廣成冰室

營業中

休息中

有身為街坊的親戚帶著,當然能避開繁忙時間,不用等位就能入座並叫東西吃。叫了名物的牛肉通粉及蛋治,另外放棄了紅豆冰,改要了熱奶茶。起白泡通粉,是相當普通的,要來吃飽。奶茶也還可以,至少夠滑。最令人期待的當然是蛋治!厚厚的蛋,比那塊包厚上了3倍!咬下去,有牛油味和蛋味,如果把包變成多士應該會更好吃吧!!

於上水長大的我 去呢間冰室都係3次今次就係我去既第3次 因為有朋友入去上水咪陪下佢去見到門口有人等位已經唔想入去但一場黎到就入去回味下喇(對上一次差唔多十年之前)環境污漕又坐得唔舒服...果然十年都冇變...我就叫左:牛肉通粉 - 牛肉普通,係個湯ok奶茶 - 茶味唔夠菠蘿油 - 唔夠熱同區黎講算貴,又唔係特別好味,唯一可取就係D伙記幾好禮貌,但真係唔知明點解可以咁好生意

嘩....又一篇唔知放左係度幾耐既食評未打...由於成日去上水...早排無線薛家燕果套港劇成日話要黎上水食牛肉通粉忍唔住就去左呢度食可能果排套劇既關係..都幾多人慕名而黎我同男友2個一人叫左個餐$23@再加多杯紅荳冰$17@牛肉通粉2人都叫左個牛通~其實份量唔算多...個碗好似隻碟咁,好淺..牛肉係鮮牛,嫩口的~通粉係冇坑紋最普通果款~不是我喜歡的..而且偏稔湯好似冇咩味.有好多牛肉汁既殘物浮上面.所以d人都係自己加沙爹醬/辣油食唯一特別既地方係佢加左薑既!我一路食一路減....,其實我都唔係好明有咩咁出名..可能佢既煮法係古老傳統煮法..我亞爸食完都話諗起以前亞嫲煮比佢食果d家鄉野!可能就係食呢度係為左d回憶啦~有d人中意懷舊古法,有d就貪新野~各有不同!菠羅油/蛋治跟餐既~每人叫左一個個人最欣賞個波蘿油..面層塊牛油皮好好味好脆好香!不過個包既底部就淋左少少..有水掛蛋治都係滑既不過蛋好似未混,見到有d蛋白同蛋...冇味既~所以要自己加鹽!人手刨既尖不甩紅荳冰我唔中意red beans冇食..男友話冇咩特別..係個樣特別姐~熱奶茶不過不失普通奶茶..不過係hk呢個地方偶然黎冰室食下

廣成冰室 這名字沒有陌生為什麼開始紅呢? 要去到很早期 一套電影"九龍冰室" 開始有雜誌尋找香港很久的冰室那時我還是中學生..偶然早上趕著回學也買一隻菠蘿油同學說他們的菠蘿包是在隔離的包鋪買的哈哈~無所謂啦...總之好味就得啦~哈哈~~上星期跟周公去tea 很久沒有去,數一數手指已10年了說真的,太多人,星期天的下午~菠蘿油已賣得空空的..我們也沒有點了茶餐 因為茶餐份量多 卻吃不下 只好散叫 紅豆冰是不能跟餐的我點了-紅豆冰 奶油多奶油多 很多很多牛油 正常味 周公要了-凍奶茶 餘下的菠蘿油凍奶茶的冰 是一塊塊的 不是現在一粒粒的忘了是在那裡知道 這些冰的製作過程是較特別的 菠蘿油 我沒有試 但周公說 還好 但當然不能與金華的相提並論紅豆冰 是我長高了? 還是你變小了為什麼好像矮了很多... 可能是我長大了如以往一樣 很甜 但感覺很親切是因為這老店的待應 ? 是因為這甜甜的感覺令我想起舊時 ?然而這些年 有更多的競爭 各色各樣 這裡有一點擠迫 雖說不上很舒適 但偶然進去這些舊店鋪 卻多了一點人情味我喜歡 所以我給你一個笑臉

今天下午離開了工作的地方，到了上水出席一研討會。完事大約四點半，便到聞名已久的廣成試一試。是日客人不多，被阿姐安排坐卡位搭枱，是冷氣出風位來的，正！由於已做足功課，所以立刻叫了個茶餐。中醫說我脾胃差，不可喝凍飲，而大熱天時也不想喝熱飲，因此乾脆不叫野飲了。 牛肉通粉先來。賣相與心目中的差不多，有大量蛋白質漂浮在湯頭上。牛肉的化學味道不重，可以接受，而且切成細細塊的，頗易入口。可惜通粉淥得過熟了，已欠缺口感了，希望只是偶有失手吧。 蛋治隔五分鐘左右也都到了。蛋香十足，也很順滑，是不錯選擇。收銀的老板笑容十足，看見伙記與熟客也是有講有笑的，充滿人味的小店。如果大家順路的話，這裏絕對可以一試；如果要特地入上水，那大可不必了。

聽朋友講依間野好出名 就同家人一同入去喇 間野真係好多人果時3點幾4點 我地又唔餓就叫左2杯出名既紅豆沙飲Wa!! 真係呢....一飲.@~@"....... 杯野甜到....真係唔想飲飲左一半都冇就走了 真係好甜....有機會再試下其他野食 希望唔好令我失望

香港的舊式冰室已買少見少，就算有，絕大多數也在港島區，北區更可以話寥寥無幾。在openrice上看到這區人氣最盛的餐廳，原來是一間舊式冰室------廣成冰室。昨日途經打算試一試，可惜它並沒有開門，今朝重臨上水，專程慕名而去，歎返個靚早餐~店內超高的樓底，懸垂的大吊扇，掛在牆身的大鏡，鏡面還當作餐牌用，寫上食物及價錢，還少不得一個開放式的廚房、水吧，及兩個穿上白色短袖t-shirt的師傅，除食物香之外，亦令我嗅到彷似六、七十年代的味道~環顧四周，牛肉通粉似是這裡的例牌之選，於是點了碗牛肉通粉加煎蛋三文治及熱咖啡。牛肉通粉，光看賣相並不討好，有點像深水埗著名的維記豬膶麵，但食過之後才知湯底十分之鮮，通粉煮的時間控制得宜，不會太淋，有點咬口，而牛肉亦十分之嫩，上佳之選~至於煎蛋三文治則沒有什麼特別，味道ok!而熱奶茶是一般應有水準，亦算是沖得夠滑，而奶味較重。吃了這個早餐，很是滿足，難怪這裡經常滿座~

上星期有同事想到上水石湖墟响朵的廣成冰室食午餐，可惜剛好碰上它逢周四的周休日，今天決定誓要一探廣成冰室成名的秘密，午飯時一行六人老遠行到廣成去，早聽說廣成極有人氣，所以我先走一步去留位，抵達時門前已見有十多位客人在等侯，推門入店內只見座無虛設，阿姐立即高聲查問人數及排位，並告知會預留長枱給我們，都算反應迅速，後來更學鼎泰豐一般，在門外等候時預先替我們落單，真的就像麥兜漫畫中所述，早餐、茶餐、常餐其實都是吃同樣的食物，大家都要了廿四元包鮮牛通、蛋治及飲品的茶餐，早餐也是廿四蚊，散叫便覺定價偏貴，如單拼粉麵十八蚊、双拼收廿五蚊、紅豆冰十七蚊； 感覺定六十年代的包裝，後現代的收費。等了大慨廿分鐘終於有枱了，雖然預早落單但還再等了五分鐘才送上六碟鮮牛通，有人在湯中見到大片薑，只有鮮牛肉才有膻味，相信牛肉沒有被梳打粉腌過，牛肉頗柔輭，湯底很清，應該冇加味精； 厨房的火候控制不錯，蛋治的蛋炒得很滑身，而且三文冶夠大份，稍為彌補鮮牛通較少的份量； 我杯凍奶茶奶味重、茶味偏淡，始終茶才是主角，不是來飲奶，我認為奶茶不算上品。 雖然早餐、茶餐、常餐其實都是吃同樣的食物，但想不到食物一樣，份量也是一

上水，對它的印象是由大陸番香港後可以轉車番屋企既地方開始，也不知它是否城市化或者有何美食。當然，隨著Openrice的興起，讓我們這些無知小生找到美食的所在地，就是遠在上水的廣成冰室，靠著人傳人的口脾，還是人氣起上來！在Openrice找美食，然後決定香港一日遊的地點就已成為我的習慣之一了。這次的選址是上水。在外面看來，這是不起眼的冰室，若非店外排著些許食客，根本就不知內裡有何出色或出名的食物。內裡的燈光微弱，大概是因為樓底高吧？自然光透進來，然後照在綠綠的牆壁上，整個懷舊感覺就出來了，的確，這算是另類的食「環境」吧？牛肉通粉牛肉質感很raw，像是媽媽的手藝，通粉也稍為諗了一點。紅豆冰賣相出眾，很高大，自然謀殺了不少記憶體！紅豆較為爛和細粒，豆味頗假，整體稍為過甜。茶走茶味不強，因奶味已蓋過茶味。食物味道其實是合格的，加上環境雖擠逼，但始終懷舊味十足，在假期裡來一來感受下也能啟迪身心，令人回味呀！有機會希望快些來Encore好了。

住在上水三大年，幫襯兩次...... 一年前同幾日前...... 兩次都係差 舊冰室是特色，可以當係參觀古蹟，但舊不等於殘同污漕..... 破爛的地方沒有維修，厠所污漕，餐枱下一地垃圾!!! Bad!!! 平日tea time都唔少人，阿姐叫我同友人同兩個陌生人一齊坐四人卡位......我寧願在門外等人地走左先啦..,.,, (不過唔擔保你坐坐下又有陌生人孖你坐)叫左牛通，菠蘿油及奶茶，牛肉鞋又un，不過個湯OK，菠蘿包一D都唔暖，奶茶OK但唔夠熱埋單收$個阿叔最有禮貌 如果想食好嘢，去大X樂仲好想懷舊一下，不妨一去，但要選平日，假日排到阿媽都唔認得.....

新不如舊，正好用來形容這間冰室，這裡的環境對我來講，是相當陌生。雖然我獨自前往，但也要排隊等候，無可避免我也要跟陌生人一塊兒用膳，那是一對中年夫婦，我聽到他們是慕名而來。許多人都愛吃蛋治，但我就酷愛鮮牛通粉，牛肉味十足，加上口味鮮嫩，簡直是無懈可擊。蛋治跟著名的澳洲牛奶公司相比，我反而認為這兒的蛋較為清淡，健康一點，絕對適合一些講求健康的人士。說實在的，雖然這兒所提供的食物種類好少，不過質素仍然可以一直保持著，這是客似雲來的主因。跟現在大部份的新式茶餐廳相比，環境可能會更加舒適，食物種類雖繁多，但質素就相當參差，應該再多加反省，別要故步自封。大部份的香港人是為食一族，別以為求其把食物煮好便抬上客人枱上便算了。

簡唔中會去食下。舊味道就係舊味道。舊味道唔等於好味。只係代表住好岩我口味。食左一年，通常去到乜都唔諗叫茶餐最唔駛煩。某一日見唔多人，問下呀姐係咪有黃梅pancake.不過可惜原來呢家淨返餐牌有價錢既先有做。可惜我十幾廿年前無唻食過。仲有soft厘。等等架。好想試下。可惜。可惜。總結：唔知點解佢整到個塊包林晒爛爛地我都覺得好食！當然如果可以飽同蛋分開上更好！紅豆冰唔駛講，無得頂。真係好食。有次見個呀太同個女去食。募名去食，呀太一路同個女講呢道好傳統架。好多雜誌講架。但係個呀太就係咁了晒d冰出唻。好似見到冰山溶化咁hard feeling!佢仲話咁多冰唔好食。好想叫佢了晒d冰比我...但係對我太貴，無得跟餐，間唔中先會食一次。有次茶餐奶茶，加左杯飲紅豆冰，呀嬸嬸見我鐘意食。唔收我杯紅豆冰錢，開心死我！

5-12-2009細個住過粉嶺, 聯和墟去唔少, 但就從未去過上水的石湖墟, 是日心血來潮「夾」了朋友入去行吓, 順便試試呢間冰室.紅豆冰: 呢度「名物」, 雖然本身對紅豆冰一般, 但一場嚟到即管試試吧. 賣相果然有碌好高的 (手刨?) 冰柱, 想「將冰山劈開」真係要好小心, 唔係一定「雪崩」 紅豆勁多, 煮得腍身起沙, 就咁食甜度勁高, 果然係傳統紅豆冰 , 同花奶一齊食會比較好.試了少少朋友的熱奶茶... 朋友話「好奶」, 我就覺得奶味 vs 茶味約 6:4, 無澀味, 唯一唔好就係唔多夠熱.又試了少少朋友的西多士, 糖膠及牛油都極多, 混埋一 pat 「漿糊」狀杰撻撻黐笠笠, 食落超級勁爆甜, 配上唔夠色又炸得唔多夠的麵包, 唔好食.牛米: 其實 lunch 的燴牛意仲未落隔, 但見隔嚟位食嗰碗牛米幾吸引, 又忍唔住叫埋一份 湯底落了點薑絲, 面頭勁多「蛋白質」浮吓浮吓, 賣相十足深水埗豬膶麵 (http://www.openrice.com/restaurant/commentdetail.htm?commentid=1874336) 牛肉好軟熟, 亦食得出係新

有朋友記錯左呢到有奶茶紅豆冰, 黎到門口見到佢d wallpaper介紹既並唔係奶茶紅豆冰而係手工紅豆冰. 星期日下晏4點鐘黎到見到佢勁多人等緊, 反正黎到, 雖然無想食既野不過都照等啦. 4個人等左大概15分鐘先有位. 一間裝修好舊式既茶記! 樓底極高比我既印象係最深刻! 本來諗住試下佢嗰個咁傳統既手工紅豆冰. 不過黎到茶餐廳想諗奶茶既渴望實在太多既關係, 所以最後都係叫左茶熱奶茶. 另外叫左佢嗰個出名既牛通同埋菠蘿油!可能因為人多既關係, 上野既速度相比起其他茶餐廳慢左d. 等左相當既時候先有野上枱. 牛肉通粉: d 牛肉好冧, 係太冧嗰陣, 應該係用左大量既疏打粉做到呢個效果. 味道無咩特別, 不過諗起d疏打粉就打左折扣. 通粉亦都偏軟身. 我唔明有咩特別. 後來我朋友話佢特別個湯無加味精, 咁如果無加味精有咁既味都ok既. 不過.. 疏打粉太多都係唔係咁好.菠蘿包到, 摸上手係凍既~~~ 個心涼左一截~~~ 第一啖咬落去... e, 好好味喎. 雖然個包係凍既, 但係佢上面嗰層野好脆好好味, 好似食緊d中式唐餅咁脆脆地! 雖然食得出嗰層野應該落多左糖, 不過口感一流. 好多地方

今天下午茶時段去了上水探朋友,去上水的主要目的就係為了來呢間廣成冰室試食,我叫了一個常餐,有雞蛋三文治(有旦汁之餘,又不會流哂出來的),餐主食,我叫了火腿通粉,通粉滑溜,湯底有肉味,因朋友是老街坊,與這店的老闆及員工較熟,佢話,原來個湯底係雞湯,唔怪得之咁正囉~我另叫了紅豆冰比囡囡,紅豆好大粒呢,而我自己不愛飲紅豆冰,所以,叫了凍奶茶,茶味濃,啱哂我呢個每日無奶茶不歡的人,今次的上水之行,果然沒白費呢~照片參考: http://hk.myblog.yahoo.com/kitypanghk/article?mid=43548