御膳

營業中

休息中

一向都是其中一間我至愛的私房菜。今天興家人相聚我們又再來吃晚飯。砂鍋大魚頭豆腐湯 (Kim子推介指數9/10)砂鍋大魚頭豆腐湯有非常香的鹹香。豆腐香滑，湯味道鮮甜而且非常健康。芙蓉蛋白老虎班(Kim子推介指數9/10)花雕嘅酒味喺蒸嘅過程已經蒸發，剩番酒嘅甜味。蛋白非常滑，龍躉嘅皮同肉都好Q彈。花雕雞油蛋白蒸及薑沖炒大肉蟹(Kim子推介指數9/10)一上碟已經聞得出佢嘅鑊氣，蔥炒得好惹味！蟹肉鮮甜厚肉，蟹鉗超大一隻。餐廳有不小大肉蟹的煮法，包括花雕雞油蛋白蒸，(薑蔥)避風塘炒，薑沖，胡椒炒，四川香辣炒。我們選了薑蔥炒大肉蟹及花雕雞油蛋白蒸。蔥炒得極之惹味，蟹鉗超大一隻橙紅的大肉蟹及青綠的蔥，見到真是令人垂涎三尺！蟹肉鮮甜厚肉，而且很大隻，蟹夠新鮮，大量薑蔥令大肉蟹更是惹味鮮甜，十分推薦。而花雕雞油大肉蟹, 蛋白沾滿了微微酒香，感覺非常清新。 流沙黃金大海蝦 (Kim子推介指數9/10)我最愛咸蛋黃! 入口先感覺到黃金蝦面上的咸蛋黃味道非常咸香，外皮帶微脆，蝦肉帶爽非常美味。士多啤梨骨(Kim子推介指數9/10)士多啤梨骨酸酸甜甜，我十分喜歡，而且非常厚肉入味。蟹油銀芽炒麵(Kim子推介

窮遊香港-保持水準超出色私房菜👍🏻即刻like @hkfunfoodrecord 同follow先啦.呢次係第2次黎呢間私房菜 完全搵唔到位比負評保持到水準 每味菜都做得好出色野味特別係海鮮方面做得好出式（可見師傅功力）適合升職 加薪 擺大壽 都絕對唔會失禮但如果帶老人家黎 想特別小油小鹽可以同師傅講下.開始講講講野食今日19:30黎到 呢到差唔多爆場 比之前多人左（‼️上黎前建議可以先訂位 ）（‼️師傅要準備新鮮食材）入座後店員好細心咁問：依家可以上菜？先上 ⭐️什菌豆腐大蜆湯入面有d秀珍菇 冬菇片 豆腐 一隻大蜆👍🏻超熱 👍🏻幾鮮味既白湯 完全冇腥味.⭐️香芒沙律大蝦球👍🏻好開胃既前菜👍🏻上面係香脆爽口彈牙既大蝦👍🏻下面係凍既水果沙律 芒果蘋果....等等.⭐️東星班做出2味（椒鹽骨，起肉炒球）😋椒鹽骨👍🏻外面皮薄香脆👍🏻入面東星魚肉軟滑（可睇圖）但始終係骨 肉量唔多而😋起肉炒球 👍🏻完全冇骨 👍🏻啖啖肉👍🏻相對椒鹽骨 呢碟用上清炒 但魚肉更鮮滑😍新鮮東星班 味道唔洗多講.😋😋白胡椒爆炒南非鮑魚😋😋👍🏻今次呢隻仲大隻 彈牙👍🏻火候控制好好 令口感一絕好新鮮 佢連埋個殻旁邊上比你👍🏻味道主要係

很久沒有食私房菜，難得和朋友相聚，當然要吃得好一點。這一家有名的私房菜，價錢合理，食物質素高，非常適合三五知己聚餐。麻辣鹵水拼盆砂鍋大魚頭豆腐湯魚頭湯好甜，奶白色又香，豆腐滑。芙蓉蛋白老虎班老虎班蒸得岩岩好，肉嫩非常，芙蓉蛋白非常滑，而且吸收了老虎班的濃魚味精華。大肉蟹2隻由於我們不吃辣，所以選了這兩個肉蟹。花雕雞油蛋白蒸薑沖炒薑沖炒出來非常香口，肉蟹大大隻，色香味俱全流沙黃金大海蝦外壳香脆，蝦味咸香士多啤梨骨非常喜歡這個骨，士多啤味道酸酸的，非常開胃，骨肉容易分離，唔乾又juicy，肉味濃郁。蟹油銀芽炒麵蟹油味香濃入味，炒麵彈牙有鑊氣!潮州鹵水鵝半隻鹵水鵝很香軟菠蘿鳥(水果拼盤)賣相非常吸引，廚師悉心製作的作品，以菠蘿作容器製作出像鳥一般的造型，一定要拍照呃like! 裡面有菠蘿，士多啤梨，藍莓，提子等等，是很健康的飯後甜品。

觀塘對我嚟講真係有少少遠，所以好少去個頭食嘢，今日去拎網購順手搵有乜食，搵到依間喺工廈嘅私房菜。我哋因爲睇落都好吸引，所以我哋決定唔再揀，嗌咗份二人套餐。麻辣手撕雞，唔算大份，味道鮮味，麻香而且雞絲同青瓜絲都幼身，而且均衡。大肉蟹用薑葱，新鮮惹味，香氣撲鼻。肉蟹啖啖肉，蟹蓋都有啲膏，調味得宜，唔會太鹹太濃，食得出食材本身嘅鮮甜。什菌豆腐大蜆湯呈奶白色，清甜可口，一小碗剛好。白胡椒香爆南非鮑魚，白胡椒入饌唔係少見，但依個調味配鮑魚真係一流，本身鮑魚新鮮，彈牙，加上白胡椒提味，溫和嘅辛味配上鮑魚嘅鮮甜，相映成輝。流沙黃金蝦外脆內軟，黃金香，蝦肉爽口，仲有蝦膏。士多啤梨骨醬汁唔會好甜，帶骨肉入味又唔會太膩。 富瑤炒飯配料豐富，有瑤柱、鮑魚，炒得乾身，粒粒分明。蒜蓉炒西蘭花，簡單一道菜，有鑊氣。我哋仲嗌咗一份滷水鵝，鵝片柔軟，滷水入味，鵝油非常的香，比想像中出色。雲呢拿布丁作為甜品，完美句號。

事隔一年沒有來，慶生又心思思想來這裡了。訂座時店員介紹有新套餐，價錢跟平常的差不多，但竟然有花膠 再令性價比提高，當然要試試看了。之前喝過龍躉魚湯，這次換了大蜆，依舊清徹呈奶白色，鮮甜好喝，一點也不腥。大蜆肉質很爽，沒有沙。豆腐十分滑溜，還有秀珍菇在湯裡頭。雖是四人餐份量，但每人也能分到三碗湯，份量絕不欺場。大家都不能吃太辣，但又想吃這個鹵水拼盤，餐廳非常貼心地提議我們可以走辣。拼盤有豬肚、豬腸、牛肚和手撕雞。內臟來說這裡清洗得很乾淨，沒有異味，也沒有多餘的肥膏。鹵水味道醃得入味，非常爽口。平常不好內臟的我也吃了不少金錢肚，個人最喜歡這個。手撕雞配青瓜絲和芝麻，放在鹵水內臟的中間調劑一下。花膠終於來了，放在金邊的碟子裡，每人一碟賣相非常矜貴。花膠有相當的厚度，可以用刀叉切來吃。喜歡這個帶點膠質的品種，而非純爽口類型。鮑汁茨十分濃郁，味道不會過鹹。花膠吸收了鮑汁的味道，非常口吃。我們最愛的花雕雞油蛋白蒸大肉蟹是每次來到必吃的，這次也沒有讓我們失望。大肉蟹肉質非常爽脆，沒有霉口，味道鮮甜。吃蟹鉗尤其好吃，蟹殼已被貼心地敲開了，啖啖肉。其實這道菜最好吃的是蛋白，蛋白蒸得十分嫩滑，吸收了蟹的精

上次黎食過私房菜，一直念念不忘，也有介紹過其他朋友來食，今次到我帶朋友來。朋友常嚷着要去西貢食海鮮，我就覺得不用去那麼遠，在觀塘也可以吃得到，仲好有水準添！今晚吃兩位用 (套餐4)＄938。麻辣手撕雞前菜手撕雞mix青瓜絲，麻辣味道，口感清爽，很是開胃。什菌豆腐大蜆湯有大蜆一隻，湯頭清甜，無味精，豆腐極嫩滑，豆味濃郁，很有營養，想飲多碗。花菇鵝掌($120)金華火腿汁好滋味，配花菇鵝掌，特別滋味。蒜蓉粉絲蒸蟶子皇2只炸蒜蓉後再蒸，香噴噴，蟶子皇肥美彈牙，粉絲夾蒜蓉一起吃，美味無窮。大肉蟹一只花雕雞油蛋白蒸，蒸就可以食其鮮味，酒香氣十足，肉蟹超大隻，好厚肉，蟹蓋也有很多羔，夾蛋白食口感大滿足。花雕蛋白蒸龍躉球魚味極鮮，肉質扎實，蛋白滑滑，有質素！蒜片牛柳粒牛柳粒爆香，軟嫩又入味，蒜片味道濃郁，不過牛柳粒略細，如果大粒些，口感更佳。金絲翡翠鳳尾蝦2只蝦放得精緻，金絲係一條金華火腿絲，翡翠係節瓜，名字好華貴，味道非常鮮味，以為自己係五星大酒店食飯。蟹油銀芽炒麵炒得乾身，唔會腍，軟硬適中，又唔油腻，再加韮菜、蔥、芽菜、洋蔥炒，增加不少口感。另送甜品: 雲呢拿布丁竟然係西式甜點，十分有趣，van

好少會食到粵菜, 咁今日就同屋企人出街食, 所以就揀D冇咁重口味既野去做我地既DINNER, 叫左個花雕雞油蛋白蒸大肉蟹同鮑汁扒鵝掌,都有叫左其他菜, 不過我都係重點推介呢兩樣比較好食既比大家,HAHA.

一年一度元宵節，又何止係同情人一齊食飯最緊要一家人團團圓圓，所以係咁特別嘅節日我哋就預先訂左之前成日去食嗰間私房菜度慶祝 我地訂左四位用既套餐香芒沙律大蝦球4份- 首先黎左份大蝦球芒果沙律蝦球每個都好大件，旁邊仲有雜果沙律，先食沙律，先為我地打開胃口大蜆什菌豆腐湯 - 好大煲的豆腐湯，店員幫我地分好後，我地就開始飲，每碗都有大大隻蜆，材料十足大肉蟹一只 - 屋企人揀左以蔥炒，未食已聞到好香，好惹味，而且蟹殼廚師有預早整開左，所以食果時唔會好狼狽白胡椒爆炒南非鮑魚4隻 - 第一次食到以白胡椒煮既鮑魚，鮑魚平衡都幾大隻，而且都煮得幾入味生煎東星班 - 有十二兩重，好少可以食到用煎既方式煮既東星班，佢係養魚黎，所以肉質好嫩江南百花雞 - 好特別依個煮法，將蝦膠釀入雞入面，而且雞既骨完全去走晒，食起上黎都好方便食完咁多野梗係要食下菜同麵食食上湯浸時菜，蟹油銀芽炒麵就最好不過最後仲有甜品 - 芒果布丁

說起私房菜，很多時候都是一班朋友去食的菜式，位於觀塘工業大廈的這間「御膳」，就可以讓你人少少都享受到了。今天晚上我跟朋友兩個人去了「御膳」吃晚飯，我們點了二人份量的「花龍蝦餐」：-手撕雞一份-什菌大蜆豆腐湯-白胡椒爆炒鮑魚-蒜蓉粉絲蒸蟶子-士多啤梨骨-蟹油炒麵-花龍蝦一隻甜品🍮什菌大蜆豆腐湯這款湯味道鮮甜而且非常健康，豆腐含較高蛋白質而又低脂肪適合減肥人士飲用。手斯雞帶少少辣，作為一碟前菜非常開胃。雞絲辣辣地，配合青瓜可以緩和辣味。例牌潮洲滷水鵝片哩碟鵝片真的是強烈推介，好入味而且肉質很嫩。蒸蟶子，我覺得在食之可以先撥開蒜蓉，味道就剛剛好了。龍蝦多數清蒸或者是用芝士焗，今次我地就試下香煎龍蝦🦞！用煎的方式令到龍蝦肉質乾身，香脆和彈牙。龍蝦還配了煎麵餅，可以用上湯浸軟進食。白胡椒鮑魚胡椒味道很重，第一口咬下去會覺得有點辣，但是之後很快就適應，飽魚肉質新鮮，爽口。（甜品每天不同要因應當天的供應）我們今天的甜品是雲呢拿布甸。

已不知多久沒有吃過正式的一頓中餐，朋友竟突然說她想吃中菜，很是難得。在openrice尋找到一間中式私房菜，「御膳」位於觀塘的一座舊式工業大廈裡，位置並不是很近地鐵站，而且那座工業大廈很少人，女生去的時候還得小心一點。到了那一層12F室，沒有招牌和橫額，一位職員開了門，我們才進去。環境一點也不大，這也是私房菜的精妙之處，如果太多客人，會變得嘈吵，環境整體來說會變得沒那麼高級。場內只有數張用木製的桌子，我和朋友兩人被安排到四人座位那張桌子，空間感非常充足。在這裡的菜式普遍都是海鮮，令每個人也可享受海鮮宴，而供兩人享用的晚餐每位四百多至五百元不等，都很昂貴，但私房菜普遍都是這些價錢，點了一個花龍蝦餐，盛惠$870。第一道來的是什菌大蜆豆腐湯，每人一碗，什菌即是香菇，數量很多。蜆肉則好像沒什麼味道，可能是因為精華都被湯吸收了，所以湯就真的很不錯，絕不是平時喝的味精湯，帶點稠身的質感，不會太鹹。原本套餐有麻辣手撕雞，要求了職員轉香芒大蝦球，現今越來越多菜式和水果配搭在一起，大蝦配芒果和沙律，有點酸酸的感覺，但又不會完全掩蓋原有的鮮蝦味，是很開胃的菜色。然後來了一份鮑汁花扒鵝掌，要加$120，真

朋友介紹一間係工廠入面嘅中菜，本來本着試吓嘅心態，點知有意外驚喜🤤🤤😛我哋叫咗套餐，第一個上既菜就係香芒沙律大蝦球🦐🦐 一上菜已經俾佢嘅賣相吸引到，色彩繽紛😻 啲蝦好彈牙，好鮮甜，好新鮮😎如果你覺得沙律係伴菜，就大錯特錯啦，沙律菜都出奇不意地好fresh!!😆感覺上中和左成晚食咁多野既罪惡感😆另外，我都好鍾意大蜆什菌豆腐湯，唔似普通餐廳飲到嘅味精湯，呢個湯飲得出係真材實料🤤🤤 好香，可能因為有豆腐，飲落有少少creamy 😆薑蔥炒大肉蟹都好正，簡直令人欲罷不能😻 薑蔥唔會掩蓋咗大肉蟹嘅鮮味。大肉蟹果然冇改錯名，啖啖肉🤤 有時食蟹會好狼狽，喺呢度就可以避免左呢個情況。就算係蟹鉗，都已經事前整碎左少少， 食落就方便好多💓💓呢間餐廳，雖然某程度上有啲「其貌不揚」，但真係可以話係隱世美味，絕對可以encore!!🤣😻😛🤤

朋友從未吃過私房菜，今天我帶他到觀塘一隱世私房菜-御膳。這家私房菜人氣十足，晚餐時間常常坐無虛席，即使訂了六時許，早就坐滿了。幸好一早有訂座，所以今晚有著落。餐牌分別有單點和套餐選擇，套餐一般有六道菜至八道菜，價錢由$335-$460一位不等。今晚點選套餐C$460/位和鮑汁扒鵝掌作晩餐。鮑汁扒鵝掌$180鮑汁扒鵝掌是經典粵菜，一於試一下。這鵝掌炆得相當軟腍，輕易離骨。鮑汁味道濃郁又鮮甜，光看鮑汁的顏色便知它的濃度。一囗鲍汁鵝掌，加埋爽嫩花茹，充滿了骨膠原，真是美味！正！麻辣滷水手撕雞手撕雞帶一點麻香，微微的辣，十分醒胃。雞肉滷得入味，肉質嫩滑juicy, 配上爽口青瓜、芝麻，口感清爽，是一道不錯的前菜。金湯海皇翅這個金湯賣相精美，鮮橘色的金湯十分誘人。金湯湯頭濃香鮮甜，有著濃濃的海鮮高湯風味。而且材料豐富，內有有唔少的蝦肉、鮑魚粒和翅，海鮮口感爽彈，加上鮮美湯汁，真好吃！薑蔥大肉蟹這肉蟹大大隻，蟹蓋都大過手掌，無論蟹鉗同蟹身都肥美，啖啖肉，正呀！肉蟹炒得夠香，鑊氣十足，而且蟹肉鮮甜，薄薄的掛上惹味薑蔥醬汁，更為惹味鮮美，正！避風塘骨本以為避風塘骨會好肥膩，原來避風塘排骨都幾好味。排骨

這食店位於觀塘區一工業大廈樓上，我們已是曾經光顧不只一次，只因為這裡用料新鮮、烹調功夫好，收費合理，每次食完後都覺得稱意。食私房菜一般都要預早訂位，好等食店可以預先準備好食材，及預先準備好一些繁複的工序。甚至有些是給你菜單選擇，使能配合口味及喜好，而這裡的菜單選擇很多，真是有點花多眼亂。我們所選的四人套餐包括有什菌大蜆豆腐湯、鹵水拼盤(走辣)、鮑汁扒花膠、花雕雞油蛋白蒸大肉蟹、薑汁炆龍躉腩、上湯浸時菜、蟹油銀芽炒麵及芒果布丁($1,620)。正如我們不嗜辣，點鹵水拼盤時就可以將本來是麻辣的改為走辣了。這個什菌大蜆豆腐湯夠熱，蕃薯貝鮮甜，豆腐亦十分嫩滑，什菌加上芫茜增加了香味，十分吸引，每人有三碗的份量。鹵水拼盤有金錢肚、豬肚及豬腸，都炆得很腍，而且沒有過多的鹵水汁，不致太鹹。另外還有清新的雞絲沙律及一些沙律菜，更可中和一下鹵水味道。每人一份的鮑汁扒花膠，雖然並非很厚身，但仍可用刀叉來食，腍滑而膠原豐富，鮑汁的味道濃鮮，豐富了花膠的食味。出外用膳，除了貪方便，懶得煮之外，在點菜方面，通常會點一些自己不會煮，或是過程繁複，又或者是人家煮得比自己煮的好得多的菜色，那你才會一邊食一邊欣賞。正如

好耐都冇同媽咪出去食晚飯，見到人氣旺盛既御膳，就決定帶媽咪去食私房菜，私房菜要預訂，咁我就預訂左個2人$938套餐~雖環境唔算特別漂亮，但都算寬敞同坐得舒服，冷氣都夠涼~茶芥每位$2正式上菜嗱1. 麻辣手撕雞雞絲肉質好嫩,再配上爽口既青瓜絲, 口感十足味道方面係麻麻辣辣, 又過隱又滋味~2. 什菌豆腐大蜆湯什菌豆腐大蜆湯湯底係奶白色的,裹面有什菌、豆腐和大蜆一隻，豆腐好香滑, 大蜆亦好鮮甜,而且湯底夠晒香濃,正呀~熱熱地飲,好暖胃3. 龍躉有2款煮法可以揀，花雕蛋白蒸龍躉球 或 薑蔥炆龍躉腩師傅就推介我地食醬皇薑蔥炆龍躉腩果然冇介紹錯，用薑蔥去炆，真係好香，龍躉腩好滑，外脆內嫩，這個真係超好吃4. 大肉蟹一隻可以揀花雕雞油蛋白蒸避風塘炒、薑蔥炒、胡椒炒 或 四川香辣炒都得我地就揀左薑蔥炒，蟹肉鮮甜又夠鑊氣5. 金絲翡翠鳳尾蝦呢個賣相好靚呀, 整得好精緻,鳳尾蝦有鮮味, 脆口又彈牙蝦上高加左素翅,底下就係翠玉瓜,再加個濃芡,夠晒滋味,好好食~6. 蒜蓉粉絲蒸蟶子皇原隻蟶子用左蒜蓉去蒸, 大條又厚肉,底下仲有粉絲,每條都佔有蒜香味~真係又香又爽口~7. 蒜片牛柳粒牛柳粒肉質鬆化，唔乾又ju

今晚同朋友慶祝生日，專登為愛食中菜的佢揀咗呢間位於觀塘的私房菜，菜式吸引，價錢合理而食物豐富，又可以一嚐鮮美海鮮。餐廳位於觀塘區的工廈樓上，我地揀咗呢個兩位用的花龍蝦餐，全單$870, 款式眾多。麻辣手撕雞，麻辣惹味，用爽脆的青瓜絲撈嫩滑的雞絲一齊食，口感層次豐富。花雕蛋白蒸龍躉球，龍䠢球肉軟稔鮮甜，滲入蛋白當中，有淡淡的花雕酒香味，蛋白蒸得剛好熟，水潤嫩滑。花龍蝦, 一隻，用上湯煮，龍蝦大隻厚肉，肉質鮮甜彈牙，味道十分鮮甜，配有剛炸好的脆麵餅，爽脆香口。什菌豆腐大蜆湯，蜆肉鮮甜多汁，令成碗湯的鮮味倍增，伴有香滑豆腐，味道香甜。白胡椒爆炒南非鮑魚，鮑魚肉質彈牙煙韌，有咬口，鮮甜美味。蒜蓉粉絲蒸蟶子皇，蒜蓉份量多而入味，令粉絲吸收晒其精華味道，蟶子多肉鮮甜，帶有海水味。士多啤梨骨，肉質嫩滑鮮甜，士多啤梨醬味道濃郁，煮得十分入味。蟹油銀芽炒麵，麵質乾爽彈牙，蟹油味香濃，加上銀芽爽口鮮甜，味道一流。甜品係雲呢拿布丁，奶滑香甜，冰凍可口。我地見到餐廳有新出的汕頭鹵水鵝，就提早同餐廳講預留一份例牌 $145, 份量多，鹵水汁好入味香濃，鵝肉肉質嫩滑，皮唔肥而入口香滑。