御膳

營業中

休息中

今晚屋企人想食蟹，所以我係臉書search了搵到有間係屋企附近既私房菜，因疫情關係，餐廳新增了《御膳速遞》服務，之後加了餐廳WhatsApp 拎menu，之後我地揀左：避風塘炒大肉蟹+士多啤梨骨＄420；下午5時至8時其間送貨；免運費（隧道費，橋費，偏遠地區餐廳會再報價）；司機到前10分鐘就打電話比我，之後係車邊取食物及付款，食物用了保溫袋保溫，所以放到黎d食物都仲熱！👍👍士多啤梨骨 ： 味道相當唔錯 ,骨上邊有少許芝麻和士多啤梨🍓粒，士多啤梨甜甜酸酸，很開胃，食到唔停口，大大舊肉骨用嚟送飯都可以，味道不會太鹹， 類似叉燒排骨 ，肉質不會太硬煙煙韌韌 ，味道好清新，食到舐舐脷 ！避風塘炒大肉蟹：呢碟餸係香港最道地既名菜，以香、辣、惹味見稱，所以一打開舖滿炸蒜辣椒🌶️，超級香噴噴，炸蒜甘口焦香，脆而不膩，要黎送飯一流！一整隻大肉蟹，蟹肉飽滿嫩滑，充滿鮮甜既味道，令人吮指回味！現在疫情咁差叫外賣最安全 ，依家在家開餐嘆美食不再係幻想，如果有時想食好D,但又唔想出街，不妨打個電話叫餐廳送過嚟啦。😉🥰👍😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好

今天在觀塘工作, 無奈公司人手有限, 全日忙到九彩, 晚上已再無精力煮晚餐, 但一家几口出去食又唔方便.  解決方法:外賣回家.   心中一想到, 日頭做得如此辛苦, 就想來一個豐富的晚餐. 觀塘朋友推介附近私房菜的外賣套餐, 品質OK.  加上在美食網站得知, 通過WHATSAPP訂散點外賣有8折, 於是手機點了避風塘炒蟹, 滷水鵝, 士多啤梨骨, 炒飯, 保證足夠一家四口!  其實餐廳有外送服務, 只是自己在觀塘, 就順便自己拎外賣, 自己速遞回家.  回家打開包裝, 原來各食物盒都加了保鮮紙.  一於快快拆開, 放好筷子托和碗筷SET枱, 全家開飯了!      避風塘炒蟹    在餐廳食蟹一定要保時儀態!  但在家食蟹, 就可無拘無束地食蟹. 家中拆蟹的架生齊全, 鉗刮匙剪, 食完蟹還可以馬上洗手, 正!!!  不過街市大肉蟹盛惠几百元, 平時在家也不會浪費時間搞<避風塘做法>. 剁蒜蓉需要時間, 炸蒜&肉蟹拖油又浪費D油, 還會油花四濺. 事後又要抺廚房要洗鑊呢! 現在套餐有避風塘炒肉蟹, 還有士多啤梨骨, 感覺抵左! 由餐廳外賣回家, 雖然已隔一段時間, 但

媽媽生日飯碰著肺炎時期，為左避免出門我地決定一家五口叫外賣系屋企過生日。朋友介紹呢間觀塘私房菜好食，於是網上搵一搵，發覺佢地做緊優惠，食物單叫有8折，另外都有一啲套餐選擇。我地早一日預訂食物，因為有啲食物需要早預訂。基於我爸爸有三高問題，我地系whatapps 點餐時，叫餐廳少鹽少油都可以做到👍🏼，都唔錯。呢間私房菜有送餐服務，而且時間都好準時，系預訂時間送，只系我住將軍澳所以收多$6隊道費。(1) 薑蔥炒肉蟹 ，呢個好好食，就算叫佢少鹽少油都好入味。一隻份量已經好多，夠2-3人食。(2) 士多啤梨骨 本身睇圖以為好少，但黎到份量都好大，酸酸甜甜士多啤梨🍓味，幾開胃。(3) 遊水東星斑二食 (魚湯 + 西蘭花炒斑球) 魚湯都清甜. 分開左兩個碗裝. 有豆腐有芫荽，有魚（小心有骨）。但冇咩腥味。炒斑球都幾好，啲魚冇骨，岩哂老人家食。(4) 芝士焗大海蝦伊麵 呢個我本身系有啲期待，因為都中意食芝士伊麵，蝦🦐整得唔錯。但伊麵有少少咸，呢到有啲失望。但餐廳好好咁分左三個盒裝。呢到我加左分。(5) 生炒黑豚肉 味道系咕嚕肉，只系轉左黑豚肉，全份啖啖肉，唔洗拆骨。幾方便。(6) 蒜蓉炒白菜仔食咁

在疫情影響下，原來在家也可嘆下私房菜。回想起以前御膳私房菜係我地一家常去既餐廳。呢兩個月黎未曾出過自己住既果區，都未曾出街食飯。遇到周年紀念，又唔想煮飯。見到御膳係社交平台推出好多不同既外賣優惠，仲會送到你屋企樓下，不用用外賣apps, 好方便。同一日兩點前用whatapp落order, 5-8點送餐。我果區5點半司機就聯絡我了，6點送到。我點左避風塘炒蟹同士多啤梨骨$420，自己煮個白飯同炒個菜就開飯了送到黎個味道同堂食差不多，司機哥哥準時有禮。雖然冇得出街會錯失左好多美食，但係俾我發現呢間送到屋企既私房菜，令我覺得平凡中加上了一點喜悅。知道個疫情好影響飲食業，希望在疫情過去仍可以食到質量好既店舖，所以有機會時要多多幫襯先得。

好多人依家都會周圍尋找美味的私房菜，而我都唔例外， 今次經朋友介紹我找到一間服務一流，野食高質的私房菜，依家仲要可以外賣自取或者送貨服務。難得朋友極力推薦咁我緊係要同屋企人來食返餐好嘅啦！媽咪同老豆聽到有得食超開心，係咁追問我去邊去邊，我就扮神秘帶佢地來到觀塘工廈，開頭佢地都覺得奇怪工廈會有咩正野食的， 上到去佢地一入門就明白哂了。原來工廈都有正野的 。打開餐牌不得了，樣樣都咁吸引，搞到都唔知叫咩好，最後老豆負責點菜，我地負責食 haaaa。香芒沙律大蝦球 ~ 大大件炸蝦球配上新鮮水果沙律甜甜酸酸好開胃大蜆什菌豆腐湯 ~ 蜆肉好甜豆腐超滑淡淡胡椒香。花雕雞油蛋白蒸大肉蟹 ~ 蒸得蛋白好滑吸收哂蟹的精華，蟹夠大隻，肉質鮮甜。生煎東星班12兩 ~ 好少會用生煎方法來食東星班，但食落面好香脆內裡就滑，好好味。特大聖子王 ~ 我的最愛， 超大隻，剛熟彈牙，冇得輸。白胡椒爆炒南非鮑魚 ~ 用上白胡椒去爆炒令到每咬一口都有超濃郁的白胡椒香，真係好高層次的味道。江南百花雞半只 ~ 嘩功夫菜 ， 一口一件，掂我老豆好buy 。蒜片牛柳粒 ~ 炸到d 蒜片超香，夾住牛柳食真絕配。上湯浸時菜 ~ 簡單的上

有一間私房菜食下食下食左幾年，水準依然，就是御膳。雖然在工廠大廈，但將成本都放返係食材上，加上師傅工夫到家，值得推薦！今天吃花龍蝦套餐$960。原來店家有做外賣服務，在家也可以吃大餐！頭盤麻辣手撕雞(一份)雞肉嫩嫩的，帶麻香味，配青瓜絲口感清爽，少少辣，好開胃。什菌豆腐大蜆湯湯色澤吸引，材料豐富，有豆腐、冬菇，鮮味濃郁，要趁熱飲。蒜蓉粉絲蒸蟶子皇(2只)，要將炸蒜和蒜泥混粉絲一起吃，好吃！花龍蝦5至6兩(1只)可選芝士，香煎或上湯，個人喜歡上湯煮，花龍蝦很鮮甜，吸收了湯的精華，很考師傅工夫，做得到位。潮州鹵水鵝鵝肉很嫩，鹵水帶有中藥味，真材實料。白胡椒爆炒南非鮑魚(兩只)，南非鮑魚幾大隻，口感不錯，有嚼勁，而且白胡椒味重，很惹味。薑沖炆龍躉腩很香，薑葱味濃郁，魚腩肉質扎實，帶魚皮位骨膠原爆滿，配葱吃，更美味，非常有水準。梅子果皮蒸大肉蟹 ($399)新鮮蟹用蒸係最好食的，用梅子和果皮蒸都係第一次見，好有特色。大肉蟹肉厚鮮味，梅味重，連粉絲都好入味。蟹油銀芽炒麵不油膩，爽口又有彈性。最後送上芒果布甸，用圓形玻璃瓶載幾別緻。

觀塘隱世私房菜不少，但因好評如潮以至街之巷聞的卻不多，「御膳」確是其中一間。店內大廚除了確保每天出貨質素外，還不斷研發不同菜式，配合不同時節推出。為配合喜慶及賀壽，御膳推出鮑汁花膠餐，以更高級食材配搭主打海鮮餐。鮑汁扒花膠餐（2位用）麻辣手撕雞一份前菜份量剛剛好，青瓜條幼切清脆爽甜，拌上結實彈牙手撕雞，麻香美味。薑蔥炆龍躉腩每片大顆厚肉，肉質較結實彈牙，薑蔥油爆再以香濃醬汁炆煮，醬汁滲透入魚腩肉，香濃惹味。什菌豆腐大蜆湯鮮湯奶白柔滑，配上鮮嫩什菌、香滑豆腐、大大粒蜆肉等，呷一口香甜鮮美。鮑汁扒花膠2份鮑汁濃稠度剛好，依附花膠肉但不黏稠。花膠咬下煙韌柔軟，質感富彈性。蒜蓉粉絲蒸蟶子皇2隻蟶子大隻肉身豐盈飽滿，肉質爽口彈牙，配上蒜蓉粉絲，簡單而又惹味。大肉蟹一隻顧客可以選擇不同食法，包括香辣、薑蔥炒、避風塘炒等。我們選了花雕蛋白蒸蟹，不單止能原味呈現蟹香，還更健康無負擔。蛋白質感濃厚，口感嫩滑水潤，蛋白香味濃郁。蟹肉彈牙爽口，味道鮮甜清新。士多啤梨骨整支很大，肉黏附在主骨上，肉質結實彈牙爽口，醬汁吸附在骨肉，味道酸酸甜甜，惹味過癮。御膳炒飯整碟份量足夠滿足兩個大男人，吃光後碟面乾爽不油膩。

疫情關係，食店少了很多人出街食晚飯，今晚我與老公提前慶祝生日，因之前與朋友試過這裡美食和很懷念當時美味佳餚，因此，我們今次再到這裡私房菜懷緬美食。這間私房菜服務態度一流，顧客之上，是一個聚會好地方，我們之前選定一個兩人套餐，再加＜潮州鹵水鵝＞和＜大蜆燉蛋＞，除了其中一個菜餚＜士多啤梨骨＞不太滿意，因骨頭與肉比例難饞嘴，其餘美食很滿意。到結帳時，店員才通知我們這個士多啤梨骨不收費用，還知會大廚改進，因他們著重顧客意見，而不是只會短暫獲利，因此，我很滿意他們服務水準，我會再次光顧。

觀塘係一個有好多隱世美食嘅好地方，尤其是喺啲工廈裏面，只要你用心發掘，一定有精彩嘅發現。幾年前同屋企人嚟過一次御膳，記得呢度嘅食物係價廉物美，今次約咗三五知己再嚟食飯傾計，發現食物已經更上一層樓。今晚嘅前菜有「香芒沙律大蝦球」，大蝦炸得香脆，配上生果同沙律菜，酸酸甜甜；不過我就略嫌用得太多沙律醬，有少少搶咗蝦嘅味道。另一個前菜係「潮州滷水鵝」，滷水汁非常濃郁入味，鵝肉香酥嫩滑，我本人十分推薦。試咗碗「金湯海皇翅」，非常足料，加上湯底濃郁，飲完個湯已經好有滿足感。跟住到海鮮部份，首先係大大隻蟶子，火候處理得啱啱好；「花雕蛋白蒸肉蟹」又係另一道驚喜，蛋白同蟹肉原來好夾，同樣滑不溜口，加上香濃花雕味，可以話係全晚高潮。跟住落嚟嘅兩道菜式都有無比驚喜，「花膠扒羊肚菌」同埋「胡椒爆南非鮑魚」。花膠係矜貴嘅食材，不嬲都係女士恩物，但都唔好忽視羊肚菌，口感爽脆之餘不失菇菌香味，今晚比起花膠，我更愛羊肚菌。至於個鮑魚就更加驚喜，我估唔到原來可以用胡椒爆炒，彈牙嘅新鮮鮑魚，配上惹味嘅黑椒汁，我真係覺得食一隻唔夠喉。雖然已經好飽，但係我記得呢度嘅「富瑤炒飯」非常好食，所以點都要食一碗。果然不失我所望，米飯

早幾年因為經營成本上漲，好多餐廳就算出品有水準，都逼於無奈，由地舖避走至工廠大廈，或許御膳就是其一。其實御膳可以屹立多年，若不是菜色令客人回頭，試問誰會跑入工廈食餐飯？今次啱啱4個人，無須動腦，就點了套餐，若然未夠喉就再加菜吧！香芒沙律大蝦球4件芒果與大蝦原是好合襯，但個人覺得大蝦無需上粉去炸，因為蘸滿了汁都覺得膩，沙律以青紅蘋果作主調，清爽中帶酸酸地，其實不錯。金湯海皇翅4盅熱辣辣上檯，用料十足，蟹肉毫不留手，湯底濃稠，每口都是精華。生煎東星斑12兩用上矜貴的東星班，雖然個人始終喜歡用蒸的處理手法，但偶爾轉轉口味也可以。魚皮煎至脆卜卜好香口，而內裡保持嫩滑的肉質，尤其是醬油調教得相當好，起了提鮮的作用。大肉蟹一只可選花雕雞油蛋白蒸，避風塘炒，薑沖炒，胡椒炒或者四川香辣炒，席間有朋友喉嚨不適，還是大路的花雕雞油蛋白蒸肉蟹最穩陣，蟹汁跟蛋白混成一體，鮮甜得可以，唯一要挑剔的，是蟹鉗敲得未夠裂，想食蟹肉要花多些少功夫。蒜蓉粉絲蒸蟶子皇4只洗得好乾淨，完全無砂，蒜蓉好香口，連埋蟶子一齊食真是人間美味，但大家可不要忘了置底的粉絲，沾上了蒜香及蟶子汁，同樣係超吸引。士多啤梨骨士多啤梨汁調教得不錯

每次我和好朋友都會相約在節日來御膳食私房菜。因為好朋友年廿七生日的，所以過年前就慶祝左先，其實 點解我們會選擇呢到， 因為呢到係可以免開瓶費，切餅費仲可以幫手寫菜單和包獨立房。但今日我兩都係簡單食返餐唔搞咁多野，因我們只想兩人靜下傾下心事食下飯咁。今日我們就叫左大蜆什菌豆腐湯， 蜆肉大大粒冇沙， 豆腐超滑，配上什菌好好飲。我和朋友最鍾意食蟶子，今次就豪一次一人兩大隻特大蟶子王， 加左蒜泥粉絲去蒸，蒸出來時間剛好， 蟶子王好彈牙而粉絲吸收哂d精華，下次真係想叫佢地另加多多粉絲放底哈哈😄。阿朋友仔話想食牛，就叫了蒜片牛柳粒，蒜片炸的好香口，牛柳粒夠淋一口一粒夾著蒜片一齊放入口，那種味道真夾。今日的上湯浸時菜，是白菜仔好爽甜。而蟹油銀芽炒麵炒得剛好，唔會太乾，面頭仲好似有一層蟹油包圍住咁 ， 呢碟我忍唔住包底左，朋友見到都O嘴。最後緊係要食甜品先夠完美 ， 我們叫左芒果布丁， 唔好睇細細杯，材料好足， 芒果味夠濃，仲可以自己加花奶。我朋友好滿意今餐生日飯， 亦已經約好下次復活節我們再來聚餐。

和家人去台灣旅行前約埋一齊dinner傾吓旅行的細節，我即時諗起御膳，好鍾意食呢度嘅海鮮，而且幾静侷，可以慢慢傾，唔錯。御膳以私房菜形式經營，套餐種類由2人套餐至9人套餐總共24款選擇，亦可以散叫或俾budget佢地幫你set餐。今晚我們揀左6人套餐$2430，大約$400一位可以有蝦，蟹， 龍躉腩和鹵水鵝食，我認為是不錯之選。麻辣鹵水拼盤~有牛肚，雞絲和豬腸，牛肚和豬腸炆得好腍好入味，雞絲和青瓜絲夾雜着麻辣的香味，口感豐富。薑葱炒大肉蟹兩隻~弟弟和弟婦最喜愛食薑葱炒蟹，呢2隻是越南肉蟹，大大隻，啖啖肉，肉質嫩滑鮮甜，好好味呀！呢隻咁大嘅蟹鉗緊係屬於我ga la黃金蝦~咸蛋黃炒蝦是我的至愛，蝦殼炸到卜卜脆，咸香的咸蛋黃平均地黏在蝦殼上，真係惹味到連殼都食埋。蝦肉爽甜彈牙，蝦頭仲好多膏tim!薑蔥炆龍躉腩~ 龍躉本身營養價值非常豐富，識食一定揀腩位， 龍躉皮膠質豐富，滑而不腻，腩位的肉質更是入口爽滑，魚味濃郁，用大量薑和葱去炆煮龍躉腩，完全沒有搶去魚的鮮甜味，連葱也十分香甜，好正！潮州鹵水鵝半隻~雖然只是半隻但份量好大，鹵水汁好入味，鵝片肉質比較軟腍，入口即化，鵝肉比較爽口有頭，各有特

夜晚晚😮矇查查😐跟友人行入工廠大厦晚飯？？？雖然久聞工廠大厦有不少出名的私房菜，但從未到訪過。御膳。。名字好高級啊！！希望食物都可口。其實對工厦內的食店期望不大，今次友人特別推薦🤩希望有特別驚喜。店內的裝潢一般，地方及餐具整潔還有VIP房可供用餐。頭盤來了😋😋麻辣拼盤。。內容豐富有豬肚🐷牛肚🐴涼拌雞絲🐔 嗜辣的你一定大為滿足、麻味更令人舌頭一震。好杯中物一定大喜。。今天聚會我們亦不會例外，更喜歡是食店不收開瓶費😘🦀🍸🦀🍷🦀🍹🦀🍷🦀🍸🦀一蟹兩食🦀😋友善的店方主廚👏為喜愛食🦀的友人訂做🤗花彫蒸及胡椒炒🦀🥘風味各異。我偏向喜歡蒸蟹🦀。滑滑的🥚蛋白，散發著清香的🍶花彫酒味，放進嘴裡卻沒有酒的 chok喉☺蟹肉烹調剛好嫩滑不老😋自家獨門鹵汁🍯密方不宣、鹵汁味香沉實、香味繞舌 、不是一般花椒八角鹵水的味道 👍入味肉質淋滑的鵝件及甜酸味交雜的士多啤梨骨，不消一刻便消失得無影蹤😋😋食肉獸也愛青色植物😉蒜蓉炒芥蘭🌿噢！！爽口、好像沒有纖維似的、小小一片片方便放進嘴裡，可見其選料细微。唔！！無得輸🌿🌿good👍👍呵呵😋😋乾爽的豉油王炒麵，喜愛。菠蘿鳥做型特出的生菓拼盤，配置各種新鮮水菓🍇🍍🍓🥝 調節了酒徒

呢餐真係不得了，可以用離譜黎形容。先奉上我地選擇嘅套餐4內容麻辣鹵水拼盆 走辣花膠響螺煲雞湯花雕蛋白蒸龍躉球大肉蟹3只，薑沖炒蒜蓉粉絲蒸蟶子皇10只大蜆燉蛋士多啤梨骨金華玉樹雞一只上湯浸時菜招牌御膳炒飯菠蘿鳥一個(水果拼盤)總數$4685  免加一， 茶錢每位$2呢餐真心失望，頭幾樣都ok, 越後越垃圾，一間普通茶記都整得好食過佢，唔明啲好評係邊度黎