張公館

營業中

休息中

高級粵菜餐廳「張公館」位於銅鑼灣V POINT的29樓高層，近一半座位靠落地玻璃窗，可飽覽維港景致，景觀一流，同時有多款非常人氣的巧手粵菜，師傅亦會因應時令轉變菜式菜，務求令食客品嚐到粵菜嘅精髓😋▪️新加坡黑胡椒開邊龍蝦粉絲煲$ 396黑胡椒蟹或者蝦就食過，但係配合龍蝦就係第一次，龍蝦肉質爽口又彈牙，胡椒味香味四溢，辣不嗆喉帶微甜，非常惹味，粉絲炒得好乾身每一條都入晒味，香辣又鮮味▪️鮮蝦荷葉飯 $ 218一打開淡淡清香撲鼻的荷葉味道，飯粒吸收了所有汁料精華，拌上口感十足 的爽口大蝦和雞肉，整個荷葉飯能充分保留食物原汁原味，好美味▪️涼伴番茄冰菜 $ 188透心涼的前菜，喜歡冰菜的爽脆口感，酒樓擺盤，再加上冰粒墊底，令蕃茄和冰菜有涼冰冰的感覺，伴上麻醬醬料，非常開胃▪️川式口水雲吞配糖心皮蛋（4粒） $ 98最喜歡就是川式口水麻辣醬，尤其我是非常喜歡辣，味道又麻又辣帶點甜香，伴上豬肉和蝦仁比例剛好嘅雲吞和流心的皮蛋，喜歡▪️香煎黃金糕 $ 48黃金糕煎至焦香脆面，外脆內軟，味道充滿椰汁和蛋香，口感煙靭又鬆軟，而且唔太甜，好味道

喺位於銅鑼灣V Point 29樓嘅張公館飽覽維港海景 , 日夜用餐 , 景色都係咁迷人！話梅汁蕃茄拼番石榴作為開胃菜😚經典嘅話梅粉配番石榴同浸滿話梅汁嘅蕃茄仔同樣都係酸酸甜甜，十分醒胃！紅燒乳鴿都係飲茶必叫😀兩個人一隻份量啱啱好，乳鴿燒到外皮好脆，好惹味🫶🏻金銀蛋浸莧菜賣相好吸引！個人本身就好鍾意食鹹蛋皮蛋，佢仲要連個湯都係用鹹蛋去煮😍勁好食椒鹽九肚魚又係成日都想食🙈呢度嘅椒鹽九肚魚同出邊有啲唔同，佢切嘅size啱啱好，每一舊都係一啖就食到，炸得好香口，擺耐咗都仲係脆～養顏紅棗糕好q好彈😆好香紅棗味，同埋唔會太甜，好啱我地口味🤓

約咗朋友聚舊，茶樓是最佳選擇。預訂了銅鑼灣V Point樓上一間有海景嘅酒樓，環境靓，坐位舒適。茶會用火㷫著，可保持溫度。小吃有酸蕎頭和炸魚仔花生。 南瓜蒸排骨南瓜蒸到軟綿綿，甜美。挑骨入味。。芥末沙律海鮮卷平時食嘅海鮮卷係無芥末，加咗又多一種層次感。炸到外脆內軟，餡料勁多，可口。荷香鮑魚瑤柱珍珠雞嘩！鮑魚啊！還有瑤柱！糯米軟糯，吸收曬鮑魚，瑤柱精華，滋味。紅米脆脆鮮蝦腸蝦大大隻，中層油條香脆，好味。

餐廳十分舒適，面向無敵大海景，十分開揚，桌與桌之間的空間感也很夠，可隨意說話，不怕別人聽到～張公館鮮帶子粿～帶子及蝦仁新鮮彈牙，蝦仁更是大隻厚肉，頂層加了脆卜卜蟹籽，口感層次豐富～脆脆笑哈哈～外層是滑嫩的布拉腸，中層是炸香的脆卜卜米紙，內裡是彈牙滑嫩的蝦仁，還加了碎唐芹，令口感清新不膩～南瓜蒸排骨～排骨肥瘦適中，底層放了南瓜，吸盡排骨的精華味道，軟棉棉，很好吃～芥末沙律海鮮卷～微微的芥末味令整體更開胃，脆香的春卷皮，飽滿的蝦仁，必吃～香煎黃金糕～香軟煙韌，煎後更香，甜甜的很可口～

是日同媽媽飲茶🫖，見到呢度有靚海景，點心睇落幾精緻，就嚟試吓～鮮帶子粿，帶子鮮甜，足料，餡料裡面有蝦，好爽口彈牙媽媽鍾意食南瓜，叫左南瓜蒸排骨，排骨好入味，唔會過鹹，南瓜好甜，唔油膩，本來諗住平平無奇，點知喜出望外😋芥末沙律海鮮卷，即炸，夠晒熱，好香脆，唔油膩養顏紅棗糕，好濃嘅棗味，軟硬適中，唔會太甜，唔錯👍🏻橙絲清心丸綠豆爽，非常清甜幾款點心味道都好好，可惜媽媽食量比較細，唯有下次先再試多幾款點心😋

喺銅鑼灣想食中菜 張公館係個好選擇✅餐廳位於V point 29樓 裝修典雅 如果坐窗邊位置可以睇到維港景🗾呢日同朋友下午嚟飲茶食點心🥢坐低揀好飲咩茶 就食下花生魚仔同蕎頭開吓胃先ꕥ 南瓜蒸排骨係我今次最鐘意嘅一款 排骨肉軟稔又入晒味 豉椒加蒜味好香呢🤤底層嘅南瓜都一樣 入味而不油膩 大推👍🏻ꕥ 芥末沙律海鮮卷脆卜卜嘅春卷 入面包住蝦肉🦐芥末沙律味突出而不過嗆 味道夠平均ꕥ 張公館鮮帶子粿我會稱佢為巨大化嘅蝦餃😆超大件 入面嘅蝦好爽彈 最欣賞個皮做得超薄 上面就放咗一片帶子同蟹籽 鮮味層次豐富ꕥ 香茜叉燒腸腸粉皮薄身又夠滑 餡料飽滿 叉燒有咬口唔會太碎🥢ꕥ 香煎黃金糕第一次食黃金糕 原來都幾好味😋淡淡椰味幾清香 口感煙靭軟糯

今天要介紹呢間餐廳位於銅鑼灣V Point，是一家高級粵菜餐廳。餐廳可以見到維港海景，而且提供包廂，餐廳有點心同小菜供應，雖然價錢定位可能有點高但我地已經食過兩次，兩次既食物質素不錯。🌟沙茸豬手 $98豬手已經切到細細粒容易入口,好有薑味凍凍地作為前菜幾不錯。🌟鐵板西班牙叉燒 $288用明爐燒既厚叉燒肥瘦適中，肉質嫩滑肉汁豐富，配上蜜汁同烤到微微焦香，非常好食。🌟野菌紅燒豆腐$168豆腐應該用蠔油烹煮非常入味而且嫩滑有豆香，野菌都有兩款爽脆有咬口，係一道健康嘅素菜。🌟生磨蛋白杏仁茶$48燉蛋白已預先放入碗底，蛋白上就有生磨鮮杏仁，杏仁味濃，係一個足料既甜品。📌 張公館銅鑼灣登龍街18號V Point 29樓港鐵銅鑼灣站 A 出口, 步行約4分鐘

今日晏晝去銅鑼灣Vpoint 29樓嘅張公館去食晏晝，都好滿意。呢度坐得舒服，風景好，而且交通又方便。食物質素非常之滿意，如果登記做埋會員有啲特價優惠，非常唔錯。芥末沙律海鮮卷非常之脆卜卜，蝦又彈牙，有芥末味。香茜叉燒腸叉燒多，腸粉皮薄薄的煙煙韌韌的味道好。最愛佢嘅鮮帶子棵，帶子都幾大片，裏面係包住啲好新鮮嘅蝦，而且仲有啲鮮帶子係裏面，大大隻蝦皮薄餡多。南瓜蒸排骨，南瓜好鮮甜，排骨又淋滑，樣樣點心我都好滿意。食埋香煎黃金糕，不太甜煙韌有口感。呢度嘅普洱茶好飲，每個茶錢係$20。蕎頭呢非常之脆口。自選午市套餐都好實惠。下次喺繁忙時間嚟呢度飲茶都好舒服，會再嚟幫襯。

今日同朋友到銅鑼灣行街，黎到呢間位於登龍街既高級中餐廳飲下午茶，餐廳望住維多利亞海港，未食先有靚景望住等點心上✌🏻蟹籽麻辣燒賣 （$68）燒賣大大粒，入面有好多蝦肉，爽脆新鮮，蟹籽舖滿成粒燒賣，第一次食辣既燒賣，都真係幾好食，食落有少少麻，鍾意食辣既朋友仔一定要試試🌶️櫻花蝦蘿蔔糕 （$98）蘿蔔糕兩面都煎得好焦香，成件舖滿左櫻花蝦，食落外脆內暖🦐酥皮菠蘿叉燒包 （$58）叉燒包表皮好酥脆，叉燒醬味道調得剛剛好，叉燒食落新鮮無豬臊味，趁熱食更加好味，個人幾鍾意呢個叉燒包😋香煎黃金糕 （$48）一份有四大件，煎到兩邊焦香，食落煙煙韌韌又唔會太甜，配上鐵觀音，消滯岩岩好😄清心丸綠豆爽 （$38）清心丸非常煙靭，綠豆一粒粒粒口感香甜，糖水好清潤，好岩依家夏天食💦呢間茶樓可以坐係窗邊一邊嘆茶食點心，一邊欣賞海景，好寫意，環境舒服之外，佢地既點心都係有水準😃

母親節想找一間有海景的中菜，在openrice見到很多好評便選擇了這間，結果挺失望的。首先服務態度一般，沒有其他留言般說得那樣好，當天想找侍應加水也不是很容易，可能只熱情招待熟客吧…另外環境設施也是偏舊的，枱與枱之間距離很近…..而且食物質素也是一般，沒有什麼特別，就是一般茶樓的質素吧，母親節當日到訪，好幾款點心都說沒有了…..唯一可取是有海景，但也只有數張枱是靠近海景的…….整體不推薦，同樣價錢相信有其他更好的選擇…

呢間中菜環境好優美,仲可以眺望到維港海景,入面仲有房可以預訂客人可以有私人既空間慶祝或者搞宴會都幾岩,我地叫左一份紅燒豆腐,呢碟餸既豆腐份量好多,而且豆腐係炸至外脆內軟口感好滑溜,軟熟,加埋醬汁食好夾仲有配青菜同草菇類一齊炒,我地仲叫左一份小食沙薑豬手凍食既,豬手彈牙而且最正既係師傅將豬手骨切晒岩晒唔鐘意咬骨既朋友,甜品小編最愛有綠豆爽清甜不膩,同埋必食推介蛋白杏仁茶,蛋白好多同埋好滑,加埋杏仁味既香濃,好養顏。

上湯金銀蛋浸時蔬✨時菜喺莧菜，鮮嫩入味加上金銀蛋同湯汁，惹味提鮮脆皮燒腩仔✨大推! 皮脆到有聲🤣沙薑豬手✨前菜食住好開胃啖啖骨膠原好有心思地去咗骨剩下嘅都係軟骨瑤柱蝦仁蛋白炒飯✨炒飯粒粒分明，蝦仁爽彈彈牙蛋白同瑤柱，配搭得宜不過凍得好快，要盡快食香煎黄金糕✨軟糯，但外層煎度有啲焦香口味道淡淡普洱✨好喜歡茶係會座熱沖多幾次都唔會淡而無味香醇易入口下次想嚟呢度飲茶🫖一試佢哋馳名嘅點心❤️

我愛粵菜！近日食了幾次烤魚、麻辣等外省菜後，今晚終於有朋友約我去中式酒家了。經典粵菜，加兩碗老火湯，好味呀。餐廳在29樓，居高臨下，環境雅致，良友共聚，不亦樂乎。兩碗燉湯超級正，飲完好舒服。🏅杏汁豬肺湯：滋潤美顏，口感香濃幼滑。🏅羊肚菌姬松茸竹笙北菇燉湯：所有菇菌都爽甜，証明用料上乘，而湯味更是清澈鮮甜。🏅野菌紅燒豆腐：老友知我喜歡食菇菌，所以選了這個用野菌來配豆腐的菜色。花菇肉既厚且爽，菇味香濃；其它新鮮菇菌也全數爽口入味。豆腐吸滿醬汁卻不太鹹，質地也不會杰撻撻，超好吃！又超下飯！🏅蝦醬骨：蝦醬味有但不是好濃，不過我反而喜歡這種味道，不鹹才可以食多兩件嘛。至於那排骨，用的是腩排，更是鬆化甘香，外酥香裏軟嫩，骨肉可分離，100分。🏅紅燒乳鴿：汁多味鮮，皮脆肉嫩。

趁著母親節跟媽媽去嘆茶想有靚景和有質素的潮州菜這裡是不二之選 🛎️ 蟹籽麻辣燒賣 😍麻辣味香氣四溢 麻而不辣燒賣亦相當足料 很好吃🛎️ 櫻花蝦蘿蔔糕滿滿的櫻花蝦很鮮味蘿蔔糕結實 煎得很白🛎️ 香茜叉燒腸腸粉皮薄且幼滑叉燒入味 份量均勻🛎️ 生磨蛋白杏仁茶杏仁味香濃 如果可以完全沒粉未會更好🛎️清心丸綠豆爽媽媽說這是潮州食品綠豆爽煙韌滑溜 質感挺有趣很兔綠豆 味道較甜...環境🏡 有海景 環境光猛開揚 座位舒適 服務👨🏻‍🍳 態度殷勤 回應快 會幫客人斟茶衛生🛁 感覺乾淨 沒發現明顯污糟...🛎️ 蟹籽麻辣燒賣 $68🛎️ 櫻花蝦蘿蔔糕 $98🛎️ 香茜叉燒腸 $68🛎️ 生磨蛋白杏仁茶 $48🛎️清心丸綠豆 $38

入門口既reception 好似人地得罪佢咁 黑口黑面態度又差有coupon 唔用得都好 唔洗大嗌叫 話唔用得 點解態度要咁差呢其他服務員態度都是一般 唔會再去😤😤😤😤