廚十三老壇酸菜魚 (譽發廣場) (已結業)

午餐時間，一行四人走到旺角譽發大廈2樓的廚十三老壇酸菜魚，懷念從前與朋友到深圳吃酸菜魚的日子。這間餐廳很特別只有酸菜魚及其他涼菜小吃，我們點了兩個二人份量的酸菜魚有微辣及中辣，每個酸菜魚可以隨喜好加錢加配菜，一碗二人份量的米線有面盆那麼大😆，先試一下微辣的湯，酸辣適中，不太好辣的朋友也可試試，他們用上的是鱸魚，比較少骨厚肉，肉質也很滑，湯內還有芽菜、豆腐、蓮藕等等。接着我們是一個中辣的，愛辣的我比較喜歡這個味道😋，我們還點了一個白飯半湯吃。這裏的涼菜名稱很搞笑大家可看看餐牌，我們點了一個叫棒棒雞的口水雞，味道也可以不是太辣，套餐附送一罐汽水。雖然這間只做酸菜魚的餐廳水準中上，午餐來吃還可以，但這裏的菜式種類不夠多，未必吸引到很多香港人晚餐來幫襯。加上價錢亦偏貴。

近排見好多人post哩間餐廳，過黎試下...點知餐牌少款式，而且貴價又吾飽，兩個人食3人份量，感覺上食完都吾飽。主打酸菜魚但配菜要另加，平時岀去食四川菜既配菜都吾會少，但哩間就麻麻地，而且價錢有啲貴又吾值，而且選擇性較少，小食相比起其他四川菜少，價錢算合理。但酸菜魚係夠味，有吾少泡椒同酸菜，加上配菜上有豆腐，金菇等少量配菜，做法口感都好滿意。主打酸菜魚的話，可以加上吾同既配菜，最好加面，如果吾係真係未必夠飽。試下都可以但可以有其他選擇都會簡其他，性價比吾高。

又到午餐時間今次試一試食呢間廚十三，都係食酸菜魚櫈都未坐暖一坐底侍應就急不及待地送上點餐單寫住午市堂食大優惠⋯come on，差d 中招一d都唔優惠⋯小份酸菜魚都要$300大份酸菜魚要$450,土豪版$580確實價錢是有點偏貴店員沒有特別提及有2人午市套餐、因印在餐紙左下角，眼力不好的就睇漏眼了🤪$168套餐包含、米飯或 米線 加飲品店員也沒有提及酸菜魚內是否含配菜酸度辣度可以自選，叫了中辣魚來了魚肉較滑身，沒有太多魚骨，湯底較酸，辣度不大，酸菜也不是太多內有少量蓮藕、豆腐、金菇🙂另外叫左個雨露均沾(紅糖糍粑)$40-正正常常，勝在即叫即炸.望一望餐單，涼菜價錢方面都偏貴，拍個青瓜都要$50-店內環境較新正，舒服！除左落單同送野食外，店員好似神隱左🤨

酸菜魚癮成日發作起，今日又二話不說就去左油麻地食廚十三正經的雞被撕 $100加入花椒同芫荽做拌料，麻香辣集合於一身既手撕雞，啖啖肉好惹味麻辣牛 $90牛展好嫩滑軟冧，而且香香辣辣，非常滋味老壇酸菜魚(小份)配菜：寛粉$28二人份量既酸菜魚份量適中，魚湯有好多花椒同酸菜，酸酸辣辣開胃又暖身，我都忍唔住飲左幾碗。魚肉大大塊好厚肉，而且滑嫩一d骨都無。食酸菜魚又點少得寬粉，條條掛晒湯汁更好食雨露均霑 $40係香港好難食到紅糖糍粑，所以係必點之選。外脆內軟綿，煙煙韌韌，再加點紅糖漿食，而且非常解辣推薦指數：4.5 / 5

同事極喜愛食酸菜魚，佢話深圳的最好味又便宜，但因疫情關係唔能夠去深圳食，油麻地有間廚十三老壇酸菜魚，佢試過同深圳一樣好好味，所以約我去試吓！餐廳整潔光猛，座位舒適。老壇酸菜魚二人份量，雖然是最少的份量，但上檯時一大盆，魚肉、酸菜和配料都好多，十分足料。配料係點菜時一起下單，師傅會加入酸菜魚一起煮，我們加點鮮腐竹、豆卜、寬粉。一黎已經聞到一陣陣又酸又辣既味道 ，味蕾即刻打開 ，首先飲個湯底 ，酸菜魚最重要嘅幾種滋味都做到 ，又有魚味又有花椒加埋本身辣椒 配合得唔錯 ，魚片都係另一抵讚嘅地方 ，魚片首先起晒骨 ，另外唔會簿 ，仲可以食到有魚嘅質感 ，除了有白雪雪的魚片和酸滋滋的酸菜外，還有腐竹、泡椒、胡椒、菊花等物。因為我點了少辣程度，初時不覺，吃到半途便覺得舌頭發麻，但酸香辣燙的味道卻又令我感到開胃過癮，魚片鮮嫩，豆腐吸收湯汁很惹味，寬粉煙韌滑溜。不開心的黑木耳，爽脆嘅黑木耳 ，具有滋補潤燥嘅功效，係一道好健康嘅小食，味酸辣好醒胃。棒棒雞即係口水雞，這個口水醬汁又香又帶辣勁，雞肉嫩滑，令人吃個不停！

首先緊係叫我最愛，青椒土豆絲($60)，其實都幾大碟下，做頭盤小菜一流！🦀避風塘魚柳($100)魚柳炸得好香，唔好睇佢上面咁多辣椒🌶️，只要唔專登食啲辣椒，個魚柳都唔算勁辣嘅，反而岩哂啲想食少少辣嘅人啦！老虎椒愛鬆花蛋($60)係好出色嘅皮蛋，本身好新鮮，再加埋啲蒜頭，唔會太咸又係正宗皮蛋嘅感覺，超正！然後就係泡椒鳳爪啦！都只係$60一碟，超好抵食！唔知點解覺得送熱辣辣的酸菜魚就好夾！因為依個鳳爪都唔算辣！除咗啲泡椒我朋友唔小心食咗一舊，都要叫多一杯野飲，唔講得笑㗎啲綠色椒！土豪份酸菜魚($580)我見成幅圖好似無咩酸菜，於是加咗酸菜，都係22蚊，點知原來碟野本身已經超多酸菜，所以如果多人一齊食先好加同埋原來真係好大碟㗎！手掌都唔夠佢一半咁大碟！酸菜魚可以揀自己加配料，每樣加28蚊，我地選擇加咗蓮藕片同金針菇依個有啲似嘅海帶嘅係碧綠脆筍($70)其實我平時都好少叫黎食，係朋友介紹我食我先知😍都係凍盤咁食，好爽口，好正！野飲方面我同朋友都叫咗王老吉，清熱氣呀嘛！係雪櫃拎出黎，凍冰冰，爽

4個人去食 叫咗個土豪份酸菜魚，$580，再另加酸菜$22，雖然最後覺得真係超多酸菜，不過4個人真係差唔多！同埋無估到原來真係超級🤩大碟三隻手掌都唔夠佢大，酸菜魚嘅配料加咗金針菇，蓮藕片，每樣都係加$28！其實個酸菜魚都唔辣，唔好睇佢好似好多辣椒！啲菜式嘅名好特別，忍唔住要打返出黎，我食酸菜魚必叫嘅係青椒土豆絲$60同埋碧綠脆筍$70😋好正！中意食，必叫！之後仲叫咗泡椒鳳爪$60，凍冰冰咁樣配個酸菜魚就好完美！再黎係老虎椒愛鬆花蛋$60，不過同普通皮蛋又有啲唔同，好淋嘅皮蛋，感覺好新鮮，唔係擺咗好耐果啲😌最特別又令人食過返尋味嘅就係避風塘魚柳$100，個魚柳用依種煮法真係好正，炸得外層鬆脆，入面啲肉又多汁，無得彈！😋

疫情已經持續左有半年，係呢半年來沒得去旅行，之前有時會去深圳食下好西，但疫力之後都沒左呢支歌仔唱啦。呢排特別掛住酸菜魚嘅味道，可惜係香港好難食到比較正宗嘅酸菜魚，就算有都係非常貴，性價比唔高。經朋友推薦，終於搵到呢間價錢親民得來味道又正宗嘅酸菜魚店，終於可以止一止渴店入面嘅坐位好闊落，唔似其他餐廳逼住曬，而家我同朋友一齊去食，店舖安排左個四人卡位俾我哋，我哋都坐得好舒服，係香港來講係好難得！坐低左之後唔講咁多，先來一個二人份嘅酸菜魚，我地仲加左金菇同紅薯粉。個酸辣程度岩岩好，真係越食越滋味。魚片仲好嫩滑添。除左主菜酸菜魚之外，我地仲叫左三個小食，分別係碧綠脆荀、酥炸無臉男（即係炸雞）同正經的雞被撕（即係手撕雞）。佢d名起得得意之餘又好食兩個人食真係食到我哋好鬼飽呀！

幫襯左廚13都有大半年，第一次食係喺尖沙咀，當時食真係覺得媲美得起深圳嘅一啲出名嘅川菜。價錢嚟講其實都中上偏貴，但環境都係寬敞舒適，一開始品質真係幾好，所以每個月都會食一至兩次，覺得性價比都幾好。但近呢幾個月佢嘅出品急轉直下，其實份量不斷減都算，覺得品質保持到都可以接受。都明白午巿一定冇晚市咁多魚，但係佢越來越少越來越少，今次直頭得三舊魚，我覺得就有啲誇張，仲要我加咗$28嘅萵筍，講緊得幾塊，但係其實佢個餐先至$88，未計加一。沒有最離譜，更離譜嘅係，第一次飲佢啲湯係又香又辣酸，味道濃厚，但如今佢好似加咗一半水咁，淡而無味，買啲油就照舊浮左一寸喺面，情形就好似你食出前一丁只係落咗半包味粉咁，真係好失望。服務方面啦過往佢會比一盆滾水你洗下啲杯杯碟碟，啲水飲咗未夠一半就會即刻幫你加，而家冇得，洗碟都算，啲水飲晒都唔使旨意人哋幫你加。閒日嘅午餐食$100其實有好多更加好嘅選擇，今次真係令人徹底失望，下次真係唔會再嚟。

想食酸菜魚好耐 🤗今日同媽媽嚟試依間油麻地分店 一入座會提供麥茶 辣味既小食同酸菜魚配麥茶可以解膩解辣👍🏻👍🏻不開心的黑木耳酸酸地但味道唔算濃烈 而黑木耳好爽口老虎椒愛鬆花蛋好香蒜蓉味🤩🤩 皮蛋配搭辣味加蒜茸果然無得頂小份酸菜魚魚（2人份）除咗本身加嘅配料之外 仲有啲連藕、芽菜、豆腐、豆卜係埋大盆度 而酸菜既份量亦有好多 鐘意食酸菜既朋友可以再俾錢加碼我哋既配料就另外加左豆卜、腐竹、寛粉 我覺得辣既湯底一定要跟啲麵條去吸湯汁 而寛粉係一個好選擇 佢煙煙韌韌既口感好好咬口 索埋湯汁仲好好食👍🏻👍🏻豆製品吸左辣汁亦唔會太辣 真係好夾🥳🥳紅糖冰粉冰粉上面有啲七彩繽紛既椰果 紅糖加埋椰果都提供左甜味俾冰粉 令到成個冰粉既味道甜而不膩👏🏻👏🏻

自從疫症爆發後, 都已經有大半年冇北上覓食, 好掛住我最愛的酸菜魚。早前經過譽發廣場門外收到宣傳單, 得知2/F有間主打酸菜魚餐廳, 即時流哂口水, 今晚就同友人去食餐酸菜魚回味回味....餐廳開揚, 整潔, 多張卡位, 坐得幾舒服。主打酸菜魚, 當然每張檯都總會order一盤。酸菜魚有分大中小份量, 額外加錢再加料。另外仲有多款以辣為主既小食供應。兩個人就揀左細size, 【老壇酸菜魚】HK$300另外 +$32 午餐肉 、 +$28 寬粉大大窩酸菜魚上檯, 感覺很有份量。單看賣相, 已經有種酸辣味滲出來。無骨魚塊超嫩滑, 湯底酸酸辣辣, 惹味又開胃, 辣度很足, 食到最尾真係有d出汗...湯底有豆腐、唔少酸菜, 莖位幾爽, 夾集酸菜食, 酸度更加提升; 湯底好飲得令喜歡吃酸辣的我, 都飲了不少。額外加既午餐肉, 林林的, 稍為增添了少許鹹香;至於寬粉, 表面很滑, 質地唔係索到湯汁果種, 煙煙韌韌, 有口感。.另外點左兩款小食,【酥炸無臉男】HK$80有如豬扒切成一小條的酥炸, 外皮酥脆不油膩, 肉質有點乾身, 點少少辣粉食, 更加香口惹味。【正經的雞被撕】HK$100雞肉被撕得好

尋日同朋友飯聚2個人...叫左份細酸菜魚.麻辣鳳爪.酥肉.糍粑酸菜魚（細）$300加左寬粉+$28估唔到成$300一份魚會小到甘，已經叫咗份寬粉黎墊底仲要加大量芽菜墊底但上枱完全見唔到魚.只見到幾舊豆腐浮下浮下完全唔抵.都唔知有冇一條魚份量麻辣鳳爪 $80係無骨鳳爪味道一般.唔辣冇少麻但最大問題係....竟然係暖暖地酥肉 $90好乾.好硬紅糖糍粑 $40分量多，但紅糖好大陣燶味白飯$18一個🤨🤨重點係-食完餐飯..好口渴好味精...完全唔掂😔😔😔但服務態度係好嘅🤗🤗

這是我吃過最孤寒的店，小份寫的2人份量，實際2個5歲小孩都不夠吃！關鍵並不便宜，一碗飯18！加埋服務費，要400，人均200。錢都不是問題，但份量少成這樣，太過分了！ 我們花錢來喝湯的？如果不是廚房的問題，那就是這家店的問題！

開心星期五梗係要同朋友慶祝下啦！行完信和見到呢間嘢，朋友話幾出名。咁就要上去試下啦！可能係平日夜晚，都唔係好洗排隊，但入面都多人。兩個人嗌咗個特大份，加兩樣小食。檯面有菊花茶任飲，暖暖哋幾下火。另加兩份小食墊下肚。尖椒皮蛋辣味偏小，適合食唔到辣嘅朋友，係個好好開胃嘅涼菜。上面嘅蒜係經過炒+醃過嘅食落去一啲都唔辣，仲特別香。淨係個蒜拎嚟送飯都正！涼拌雞爪呢個就真係辣到面都紅，一食就知有地道嘅中國味，食到停唔到啊！未食魚就先有咁正嘅小菜真係勁爆。大大份酸菜魚份量十足！三個魚頭應該係有三條魚咁啦，魚頭用油炸過勁香口！魚肉全部片開，淡淡肉，一條肉都冇！湯底加咗紅辣椒，泡椒，花椒。食嘅時候真係要小心咬到呢啲，唔係就會辣到傻咗。佢個湯都好鮮，一點腥味都冇，又酸又辣真係好過引。配料有大量蓮藕，酸菜，豆腐。蓮藕超爽脆，豆腐滑得嚟又入味。加多碗白飯就真係大滿足啦！咁有特色風味嘅中菜真係賣少見少，價錢需偏貴，但食完真係好滿足又過引，間唔中一餐半餐都唔錯嘅選擇。

今日嚟到旺角嘅廚十三老壇酸菜魚，試吓我最最最鍾意食嘅中菜菜式——酸菜魚。我啲朋友都話我係無辣不歡，但因為朋友唔太食得辣，所以叫咗小辣。小辣唔係好辣，但係又有麻香，加上我哋加咗青荀片、腐皮同寬粉，兩個人食就已經好飽肚～魚肉好滑好香，得好少好少幼骨，就算兩人份都有超過十幾舊，成碗酸菜魚又唔會太油，好香酸菜味，而寬粉煮得啱啱好，唔會太淋😋除咗酸菜魚之外，我同朋友仲叫咗上上簽，入面有鵪鶉蛋、木耳、青瓜同椰菜花，酸酸辣辣咁，十分開胃😆另外仲有酥炸無臉男，有辣椒面配，酥酥脆脆咁，又有油香，忍唔住一舊接住一舊咁食🤣食物整體質素偏高，絕對會再翻嚟食👍🏼侍應嘅服務態度都好好，唔會拖住客人，反應好快，態度都好好❤️