建興亞婆豆腐花

營業中

休息中

話說行到攰 攰 地，又想坐下，叫左涷熱各一既豆腐花，味道都算唔錯，有豆味，旁邊又有魚旦買，互惠互利，有ｄ微風吹過好舒服，點知囝囝話肚痛，同佢去後面個toilet,　誰不知隻腳都未踏入去，一隻我諗有成斤重既老鼠走出里，嚇到我兩仔爺走都走唔徹～～～～～～～～～

豆腐花十分香滑, 不過豆味好似唔係好夠, 而糖水好似加左d彊, 而且好濃甜. 環境方面幾舒服, 幾接近大自然~ 六蚊一大碗都幾低食~

d 豆腐花好好味. everytime 行完山都會食!!!

我無講過建興執左呀，如果誤導左各位既話，咁我講聲sorry呀~~我知用黃糖整既糖水係正宗，不過個人口味問題啦我唔係幾慣~~雖然我都係覺得建興d豆腐花唔係真係特別滑，不過係南丫島黎講叫做好食過好多豆腐花鋪。

只不過話灣仔街市果間執左，我以前讀書時都成日有去食的，除了所提及的食物，仲有煎釀豆腐同浸釀豆腐，最記得就係D窩貼好食之餘仲要小心地吃，因為咬落去入面的肉汁會噴出來，真係幾誇張的。建興豆腐花亦滑溜，用黃糖夠正宗。

hmm...可能個人口味啦，我上次同d friend黎食都覺得唔係真係咁好......d糖水既味道又麻麻，可能我唔鍾意用黃糖整既糖水啦。以前灣仔街市有一間又平又好食，我由細食到大，滑溜過呢度好多ga，個糖水既味道又整得岩岩好(我唔係咁鍾意用黃糖煮既糖水，個人口味唔同啦)，仲要係3.5一碗ja(兩三年前既price呀)。佢仲有生煎豬肉/牛肉飽同窩貼賣呀，可惜間鋪頭既大廈要拆焗住要執，執左成2/3年......

原來真係好滑架d豆腐花,都係要自己試過先至信~全南丫島至滑係佢不過果度真係好多蚊呀...

我會特登同男朋友入去食, 因為實在太好食啦. 豆腐花真係超級滑架. 而且好有豆味!! 每次都會好多人, 有時要等位架!!<br />其實南Y 島都有好多好味野食, 例如0係附近0既模達灣, 有一間餐廳叫做COCOCABANA. 不過OPENRICE 好似冇喎, 加左等我寫下先!!

估唔到連阿婆豆腐花都有,openrice真係好野喇!上星期六先岩岩花興大發,走左入去食呢檔出名既豆花,記得上次黎係件幾前既事喇,當時落好大雨,個個都入左黎檔口避雨,順手食番碗豆花。今時今日重臨舊地,豆花一樣咁滑,不過serve我地既人變左做個後生仔。而且今次好少客人,我坐係度食豆花飲豆漿,都只見3檯人黎食,生意難做!

聽就聽得多今次係第一次食~ 豆花($6) 又真係幾滑喎~~ 豆漿($5) 都唔錯~ 仲有凍同熱選擇o添~ 不過短短十分鐘, 俾蚊咬o左一大啖~~