建興亞婆豆腐花

營業中

休息中

周日去左南丫島行, 第一次食呢度既豆腐花, 比預期中無咁滑, 叫左杯豆漿, 嘩, 好甜, 無乜豆香.

環境：本來設施就唔算好, 而且可以話係原始, 不過係一個接近大自然既環境可以有瓦遮頭, 有椅你坐, 當然無係冷氣房咁舒服, 但係大熱天時行山作為休息站我覺得都好舒服架啦味道：同意各位看法, 幼滑但味淡服務：好似無乜服務噃抵食：旅遊點黎講可以話好抵食乾淨：山路旁邊無話乾唔乾淨囉, 不過食過幾次都唔見有蟑螂

烈日下的南丫島,踏單車的我倆,來到呢度,當然要食下阿婆豆腐花...老實地說,豆腐花只是普通,唔夠滑.而且阿婆重落得太多糖漿,甜死人.不過這裡是好有風味的地方,也是休息的好地方,而且沒有開天殺價,只是六蚊.無得走雞,相信去南丫島的人也會去呢度食番碗的.

每次行南丫島家樂徑都要食左豆腐花先......一來唔貴二來真係好味.上次同教會弟兄姊妹去, 一行十人, 九個食熱豆腐花(凍的賣晒), 一個飲豆漿, 之後女友話想飲豆漿, 於是去買, 仲偷食左五粒魚蛋才返埋位, 魚蛋彈牙, 唔辣都好正, 豆腐花都好滑下, 豆漿都正.之後行完山去左天虹食海鮮, 這是後話了.

四杯豆漿和兩碗豆腐花：豆漿好稀，味淡，大熱天時係叫做有野飲下。豆腐花好滑，味道適中，但唔凍唔熱甘，大打折扣。如果你係路過想搵d甜野食下，甘咪試下囉。但如果係募名而來的話，就大可不必。。。

4月3日食畢芝士餅,相信未夠十五分鐘又吃甜的,來到那刻,這裡是人滿之患,環境簡陋得可以,找來的檯又立痴痴的!真的有點想打退堂鼓,但專誠來離島找吃的,好吃與否也要用味覺來品嚐才能吧!於是乎,既來知,則安知!其實之前個餐真係幾膩架,所以我和其中兩位友人就索性只叫一凍一熱之豆腐花,以免吃不完以致浪費呢!我主打吃熱的那碗,可能之前那回已經是吃甜的,又或是真的糖水下得不夠,因此吃了一口,感覺不是太甜,而豆花本身都幾滑溜,本來是不錯的,但當我試了一口凍的,個人就對這裡的出品分數打了個折頭,因為熱的還可稱得上是滑溜的,但凍的便差得很,完全是鞋得可以,假若叫吃的只來一碗凍的,那麼這裡豈不是在自拆招牌嗎?倘若凍的也可跟熱的同樣水準,那麼便無以上知,話說回來,假若食客們來叫熱的吃,個人認為仍可前來一吃,否則,請不要哭喪著臉來告知難吃得可以!還有,打著前科,雖則說來兩碗是不想浪費,但最後我們也是吃不完,噢!甜頭嘛!有時候真的令人吃不消呢!

入南丫島,四維走,行過呢檔豆腐花,點都要試下喇.. 首先5 蚊咖哩魚蛋, 幾好, 大大粒, 辣得岩岩好.再黎一凍一熱豆腐花, 真係好麻麻,熱o既好滑, 凍o既冇咁正.. 不過好似好稀咁, 冇乜味..

我最鍾情豆腐花, 第一次到南丫島, 一定試一試, 豆腐花竟沒豆味, 稀到出奇, 全無口感. 令我大失所望. 味道比1分都太多.

一隊「騎呢」四人組合遊南丫島，午二時出發由索罟灣出發，小試牛刀式登高去，久違了山草的我來說，風景美絕了，亦樂此不疲。至洪聖爺灣已近黃昏，參觀了Herboland（可在此嘆茶或買有機種植品），路經有一檔阿婆豆腐花，乃是「輝記」，地頭龍示意正宗「阿婆」在近，步履匆匆．．．期待的一碗豆腐花，真的很滑，花花城市找得到嗎？！論「滑」度跟薑汁糖水和黃糖，值得一讚。味道未必人人稱得上「絕」，亦非指定南丫島招牌檔之一，但個人認為，作為獎勵自己的一種行山樂也不妨！地龍夫人讚對面檔的魚蛋辣汁惹味，我卻不大認同，「現成」魚蛋很腥，怕自己多吃會反胃。後話：山水豆腐花那麼滑，莫非正是「長今」中不同種類水的因由，豈不是「大建興」？！

呢度係榕樹灣行去索罟灣必經之地，行到累累地可以坐低休息o下,又可以平平地嘆o下豆腐花，仲係o係樹陰之下，所以最正並唔係豆腐花，係個環境囉....講番豆腐花，唔係特別出色，都幾滑但係冇乜豆香！阿婆只係賣豆花同豆漿，不過有檔相信係寄賣o既車仔，有魚蛋、魷魚同燒賣咁！

時間多的是同朋友仔由榕樹灣行去索罟灣再回程番去榕樹灣回程途經多間豆腐花舖朋友仔一早問過佢d同事佢地highly recommend 朋友仔要黎試下呢間建興雖然我之前已經睇到其他食家評語話唔係想像中咁好但朋友仔話自己要增肥試下都無妨既情況下佢自己一個人叫左碗凍豆花我就”痴”左啖試下咁先可以交番個評語一如大家所講一見個樣真係好滑咁食一啖發覺真係好滑但真係無乜豆味我反而覺得我屋企樓下d豆腐花仲好味如果為碗豆花真係唔駛千里迢迢咁黎食囉其實除左我咁諗之外亦聽到隔離檯同我一樣咁諗反而等朋友食完時聞到d 鹵水野食仲香不過真係食得太飽無試到p.s. 呢度係自助形式,自己行去叫同俾錢,之後搵位食

同朋友黎食,有人食熱有人食涷.自己一定食熱,會滑d.話係熱,不過只係微暖,有d失望,但就幾滑.朋友食涷,感覺似百福豆腐花.都係熱好食d.

食過幾次.... 豆腐花係滑....但非人人講到咁好囉....只係報章雜誌吹噓一番...加上D人驚死入到去食漏左呢樣...好似冇去過南丫島咁先爭住食之麻.....

今日同太座入南丫島遊下，當然要幫襯阿婆的豆腐花。豆腐花大大碗又好滑，加埋黃糖一齊食，好味道。我食豆腐花時有個習慣將它撈到爛晒先食，總覺得這樣才好食d。唔知你地又點食的呢？

凍豆花夠滑, 不過就真係無乜豆味, 仲好似有少少味. 反而口痕叫既燒賣幾好味喎, 唔會淨係得粉同一味死實, 唔錯.