建興亞婆豆腐花

營業中

休息中

This place is famous for its tofu fa but seriously, I really don't see why. In my humble opinion, a good tofu fa requires the following elements: (1) a rich soya taste (2) good texture (smooth but firm as well) (3) a good syrup plus yellow powder sugar. The only element I can find from the tofu fa is .... for more details, please check out my blog below ... 建興亞婆豆腐花 Kin Hing Tofu Dessert @ http://jason-bonvivant.blogspot.com/2009/05/quest-for-food-lamma-island.htmlMy Food Blog 2 http://jason-bonv

早已在openrice得知阿婆豆腐花好出名難得去lamma island點都係試下啦因為係閒日既關係 去食既人唔多咦唔係阿婆黎既@@係阿公7個人叫左7碗凍豆腐花 每碗7蚊d豆腐花都唔滿既/"\冇錯d豆腐花係幾透心涼但係 佢果種滑係一入口就溶果隻我個人就唔鍾意啦而且係冇豆味可言只係食到黃糖同糖水既甜味另外環境就真係頗惡劣附近有條渠好多昆蟲d台台凳凳好污糟咁諗住去洗個手 結果要用洗手盆內既小盆bup水洗手......又發現d膠匙原來會洗番......再用 好環保.......um..........無言

第一次去南丫島, 朋友極力推介我一定要去食亞婆豆腐, 我去到見到條隊.....已經唔多想食....因為好多人.....條隊好長, 等果時又多蚊...果條引水道仲有陣惡臭.....但係結果我都係排左隊 ,一場黎到冇理由唔試架者!!結果終於都到我, 但係冇位坐, 唯有企係度食......d豆腐花真係超滑...未食過d咁滑既豆花.....仲係入口即溶...真係好味到想食多一碗.....但.....我唔想再排多次隊....

行左咁耐, 一碗冰凍豆腐花, 無得頂!!又凍又滑, 唔錯唔錯!平日唔多人

行經呢條街真係比大街好得多..特式的東西也有很多@@見到呢個招牌+人龍..被吸引去排隊;;終於買到7蚊1碗的凍豆腐花..走到入內搵位坐..第1啖乜都無加,,入口即溶-0-..食到有豆花味@@但唔算太凍,,可能多人買掛?之後落番D黃糖又甜左少少,,其實真係唔洗落好多..少少就夠最後個底有點薑味糖水,,好好味喔..有點辣但又同豆腐花好配合*V*食完其實仲想再食,,但太多人打消了這念頭..下次再食過!

一行五人遊覽南丫島~路過建興亞婆豆腐花當然要試試五碗凍豆花 @$6豆花滑係滑,但佢果種滑係「滑潺潺」果種滑, 而唔係一般人們追求的「滑溜」即是唔係正宗豆花的整法, 唔係個個都會喜歡而且豆味唔夠bor我覺得都ok, 同行有些就不接受沒有食完當係景點,沒所謂啦~

星期三平日好少人, 去到時有只4個人在吃.要了一人一碗涷豆花, 入口出奇的滑, 同薑味糖水好夾,唔再加黃糖都夠味...好味過其他出名的糖水/荳品店好多!比上次去好吃了很多!五點幾阿婆就收工, 佢今日賣剩左小半煲.....

有個星期6冇冇聊聊甘自己去左南丫島hea下搵野食由於星期6 好多人 眼見d人一落船就向住豆腐花進發 好搞笑小弟去到ge時候 有成大約廿幾三十人排隊-.- 決定行多陣先半個鐘後 冇人排 哈哈呢檔豆腐花次必食的皆因呢檔真係豆味足 薑味,糖水甜味都平衡得很好最勁係軟滑得不正常 但今次我比喊樣ge原因係 亞婆今次煲燶左><豆味,薑味,甜味之外更有燶味可惜,失望,唔好彩........但係我都會繼續支持的!!!

食評方面荳花好滑, 滑到荳花的質感都無, 少少荳香, 黃糖普通, 薑味少少, 唔係太好味."不" 荳花的功夫很粗豪, "不"完出來賣相不佳荳漿普普通通, 無乜荳香可言, 煲荳沒有過了火, 即無燶味 ok!個人意見太過山長水遠了, 這個質素, 其他荳品連所店都有啦!最唔掂都係個衞生, 有個大坑渠係隔離, 又多蚊? 下次你在排隊時留心下d碗呀! 好污漕

入LAMMA 住一晚諗住有渡假FEEL,不過人太多~同市區差唔多~黎到LAMMA 點都想試下呢度的豆腐花~ 可惜凍豆腐花賣哂....得番熱,都照食啦~好好味,連唔太好豆腐花的男朋友都覺得好味. 好滑又有豆香. 黃糖又有薑味...好正呀!!!

星期六那天同朋友入左南丫島,途經這裏,見有一條好長的人龍,再望一望原來是亞婆豆腐花,於是我們也排隊試下,等左唔算耐,叫了每人一碗凍的豆腐花,好滑呀!好好味,配糖水一起食不算太甜,但原來是要攪一攪底部的糖水食就較好,因底那些好甜.

來到南丫島行山怎少得亞婆豆腐花呢！剩下的七元都奉獻出來了。趁旅行團殺到前立即排隊，不然數十人輪候，有心情變無心情。盛豆腐花的是亞伯，前面有人問亞婆去哪裡，他說她忙著做豆腐花，今天沒空出現。亞伯盛好了要自己取膠匙羹，狀況尚可，注意衛生者宜備紙巾。點了凍豆腐花($7)，滑不溜口，薑味糖漿甜得來帶辣，不用再加糖。有人喜歡加黃糖，但見面前的糖盒外有螞蟻等吃，打銷開蓋的念頭，況且在下是喜歡原味的懶人。大概味道未必最重要，最重要每次行山都要到此歇歇，來一碗豆腐花。

今日去左南丫島行左一轉, 舒展一下身心。但發現左, 由IFC等去廁所, 碼頭排隊, 到食豆腐花, 離開時等船, 到晚餐去東寶食飯, 都離不開-排隊!!! 令我記起多年前一個廣告, 香港人實在花了太多時間在排隊身上。但係阿婆的地點係處於屎渠隔離, 又臭, 0的蚊又大隻(因為一池死水), 真係好唔衛生講番個豆腐花先, 我想我地花了半小時先排到食0個一刻。一路等的時候, 食左佢另外有售但唔駛排隊的燒賣同魚蛋, 其實都好一般, 但佢個沙嗲汁真係幾辣下。而阿婆個豆腐花都不錯, 很滑, 但係就真係太甜了, 其實落少0的糖水會好0的囉, 始終大家都開始了少甜的生活嘛。註: 本想試下佢的涼粉, 但可惜沒有.....

最後一站，行去睇風車前，來到吃一碗豆腐花先，好多人排隊。南丫島之行好似淨係得豆腐同排隊．．．阿婆好辛苦，係咁舀豆腐花，隻手無停過。一碗凍的堂食（＄７），外賣加一元。ｄ糖漿係有少少薑汁，唔會話好辣，可以再強ｄ，真係好滑，都幾大碗，抵。

友人帶我, 話一定要食, 所以我係食過串燒, cheesecake之後抖左陣就係呢度食豆腐花, 果日都排左一陣, 咁因為我未知咁出命, 係排果陣就睇佢貼係度既報導, 好期待..亞婆"不"d豆花落個碗度已經feel到好滑, 佢再落d落糖漿落去~ d豆花真係滑同入口即溶, 不過落糖漿真係好甜, 如果有得揀, 我會選擇自己落糖, 因為每人口味唔同丫嘛