御膳

營業中

休息中

聖誕節少不免與親朋戚友來個聖誕聚餐，西式自助餐固然有聖誕特色，但一想到要分時段用餐就十分掃興，不是太早，就是太夜，不想被人牽著鼻子走，中式私房菜是一個選擇。御膳藏身於觀塘工廠大廈內，已經嘗過好幾次，門面裝修可能不及其他中式酒樓，沒有璀璨的水晶燈飾，但深沉木色簡約裝修，加上對此店食物質素有信心，所以經決定後就早早whatsapp訂位，兼且選定菜式。之前雖然已訂位及訂好菜式，原來即場還可以增選菜式，眼見有新款未曾嘗過，又再加添兩款新菜。麻辣鹵水拼盆鹵得甚為入味，豬大腸腍滑軟熟，牛肚麻辣彈牙，雞絲青瓜嫩滑爽脆，作為頭盤甚為開胃。大肉蟹有多種煮法可以選擇，清淡一點有花雕雞油蛋白蒸、薑蔥炒，惹味的有避風塘炒、胡椒炒或四川香辣炒。薑蔥切得粗身大條，吸收肉蟹鮮甜味，辛辣盡去，香甜可口。大肉蟹蟹箝肉厚味鮮，經薑蔥炒過，特別鮮香好食。花膠厚薄適中，用鮑汁燴過十分入味，花膠入口滑溜彈牙有黏度，以位形式上菜更名貴得體，可以以刀叉享用。蒜蓉粉絲蒸蟶子皇，金銀蒜非常惹味，蟶子皇肉厚鮮甜嫩滑，粉絲吸收了蟶子的鮮甜味，加上豉油吊味，食味同樣吸引。［水煮蝦]四川麻辣水煮是傳統川菜的煮法，濃烈純正的麻辣味，是無辣不歡的

前排公司老闆請我們到御膳吃團年飯，所有同事都對御膳私房菜一致好平。年年聖誕節都係火雞，叫到會或西餐，今年一於創新下，聖誕節食中菜，所以就訂御膳私房菜了。 店內很有家的感覺， 雖然是工廈， 但環境很舒適。 今次試下鮑汁扒花膠餐， 五百幾蚊一位， 菜式有麻辣手撕雞，薑蔥炆龍躉腩，什菌豆腐大蜆湯，鮑汁扒花膠，蒜蓉粉絲蒸蟶子皇， 蛋白花雕蒸大肉蟹，士多啤梨骨，蟹油銀芽炒麵， 再另外叫了一碟潮州鹵水鵝$160，甜品有香芋布丁。麻辣手撕雞～ 麻辣香味濃， 但又不會好辣， 適合港人口味， 手撕雞和青瓜絲囗感配合。什菌豆腐大蜆湯～ 奶白色的豆腐大蜆湯， 清清地營養十足。鮑汁扒花膠～ 配上高貴的鮑汁，花膠厚切好大塊， 骨膠原豐富。蒜蓉粉絲蒸蟶子皇～ 蒜蓉粉絲超入味， 蟶子皇新鮮大隻鮮甜好味。蛋白花雕蒸大肉蟹～ 大肉蟹可以選擇幾款煮法， 避風塘，薑蔥炒， 我就喜歡蛋白花雕蒸大肉蟹， 食材新鮮用清清地的做法已經可以食到蟹的原味， 加上花雕清香的味道配上蛋白， 食得特別滋味。潮州鹵水鵝～ 肥瘦適中， 鹵水味香濃， 鵝片入口 鮮嫩而不膩，超推介！薑蔥炆龍躉腩～ 薑蔥爆得好香， 龍躉腩啖啖肉。士多啤梨骨～ 用士多

前言歲月匆匆，彈指即逝，轉眼間，在飲食網站 Openrice中無心插柳地已經筆耕了11年多，終於來到第3000篇的里程碑。還記得第1000篇，寫的是當年紅極一時，掀起日本拉麵熱潮，現已今非昔比的「豚王」，第2000篇，寫的則是以自己十分愛吃的牛舌為主要菜式的牛舌專門店「一杯屋」。到了今天，終於來到第3000篇了，到底寫甚麼好，實在沒有甚麼頭緒，也不再打算洋洋數千言地訴說這十多年來的感想。思前想後，終於決定寫一篇和自己的大日子有關的食評文章。正文是一個重要的日子，也是一個值得紀念的日子。很久沒吃私房菜的我，見這間網上私房菜評價甚佳，特地預訂座位，與喜歡吃中菜的太太在這間私房菜館慶祝一番。這私房菜館有多款二人套餐可供客人預訂，豐儉由人，而我預訂的是套餐3（$968）。我選擇這套餐的主要原因是這套餐除了每日不同的甜品外，幾乎所有菜式都有海鮮入饌，蝦、蜆、東星斑、鮑魚、蟶子、花枝，對愛吃海鮮的我和不太喜歡吃肉的她，都是很好的配搭。「香芒沙律大蝦球」一客兩隻，蝦不算太大隻，但都算外脆內裡彈牙，伴以數片味道甜而不酸的芒果片、大量青、紅蘋果粒與沙律菜，開胃，健康。「東星斑二食」（椒鹽骨、起肉炒球）四

官塘工廈好多都已改變用途，有售賣冷凍食品，零售食品，服飾，食肆等等，講得出嘅都有。至於食肆，真係有好多高質素餐館，有日式居酒屋，中、台式或西餐廳等，真係應有盡有今年我家冬至聚餐，因家人較鍾意食海鮮，就揀咗哩間私房菜「御膳」，哩間餐館位於官塘敬運工業大廈內，由官塘港鐵站行過嚟，幾分鐘就到哩度嘅價錢係按每位計算，可以按人數嚟訂餐，我哋就訂咗個12人嘅套餐，包括有：香芒沙律大蝦球花雕蛋白蒸龍躉球上湯花龍蝦薑蔥炒大肉蟹蒜蓉粉絲蒸特大蟶子皇士多啤梨骨潮州鹵水鵝上湯浸時菜銀芽炒麵甜品芒果布丁香芒沙律大蝦球，一大隻煎蝦球，下面加上芒果同雜果沙律，入口清清甜甜，係一幾開胃的前菜花雕蛋白蒸龍躉球，蛋白滑溜，有少許花雕酒味，龍躉肉質有彈性上湯花龍蝦伊面底，龍蝦好大隻、新鮮，伊面吸收咗上湯同龍蝦汁，非常鮮甜薑蔥炒大肉蟹，用好多薑蔥炒成，較濃味，肉蟹多肉、新鮮蒜蓉粉絲蒸特大蟶子皇，蟶子皇大隻，加上炸過蒜蓉特别香口士多啤梨骨，肉質較實，入口甜甜酸酸潮州鹵水鵝一大隻，鹵水汁好香，鹹味適中，鵝肉唔嚡口，都幾滑上湯浸時菜銀芽炒麵甜品芒果布丁，加上花奶，香滑味美總括嚟講，哩度食材夠新鮮，烹調方法較彈性（訂位時可以選擇烹

冬至飯太多人食，但又想家常菜，咁以下介紹就岩晒你，味道連媽媽都讚好。花膠響螺煲雞湯首先點少得靚湯，一開始仲以會好hea，一人一淡花膠同雞都冇。但黎到既時候真係多到嚇親，d花膠同雞滿到溢咁濟。湯非常滋潤，飲完都覺得好有媽媽既味道，花足心思煲。芝士花龍蝦一黎既時候已經嗅到好香既芝士味，食落芝士味好濃郁，龍蝦好彈牙。同埋細細仔好方便拆肉。鹵水鵝而家已經好少地方食到鹵水鵝，今次尼間仲要係成件上🤩食鹵水鵝最驚就係食到d好冧好霉既鵝。一係師傅手勢唔好，一係鵝唔新鮮。而今次既鵝肉既肉好結實，皮食落爽口。而非常之入味，真心推介。蒜蓉粉絲蒜蟶子今次食蟶子蒸到岩岩好，唔會太過火，唔會似好橡筋，同埋佢好新鮮，所以食落好鮮甜，再加埋蒜蓉避走左腥味。如果想食辣野既話十可以試埋佢既麻辣水煮龍躉同埋麻辣鹵水拼盤。加左辣味好話癮架。

依家同人講去啲廠廈食私房菜，已經唔喺咩新鮮事，但記得8、9前，由於工廠區嘅廠廈慢慢變得十室九空，而地鋪租金拾級而上，開始有唔少食肆進駐廠廈，與此同時，私房菜嘅概念亦開始普及咗好多，無十年、八年前咁神秘感。事隔4年多，再訪「御膳」，見仍然有咁多客人支持，就知有一定嘅實力啦。廠廈搵食就最有一種私竇感，門面明明喺工廠格，入到裡面就別有洞天。事隔咁多年，環境格局依舊，但仍保持光猛企理。除咗散點，仲有好多款套餐，2-9人餐都有，如果懶諗，就索性俾個「筆直」店家等佢幫你度。香芒沙律大蝦球先嚟一道中西合壁嘅大蝦球沙律，點解話中西合璧？因為以芒果及多款生果做成清爽沙律底，並以大大片沙律菜墊起，而大蝦球就以中式嘅油泡去處理，再推點鹹蛋黃，最後淋上自家調嘅香芒醬。所以，整體味道好豐富，又好有層次，大蝦爽彈到不得了。潮州鹵水鵝依一碟喺例牌份量，下面無墊豆腐之類，份量足，足夠3、4人食。啖啖鵝肉，無骨無成，肉質細膩軟腍，而且，滷得非常入味，個滷汁深沉醇厚。金湯海皇翅因為小弟唔食翅，所以，個海皇翅就由親友品評。佢話個金湯推得好香濃，而內裡混入唔少海鮮料，貨真價實，仲有稀杰度啱啱好。鮑汁扒花膠件花膠雖然唔算厚身，

我是觀塘地膽，吃過不少觀塘美食，但老實說，這裡的工廈餐廳實在太多了，五花八門，沒可能全部都知道。今日就有朋友帶我「搵食」，一同去到敬運工業大廈的「御膳」吃晚飯，餐廳勝在海鮮款式多，而且每款都鮮甜高質，我們自訂餐單四人盛惠$2,480 (有寫價錢的是額外點選)，有齊魚蝦蟹，還有海皇翅和蟶子等，豐盛又抵食！香芒沙律大蝦球先來前菜，鮮蝦加了漿粉炸香，然後淋上芒果汁，底下還有好多水果沙律，主要是清爽的青紅蘋果，酸酸甜甜好開胃，吃罷這個，我已經準備好吃主菜了！金湯海皇翅海皇翅十分足料，蟹肉、魚翅等毫不吝嗇，湯底熬得鮮香濃郁，大大的一碗好滿足。潮州滷水鵝 (例牌)看顏色已知道這鵝肉滷得十分入味，滿滿的八角香氣，鵝肉細嫰。蒜蓉粉絲蒸蟶子皇好喜歡這蟶子皇啊，肉質彈牙，味道超級鮮甜，而且完全無沙，加上惹味的蒜泥，實在無得輸，別忘了吃底下的粉絲啊，吸收了海鮮精華所在。大肉蟹 (花雕雞油蛋白蒸)大肉蟹的做法很多，可選花雕雞油蛋白蒸、避風塘炒、薑蔥炒、胡椒炒、四川香辣炒等等，大師兄幫大家選擇了蛋白蒸，果然英明！蛋白香滑細嫰，「雪」一聲就滑到了喉嚨去，底下還有粒粒薑花，蟹身肉厚鮮甜，十分高質。生煎東星斑沒想過東

💁🏻‍♀️ 御膳 (觀塘) 🍴-系觀塘行開街，搵到呢間私房菜，於是拉埋屋企人來食，好有驚喜！估唔到私房菜都食到咁高質嘅中菜，絕對媲美其他酒樓啊，帶老一輩一齊食一流～～猴頭菇瘦肉湯（$220）足料老火湯！飲落勁潤喉滋補，但又唔會好似平時飲開啲雞湯咁好油，所以如果想試吓新意思可以叫吓呢個，同埋份量好多，三個人飲到勁飽勁滿足，冬天飲完成個身暖曬東星12兩（椒鹽魚骨腩、蘭度東星斑球）（$380）私房菜當然要試吓海鮮～食之前老闆娘專登俾我地過目吓先，呢條東星鮮斑果然好生猛。兩碟都十分足料，椒鹽魚骨腩炸到好脆好香口，而且調味夠惹味，食到停唔到口！而蘭度東星斑球道帶出左魚嘅鮮味，蘭度炒得唔苦，魚塊肉質厚實，十分高質！士多啤梨🍓骨 （$120）上網睇好似係招牌菜，所以叫來試吓啦，果然名不虛傳。一上菜就好吸引，士多啤梨🍓骨排到好似層層疊咁，食落果然有士多啤梨果味，但唔係死甜，可以中和返排骨嘅膩，好味啊麻辣手撕雞/半隻 （$180）另一抵食之選，半隻雞超級多，堆到成座山咁高。麻辣味恰到好處，唔會搶曬雞嘅鮮味，另外青瓜絲配搭得宜，麻辣中帶點清新。最後食飽飽仲有甜品送，係奶凍，非常creamy，唔會太甜，好滿足

為咗慶祝家姐升職 一於同佢一齊食佢最鍾意食既私房菜 有幾款唔同既餐 我特登比家姐簡 佢簡咗個花膠扒羊肚菌餐 入面都有幾多野食可以食🤤前菜有手撕雞 雞絲好幼 加埋青瓜絲好清爽 調味既醬汁帶少少麻辣 但辣度可以接受 好開胃大蜆什菌豆腐湯好暖胃 用上大蜆 豆腐什菇熬成奶白色既湯底 味道好鮮甜 加左莞茜更加香薑蔥炆龍躉腩龍躉腩炸得入味 醬汁香濃入味 與龍躉魚肉配合得好好 連平時唔好薑蔥既我忍唔住食埋🤤大肉蟹可以有幾種煮法比客人簡 我地就簡左用避風塘炒 大肉蟹蟹肉新鮮結實 特別係蟹鉗位 好厚肉 啖啖肉🦀 好推介避風塘味 勁多避風塘粒 炸得香脆 後勁十足 香香辣辣 如果配埋碗白飯就正啦流沙黃金蝦超多鹹蛋黃佈滿蝦殼 蝦肉新鮮爽彈 蝦尾炸到脆卜卜 可以連殼食埋🦐士多啤梨骨幾特別既一碟菜式 士多啤梨🍓醬配上排骨 好開胃惹味 甜甜地又唔會酸 啖啖肉 賣相都好得體😚花膠扒羊肚菌羊肚菌我都係第一次聽 問左侍應就有益腸胃 助消化 仲可以預防感冒😷 咁有益仲要配埋養顏軟腍既花膠扒 真係要食多兩啖雖然已經捧住個肚 但點都要試埋個蟹油銀芽炒麵 上枱芳香撲鼻 好有鑊氣 炒麵炒得乾身 用左蟹油去炒 好難會唔惹味🤤✨最後仲

喺觀塘區翻工，最近一直探索近附近嘅工廈美食。御膳係我近排食過覺得可以帶屋企人再翻食嘅私房菜。餐廳位置喺工廈12樓，位置唔算顯眼，但係我地去到枱枱都係客，好彩有預約到。今次我地三個人食叫左四餸一湯，野食份量都幾多。士多啤梨骨嘅士多啤梨味好重，食落酸酸甜甜，似係有士多啤梨味嘅咕嚕肉，好適合送飯。麻辣手撕雞份量好多，勁抵食。有麻辣味但唔會好辣，朋友唔食得太辣都食到。我地仲叫左個東星斑二食，條魚好生猛，即叫即劏好新鮮。椒鹽整法整到脆脆地幾好食，另外一個整法係用芥蘭炒，健康啲同好入味。湯係猴頭膳瘦肉湯，湯料好足料，飲得出冇落味精，係用好多料整到湯夠味。同埋湯嘅份量都好多，係抵飲嘅。食完主食仲有甜品送，奶凍都做得夠滑。

小女子今晚第一次試呢間私房菜，本來店主set左有7款二人套餐，但係試得私房菜，就唔係太想食啲太普通嘅，例如士多啤梨骨呀咁，因為自己都識煮，於是決定自己編制菜單，呢間私房菜自由度都好大，可以任改，最後編好9道菜(連埋甜品)，首先來個小食，手撕雞，但嚟左個麻辣，小女子唔係好食得辣，要求換個唔辣嘅，侍應立即換過，本來個個套餐都係以豆腐湯為主，小女子將湯改為翅，好可惜原先訂的金勾翅冇貨，換上金湯海皇翅，不過不失啦叫做，之後食龍蝦，煮得唔錯，重有蝦羔添，蟹呢就用蛋白花雕蒸，酒味重了點，蛋白唔夠滑，胡椒炒鮑魚，勁辣，唔食得辣嘅真係唔好叫，鮑魚肉質一般，勾翅鳳味蝦，叫做可以中和番胡椒鮑魚嘅濃味，蒜蓉粉絲蒸蟶子，最好味，蟹油炒麵，味道可以不過麵身硬左啲，最後就係甜品芒果布丁，非常好，細細杯，味濃，加埋淡奶真係絕配，另外再加左一支汽水，本身like 佢fb 已送一支，全部九樣野夾埋1600有找，唔算貴，兩個人出去食海鮮都唔只啦。

俗語有云：「使出真功夫，方為大師傅。」香港人識飲識食，有誰不希望嘗到大師傅的手藝？在百物騰貴的世代，「平靚正」就更無得輸了。別以為只有「中產人仕」才吃得起山珍海味，原來在一個平平無奇既工業大廈，埋藏著一座乾淨整潔而性價比合理的美食天堂而且但求分享特色菜式的［私房菜］- 【御膳】。.私房菜係我心中係一種招待食客的態度：「食材是即日預備的。早了幾天預訂，所有食物新鮮滾熱辣上檯」。入到去【御膳】太舒服了吧，環境令人好有家既感覺，簡簡單單，乾淨衛生，食野啦，準備接招吧!!!!!!!!!.▪️豉椒炒大蜆數到有大排檔風味的菜式，自自然然就會想到豉椒炒蜆，鑊氣夠，鮮甜蜆肉加上惹味的醬汁可算是十分配合。不過大家想食這道菜又不一定要到大排檔...因為私房菜都有私房菜既風味...蒜頭和豆豉最佳配搭，用來炒蜆更是百吃不厭的組合，【御膳】炒到香噴噴之餘，蜆肉真係好鮮甜惹味，又大隻。超下飯的菜色！！▪️芙蓉蛋白蒸老虎斑一條大大條嘅老虎斑突然就送到我地面前，上枱喇，員工好細心咁幫我地把魚肉分成多份。大小份量是很符合八至十個人的。整體老虎斑很新鮮， 肉質結實。但魚身中間位都有腍身既位置。沒有蒸站火，時間剛剛好呀師父。蛋

今日同老婆去觀塘行下d,發覺觀塘工廠區係美食綠洲，係好多工廈都隱藏著美食，由其係"私房菜"，簡直係百花盛放，今日我就機緣巧合下，揾到依間隱藏於工廈內，又不太起眼既私房菜吸引到，依度環境雖然唔係好大，但環境可以，都好衛生，最緊要係價錢實惠，食物有質素潮洲鹵水鵝:個鹵水真係秘制，同出面食嗰d完全唔同，唔會太咸，剛好帶出鵝既味道蟹油銀芽炒麵 : 平時食開是酒銀芽炒面，今次用蟹油炒，好特別，即時升到另一層次避風塘炒蟹 : 蒜蓉炒得好香，完全同蟹融為一體，蟹都食得出好新鮮御膳炒飯 : 一個好食既炒飯唔係睇佢用咩料，而係睇佢炒成點，炒到咁粒粒分明，要大師傅先做到芒果布子 : 用新鮮芒果整，啖啖都係芒果既味道，完美既句號

觀塘工廈嘅中式私房菜 貪佢位置隱蔽入面裝修好特別 今日特登帶屋企人嚟食 海鮮同其他菜式都好正份量夠十足 啱晒成大班人一齊嚟食 父親節母親節同新年有着落啦☺️胡椒炒大肉蟹大肉蟹有好多種煮法可以選擇！薑蔥炒, 胡椒炒, 避風塘炒 四川香辣炒等等。因為我哋好鍾意食辣 超喜歡炸蒜, 辣椒嘅味道，所以揀咗胡椒炒大肉蟹。大肉蟹又真係好大隻啖啖肉 肉質挺身 味道鮮甜。秘製沙薑雞其實我第一次食沙薑雞🤣味道好似鹽焗雞咁 香得來又幾清！雞肉好鮮嫩 同平時食嘅雞味道唔同 特別彈牙同滑 😍😍😍御膳炒飯炒得乾身有鑊氣 用甜豉油去吊味有點甜味 好多牛肉同蝦 超足料 仲有好多菜粒同蔥花 口感層次豐富。踏雪金巢有金鈎翅 瑤柱 蛋白芋頭 菇類。翅同瑤柱嘅味道好鮮甜 菇同芋頭到索咗甜味 芋頭夠粉好正啊☺️☺️士多啤梨骨士多啤梨醬甜甜酸酸 排骨好多肉 好開胃嘅餸 好啱送飯 😺😺😺富貴金龍沙巴龍躉2斤 魚肉超鮮甜 而且好大條勁多肉 肉質結實 唔會梅！蒜蓉粉絲蒸蟶子皇蟶子用蒜蓉清蒸 好清甜 而且大大隻！ 底嘅粉絲彈牙煙韌 👏👏👏

間唔中都想同屋企人去啲中式私房菜，食得好少少又可以成家人坐埋一齊開開心心食飯，實在難得👍🏻麻辣鹵水拼盤拼盤嘅麻辣味好足呀，真係會有啲麻麻地嘅感覺！唔食得辣嘅我唯有淺嘗😭 不過鍾意食辣嘅朋友超開心👍🏻花菇拼鵝掌一上枱見到大大粒又擺盤擺得咁靚，真係開胃啲！花菇厚厚有菇味，最鍾意食落啖啖肉嘅花菇！鵝掌就好入味，覺得自己食緊啖啖骨膠元落肚😆蒜片牛柳粒其實炒餸落蒜真係會加分，香左好多。牛柳粒數量都唔少架，炒落又唔老嫩滑，不錯不錯！蒜蓉粉絲蒸蟶子皇成餐飯都最鍾意嘅餸❤️ 蒜蓉粉絲依個組合放落貝殼類海鮮真係number one!!! ☝🏻 蟶子皇仲要無沙又大隻，鮮甜肥美，食得好滿足呀！蟹油銀芽炒麵食左咁多海鮮，都係時候要食番啲澱粉質喇 第一次食到用蟹油炒嘅麵，估唔到有驚喜！炒麵大大碟，加左蟹油香味陪增，不過又唔會太油淋淋，當然如果再多啲蟹油再香啲就更好喇🤤