廚十三老壇酸菜魚 (譽發廣場) (已結業)

趁住堂食開返之際，收工約左朋友再去油麻地譽發廣場分店食老壇酸菜魚，今次吾記得叫店員少辣，比上次辣左好多食左三次，再食仍然覺得好味道有增無減，今次分享下點降咁鍾意食，晚市300元二人分量酸菜魚好足夠，本人一向吾鍾意食有魚骨食物，廚師起晒所有魚骨，加上獨特煮法令爐魚好滑，加上採用老彈酸菜，湯底味道酸酸辣辣，真係會上癮架另外，叫左新推出五香牛肉試下，仲叫左一支藍妹，好正架！蔥油撈豬肚，正經的手撕雞，涼拌青瓜，如果二人去食，叫2-3道涼食小食已經足夠喇！總結：本人食過長沙灣同油麻地分店，2間都近地鐵站，鍾意食酸辣一定要去試，本人亦會再次去幫襯廚十三，因為個種味道第間食吾到！

如果有留意開我食評都知，我係酸菜魚控，基本上香港既酸菜魚店，我十間有九間都試過但講到我最鐘意既，一定係呢一間廢話唔多講，因為限聚令關係，只可以兩人一枱，比較唔方既係唔可以叫好多野食share，不過有酸菜魚就夠啦。呢到叫酸菜魚冇其他餐廳甘複雜，淨係分大細，味然一件事專精到尾，就會做得好。先講下個水，食酸菜魚既魚，最。重。要。係。一定一定一定要小骨，但有時d小骨既魚又會無咩魚味，但呢到既魚就做到好好，又小骨，又好夠魚味扺讚除此之外，酸菜樣好緊要既人係個湯，個湯最緊要係有酸味，重要野講三次，酸酸酸，有多時d酸菜魚就係太過辣，冇曬酸味同魚味，但佢就平衡到三方面，淨係陣味都已經令人食指大動。最後私心推薦一定要加多份薯粉，吸左湯既薯粉真係冇得頂最後，加多個紅糖糍粑做甜品，真係好滿足

不經不覺也未能在外吃晚餐已有一段時間, 雖然外賣很方便, 市面上亦有不少即食餸包, 但有些食物真的要到店吃才有十足的滋味! 其中一樣令我"魂牽夢縈"就是酸菜魚了!雖然吃過不少主打酸菜魚的食店, 暫時以廚十三的口味最合心水。這兒的茶也很好喝, 滿滿的玄米清香。來這兒當然是要點他們招牌的酸菜魚, 幸好有三個份量可以選擇, 小份的我倆剛好。一窩小辣的酸菜魚等了一會便送上, 傳來陣陣惹人流口水的香氣..... 實在不能在等, 我要先呷一口湯!魚湯十分清甜, 又不會油膩。加上酸菜等多款香料令人更開胃, 味道不會只是一股的死辣, 酸辣層次豐富, 在冬天飲這個湯真是特別舒服。用上新鮮鱸魚起片放湯, 魚肉嫩滑鮮甜, 不帶泥腥。而且魚片是全起骨了再放湯, 啖啖肉的吃得十分方便。身邊那位即使麻麻地愛吃魚, 這晚也吃了不少魚片呢。除了酸菜, 窩中還有年藕及大豆芽等配菜, 把整個湯底的精華都吸收了, 既爽脆又滋味, 而且也很健康, 不妨多吃 (所以也差不多清了整窩)酸菜魚窩還可另加配菜, 我點了青爽的萵筍, 十分搭調。原來"邪惡"的午餐肉也是很夾味的, 感覺好像比肥牛更多了一分油滑, 口感粉軟的又不錯喎。吃完

各式各樣既酸菜魚開開到周圍都係，呢間一直book mark左要去，今日終於有時間可以去試下！環境寬敞，非常舒適，最適合上種談天說地😌-刀啪前男友$50🥒-見到個名咁搞笑即刻叫左一份做開胃前菜！份量細細份剛剛，拍蒜頭蒜蓉🧄、辣椒🌶️、白醋。青瓜新鮮爽口👍🏻老壇酸菜魚🐟$300（小）-叫小份份量已經大到驚人😎魚身已經全部拆肉起曬骨🦴魚肉一問之下原來係桂花魚🐟肉質彈牙爽口！配料都同樣非常豐富：酸菜、豆芽、芫荽、蔥、蓮藕片、豆腐同金菇！湯底🥣酸酸辣辣好惹味好開胃！酸菜魚湯底最適合配上寬粉🍜，寬粉質地彈牙，非常入味！超級推薦大家記得一定要加寬粉送呢個湯底😍魚肉厚身，嫩口之餘仲做到非常入味！數量都好多，食到個底仲有勁多魚塊🐟

疫情持續，懷念內地吃酸菜魚的滋味，耐何本地有質素的選擇不多，這家「廚十三」就是其中一家，受晚市政策影響，這次我們1時多就來到油麻地分店，來個午市酸菜魚鍋。餐牌上菜色選擇還算豐富，除主打的老壇酸菜魚外，涼菜、小食、甜點及飲料亦一應俱全。冷吃杏鮑菇 (HKD 50)前菜點了這道別家分店沒有的「冷吃杏鮑菇」，切絲的杏鮑菇醃得惹味，麻辣香口而且嚼頭十足，水準不俗的開胃涼菜。老壇酸菜魚(大份) (HKD 450)份量十足的酸菜鱸魚上桌熱辣滾燙，淺嚐一口湯頭，濃厚的酸味與辣味頓時充斥口腔，而質感順滑無骨的魚肉配合花椒帶來的酥麻感，帶來複雜多變的味覺享受；口感方面亦無可挑剔，魚片吃到尾段仍然保持彈性，愈嚼愈香。順帶一提配菜都是另上的（大份或以上酸菜魚附送3款），故不會因進食速度而導致浸泡太久，相當貼心。紅糖冰粉 (HKD 28)吃完熱辣刺激的酸菜魚，來個透心涼的紅糖冰粉，正好讓口腔冷卻一下，也去一去油膩感。總括而言，份量喜人，若果在附近上班或居住的朋友，可去一試。

一講起酸菜魚，是四川家喻戶曉的一道家常菜，可以說每家每戶都會做，必定用老壇酸泡菜的。所以識食一定係食“廚十三老壇酸辣魚”，因為佢用正宗煮法去炮製。介紹返我點了一個小份酸菜魚(其實份量並不少，足夠兩人吃得飽飽）湯底跟足傳統，除了一定有嘅老壇酸菜、還有放野山椒及泡椒和干辣椒。酸辣適中，而且有金菇，蒿茼，蓮藕同魚片一齊食！好正魚片易碎，所以一定係新鮮魚才能做出片片分明最佳效果。另外點了個蔥油撈豬肚香口野，酥炸無面男，其實係炸豬扒粒。

無左晚市堂食，很多想食的菜式無奈都被迫變成了午餐，今天約老公去食酸菜🐟，其實佢最怕有骨的食物，但朋友食過話ok，味道好，無乜骨，便去試下🤩😃 近門口的 poster 吸引放胆食，放肆食這個加大版醬料瓶裝飾別緻叫了168 二人酸菜魚米線餐大碟上枱，面層舖滿雪白魚塊，餸料有金茹、牙菜、酸菜、辣椒乾、豆腐粒……，湯底揀小辣，喑辣帶酸，整個口腔都暖苙苙，刺激食慾桂花魚片超大肉厚滑溜，最重要是無骨，啖啖鮮魚肉，老公讚不絕口另加午餐肉清炒窩筍絲窩筍絲爽甜可口，清炒最佳，可以食到原汁原味蔥油撈豬肚大量京蔥絲和芫茜拌凍豬肚，加上濃味麻油，好好味飲品可選汽水／加多寶，2種都唔想飲，半價9元換了潤肺無糖羅漢果，這餐非常滿意，晚市重開，再食過

吃過不止一次「廚十三」，但油麻地分店的卻是第一次，雖然菜牌與其他分店相像，但性價比絕對是最高最抵吃的！大份老壇酸菜魚超驚喜！店家說大份或土豪份均送三款餸，選擇了金針菇、寬粉及豆卜，每款份量不少。爐魚個頭不大，魚片卻份量十足、每片大而偏厚身，魚肉肉質滑嫩無骨。呷一口酸香味濃的酸菜湯，香濃不油膩，配上魚片，飽肚而滿足，感覺湯底比其他分店更濃郁更酸香。金菇與豆卜正常質素，超吸湯汁，素食之選。老虎椒愛鬆花蛋皮蛋呈半透明，外皮質地彈牙軟滑，蛋黃半流心。若果老虎椒份量比例更多，更香更好吃。清炒窩筍絲口味較清淡輕盈，配搭魚片剛剛好。總括來說，食物正宗有水準，香而惹味，若果在附近上班或居住的朋友，可去一試。

成日都會突如其來好想食酸菜魚一個人又食唔晒，所以就決定走去買外賣黎食可以分開兩餐黎食堂食其實都好抵食可惜今日無辣伴同我去食！外賣自取仲有88折添好優惠！呢個係一個小份既份量每盒既魚塊份量都唔少架每一件都好大塊，食到啖啖肉，超級滿足魚肉好滑又無骨，呢個酸菜魚既酸辣味好balance酸菜份量好多，鍾意食酸菜既一定愛死酸酸辣辣既味道，令我成日不經意間要飲埋啲湯實在太好味！加左粉絲&豆腐紅糖冰粉開頭以為只係一碗仔，原來係咁大盒$28超抵食紅糖水滲透入冰粉度，每一啖都食到紅糖既甜食完辣野再食冰粉簡直一流仲有好多一粒粒既蒟蒻！口感比冰粉厚實一點，產生唔同既口感！

我實在太想念酸菜魚! 很久很久沒有吃過有水準的酸菜魚，原來香港也有不錯的店子。有看我食評的朋友應該知道我是個不辣的人，若嘗過辣一定廁所相見。所以很多熟我的朋友都會異口同聲說：不吃辣，吃什麼酸菜魚?! 我心想：誰說酸菜魚一定要配辣? 正如雞煲都可以只點麻不辣(突然為不吃辣的朋友抱不平)。又給我搜尋到香滑而不辣的酸菜魚，而且份量驚人，絕對是「抵食夾大件」。友人和我享用小份酸菜魚，但絕對不小。此餐包括一盤魚，兩款配菜，一個小食，兩款飲品，性價比其高。我們特意要求不辣魚，湯不僅有麻油香味，飲下去還很暖身。魚肉嫩滑無骨，而且數數手指，應該有二十多片。除了自己點的青荀和木耳，酸菜魚本身附送蓮藕、芽菜、豆腐，用料十足! 我們的小食點了「無臉男」，其實是豬肉，至於為何稱「無臉男」便不得而知，總之啖啖肉。友人和我都吃得捧腹而回。

今日同男友去行街街，行到肚餓諗緊食咩好，網上搵到一間食酸菜魚出名既*廚十三*，我地有興趣就去試下店鋪新裝修，很新淨店內環境很清潔食物選擇很多，午市有優惠，最平$88食到酸菜魚，而我地決定揀左小份酸菜魚套餐+小食*上上簽*酸菜魚先到，魚份量很多，肉質很滑沒有雪味，湯底配上酸菜，花椒等材料，又酸又辣，十分醒胃！另配上配料餐肉+寬粉，餐肉大大塊而且唔粉，寬粉夠晒彈牙好食上上簽雞腳冇貨，待應說俾多2串菜給我們，很誠實，菜類十分新鮮，突別係節瓜很爽甜，蛋蛋也不錯，很有蛋味最後埋單$418，我地食得很飽，味道都不錯，值得一試

兩小口好鍾意食好似酸菜魚呢一類的重口味菜式，所以放假都會專程去唔同餐廳發掘下邊間最岩我地口味。今次就去左廚十三試試他們主打的老壇酸菜魚。.午市有提供酸菜魚雙人套餐，侍應話份量大約是半條魚左右，可配米線或白飯，附送汽水兩罐。我地覺得酸菜魚同米線夾啲，吸收哂濃味湯底之後會好好食，所以就揀左米線。餐廳靠窗的位置景觀開揚，座位闊落都坐得幾舒服。整整一大盤的酸菜魚來了，魚片的份量都幾多，米線已經混在酸菜魚的湯底之中。魚肉切成公整的薄片，肉質十分滑溜而且沒有骨，岩哂我地呢啲懶人食用。不過都食到魚肉帶些少泥味，但不算重可接受。酸菜湯底微辣但略為唔夠香，欠缺左花椒八角帶出的椒麻香味，味道食落唔夠層次豐富同無咁過癮，但整體都算不錯。除咗魚片同米線之外，仲有蓮藕同埋豆腐等配菜，蓮藕片爽口好吃。米線口感彈牙順滑，份量都唔少，喺無加其他配菜的情況底下都食到好飽。酸菜魚價錢中規中矩唔算太貴，反而見其他小菜價錢就相對貴啲，埋單另收加一服務費。.不過餐廳侍應落單態度好hea，比人一種唔太歡迎你的感覺，而餐具亦發現唔太乾淨，碗碟有塵，服務同衛生呢兩樣都有待改善。

我本人最鍾意吃酸菜米線，嘩，老壇酸菜魚米線，絕配!點可以不試，和朋友二人今天叫了好多，先來一個老壇酸菜魚雙人套餐，嘩，好好大碗，湯底好得，鮮魚入湯，仲有送埋其他配料，豆腐，蓮藕片，金菇……最重要老壇酸菜配米線，絕！我太愛吃酸菜，另加一份酸菜，見菜名好得意，仲叫了 上上簽，雨露均沾，老虎椒愛松花蛋，小吃都好讚!店家好有心意，上上簽連竹簽都是心形架！松花蛋也是雙色既，外面沒有吃過呢，雨露均沾是類似炸年糕，內脆內軟，外面點花生粉，正！環境仲好寛闊，好適合朋友聚餐！雖然已是第二次食，由於其他食物未試，下次還會再黎，試下其他分店

今日外賣自取酸菜魚大份原價450蚊。必須要加埋外賣盒加9蚊盒，openrice價平20 合共439蚊去到店拎果時先發覺原來有超大份（點解openrice app到買無？）同自取88折.足足貴左40蚊，以後都唔食呢間了。

朋友呢日叫我陪佢食酸菜魚！！！我地中午黎到，午市套餐相對優惠好多仲有不同既小食添啵一直好奇，呢位唔食辣既朋友仔點解會約我食酸菜魚原來係因為呢度既酸菜魚係可以走辣架走辣version既酸菜魚偏重酸味同蒜香，十分惹味！！！套餐可跟白飯或米線我地要左白飯，另加一份qq既寬粉盡吸惹味精華呢日我地仲嗌左兩份小食share分別係五香牛肉同涼拌皮蛋食完惹味既咸食之後，我地要左一份糍粑同兩份冰粉做甜品套餐亦有包一款飲品除左汽水，仲可以揀下火既加多寳架