廣成冰室

營業中

休息中

今早與家人嘆早餐, 想不到入了一間連国內"大排檔"服務水準都達不到的茶餐廳. 因不知道有什麼食物選擇, 所以問"阿嬸(服務員)"擺餐牌. 阿嬸態度極差地回答"無餐牌", 及不奈煩地叫我及我媽媽点餐. 我並不是一位經常發脾發氣的人, 但她對我家人的態度極差, 所以, 我很惡及天聲地回敬她, 她才"欺善怕惡"禮貌地對我們. 真的不知所謂, 不尊重顧客及老人家. 差!差!差!平心以論, 食物设有什麼特別! 国內的早餐豬雜湯米粉比它的牛肉通粉還要好幾倍! 奶茶方面, 因它加了綠茶, 不是每個人都喜歡, 相信一般人喜歡傳统奶茶, 如附近"九里香".....最好, 我覺得老板態度最好"唔該"前 "多謝"後,.....但是, 我一定不会再幫襯, 真的是"貼錢買難受"

I have been to this cafe for few times....the waitress and the lady boss are so unfriendly><the standard of the food is really bad now....esp the soup for the pasta is totally no difference with a cup of plain water.....

經朋友介紹呢到既紅豆冰好飲~就黎左呢間野食去到都幾多人等~等左3個字到啦叫左個常餐+紅豆冰叫野食果陣~只不過係諗多左幾second寫單果個wear glasses+冬菇頭既呀姐係我地面前發脾氣係到話"諗食咩都諗咁耐既............"態度真係幾差!!!不過d野食就ok!!牛肉通粉~牛肉幾好食丫!!蛋治~幾好食丫!!夠熱夠多蛋~紅豆冰~同大家樂same taste~不過紅豆多dd!!正!!!!

由於出生於上水的關係...有幾間上水老鋪已經可以講得上"食開食熟"廣城老店現在老闆的父親更可以稱得上我叔父輩人士...所以從前還滿常吃..尤記得從前最喜歡吃他的烚蛋跟牛肉通粉,因為牛肉通粉的味道,烚蛋的蛋杯都很吸引到小時候的我...有點脫題了...因為閒逛開OR...在找跟女朋友慶祝生日的地方...卻不小心的看到廣城在OR有110個好評那麼多...於是打算再去吃一次...希望拾回兒時感覺.之前沒去吃,是因為父母都不太喜歡現在的老闆...尤其是那個舊老闆的女還是媳婦(好像是後者...)對老客戶的態度相當差(可能因為我們都愛一直佔位置在寒暄-.-),也間接做成我家杯葛廣城15年有多...好像又離題了...囧-.-說回這次的"旅程"當日去到大概是3點半左右吧...下午茶時間+星期6...害我等了差不多30分鐘...算了...為了重拾兒時的感覺...拚了...叫了一個牛肉通粉,一個蛋,還有一個紅豆冰...一個人來說還算吃不少了...牛肉通粉還是一樣...我很喜歡這邊的胡椒粉...感覺總有點不同...牛肉很嫩...不過口感有點像是鬆肉粉的功勞而不是牛肉的自身口感...烚蛋...還是那個蛋杯...

說了去廣成冰室1個多月了這次終於坐言起行.....趁著連放幾天復活節假日 撥空前往!!其實我很久以前跟家人去過一次 這次是陪太子讀書順便可以寫一下食評跟大家分享上次去的時候 我們等位等了好久這次也不倒外.... 在太陽的底下等了半個多小時老實說 我對這家餐廳的服務並不滿意負責分籌的女士 講話超大聲 也沒甚麼禮貌好像恃著有生意 不怕得失客人似的到我們等到位子的時候 他又要我們先點餐(其實這個安排我們是可以接受啦)我們點了4份茶餐 就進去冰室安頓了但是突然又有一個侍應走來問我們要吃甚麼我們都不知道到底要不要點餐 其實我覺得很混亂說最後我們再跟侍應說我們想點4個茶餐餐點上菜不算快 雖然服務態度不好 幸好食物的味道不妨大家去試試看牛肉湯通粉: 牛肉夠嫩，咬起來有牛肉味湯底做得不錯，喝起來不會覺得是味精湯奶茶:朋友點了杯熱奶茶，盛讚水滾茶靚!不過我喝的凍奶茶，味道稍微甜了1點滑蛋三明治:雖然滑蛋沒有蛋汁流出來 但是蛋真的很滑三明治來到的時候真的熱騰騰 這個要給一個GOOD!!25塊一份茶餐算ok 但如果服務態度可以改善就好了

我住在上水, 相信大部份人提起上水最出名的茶餐廰,都會第一時間想起"廣城冰室"今日星期日, 心血來潮想去這間上水最出名的茶餐廰, 去到門口, 真係人山人海, 我等了足足半小時才輪到我。我點了最出名的牛肉通粉食, 另外轉飲紅豆冰, 這兩款食品都是這裏最出名。先說牛肉通粉,牛肉很軟身, 味道也不錯, 最好味還是湯底, 有濃濃的牛肉味。至於紅豆冰, 真的有好多好多紅豆的紅豆冰, 材料十足, 很有紅豆味。不過我最喜歡還是的店舖裝修七十年代的膠碟設計七十年代的顏色配搭還有七十年代的牛角風扇令顧客彷彿光顧七十年代的茶餐廰仿如活在七十年代

是日繼續與同事發掘上水區美食。「廣成」在上水區嘅受歡迎程度一向都係名列前茅，不少人都會長途跋涉前來一睹風采。此舊式茶餐廳以蛋治、牛肉通粉及紅豆冰聞名。是日筆者胃納有限，只好捨棄紅豆冰了。呢度嘅環境仲保留咗六、七十年代茶餐廳嘅格局。牆上還貼有市政總署勸喻不准吐痰嘅通告。牆上嘅餐牌相信自店舖開始經營已經存在，價錢位置當然有無數次改動嘅痕跡。食品選擇十分簡單，套餐只有早餐及茶餐，兩者都有牛肉通粉，分別只係早餐(下午一點前都有供應，果真非一般早餐)有烚蛋及鮮油餐包，茶餐就換成蛋治。牛肉通粉係即叫即整，所以牛肉嘅肉質很嫩滑，唔會話煮到老晒，亦保留原有肉質嘅彈性，相信未經梳打粉處理，不過牛肉味認真欠奉；蛋治麵包質地唔夠鬆軟，相信係麵包放得太耐、防潮功夫不足所致。炒蛋是僅僅熟，如啫厘般吹彈欲破，可見火喉控制上乘，可惜蛋味不濃。個人建議用泰國出產嘅CP蛋來炒，應該會有更好蛋味。至於菠蘿油嘅甜酥皮面鬆脆，不似一般硬得界口似的，牛油是一大塊的，不過牛油味不足，應該係用咗margarine，在注重健康嘅今天，這亦無可厚非，不過就要委屈一下味蕾了。奶茶沖得十分香滑，飲完之後口裡亦冇「鞋」嘅感覺，証明呢度嘅茶胆

哈哈，其實呢間野我一共幫襯過兩次，第一次是一個星期日的中午，因為我姐姐話聽人講呢間講呢間野好出名，所以慕名而來，其實去到見到好多人要排隊已經唔係好想等，不過我姐姐好想試下所以等咗差不多四十分鐘先有位。我地兩個都係叫咗牛肉通粉, 蛋治同奶茶, 結果等咗約25分鐘先黎通粉, 因我坐的位置是面向水吧, 我見到佢地係一次過做約10碟通粉, 然後再做蛋治，所以咪等餐死！但味道都好普通，蛋治更加淡而無味, 結果食一餐咁普通既通粉用咗差不多一個鐘，咁慢既出餐情序，唔怪得要等咁耐, 一間咁細既茶餐廳，出貨又咁慢，點翻枱呀！如果有幫襯過佐敦澳洲牛奶公司既就知道，佢地做到你一落單叫野，碟通粉跟住就送到你面前, 炒蛋兩三分鐘亦都出現，到你食到差不多，就會有伙計問你飲乜餐茶，所以通常15分鐘就可以翻一次枱！ 我以為因為星期日既關系，所以我搵咗一日閒日既下午兩點再去試下，當時客人比較少，我都叫番同一樣野，味道都係一樣普通，而且蛋治仲要我催咗幾次先有，已經無乜客都搞成咁，都唔明點解有咁多人吹捧呢間野，真係羊群效應！

這是一篇補交的食評有一次與朋友北上，相約在上水等，卻有人遲到；上水地頭蟲就建議，帶我們這些已到達者，喝一杯當地著名的紅豆冰。當時心想：紅豆冰咪又係咁樣？d紅豆煮得又淋又入味既，食過啦，會有特別呀？但等待實在太無聊，於是走去一試也許時間尚早，抵達時雖然已九成滿，但剛好還有容得下三人的位子。要了三杯紅豆冰。紅豆冰送上，才真正大開眼界，冰是結成冰山狀的放在杯裏，再加淡奶和紅豆。地頭蟲解釋，冰塊這樣處理，能減慢融化速度，使紅豆冰在喝的過程中，不會輕易變淡。這種放在紅豆冰裏的冰山，太公還是第一次見，不得不認自己做大鄉里。的確，這杯紅豆冰很好飲；紅豆很淋也很香甜，淡奶沒有過多，混合起來稍甜一點，但隨著冰條以緩慢速度融化，由「稍甜一點」，喝到「剛好」，到最後也只是「稍淡一點」，沒有如坊間般，喝到最後，只剩一片淡；這裏的紅豆冰，整杯都是享受！

一行十二人的御臨門溫泉之旅後. 我同祖安及實實梨同佢老公<騰騰陣>, 見完團後都係五點鐘, 所以我地就一齊去0左上水的<廣成冰室>試下它好有特色的紅豆冰!!! 1. 紅豆冰($16) ~ 上一次去到摸門釘, 因此今次都抱著期望去0架, 最後當然沒有令我失望啦!!! 我自己就好鐘意飲<大家樂>的紅豆冰, 而紅豆冰要整得好飲絕非易事, 今次<廣成冰室>的紅豆冰當然有<大家樂>的質素之餘, 賣相也非常之突出, 成座冰山咁, 這樣可以keep住個溫度, 正正正!!! 2. 餐蛋治($15) ~ 可能一件餐蛋治兩份食, 就特別好味!!! 其實賣相就真係普普通通, 不過勝在夠熱, 夠新鮮, 因此都好值得試下的!!!整體評價：地點雖偏遠，但值得一試!!!

我都係因為見到d食評寫得好好味咁, 所以今日特登帶男友嚟試.紅豆冰: 最好味係哩樣, D豆好林好甜好大粒凍華田: 好唔掂, 攪完杯華田之後, 係淺到唔淺既灰色, 無華田味, 真係自己沖既都好飲過佢一百倍, 未試過飲咁難飲既華田蛋治: 其實見完阿姐將每一份蛋治都拎起再放塊紙落底已經攪到唔多想食, 但D人又講到好好味, 都試吓啦, 點知拎到份蛋治喺咀邊, 已經聞到蛋有"囉"味, 好明顯係炒燶咗, 同埋蛋夾雜咗蛋殼.奶油多: 好多牛油同奶, 好味!牛肉通: 好有薑味如果只係為咗杯紅豆冰, 我唔會特登再嚟試LU, 坐得又迫

以為係同區最高排名既餐廳一定冇死啦叫左個茶餐, 試過點知完全唔掂!牛肉通粉 - 呢牛肉冇飛水, 成碗湯都浮晒野....好醜, 睇到都唔想食!! 呢通粉又諗諗地.....冇咩味道......難食.....蛋治 (烘底) - 冇人地POST呢相咁大份, 個蛋份量唔多, 冇咩味......好在烘左底...唔係仲難食熱奶茶 - 中規中規, 冇佢講到咁特別又迫又多人, SERVICE唔係好, 呢阿姐冇咩禮貌本來打算試下佢個紅豆冰, 點知只可以單嗌16蚊, 冇得跟餐加錢......差...

與同事傾開我剛剛係馬鞍山食左個豉油王牛肉通粉佢就介紹我來廣成食牛肉通粉仲提醒我, 記住要叫餐, 因為會平 d1pm 前係早餐 $23牛肉通粉+蛋+牛油方包+熱飲1pm 後係茶餐 $23牛肉通粉+蛋治+熱飲我 2pm 到所以就叫左個茶餐牛肉通粉牛肉既冇味又唔好味, 呢 d 牛肉真係好唔得, 色香味都冇 反而 d 湯係用滾牛肉的水, 仲有加薑o潻, d 湯味道唔錯, 辣辣地 不過, 賣相就真係唔得, 唔係人人都接受到呢 d 灰色飄浮物 蛋治麵包好新鮮, 軟棉棉的, 好好味的蛋治 奶茶第一個感覺就係唔熱, 一上枱就飲一啖, 溫度只是溫暖的, 之後落左半匙糖, 搞好耐都仲未溶 第二個味覺就係好奶, 太太太多奶, 我係飲奶茶, 不是飲淡奶, 唔知係 d 奶過多, 還是本身 d 茶唔得, 完全冇茶味 第三個口覺就係好滑 佢地出名的牛肉通粉唔得, 反而 d 胡椒粉又香又夠辣, 好正呀~ 廣成主要都係賣牛肉通粉, 蛋, 奶茶, 咖啡為主, 都唔明點解要等成半小時才有得食 佢地話即造, 為何等半小時比你去煮, 出來的奶茶, 牛肉通粉都係唔熱嘅??? 侍應阿姐人就多, 手腳仲好亂, 人人都係叫茶餐, 但

今日難得放假, 突然心血來潮便想去廣成冰室食早餐, 未入到店內, 已見到門口有十幾廿個人排隊, 我足足等左20分鐘先入到去, 環境非常迫, 雖然我住上水, 但我都係第一次入去食,, 我最怕多人又等位。不過我聽朋友有讚呢間冰室的食物好好食, 我便即管一試。我點了一個招牌牛肉通粉, 等了一分鐘左右, 熱騰騰的通粉已經送上, 而且仲有一件新鮮即制的蛋治, 味道確實唔錯, 通粉有好香濃的牛肉味, 而且牛肉的質地好林, 好容入口, 有一種即溶的感覺。至於蛋治, 軟軟的麵包配上厚厚的煎蛋, 材料十足, 而家好好味。其實店內的環境保持一種六七十年代香港的風味, 令人未分懷念, 加上食物保持質數, 唔怪得口碑及生意也不錯, 值得推介。

由5歲食到而家，唔知係咪因為物價高左，牛肉不夠以前的新鮮通粉不夠以前的彈牙仲加左價tim....短期內唔會再幫襯了。