得閒飲茶 (MONTEREY Place)

營業中

休息中

今日去咗尖將軍澳海旁嗰頭食晚餐，平時朝早去飲茶就飲得多今日決定夜晚先嚟飲茶。鵪鶉蛋松露燒賣平時好少地方有鵪鶉蛋燒賣今次呢款隻鵪鶉蛋仲要係流心添，加埋啲松露入口更有層次感。柱侯金錢肚金錢肚炆得非常入味配埋啲蘿蔔喺底朔晒啲汁呢款真係必點。鍋貼蝦多士，多士炸到金黃香脆上面就鋪滿啖啖蝦肉，仲可以配埋雜果沙律醬同埋牛油果醬，減低油膩感。焗叉燒包面頭做咗菠蘿皮叉燒肥瘦適中成個包咬落好鬆軟。鳳梨咕嚕蝦球大大粒嘅蝦球加埋啲咕嚕醬酸酸甜甜非常開胃，而且啲蝦肉仲非常之彈牙。蟹肉大良炒鮮奶呢個餸係我第一次食入口非常嫩滑香口，啖啖嘅蟹肉絲加埋啲蛋白同鮮奶再點埋啲醋真係食唔停口啊。

海景級享受的新式茶樓窩貼蝦多士🍤 多士炸得幾香脆之餘，仲有兩款唔同嘅醬：牛油果他他醬 & 雜果沙律醬～ 新式同埋傳統嘅口味都有～ 柱候金錢肚：柱候醬汁惹味之餘，下面又有白蘿蔔，可以化一化胃氣。所以。我地另外都叫咗蘿蔔絲酥餅（$42） 裡面的蘿蔔絲都幾豐富，爽甜有咬口鵪鶉蛋蒸燒賣：裏面嘅鵪鶉蛋🥚 竟然可以做到半流心的狀態👍🏼牛肉球：有好多我中意嘅芫茜🌿😍 而且牛肉好鬆軟～ 有手打之感XO醬炒腸粉：聽到廚房嘅鑊氣坎坎聲好勁咁，一上枱真係熱辣辣，XO醬有少少微辣。茶價晚巿係$15一個人地址：將軍澳唐俊街23號 monetary 一樓前往方法：喺DONKI望水牌「更多餐廳」穿過小天橋

望住過海食點心,零舍有格局,侍應 招呼 周到, 坐都坐得舒服又開心點心基本上都係即叫即蒸新鮮熱辣, 幾有水準焗叉燒包, 雖然係菠蘿包皮，但係入邊竟然唔係平時食嘅菠蘿包而係叉燒包, 好驚喜呀!蝦多士, 炸得好有水準, 鮮蝦甜甜地幾好味再配合沙律醬鵪鶉蛋松露燒賣, 黑松露好香再加埋入邊嘅鵪鶉蛋絕對係一流嘅配搭柱侯金錢肚, 色澤鮮明, 味道清甜，唔會好似平時酒樓咁鹹牛肉球, 幾有口感，比起平時酒樓嘅係硬身一啲蘿蔔絲酥餅, 一層一層嘅蘿蔔絲酥整得好仔細入邊有一絲絲嘅蘿蔔好甜嘅XO醬炒腸粉, 平時嘅腸粉都好油膩，但係呢一個就冇乜油膩感, XO醬好味好惹味蒜蓉粉絲蒸鮮魷,蒸嘅時間啱啱好令到魷魚軟硬度適中呢度啲點心都幾有水準，一分錢一分貨有海景睇，睇住將軍澳大橋，幾寫意

焗叉燒包🐷熱辣辣嘅脆皮菠蘿包，烘焗至表面金黃色，外皮好酥脆😬叉燒肉質嫩滑又多汁👍🏻唔錯！窩貼蝦多士🦐🍞賣相好靚😍多士好酥脆可口，熱辣辣脆卜卜😊蝦肉口感彈牙鮮甜，配埋水果沙律醬一齊食，味道好夾🤭仲唔會好膩！有驚喜🥰鵪鶉蛋松露燒賣🥚我第一次食，覺得呢款點心好有創意😬大大粒燒賣有好足料好香濃嘅黑松露，咬入口仲有流心嘅鵪鶉蛋，好正😊柱侯金錢肚😝金錢肚夠哂腍身，配埋濃郁嘅柱侯醬汁，好入味😬😋又好惹味😌牛肉球🐄大大個牛肉球好嫩滑，而且爽口彈牙！夠哂足料又有牛味，整體味道好好👍🏻唔會太鹹，我幾鍾意食🤩🤩蟹肉大良炒鮮奶🦀🥛由細到大都好鍾意食大良炒鮮奶😍大良炒鮮奶再加埋蟹肉，食落口嫩滑之餘，添加少少酸醋，更加能提升蟹肉嘅鮮味🦀😋😍😍而且仲食到濃濃嘅奶香味😌正！特級普洱☕️入口香甜，飲完仲有回甘香味😍💁🏻‍♀️餐廳環境好舒適，望住個靚海景，景觀一流🤩可以好chill 咁同朋友飲茶嘆下😍同時亦都係一間動物友善餐廳😬😬職員服務態度好好👍🏻#hkmom #hkmommyblogger #hkblogger #美食推薦 #美食 #香港美食 #香港

.將軍澳·飽覽海景高質新派點心店DHYC Dimsum Restaurant📍將軍澳澳南海岸唐俊街23號MONTEREY Place 1樓2A號舖➰今日同朋友行完將軍澳海濱，發現海傍餐廳有間中式點心餐廳，可以飽覽海濱景心，決定同朋友試試，餐廳裝潢佈置走簡約新式風格，有別於傳統點心店，坐位間格亦非常闊落，坐得好舒適。餐廳亦用上焗茶方式上茶，可以自己加水，更為方便。➰✥窩貼蝦多士(五件) 💲88 ⭐️4.2/5⭐️蝦多士炸得非常香脆，光澤亮麗，蝦肉彈牙，更加驚喜係除左沙律醬之外，餐廳供應牛油果醬，可以一解蝦多士嘅油膩感，非常出色。.✥焗叉燒包(三個) 💲38 ⭐️4.1/5⭐️用上菠蘿包皮製作，外脆香甜，叉燒調味亦都適中，大人細路都鐘意..❀鵪鶉蛋松露燒賣(3粒) 💲55 ⭐️4.3/5⭐️鵪鶉蛋燒賣市面雖小，但相信大家都試過，但餐廳依度自家製作嘅黑松露版本更加高貴之餘，最令我地驚喜嘅係鵪鶉蛋一咬開做到流心效果，非常出色，一試難忘，必試推薦。.❀蟹肉大良炒鮮奶 💲148 ⭐️4.2/5⭐️上枱非常吸睛，一份雪白鮮奶伴上絲絲蟹肉，入口順滑，奶香豐滿，加上黑醋汁更為提鮮。.✥魚香脆肉寶 💲178 ⭐️4.1/5

😍高質點心😍-之前去將軍澳海濱發現左間高質點心餐廳 所以食過返尋味😳除咗點心做得出色之外🤤佢地對住海既環境真係冇得輸😍-🍼蟹肉大良炒鮮奶唔係周圍食到既火候菜😳依到做得好出色👍🏼炒得企身潔白同入口嫩滑😋仲有大量蟹肉🦀加埋醋食味道更加豐富👍🏼-🦐窩貼蝦多士（$88）蝦同多士厚薄均勻🦐蝦肉鮮味彈牙😬多士亦好脆口🤤-🥚黑松露鵪鶉蛋燒賣好香嘅黑松露味🥰而且每一粒鵪鶉蛋仲係流心嘅🥚-🌶XO醬炒腸粉（$78）用咗好多XO醬去炒十分惹味🌶腸粉炒到美美焦香岩岩好😋-🥯焗叉燒包（$38）外面脆卜卜👍🏼一咬開裡面係滿滿既叉燒餡😋-📍DHYC Dimsum Restaurant 將軍澳澳南海岸唐俊街23號MONTEREY Place 1樓2A號舖-

今日約咗將軍澳的朋友踩單車，佢屋企有2架私伙嘢，唔使租“共享單車”，好正，不過下次都要試吓“共享單車”嘅，有冇人一齊吖？醫肚係踩單車後必須做嘅一件事，係唐俊街23號 搵到呢間有點心食嘅餐廳，講真香港唔同廣州，唔係週圍有夜茶飲㗎，而且呢度仲有靚靚大橋景。“焗叉燒包”個賣相就冇平時食的“雪山叉燒包”咁搶眼，但焗到金黃色的表皮好酥脆、內裡馅多、肉質軟爛、美味可口；“鵪鶉蛋松露燒賣”係高級版燒賣，有清香的黑松露之外，仲有個重點就係個鵪鶉蛋係流心嘅，多層次的美味超級吸引；唔係度度都食到嘅“窩貼蝦多士”，呢度都食到😋😋“魚香脆肉寶”和“ 蟹肉大良炒鲜奶”都係好特別的美食，魚香茄子食得多，但今次的整法有新意够創新；炒鮮奶加埋我好like 嘅蟹肉，鮮香味美，賣相又好掂呢💗

Holiday mood 重及想食點心，約了將軍澳朋友嚟這餐廳試試。餐廳嘅環境很好，對住海景及將軍澳大橋，没一般茶樓嘅嘈吵，很舒服寫意。叫了些點心及小菜，茶很好是趁位叫的，可叫自己喜歡的茶，杯更是雙層杯，唔辣手，很貼心。點心方面，都熱辣辣即叫即整，尤其喜歡鵪鶉蛋燒賣，隻蛋仲係流心蛋，好正🥰🥰🥰炸蝦多士也很好味，外層脆卜卜，內很有蝦味，食到唔停得口。小菜方面，個咕嚕肉同埋西檸雞都很好味。環境舒服清幽，没一般茶樓的嘈吵，我們食嘢談天得很盡興，得閒要日頭再嚟食過😋

這家餐廳很適合和寵物光顧，可以對著海景吃點心，很chill。⭐️玫瑰烏龍茶這款茶飲散發著迷人的花香，讓人一口接一口。烏龍茶的香氣和玫瑰花的芳香完美融合，令人愉悅。⭐️鍋貼蝦多士配牛油果醬和鮮果沙律鍋貼蝦多士外脆內嫩，蝦肉彈牙，配上清新的牛油果醬，口感更加豐富。鮮果沙律則提供了一份清新的口感，新鮮水果的甜蜜和沙拉的爽脆相得益彰。⭐️鵪鶉蛋松露燒賣這個燒賣以鵪鶉蛋為主要成分，加入了松露的香氣，味道獨特。燒賣皮薄餡多，每一口都能品味到鮮嫩的鵪鶉蛋和松露的風味。⭐️焗叉燒包焗叉燒包外層金黃酥脆，內裡包裹著嫩滑多汁的叉燒，每一口都帶來滿滿的滿足感。⭐️牛肉球牛肉球則是用優質牛肉製成，口感鮮嫩，香氣四溢。⭐️金錢肚金錢肚入口很爽口，有足夠的調味，很惹味。⭐️排骨排骨味道不俗，很惹味。

難得放平日， 就約咗個朋友去將軍澳high tea， 朋友介紹嚟呢間餐廳飲茶， 貪佢可以對住個海食嘢。 間餐廳都好入， 我都搵咗一陣先搵到， 成間酒樓對住過海，真係超正！入到去職員好有禮貌帶我哋入座， 間餐廳唔算好大，但可以嘅選擇都算多。我哋兩個人都嗌咗好多點心食， 有 酥皮叉燒包 ，牛肉球，排骨蒸陳村粉，xo醬炒腸粉，蘿蔔絲蘇卷， 小籠包，五香牛雜，黑松露蒸鵪鶉蛋燒賣。 樣樣都好正，即叫即整好新鮮。 酥皮叉燒包係我至愛，新鮮熱辣辣，個酥皮好正，叉燒料好多，啖啖肉個燒賣又係好特別， 因為係朋友叫 我以為係普通燒賣，點知一咬落去就發現有粒蛋蛋喺入面，好搞笑。之後個牛肉球食得出唔係好似出面咁一pat粉， 有好多蔥同埋食到有牛肉味， 再配埋喼汁就一流。xo醬炒腸粉一上台就聞到好香， 小小辣好開胃， 啲腸粉炒得好好，條條都好分明，又唔會話好油， 所以排骨精陳村粉啲陳村粉都係滑dodo好美味個小籠包整到皮薄餡靚好多湯， 咬落去就漏湯出嚟 超正 好少食到皮薄餡靚嘅小籠包通常一吉就穿。仲有個牛雜同埋個蘿蔔絲酥卷都好味，啲牛雜好淋好易咬而且好入味，蘿蔔絲酥卷就脆卜卜好香口入面一條條蘿蔔絲，軟硬啱啱好，

DHYC Dimsum Restaurant 地址: 將軍澳澳南海岸唐俊街23號MONTEREY Place 1樓2A號舖電話: =====================可以帶狗狗的coffee shop /cafe 比比皆是，但食點心又可以帶埋主子，將軍澳DHYC Dimsum Restaurant 絕對是第一間。今日就帶埋主子去新地方威威望到海境，舒服寫意開茶先，要了玫瑰烏龍同碧羅春，茶是獨立茶包蒸點心黑松露燒賣，黑松露富予芳香，豬肉蝦餡好實在，喉開中間是鷯春蛋小籠包皮薄透光，湯汁很多小心熱燙口，蘸醋多份醋酸香開胃魷魚口感彈牙，落了紅辣椒絲，底下有粉絲吸收汁索味。牛柏葉濃郁惹味，炒腸粉，平均的索了鼓油同co 醬，辣辣地加上蛋絲蔥花芽菜，口感更利落。菠蘿叉燒包，個皮好酥脆，加上叉燒餡甜甜，超好食蝦多士抹了層蝦膠再炸，是香脆可口的小食，附上生果沙律要齊起，去除油膩感炸蘿蔔酥，白蘿蔔絲很清甜，千層酥咬下時，在口中散開帶同狗狗一齊食點心望海境，sochill

DHYC Dimsum Restaurant今次要介紹一間望住海景開喺將軍澳嘅點心餐廳， 冬天嚟呢度食點心感覺非常寒冷，下次都係要秋天嚟就最好，食住點心望住海景感覺非常好，而且輪椅人士入去食野都非常方便，餐廳算闊落，枱同椅可以移動，亦都係一間寵物友善餐廳！1.窩貼蝦多士（5件）$88（10/10）蝦多士炸得好金黃，蝦肉鮮甜彈牙，加埋沙律醬就仲好食！2.蒜蓉粉絲蒸鮮魷$48（9.5/10）魷魚爽口彈牙，整體魷魚大約有7舊，粉絲索哂蒜蓉汁，唔錯！3.蝦餃$42（10/10）呢個蝦餃皮薄蝦爽，好少見一隻蝦餃都有2隻蝦仁，一共有3隻蝦餃，超正！4.焗叉燒包$38（9/10）焗叉燒包新鮮焗起，咬落熱辣辣，包外皮似菠蘿包，叉燒算多唔算肥，麵包鬆軟，好味！5.蘿蔔絲酥餅（3件）$42（10/10）呢個蘿蔔絲酥餅好酥化，唔似好似出面酒樓咁食緊厚厚嘅粉，入面仲有好飽滿嘅蘿蔔絲，口感軟綿！6.鵪鶉蛋松露燒賣$55（9.5/10）呢個鵪鶉蛋燒賣鵪鶉蛋唔喺上面，鵪鶉蛋喺入面，上面反而係松露，咬落彈牙飽滿，仲有松露香！7.柱侯金錢肚$45（9/10）呢個金錢肚唔韌，整得幾淋，一共有4舊金錢肚，同3條蘿蔔！8.茶

高質海景點心1️⃣窩貼蝦多士配沙律，牛油果醬煎到金黃色，好香脆，食落味道都夠濃味💰HKD$882️⃣焗叉燒包外皮係菠蘿包皮，甜甜地，叉燒同醬都夠哂多💰HKD$383️⃣鵪鶉蛋松露燒賣蛋係流心的好有驚喜😍😍，不過燒賣較乾💰HKD$554️⃣牛肉球好大粒，彈牙💰HKD$385️⃣鳳梨咕嚕蝦球蝦球好大舊，外皮脆，蝦彈牙，酸甜度剛好，仲有好多三色椒🤭HKD$1786️⃣西檸雞個檸檬汁好出色，偏甜，雞皮就厚左d💰HKD$190

好開心，將軍澳開咗一間特色的飲茶舖頭，裝修新潮得來又食到傳統特色的中式點心！好正的mix and match !重點係跑完街馬可以帶埋毛孩來一齊過聖誕節😍10分欣賞這個茶壺有真空和隔熱的功能龍井淡淡，清香茶味，香港好難得有地方係可以叫龍井飲☕️叉燒包相比傳統叉燒包，更喜歡食雪山叉燒包，因為包面很鬆脆，令整個叉燒包有更豐富的層次！鵪鶉蛋燒賣🦆鵪鶉蛋燒賣完全放入燒賣內，鵪鶉蛋仲要流心！鍋貼蝦多士🦐有牛油果蕃茄醬同埋新鮮菠蘿沙律🥗蝦味濃郁！蟹肉大良炒鮮奶🦀看上去全碟都是平平無奇的白色，但裏面有鮮奶，蛋白和蟹肉，三隻味道各自有層次，形成強烈的反差感！蟹肉味道鮮味！鳳梨咕嚕蝦球🍤蝦球估佢唔到用上新鮮蝦！爽口彈牙又鮮味！自家製糖醋汁加上菠蘿，是十分分開胃的菜式！超喜歡這裏飲茶，因為這裏的茶同點心都好講究，而且水滾茶靚!茶水一定夠熱！

DHYC係Dak Haan Yum Cha ”得閒飲茶”嘅縮寫，餐廳正對海濱，景觀一流，裝修走簡約清新風格🥢焗叉燒包$38外皮鬆脆，包身軟腍，內裡叉燒餡熱辣辣，多汁蜜味香濃🥢鵪鶉蛋松露燒賣$55燒賣質地Q軟彈牙，有蝦及鯪魚肉嘅鮮味，畫龍點睛嘅松露醬增加咗燒賣嘅香味，最過癮嘅就係內藏嘅鵪鶉蛋黃仍然處於流心狀態，食落好有層次🥢鍋貼蝦多士（5件）$88炸到熱辣辣，非常香脆，食落唔會好油膩，最正嘅就係跟咗兩款醬，一款係雜果沙律，另一款係牛油果醬，牛油果醬裏面仲有番茄及洋蔥，兩款醬就咁食都好好味😋🥢柱侯金錢肚$45金錢肚爽口彈牙，墊底仲有炆到好腍嘅白蘿蔔，索埋啲醬汁夠哂入味🥢蟹肉大良炒鮮奶$148蛋白嫩滑無比，奶味香濃，內藏嘅蟹肉份量都唔少，仲有金華火腿蓉增添鹹香味道🥢鳳梨咕嚕蝦球$178蝦肉非常爽口彈牙，醬汁甜甜酸酸，但又唔會好濃味，裡面仲有好多菠蘿、青紅椒及洋蔥，整體開胃唔覺膩茶位$15/位，提供陳皮普洱，如果唔喜歡普洱的話，可以另加其他茶種，我就喜歡🫖人參烏龍+$ 9，嗒落甘甜順喉而朋友喜歡嘅🫖碧螺春+$12，飲落清新回甘，好解膩嘅感覺景觀一望無際，坐得舒服，感覺好chill，而且又係寵物