影片
更多
2009-07-20
17 瀏覽
今日無聊去試下呢間都幾出名既冰室, 我以前係上水讀書時都久仰呢間野既名好耐, 不過一直都無時間黎試, 所以今日特登抽空黎試.OpenRice 有過百 Smile face 既餐廳多數門口都會有好長既隊, 呢間都唔例外, 但只係大枱多人既先係, 我同我朋友兩個唔駛等就可以入去同人孖枱坐.我見呢到最出名係牛肉通、蛋治同埋紅豆冰, 每樣我都散叫左一款...哈哈, 點解我唔叫佢既 SET 呢? 因為佢呢到好奇怪無得跟餐加紅豆冰, 我就唯有每樣分散叫...但其實叫一個餐再叫一杯紅豆冰會平過每樣散叫...但無耐呢到得兩吧口, 飲唔曬...所以先咁叫法 XD 希望冰室可以改善 (但散叫的食物的確係大碟 D )食物都唔駛等好耐就出黎了, 牛肉通粉無乜特別, 我一望見佢就諗起深水步維記....哈哈, 不過維記既材料多呢到好多...而呢到味道就一般, 無乜超乎想像之外; 呢到既蛋治唔錯, 即叫即整, 蛋汁豐富, 仲好大份添, 但我嫌佢無乜味, 應該可以加少少鹽調下味...因為我朋友係叫 SET, 我係單叫, 有得比較分別, 牛肉通同蛋治份量係比 SET 的大 D 的.呢間最值得推介既紅豆冰終於到了! 唔知
OpenRice 有過百 Smile face 既餐廳多數門口都會有好長既隊, 呢間都唔例外, 但只係大枱多人既先係, 我同我朋友兩個唔駛等就可以入去同人孖枱坐.
我見呢到最出名係牛肉通、蛋治同埋紅豆冰, 每樣我都散叫左一款...哈哈, 點解我唔叫佢既 SET 呢? 因為佢呢到好奇怪無得跟餐加紅豆冰, 我就唯有每樣分散叫...但其實叫一個餐再叫一杯紅豆冰會平過每樣散叫...但無耐呢到得兩吧口, 飲唔曬...所以先咁叫法 XD 希望冰室可以改善 (但散叫的食物的確係大碟 D )
食物都唔駛等好耐就出黎了, 牛肉通粉無乜特別, 我一望見佢就諗起深水步維記....哈哈, 不過維記既材料多呢到好多...而呢到味道就一般, 無乜超乎想像之外; 呢到既蛋治唔錯, 即叫即整, 蛋汁豐富, 仲好大份添, 但我嫌佢無乜味, 應該可以加少少鹽調下味...
因為我朋友係叫 SET, 我係單叫, 有得比較分別, 牛肉通同蛋治份量係比 SET 的大 D 的.
呢間最值得推介既紅豆冰終於到了! 唔知係我見識少定點, 我終於食到第二間既紅豆冰係可以同大快活的一樣淋, 一樣起沙的了; 好正, 入面好多紅豆, 亦都好多煉奶, 佢個紅豆冰既特色係有支柱狀既冰係杯紅豆冰入面對左出黎, 幾得意, 可能佢係想放多 D 紅豆掛, 又或姐突登整成柱形, 等佢可以塞住放紅豆既位 不過真係值得一試.
不過冰室環鏡始終係舊式, 卡位比較窄小, 大份 D 既人可以選擇坐中間既位...
因為對面就係停車場, 所以幾適合驚車人仕.
張貼