廣成冰室

營業中

休息中

老實講 , 一個食左廣成十幾年而又無乜人知/留意的小tips ...不論平日假日 . 廣成11點開始水準會下降 . 12點打後其實除左少量食物 .常吃的如牛通 ,波波油 . 基本跟垃圾無異 .相信唔小一心食好野 ,遠道而來的人會失望而回 ,因為真係食緊垃圾 .但係 ,好多人都唔知道一點 ,相信好多人都唔挑剔的關係吧 ...其實要食到稱得上人間仙味(23蚊來說) 的牛通湯底係要係早上6點 - 8點的時間食 ,波波油also .呢個係一個好奇怪的現象 ,但又卻係事實 .也只有早上 ,才可感受到冰室那份寫意 ...分數只for早上6-8時真係想食好野 ,相信只有住附近的 ,又特登肯早起身出去食先有機會吧!

又一個北上的日子,早早約左新舊團友先黎個早餐.廣成一年四季都咁多人,五個人都要分兩圍檯坐.鮮牛通是各餐中固定菜式無得改,由於是即叫即製,時間上當然比較長,不過夠認真,呢點比好多茶餐廳都好.雖然有人覺得d血絲係湯到浮浮下好難睇,但個人而言唔通一味落沙爹汁醃就好咩?始終新鮮點都好d.再黎烚蛋,放係蛋托上,市面都好耐無呢種做法,雖然好似無乜特別,但係未試過既,唔試都要睇下.菠蘿油唔似自家製出品,所以有d凍,牛油亦都溶化唔到,有d美中不足.凍檸茶同樣無奶茶咁好,話晒自從老板退休,個囝接手後,水準跌晒watt,飲唔飲無乜所謂.十年如一日<---------錯,點都有廿年如一日既感覺,帶小朋友懷緬一下自己細個係茶餐廳既感覺都幾好架.

十二點唻到，勁多人，叫左個茶餐，等左成二十分鐘至有得食，可能呢個就係令到冰室迫爆既主要原因！好彩佢入面d冷氣夠勁！講返食物，茶餐有旦治，牛肉通粉，奶茶旦治確係唔錯，好厚同咬落去有旦汁漏出牛肉通粉真係唔覺有乜特別，通粉太林，湯冇乜味，牛肉拿得太勁喇奶茶，唔錯，好香茶味總括唻講，趕時間就真係唔好去，因為都要等幾耐同真係冇乜特別囉

在北區住左十幾年, 一直都見廣成好多人等位, 終於都有機會試下, 叫左最出名的牛肉通粉配菠蘿油, 熱奶茶, 媽媽就叫左紅豆冰.個通粉只係出名, 其實冇咩特別, 有幾條切唔開的薑絲, d牛肉完全係因鬆肉粉而變得軟身, 菠蘿油只係得個大字, 唔好味, 係唯一杯奶茶唔錯. 紅豆冰只係放冰的方法特別d, 同一般茶餐廳冇咩分別.d亞姐全部都好冇禮貌, 一入到去, 淨係講"兩個人座o賣一邊, 冇得座一張卡位", 仲要一地都係垃圾, 比錢個陣重要計錯數, 不會再去

sep 18, 09,1個人嘅下午茶,叫咗 : 1) 蛋治 (@hk$12)-雖然上1餐都未落格,但嚟到,都唔可以唔叫,大不了就打包1/2件啦-麵包好鬆軟-蛋嘅部份真喺名不虛傳,又厚(非全件都咁厚)又有蛋汁,炒得好嫩滑-但我呢件就有少少炒燶了,所以添了1份微微嘅焦香味,當喺呢次嘅特色-最後我都唔洗打包,ko晒1份 2) 紅豆冰 (hk$16)-圓錐形嘅冰柱就喺呢杯紅豆冰嘅外形特色-花奶都落得幾重手,攪均之後,都有好濃嘅花奶味-紅豆部份好足料,本身嘅"杰"度,+埋花奶之後,就剛好-豆多亦腍,甜度又夠-若然唔喺我本身好飽,1定會好快飲完* 紅豆冰供應時間..........要留意,唔喺分分鐘嚟到都無得食呀~~~* 其另1出名之作喺牛肉通粉.........不過嗰日1個人,無可能叫埋試 * 呢度我target咗好耐好耐,但weekend要排隊先有得食...........所以no thanks啦...........難得嗰日搵到時間,飽d都去食呢 * 多謝友人嘅詳細指路.............令我無行到任何寃枉路

其實，我想黎呢間野食好耐。因為佢地既牛通、蛋治同豆冰都好正。雖然由火車站行過黎要成兩、三個字，但都係值得既。內裡環境好有七十年代既風味，冷氣又夠，初初以為會好熱。牛肉通粉個湯底好正，幾好飲，又唔似係味精湯。牛肉就好淋，好有肉味，而通粉就好煙韌。真係好正。蛋治雞蛋真係好滑，而且好多蛋汁。我食到好失禮，因為蛋好易跌出黎架。熱奶茶好有茶香，奶茶又好滑。搵唔到唔飲既理由。紅豆冰呢個一定要散叫，但都值得既。紅豆好淋同起哂沙，同快餐店既紅豆冰係兩個世界既事。而且奶水又唔多，因為紅豆已經夠哂甜啦。最得意既係紅豆冰既冰柱，咁樣唔會溝淡哂紅豆冰既味。呢餐真係好正，雖然要行幾遠。但有咁好既野食，都係值得既。呢到果然係冰家、因為冷氣真係好凍。怕凍既可以帶件外套去架。

由於冰室位於石湖墟, 所以大熱天時行去, 內心都要一番'掙扎'不過, 真的不枉此行(好似誇張咗啲)一入到去環境已經令人難忘, 而家香港呢類舊式冰室已經唔易搵到叫咗個茶餐, 牛通, 蛋治, 凍奶茶, 另外叫咗菠蘿油都幾好味, 而且係响呢個環境食, 感覺好好食飽發現隔離枱叫咗菠蘿冰同紅豆冰, 哎呀走寶, 個冰做到好以一個尖尖的雪糕筒咁, 下次嚟一定要試

去完濕地公園, 返到上水, 有點餓, 便試下去廣成.點了紅豆冰和餐肉通(因為無做功課, 原來應該叫牛肉通, 唔緊要, 下次啦). 紅豆冰頗甜, 但係好好味, 紅豆好諗妳滑. 通粉偏稔, 但個湯底好味, 唔似有味精, 全部飲晒, 餐肉都算厚.

之前其實食過好幾次, 質素都保持到, 但係今次真係好失望...........失望既並唔係食物, 而係服務! 今次專登兩點後先去到, 又係如常地好多人, 等左幾個字先有位, 今日都算好彩, 有卡位唔使同人逼得咁辛苦, 阿姐一面執枱就已經問你地食咩? 好在我地都好快咁諗定, 咁問佢可唔可以轉紅豆冰, 阿姐超cool地答" 唔得", 咁小妹咪散叫囉, ok, 咁想唔要餐包改多士, 估唔到姐問返我 "改咩多?" 我咪問可以有咩多揀既咩? 佢超寸話 "梗係有啦, 你想要奶油, 奶醬咩都得, 點會無得揀" .... 我已經心諗鬼知你咩, 你野飲無得轉, 你走黎同我講個多士可以轉...我以為佢係俾烘底既普通多士之嘛, 鬼知要揀咩!服務真係...好差, 因為後面枱既客人話個蛋臭左, 阿姐又勁超叫人唔好食, 你叫第二樣啦!老實講食野啫, 收銀同老闆係ok架, 但個d阿姐差到呢........好味但都要食得開心架

男朋友第一次約我就是來呢度下午茶鐘意呢度係情意結, 現在我們每逢週年結念都會嚟呢度食物就冇咩好介紹了, 反正個個嚟都係食嗰啲其實我最欣賞呢度啲食物個味道夠原始牛肉通夠牛, 加埋胡椒粉一流個蛋治啲雞蛋好滑, 個飽好軟, 男朋友喜歡喺入面加小小鹽菠蘿油去得快, 所以夠新鮮, 雖未算得上係新鮮出鮮出爐, 但皮夠脆, 而且有飽味裝修雖舊, 而且一定要搭枱, 但勝在冷氣夠凍呢度最神奇的地方, 係喺冇環境, 亦算唔上有咩服務o既情況下, 依然大排長龍佢啲嘢食係味真係咁好食就見人見智, 但個味道出面揾唔到就係事實

一句講哂..如果想食下傳統冰室既特色風味就可以試下..有特色在環境,,勁串仲會插手指落碟"牛通"既呀姐,,等不過食物就認真普通..最近通粉既質素仲退步左..冇以前咁彈牙..其他標青d既食物例如..紅豆冰,蛋治..就味道依然既..總結 : 不妨一試p.s.紅豆冰要在2點後才供應..

今日無聊去試下呢間都幾出名既冰室, 我以前係上水讀書時都久仰呢間野既名好耐, 不過一直都無時間黎試, 所以今日特登抽空黎試.OpenRice 有過百 Smile face 既餐廳多數門口都會有好長既隊, 呢間都唔例外, 但只係大枱多人既先係, 我同我朋友兩個唔駛等就可以入去同人孖枱坐.我見呢到最出名係牛肉通、蛋治同埋紅豆冰, 每樣我都散叫左一款...哈哈, 點解我唔叫佢既 SET 呢? 因為佢呢到好奇怪無得跟餐加紅豆冰, 我就唯有每樣分散叫...但其實叫一個餐再叫一杯紅豆冰會平過每樣散叫...但無耐呢到得兩吧口, 飲唔曬...所以先咁叫法 XD 希望冰室可以改善 (但散叫的食物的確係大碟 D )食物都唔駛等好耐就出黎了, 牛肉通粉無乜特別, 我一望見佢就諗起深水步維記....哈哈, 不過維記既材料多呢到好多...而呢到味道就一般, 無乜超乎想像之外; 呢到既蛋治唔錯, 即叫即整, 蛋汁豐富, 仲好大份添, 但我嫌佢無乜味, 應該可以加少少鹽調下味...因為我朋友係叫 SET, 我係單叫, 有得比較分別, 牛肉通同蛋治份量係比 SET 的大 D 的.呢間最值得推介既紅豆冰終於到了! 唔知

琴日同女朋友走入上水行街. 知道廣成喺呢區好出名就專登去試下, 去到門口見咁多人排隊, 我同女友都好愕然, 事實上除左灣仔金鳳之外我都未見過如此景象.我同女友ordered 左蛋治, 菠蘿油, 熱奶茶同埋洶豆冰. 奶茶真係唔錯, 蛋治就普通啦. 菠蘿油就好大件.我女友ordered左紅豆冰走甜, 整碎晒D刨冰我就試下啦, 點知入口好甜, 我就叫個亞姐同我換過走甜嘅. 無幾耐亞姐就換過第二杯比我, 一睇D刨冰碎晒就知唔多妥, 再入口一試, 又係咁甜. 好明顯個杯係無換過啦!收銀個亞姐都幾 nice. 服務都算 OK 啦. 裝修就好七十年代, 或者呢個係好多人走入黎試卦. Anyway, 呢間我唔會再專登入黎幫襯. 事實上, 灣仔金鳳同元朗莊記都好過呢間野.

冰室, 確實是也 ~冰室格局、傳統豆冰 ~塵埃來過幾次, 試過茶餐、奶茶、豆冰等 ~當中, 全部一般, 豆冰除外 ~這裡的紅豆冰, 正!紅豆大粒, 剛起沙, 煲得不過火 ~花奶份量剛好, 與紅豆的沙混合後, 令每一啖豆冰都充滿質感!加上夠細碎的冰, 令整杯豆冰都夠晒凍!至於冰是否柱狀, 塵埃認為並不重要 ~豆冰出色的廣成冰室, 確係好冰室 ~

有個同事差不多一星期食4日, 見佢話咁好食, 米試下囉 ~ 佢話會爆多人, 驚要分開坐, 但唔知係米落雨o既關係, 唔爆喎 ~ 我地一行5個人都可以一齊坐 ~叫o左個茶餐, 5min就有得食.牛肉通, 第一次食有薑絲o既通 ~ 牛肉一睇就知唔掂, 用梳打粉"拿"到紅曬, 淋曬...... 湯底就ok ~蛋治, 蛋生生地幾好食, 唔知o個陣'籮味''係米特色呢.... 凍鴦, 唔夠啡味, 比較水....