得閒飲茶 (MONTEREY Place)

營業中

休息中

今日去咗尖將軍澳海旁嗰頭食晚餐，平時朝早去飲茶就飲得多今日決定夜晚先嚟飲茶。鵪鶉蛋松露燒賣平時好少地方有鵪鶉蛋燒賣今次呢款隻鵪鶉蛋仲要係流心添，加埋啲松露入口更有層次感。柱侯金錢肚金錢肚炆得非常入味配埋啲蘿蔔喺底朔晒啲汁呢款真係必點。鍋貼蝦多士，多士炸到金黃香脆上面就鋪滿啖啖蝦肉，仲可以配埋雜果沙律醬同埋牛油果醬，減低油膩感。焗叉燒包面頭做咗菠蘿皮叉燒肥瘦適中成個包咬落好鬆軟。鳳梨咕嚕蝦球大大粒嘅蝦球加埋啲咕嚕醬酸酸甜甜非常開胃，而且啲蝦肉仲非常之彈牙。蟹肉大良炒鮮奶呢個餸係我第一次食入口非常嫩滑香口，啖啖嘅蟹肉絲加埋啲蛋白同鮮奶再點埋啲醋真係食唔停口啊。