一個大屏幕俾大家睇跑馬，不過本人並無此嗜好，都係專心食嘢啦🤣咪走雞，我諗應該係呢度嘅招牌菜，架勢十足，連個煲都係雞嘅樣，幾有趣。上台之後，侍應會幫你㨴蓋林火酒同點火，非常igable。以為齋睇得味道麻麻地？ No No No，雞肉非常嫩滑，你就咁睇佢荷葉出面擺放嘅洋蔥同蒜頭就知道佢落足料醃煮隻雞，無論係味道定質感都係👍🏻👍🏻👍🏻咖喱雜錦煲，裏面有豬皮、蘿蔔、魚蛋同水魷，味道普普通通。菠蘿素咕嚕肉，呢道菜非常有驚喜，本來以為素肉質感一定麻麻哋，點知係好似真肉，而且凍食反而令到佢道菜冇咁膩，好快就俾我哋一掃而空。

澳門人氣YouTube Channel- 微辣，殺入香港搞餐飲業，係新城市一田開咗間餐廳，裝修大玩「懷舊」、「賭博」、「香港特色」Crossover 。 .餐廳大致分為三個區域，一邊係懷舊冰室風格，一邊係麻雀館，用左大量麻雀元素去裝飾牆身/玻璃，仲用埋麻雀枱做餐枱，好盞鬼。最後一區係香港地鐵風，有哂扶手，地鐵銀色座位，可以邊食邊打卡。.🤩呢個餐廳食物質素高過所訂既價錢，CP值好高，食物以中菜為主打，加入咗香港特色食物元素，食物擺盤造型全部度過，講求gimmick，吸睛，睇得又食得。：小食———🥢通屎渠係豬大腸，預先醃製左醬汁係入邊，一條長達20 cm嘅大腸好似燒鵝咁掛起，職員一剪開，醬汁直流，條腸暢通晒，有晒畫面😹，大腸入味，外層少脆，入邊夠爽軟。：🥢懷舊蟹膏蝦多士 : 四件鋪咗幾隻鮮蝦既多士，炸完多士鬆軟，蝦仲彈牙，配一個塞滿蟹膏嘅甲羅燒，蟹膏味甜濃郁，放上多士夾埋食，多重滋味。.🥢發記香腸 ： 造型好似大腸咁掛住，未到就有啲似台灣一口腸，但係口感就大件啲，香腸有微微甜。：主食———🥢咪走雞❤️必試，用荷葉包住一隻完整嘅雞，雞入邊釀左蔥蒜香料，上枱之後，職員會倒酒落去，隨即荷葉大火燒起

同友人響沙田行開，今次終於記得試微辣大排檔，我地叫左車仔麵餐，分別係五寶（花膠+豬皮+Yelo咖喱陳皮魚蛋+ Roberto白蘿蔔+雞wing ）車仔麵、自選車仔麵（白菜🥬豬肉餃子🥟鮑汁鮑魚+咖喱陳皮魚蛋+通菜），兩個麵我地都「鍾意加蔥」仲有豆腐花。佢地每款野食，都係會加返有關微辣藝人嘅名，比較有趣餐廳嘅裝修都好有香港特色，我地坐嘅卡位，係仿照天星小輪上面嘅座位，感覺好似坐響隻船上面，整體都唔錯嘅，都食得過嘅不過我最欣賞嘅係個豆腐花，真係好滑好滑好滑（重要要講3次）

之前見呢間餐廳有好多卡位，好似幾得意，仲要好似係大排檔feel既餐廳，已經好想試下😃今日咁岩去開沙田，就順便試試佢🙊 1️⃣Yelo咖哩大雜燴餐廳會用個爐仔熱住d咖哩，入面有魚蛋、蘿蔔、豬皮同埋魷魚。啲咖喱味整得幾好食，同埋一路熱住，真係加分😄2️⃣冰鎮菠蘿咕嚕肉口感都幾搞笑，一啖凍一啖熱，咕嚕肉嘅肉質岩岩好，個外皮中小小脆，有個隔會流返溶左既水，唔會話食食下有灘水溝汁係到，味道都算唔錯3️⃣米酒雞上檯個陣俾佢驚艷左一下😂好大盆野，然後店員會倒d酒落去燒一燒塊荷葉。打開之後就幫隻雞解體😂整體都唔錯，2個人絕對夠食，我地仲要冇加飯😂4️⃣雞蛋仔抹茶雪糕份量好大，但雞蛋仔真係硬左小小，味道係大路，唔錯😋雖然硬左小小，不過都食哂😂 有得食仲有得打卡😍😍😍

本來對餐廳冇咩期望，只係以為係一間幫藝人宣傳嘅餐廳，但係食落，真係有大排檔嘅水準，小炒鑊氣同溫度都夠，唔係淨係純粹打卡用👍👍餐廳位於新城市廣場三期，基本上去新城市廣場嘅餐廳，都係集中喺三期，所以簡餐廳都好方便。 餐廳係少有嘅行中菜路線，仲要唔係酒樓嘅中菜，而係大排檔嘅小炒。入到去餐廳分入左右兩個大廳，分別係食晚市，同埋係食車仔麵/豬扒飽。 我係過嚟食晚市，餐廳嘅裝修都幾有特色，佢哋嘅枱係打麻雀枱，而且，有一個熒幕係播微辣嘅片。講番嘢食方面，極力推介佢哋嘅咪走雞，隻雞係用荷葉包住，雖然只係一隻豉油雞，但係入面包咗唔少嘅餡料，佢仲有提供手套，可以當手撕雞食。🐓🐓🐓雞嘅鮮味十足，份量都好多，食完基本上都飽。係我哋都有嗌到其他嘢，分別係蝦多士，大香腸。佢隻既大香腸，實在係好大條嘅台式香腸，仲要用鐵簽簽住嚟食，風味十足。基本上嚟講，餐廳嘅嘢食比我想像中都係好食，如果係位於新城市廣場要揀，我應該都會揀返呢間👍👍

山長水遠來了新城市廣場當然就選呢度嘅特別餐廳來試，選了過江龍有澳門特色的微辣大排檔🤤澳門KOL微辣製造片好好笑，來了香港開餐廳搵食👍🥳先嚟個微辣五寶車仔麵，花膠、瑞士雞翼、細粒魚蛋、蘿蔔、豬皮配蕃薯粉，選咗Yelo咖哩汁。整體唔錯👏 花膠💐、豬皮🐷蘿蔔好味，魚蛋🐟小小粒，係舊式街頭唔彈魚蛋😳😝雞翼較小件， 辣汁唔算辣，都惹味。只是選了多蔥及有菜脯，後來才發覺都冇加到🥲🙈至於跟餐韭菜就較老，可能莊家遲左割📈 😝要咀嚼好耐🥲思男絲襪奶茶 ☕滑易入口好味，佩男思男(鴛鴦)☕就麻麻🙈另外叫左鹹牛肉炒蛋芝士菠蘿包🍍🍔配薯條🍿及飲品，個包面小脆炒蛋好香滑、咸牛🐂唔會過咸搶味，芝士都香🧀推介👍裝修環境好有澳門特色👏打卡一流📸 環境新及乾淨，食得安心。叫了兩個餐，加埋一total$165,係新城市廣場價錢算好合理💰#微辣大排檔#飲食情侶 🥰#MagicCherry攻美食🍒#MagicRaymond食好d😋

之前已經聽過澳門好出名嘅YouTuber微辣Manner喺香港開左微辣大排檔，餐廳用佢地最出名嘅節目名命名。餐廳走舊式香港/澳門冰室風格，裝修別致，呈現香港情懷💈冰鎮素咕嚕肉 $108見佢嚟到出晒煙咁，即刻打卡影相📸，外圍俾冰包住，啲咕嚕肉食落凍凍地而且好脆，感覺特別。素咕嚕肉真係好似食緊肉咁，完全冇食素嘅感覺，反而少左一浸油膩感，值得一試👍🏻💈Yelo咖喱大雜燴 $88入面有齊魷魚🦑、陳皮魚蛋、豬皮同蘿蔔，咖哩汁唔算濃稠，但係辣味十足，會俾埋個爐仔一路滾住食，惹味🌶️💈米酒雞 $198估唔到係原隻雞咁上！全隻雞用荷葉包住，去到嘅時候店員仲會喺面前點火🔥勁igable隨碟仲附上孜然辣粉，蘸黎食或者灑上去食都得✔️加左辣粉更具風味。入面塞左啲金針雲耳，雞肉嫩滑多汁，厚肉💈雪糕格仔餅格仔餅咬落去外皮香脆，入面餅底煙煙韌韌，口感厚實。紅豆🫘份量頗多，配埋宇治金時抹茶雪糕🍵好夾

呢個係一間大排檔？茶室？餐廳？總之好舒服，好涼爽，又有啲懷舊氣息。香港地，雖然已經過咗中秋，過埋秋分，但啲天氣仲係可以日日都係三十幾度，咁可以喺呢個咁舒適，又有懷舊氣氛嘅大排檔度食嘢真係very good。"咪走雞'係今晚嘅重頭戲，大大個煲裝住成隻雞，冚嘅蓋都有一個雞嘅圖案，睇到都開心又快樂。揭開個蓋就見到啲荷葉包住成隻雞，侍應將啲酒倒埋落去，跟住就見到啲火焰出現，再打開啲荷葉見到有啲木耳同金針，嫩滑的雞連埋啲配菜食好好味呀。食嘢嘅同時見到隔離枱有"懷舊蟹膏蝦多士”，個樣好似日式嘅“甲羅燒”，好吸睛呀。本身蝦多士已經好吸引再加埋啲蟹膏簡直係錦上添花👍，我又點可以唔叫一份呢？“發記大香腸"及"椒絲腐乳通菜"亦都唔錯，啲通菜如果再淡少少可能更加啱我胃口。

🌶【 微辣大排檔 】🌶⋄ —————⧫♟⧫————— ⋄本身都有睇開微辣嘅Channel，所以都對「微辣大排檔」好有興趣！今日終於約到朋友來試一試。「微辣大排檔」將冰室及大排檔元素二合為一，劃分4️⃣大區域：大排檔風格舊式冰室🥢、港澳渡輪雅座⛴、麻將館娛樂空間🀄️及香港地鐵主題包廂🚇，餐廳共4,500呎，總有你感興趣嘅打卡位📸😍 ⋄┄ ┄ ┄ ┄ ❖ ┄ ┄ ┄ ┄ ⋄🦐懷舊蟹膏蝦多士🥪（$98）蟹膏裝喺蟹殼入面，同蝦多士分開上，可以自己塗抹蟹膏。蝦多士口感香脆，香氣四溢，的確好食。🌭發記大香腸（$68）一條香腸買$68好似好貴，但當你見到個賣相，就會覺得都幾抵食。首先size真係好大，其次係擺盤賣相非常特別，仲有店員會過嚟幫你剪開，服務周到，味道更加係惹味，蜜糖黑椒味，好脆好香口。🍶米酒雞🐔（$198）賣相又係贏晒，個煲紅卜卜，成隻Angry Bird咁😂用荷葉包住原隻「米酒雞」，打開見到金黃色嘅外皮，雞肉細嫩，仲有金針黑木耳等配料，非常豐富。🌶椒絲腐乳通菜🥬（$88）⋄┄ ┄ ┄ ┄ ❖ ┄ ┄ ┄ ┄ ⋄📍地址：沙田沙田正街2-8號新城市廣場第三期2樓A216號舖 ⋄⋄

一直看了微辣大排檔很久，最近朋友告知微辣開了真正的大排檔，便馬上約了他一起去這個打卡景點。首先，不得不提的是店的裝潢，每一個部份都像是一個景點能讓你打卡般。無論是我們桌子旁的麻雀牆、對面的地鐵車廂，還是枱面上的餐具佈置，都讓我們覺得到了一個景點般。另外需要提及的是他所提供的茶，並不是一般的中國茶， 而是西式的Earl Grey，所以，我們覺得這$10的茶位費是值得的！我們叫了數道美食，其中尤其推薦以下兩道菜。首先想出的是冰鎮素咕嚕肉，縱然是素菜，但外觀像是真的咕嚕肉般，當然，咬下去的口感也像哦！聰明的廚師們們用冰鎮的方法將外皮弄得更脆，即便放了一會兒後再吃，咬下去仍像新鮮炸好的！但若這咕嚕肉的份量能增加一點，便好了！此時，一道招牌的咪走雞便送上來了。這像是一道能打卡的菜！因為店員會將米酒耍在荷葉包雞上，燃點火，正正是出IG story的好素材。至於味道方面，他的雞內有乾坤，便是在雞身內「讓」了金針菇、雲耳等的素菜，撕下雞肉再配上這些材料一口吃下去的話，口感十分豐富。不得不提的是他附上的辣椒粉，微辣微辣，就像他店舖的名字。像我這麼不能吃辣的人，也覺得這個配搭是使雞的味道昇華！加上份量十足

之前行過嘅時候已經覺得呢度裝修幾特別 咁啱朋友好鍾意食大排檔但又想坐得舒舒服服 於是就揀咗呢間餐廳🍴🍴幾特別 佢張枱係一張麻雀枱🤣🤣 餐牌上面選擇好多 菜式既名都充滿玩味🤩1）椒絲腐乳通菜 👍🏻👍🏻👍🏻 呢個通菜好好味 值得一讚嘅係通菜完全都唔老 有時叫腐乳炒菜都驚會太濃味 太咸 呢個就剛剛好 好香之餘唔會太重口味 2）發記大香腸 呢個其實類似係台灣腸 外皮有啲甜甜地 脆脆地 朋友都覺得幾好味😋 3）米酒雞 呢個真係全晚嘅亮點 侍應拎上黎既時候真係嚇咗一跳 😯😯😯因為完全冇諗到係咁大隻 上菜嘅時候侍應喺面前點火 因為加咗啲酒 所以就有少少燃燒既效果🤨🤨呢個係用荷葉包住原隻既雞 有時食雞有啲怕雞胸嗰啲位會好鞋呢隻雞整體都好滑 唔錯 4）蝦多士份蝦多士跟隻蝦都幾大隻 幾爽口 最估唔到係竟然仲有個蟹蓋 啲蟹膏食落幾鮮甜 配蝦多士食成個層次簡直昇華咗🤤🤤🤤🤤 整體黎講呢度都幾適合同一班朋友嚟食嘢 份量幾大 食物質素都幾好～😌😌