廚十三老壇酸菜魚 (譽發廣場) (已結業)

自從舊年年中起，就已經無左食過酸菜魚。。。朋友講起話有間新開無耐既酸菜魚，就約埋一齊過黎食啦。油麻地分店好新淨，好多梳化位，而且座位寬闊，坐得好舒服～我地兩個人，叫左兩個前菜，一份細既酸菜魚，加左三款配料。碧綠脆筍姐係萵荀，調味好簡單，只有少少麻油香味，口感爽脆清新。正經的雞被撕呢到啲菜式名好搞笑～呢個係手撕雞，加左莞茜同青瓜。嫌棄莞茜既我比哂朋友食，雞肉同青瓜既莞茜味唔重，雞唔鞋，青瓜爽脆又新鮮，同樣係一款清新既前菜。小份酸菜魚細份都幾大盤，勁壯觀呀！我地額外加左午餐肉，寬粉同腐竹。湯都夠味，小辣適合大多數人食，易入口！酸菜方面比得好大方，份量好多好好食！不過略嫌小小油，可能關午餐肉事？魚肉好嫩滑，不過有幾舊有啲骨仔，但唔係勁幼個d，慢慢食就ok，唔會梗親既～完來佢本身都有啲配料，我見有啲金菇，豆腐，蓮藕，都唔錯喎！午餐肉超級多，我地懷疑佢差唔多落哂成罐哈哈！腐竹都好多，又唔會浸到碎哂，幾好食。寬粉係類似肥版薯粉，彈牙又有咬口，同酸菜魚既湯好夾～食完呢餐真係極度極度飽！雖然有些少貴，但食物既質素唔錯，份量亦多，而且坐得舒服，所以下次會再黎食～～～

自從上年之後，已經好耐無返過大陸，想食酸菜魚都唔知去邊度食好之後同事介紹咗啲間俾我試吓，一於帶埋friend去食！上次食過荔枝角嗰間覺得一般，今次就再俾佢一次機會啦餐廳內部裝修得幾靚，亦都坐得好舒服～一坐低就即刻有一大支茶飲，仲有兩隻杯～餐牌上面都幾多嘢食可以揀，酸菜魚可以自己揀份量同埋辣到，仲可以自己家配菜添除咗酸菜魚之外仲有幾款唔同嘅涼菜～ 首先就叫咗個黑木耳食，見到佢有辣椒粒同埋泡椒粒，酸酸辣辣咁幾好味，黑木耳又夠爽脆，而且冇生澀味，好食！另外叫咗個手撕雞，應該係就咁用左辣椒乾，所以食落去冇木耳咁辣。不過就比較濃味啲～我哋嘅重頭戲就梗係唔少得酸菜魚啦！一上枱已經嚇親，二人份量都好多！湯底唔算好酸不過都幾辣，啲魚片好滑，配埋酸菜一齊食好夾我哋仲要加咗幾款配菜，有寬粉、蓮藕、薯仔片等等，食到好飽呀！係酸菜魚到之前，我哋仲叫多咗個炒萵筍絲～ 味道清清淡淡，又爽口，可以中和下啲重口味呀辣到頂唔順叫咗汽水飲不過真係好正，一定會再嚟～～

同朋友講開話好想食酸菜魚，就上網search下，搵到呢間口碑唔錯，係油麻地A2出口行幾步就到，相當方便，呢到既職員態度都非常好👍老壇酸菜魚👍我地2個人叫左份細既酸菜魚🐟額外加左青筍片，腐竹，寬粉；辣度叫左小辣，對於我黎講可以再辣d，下次可以叫中辣試下～雖然係細份，但份量都相當多，賣相十分吸引🤤魚超級滑，整得好好食👍酸菜都好食，同返大陸食既一樣咁好食，以後可以book mark住呢間廚十三食酸菜魚👏🏻味道夠曬正宗👍無骨麻辣雞爪- $80鳳爪好好食，佢係特製辣醬整既，好有驚喜，唔算好辣，但好惹味，推介👍上上籤 -$ 80每樣材料都有2串，有鵪鶉蛋、鳳爪、青筍片、蓮藕片、木耳、椰菜花～全部都幾好食，唔會好辣，啱香港人口味～另外d竹籤都幾靚，完全唔係hea既👍

有個住梅窩既舊同事，平時好日都唔出街，但佢竟然會一個月搭船出城3次去食酸菜魚，係佢引誘之下我就尼試下喇～
我地上網睇MENU唔覺意發現油麻地係平過其他分店，就BOOK咗呢間（笑）酥炸無面男～
豬肉條金黃香脆，外脆內軟，入面仲保留到肉汁，趁熱食正呀！

麻辣雞爪爪～
去咗骨既鳳爪真係一流！佢個麻辣汁刺激得尼令人好上癮，連埋京葱一齊食好夾，加埋芝麻既香令人一啖接一啖停唔到，我地勁快就清哂

黑木耳～
由於我唔係食得太辣，就叫多個木耳尼解辣，酸酸地幾開胃

，同辣既小食間住咁食會清新好多～酸菜魚～
我地4個人叫咗2人份，但都好夠食！魚片應該有廿幾塊，食極都仲有，魚肉好滑唔易散，酸菜非常好食個魚湯吸哂魚同酸菜既味之餘唔會過酸或過咸，個味BALANCE得好好，差D想叫多碗白飯尼撈湯食～～
我地加咗午餐肉同寬粉，呢度個寬粉好高質，好夠煙靭，佢粗得尼都索咗好多湯，食到最後果D寬粉係更入味，真係值得一讚！
另外要一提既係佢酸菜魚有得自選辣度，唔似太二咁SET定咗辣度，對我食開小辣既人尼講真係好好
總括尼講呢間無論酸菜魚定係前菜都好唔錯，絕對會ENCORE～～

接近一年無去深圳食酸菜魚，朋友就推薦香港呢間，話個味道同大陸差唔多，就帶左屋企人一齊尼試喇。
佢防疫措施都做得幾好，除左要探熱個D基本野，佢會俾每人一個透明膠袋你入住個口罩，仲一尼會俾熱水你洗碗。餐牌入面除左酸菜魚，仲有好多個名幾搞笑既小食，為左食多幾款前菜，最後只叫左小份既酸菜魚

酥炸無臉男睇MENU上面既英文先知佢係炸豬肉條佢個炸粉香脆得尼唔厚，豬肉味好濃郁，點埋個辣粉幾好食，辣粉唔係好辣，辣之餘又有少少麻，唔錯！
避風塘魚柳睇落好似成碟辣椒，但入面魚既份量都唔少，而且每件都幾大舊，一咬落去即刻被驚艷到，舊魚真係好滑好滑，真係外脆內軟，避風塘既味都無蓋過魚既鮮味，推介～

碧綠脆筍～
平時都係淥落個湯度 原來咁樣加左麻油食都好食 如果鹹度減返少少會更好

酸菜魚(小份)主角! 一上枱已經聞到好香～佢小份個盤都係咁大 入面非常足料 好多塊無骨既魚片 好嫩滑
酸菜剩返少少酸味又有咸香 好好食 湯亦好好飲 忍唔住飲左2碗
除左大量酸菜 湯入面本身已經有好多配料 芽菜蓮藕豆腐金菇等等 我哋只係加左寬粉已經好夠飽～
油麻地分店係正彌敦道又有落地玻璃望街景，早D去食未有太多枱客其實好舒服，下

疫情下，眾所周知大家都唔返得大陸食探魚喇，唔通想食十四日皇家飯咩，哈哈，但又有食酸菜魚既癮wor，所以黎到呢間廚十三酸菜魚試下，原來都幾唔錯，大家真係唔洗咁鬼遠返大陸食，香港都有得食。叫左個2-3人既份量，食落都幾唔錯，個碗起級大個，睇完都有少少嚇親，份量都十分之足，叫左三個配料都差唔多載滿曬，排場十足。魚食落都算幾彈牙，而且無魚腥味，始終切到一片片，仲用咁多香料去浸住，所以無魚腥味都好正常，平時唔鐘意食魚既朋友，都會食酸菜魚。咁佢切得唔算好薄，所以比較有彈牙口感，同埋食落都會食到d魚既鮮味。配料方面，佢除左自己點既配菜之外，仲會有埋d芽菜同香菜，所以配料都唔洗再點菜。碳水方面，建議就點薯粉，因為配酸辣湯就好perfect

今天與友人來到油麻地， 食有名的酸菜魚。 我們吃過返尋味 ，下次必定會再來。這裏的小食選擇很多， 都是出名的四川菜， 大部分嘅小食都係辣， 很適合我們喜歡食辣的朋友。這裏的酸菜魚有不同人數嘅份量選擇， 配菜也有很多選擇 ，價錢也非常合宜。我們點了泡椒鳳爪， 這個辣度剛剛好， 辣味適中， 鳳爪嘅肉也非常爽口。 我們非常喜歡這款小食。我和朋友點了二人份量嘅酸菜魚， 分量也非常多， 我們點嘅配菜有午餐肉，薯粉和蘆筍。 酸菜魚嘅肉也非常之爽口彈牙 ，食得出是很新鮮的。 配菜和 酸菜魚嘅份量也非常多， 酸菜魚非常之野味。另一款小菜我們點了手撕雞， 這款小食嘅辣度適中， 味道也非常特別， 我們非常喜歡這種辣嘅味道， 令人一試難忘。服務員嘅態度很好， 令人有賓至如歸嘅感覺

油麻地A2出口，好近地鐵站，位置方便。
室內裝修簡約時尚新簇，坐得十分舒適。一入去就見到最近每間食店都做緊嘅外賣自取優惠，$238，兩人份量，其實超抵食。Menu:小份酸菜魚$300呢度小食選擇好多！避風塘魚柳我冇諗過會有咁多辣椒！不過佢唔算好辣，大概係微辣至小辣之間，非常惹味。魚柳炒的，肉質緊實，帶微微辛香，很是開胃。上上籤呢碟涼菜真係不得了！超級麻辣！！麻度係10級，辣度係3-4級，所以一食，就由舌尖麻到去舌根，非常過癮！而因為辣度尚可，我地平時唔套食辣都可以食晒（最後幾串係掠左一陣散咁啲麻辣味）唔食得辣嘅大家要小心呀！而呢碟配菜有：鳳爪、蓮藕、椰菜、木耳等。酸菜魚（小份）一上菜就覺得好感動——係太二嘅味道呀！自從612就冇返過大陸覓食，實在掛念酸菜魚嘅味道，尋尋覓覓，總是搵唔到岩心水嘅，一係唔夠香，一係調味唔好，一係就鮮魚肉處理得唔夠好。而廚十三就做到曬以上所講嘅野，一句可以總結：色、香、味俱全呀！上了熱油顏色鮮美，酸菜香味四溢，魚肉滑溜，口感上乘！配埋粉絲/薯粉食就真係一流呀！！！！

四月之時，突然轉涼跌到十幾度，不過唔想打邊爐，於是食酸菜魚暖下胃。油麻地分店三月底先開張，新淨寬敞，梳化位好好坐。餐廳主打酸菜魚，亦有多款四川涼菜、小食等比你過下口癮，部分菜名特別得黎但又唔係好明，好彩有埋英文一睇就明。老虎椒愛鬆花蛋即係尖椒皮蛋，醬汁唔算太辣，充滿蒜香，酸酸地相當開胃，皮蛋唔係死實，亦唔會一夾就散，幾彈牙，虎皮椒絲煮到腍透索晒啲汁，就咁食都好正。酥炸無臉男即係酥炸豬肉，碟底冇多餘嘅油，酥肉炸得乾身，咬落亦唔會標油，肉質軟熟，試完原味再試埋調味粉，咪睇佢咁紅就以為好辣，其實只係微辣，細看之下有其他香料，有少少似七味粉。記得趁熱食，凍左會開始油膩。小份酸菜魚供二人享用，但都幾大份，三個人都夠食。湯底鹹鹹酸酸，微辣唔油，酸菜聲稱醃足一年，食落又真係幾爽脆可口，如果再酸辣啲就更正。魚肉用上新鮮鱸魚，人手拆骨，啖啖肉夠嫩滑。配料方面，寬粉煙韌，同湯底好夾，藕片爽口，腐竹滑溜唔易斷。

心血來潮想食酸菜魚 見到油麻地有間新開 就去試試先 原來呢個係新開嘅分店 上到去地方好寬敞 同埋好新淨 兩個人食 又餓餓地 就嗌左一份酸菜魚同兩樣小食首先黎左一樣小食 上上簽 其實就係將唔同材料串左一串串咁 再加啲麻辣醬料 有鵪鶉蛋 雞腳 蓮藕等等 聞落好香辣 但食落唔算辣 不過就好夠麻 個麻感仲要延續好耐🙈之後就黎主菜酸菜魚啦！配料我地嗌左寬粉 午餐肉 腐竹 一上就聞到好香 驟眼睇啲魚份量都好多 兩個人食足夠有餘 啲魚係好滑好滑但又唔會腥 同埋冇骨 個酸度岩岩好 加少少辣 本身都有唔同配料係入面 金菇 蓮藕等等 而啲另加配料都係好足 份量都算多 午餐肉索到味 都唔錯 腐竹配呢個酸菜魚就真係好夾 寬粉就更加唔洗講 好煙韌 又掛到啲酸辣味 真心推介我地嘅另一樣小食就係雨露均沾 其實就係炸糍粑 食落係外脆內煙韌 鐘意甜啲可以點啲黑糖醬 呢個真係要趁熱食 因為會煙韌啲 如果攤涼左先食就會冇咁煙韌 食呢個甜品仲可以解下辣（個人覺得🤪）

差唔多成年冇返過大陸，其實之前上深圳最鍾意就係食酸菜魚，所以成日喺香港都好想搵到嗰個味道😂朋友介紹呢一間廚十三老壇酸菜魚都好高質素，而且味道更加適合香港人，所以我哋就去試一試，見到呢一間有四間分店，所以我哋去咗油麻地，比較方便因為好近地鐵站！上到去有職員幫你探熱，而且地方好大好舒服，我哋四個人叫咗一盤酸菜魚，一個避風塘魚柳，豬肚等等嘅小食。 酸菜魚真係好大盆！差唔多好似張枱咁大！而且唔係好油，魚肉好滑，一條骨都冇，啖啖肉㗎！酸菜都好好食同埋記得一定要叫一碗白飯！另外避風塘魚柳就適合啲唔係好食得辣嘅朋友，同埋佢適合送酒，比較脆口！另外佢嘅小食都幾好食，因為都係有浸麻辣味，但係又唔會好辣，好開胃好上癮嘅味道！好想再去食！

宜家疫情影響, 出街食飯都要好小心呀, 估唔到呢間廚十三酸菜魚提供埋膠袋比大家放口罩, 真係幾貼心同方便!!幾個月無食過酸菜魚, 好掛住陣味! 所以要左個中SIZE! 有成2大隻魚! 呢間既辣味對我黎講岩岩好!! 而且無大陸既咁酸, 好岩我口味! 識食一定係叫多碗白飯! 同埋要叫超索味既寛粉！！因為超好送飯!!另外呢到D小食都好好食, 特別係豬肚!!!一黎好香麻油味, 2黎豬肚好爽口, 唔會UN, 少少麻辣味, 仲有芫茜超好食!!! 

對於酸菜魚呢一間餐廳，其實我已經試過荔枝角分店，簡直係一試就愛上啦今日同朋友講起，就去油麻地呢一間分店再戰餐廳非常寬闊，坐得非常舒適，雖然疫情影響飲食業，但呢間餐廳陸續都有食客上門，可見食物質素高我哋叫咗一份小份酸菜魚，配料就叫咗寬粉同腐竹，酸菜魚份量十足，另外仲有少量金菇、豆腐同蓮藕片，湯底酸酸麻麻辣辣，有泡椒、乾辣椒等，幾款唔同既辣椒帶出精粹，好正好開胃！魚肉嫰滑結實，寬粉極度推介，好索味又煙um另外仲叫咗夫妻肺片同碧綠翠筍，夫妻肺片麻辣好足味，有牛展同牛肚，牛味好👍🏻碧綠翠筍充滿麻油香味，睇得出師傅刀工厲害，薄薄一片，晶凝剔透！最後叫咗兩碗紅糖冰粉做甜品，第一次食呢款甜品，好特別，真係大滿足呢最後一讚，員工非常好禮貌！