廚十三老壇酸菜魚 (譽發廣場) (已結業)

生日月，食不停，個嘴好攰🤣🤣🤣今晚去油麻地食好西 🥢🥢 佔2樓全層，座位闊落，坐得一啲都唔會逼夾👍2人份酸菜魚💰300+💰28+💰28酸菜魚食過好幾間，面盤咁大嘅酸菜魚就第一次見🤪，另加2個餸豆卜、粉絲😚香辣花椒味嘅湯微酸(個人口味，覺得唔夠酸) 魚肉量多好滑、彈牙唔易散，只係間中一兩片有啲魚刺😆酸菜酸嘅味道好溫和，食落好好味😋小菜啲名都有幾分玩味😆刀拍前男友💰28開胃爽口嘅拍青瓜😋酥炸無面男💰酥脆香口炸豬肉條，唔乾柴， 要趁熱吃，配點有風味嘅滋味粉😋食嘢期間，店員非常自動波換水瓶加茶水，值得一讚👍👍

突然心掛掛，口痕痕想食辣嘢。咁上openRice搵下有咩食啦！見到呢間人氣幾高人氣，咁就約埋男友去試試啦！(原來仲有酸辣粉賣 $80一箱，但唔清楚幾多盒)個位址非常近地鐵站，好似A出口行一陣就到！因為一早book定，去到即刻有位。我坐係窗口位，可以望住成條彌敦道！方便觀察四周！因為男友係肥仔又勁鐘意食魚，我哋即刻挑戰士豪份！！冇錯两個人！食士豪份！加埋配料粉絲。另外，仲嗌多兩份小食皮蛋+鳳爪。(老虎椒愛鬆花蛋 $60)上面有大量醃製蒜蓉，非常香口！但唔係好辣，虎椒味好少，相對比較普通不過鍾意食蒜蓉嘅朋友可以試下。事關個蒜蓉真係好特別！(麻辣雞爪爪 $80)呢個一定要嗌！！真係勁香，好有四川味！！加埋大蒜口感一流，佢真係非常有中國風味嘅一道小食，會令人愈食愈上引。愈食愈辣！口感麻麻辣辣，鍾意食濃味/重口味朋友一定一定要嗌。重頭戲終於到咗！我哋嘅士豪份酸菜魚！(士豪份 $580)真係超大！！份量多到一個點！首先有三個大魚頭，大量魚肉，酸菜，粉絲(其實我唔知原本有冇粉絲，因為我嗌嘅時候有加，但佢份量多到可以4個人食)。咁我嗌士豪一定乜都好多啦！咁講下味道啦。可以話係同中國個間連鎖店一樣！冇分

叫左兩個小食呢個木耳 如果係呢個價錢 呢個份量 性價比唔太高 加上味道一般呢個鳳爪有啲貴 而且有浸油溢味😟 好睇個主角挽回曬啲分數，叫左個3人份量 ，有兩條魚再加左啲配料，都好飽！個湯係好味啲，但酸菜有啲難夾因為太碎，魚肉都ok唔腥 但間唔中會有啲碎骨 要自己小心啲

朋友好鍾意食酸菜魚，以前為咗酸菜魚一個月會北上幾次，但最近因為疫情同其他原因嘅關係已經好耐無北上，上次同同事去食酸菜魚俾佢發現咗，今次佢約我食酸菜魚梗係要陪佢去啦😁酸菜魚(小份/$300):酸菜酸爽入味，鱸魚已經去骨切片，魚片厚薄適中，魚肉白滑肉質好鮮嫩！滑嫩魚肉配上爽口酸菜同指天椒仲有花椒，酸辣惹味嘅魚湯會令人停唔到口❤️我哋另外仲加咗幾款配菜，午餐肉($32)厚切午餐肉份量好多，朋友話呢個係必食🤣腐竹($28)保持到口感之餘又吸收到湯嘅味道😋豆卜($28)已經切半，完全吸收哂酸菜嘅味道😍寬粉($28)煙韌彈牙有口感😁上上簽($80):辣椒湯入面有已經串好咗一串串嘅青瓜，雲耳，椰菜花， 蓮藕片，無骨雞腳同鵪鶉蛋，無骨雞腳爽口，啖啖肉好方便，其他食材全部都好入味，不過唔太食得辣嘅人要小心因為係會越食越辣，食到最後條脷會熱辣辣🌶️🌶️老虎椒愛松花蛋($60):溏心皮蛋配上蒜蓉同香辣老虎椒仲有香氣十足嘅酸辣醬汁，惹味又開胃，令到本身唔係好鍾意食皮蛋嘅我都食咗唔少，蒜蓉味道唔太突出，反而老虎椒令我一試愛上❤️菜式款式唔多，但勝在每樣都做得唔錯😍

因為疫情關係有一段時間無再北上，聽說呢間係由內地網紅店太二班底組成既酸菜魚係香港好紅，今日要去信和辦事，跟住同朋友決定過黎試下。有加多寶酸菜魚(微辣、小份):其實兩個人食好夠，上台就忍唔住震驚了，因為個量好大份，有好多新鮮既帶皮既魚塊，同埋豆卜、腐竹個量都好重手，個湯豬骨味同魚味都好重，但略厭酸味不足同油少少，但其實已經無大陸咁油，因為相信餐廳黎香港都有迎合到香港人既口味。而主角酸菜都酸勁十足，如果可以多少少就好喇。個魚塊肉質好滑唔會散開，好味道串串：串串有入有去骨鳳爪，椰菜花，蓮藕，木耳，青瓜青青，係涼菜黎，幾適合解暑。香酥雞翼：呢個真係好令人驚喜，因為佢個外皮炸得好香脆，個炸功好到係底一滴油都唔見，面雞翼係單骨，好方便進食，點住花椒鹽食別有一番風味。個環境都坐得幾舒服既，最重要就腳，唔想番大陸既時候都可以黎食

酸菜魚同水煮魚係四川兩大以魚作為主角嘅菜式，各有特色，不過我同老婆就比較喜好食酸菜魚，始終食得比較開胃，較貼合香港人口味! 講起酸菜魚，以前都成日同老婆或者朋友去深圳食，除咗太二之外都食過幾間出名嘅品牌，不過而家就無得去食喇。我同老婆兩個食辣野條癮都好大，所以就要留返喺香港搵好味嘅酸菜魚食。今日收工，搵埋老婆去油麻地食酸菜魚，一早已經聽同事、朋友講過呢間廚十三酸菜魚，亦都睇過媒體報導，據聞呢間廚十三係由美國嘅太二班底過嚟香港開舖，唔怪得整體裝修風格同埋味道同太二有幾分相似。坐低有一set自家製嘅餐具，仲有個透明膠袋俾客人裝口罩，疫情之下可以話係相當貼心。廚十三嘅酸菜魚有三個份量，分別係土豪/大份/小份，視乎人數多寡而任君選擇。我地今晚得兩個人，就嗌咗個小份(2人份量)，始終驚太多會食唔晒，唔想浪費食物。店員捧到上枱之後，望落個小份又幾大兜喎，絕對唔會欺場。呢到嘅酸菜魚係用鱸魚嚟做，無魚骨，口感嫩滑，夾落唔會特別容易散開，符合大眾口味。值得一提，呢盤酸菜魚都有落到小小菊花，呢個地方似足太二! 除咗主角酸菜魚之外，我地額外喺配料入面加咗豆卜，青筍同埋午餐肉。豆卜吸湯好惹味，青筍係老婆至愛，

聽聞油麻地有間專整酸菜魚好似幾特別，上星期就同同事去試下味。呢間酸菜魚唔難搵，我幾欣賞裝修，好精緻，臺又夠大坐得好舒服。我地兩個人就叫咗三樣野，第一樣叫做上上籤，呢個都幾特別，就係將d蓮藕，青瓜，雲耳串起身，浸入秘製嘅湯汁入面。個汁調得好正，唔會話太重口味，小小辣，更多嘅係鹹鮮味，而且都係蔬菜為主，食落都幾清爽，幾開胃。第二樣就係夫妻肺片，呢個就真係重口味，對我黎講幾辣下，就係將辣椒紅油鋪響牛展同牛肚面頭，雖然話好辣，但真係好好味，牛展牛肚處理得好霖，無曬雪味，入曬辣汁嘅香味，唔知點解越食就越辣，就係停唔到口，好快就清曬。最後就係重頭戲酸菜魚，我地叫左個細分，但係都幾大兜。呢個酸菜魚同我出面食嘅的確有少少唔同，無咁辣又無咁酸，好嘅位就係唔會cum住曬魚本身嘅鮮道，魚肉處理得好好，鹹味適中，嫩滑無骨，配上湯底更調出鮮甜味，都有另一番風味。其他配料都幾好食，特別係酸菜，好脆好嫩。如果平時中意酸菜魚，我覺得呢間都值得一試，特別得離又好食，坐得又舒服，可以黎打下卡。

呢日朋友約我開關後一齊過羅湖去深圳吃『太X酸菜魚』，但我等唔到啦，我想吃，想吃酸菜魚吖，喺微信朋友圈的另一朋友就話不如去油麻地『廚十三老壇酸菜魚』吃吖，一樣咁好吃又唔使去咁遠，最重要係宜家係可以過去深圳，但唔通隔離14日先去吃咩，咁等蚊到瞓啦，遠水解不了近渴吖。叫咗『上上簽』貪個名好意頭，聽到都開心，面個擺盤也好靚。材料有爽滑的白雲鳳爪，健康的椰菜花，黑木耳，蓮藕，青瓜，少喺食肆見到的鵪鶉蛋，一次過吃晒咁多樣的食物，超满足。而『酸菜魚』更加係當然必須要點的餸，另加腐竹，寬粉，青荀片，令到一大盆酸菜魚更添豐盛，可以慢慢嘆，嘆新鮮，嫩滑的魚片，而除咗酸菜嘅酸，仲有少少的細紅辣椒，青辣椒，酸酸辣辣極開胃，寬粉就好彈牙且唔會太吸D辣味非常之啱唔太吃得辣的我哋。『酥炸無臉男』外脆内軟，完全唔辣，仲發現咗佢另一功效，可以解辣，太好了。

又係百無聊賴既一日， 星期一夜同朋友遊走油麻地， 今日突然想食酸菜魚。 夏天要食下酸野開下胃。 簡左近窗位置坐， 居高臨下， 五光十色既香港展現眼前。 餐廳環境衞生， 一到侍應就為我地沖茶，餐廳亦細心為客人預備裝口罩既膠袋。 二人同行，四人份量 大得有點兒嚇人吧！ 我地簡左bb辣， 料都幾豐富， 裡面有豆腐， 荀， 酸菜， 腐竹， 藕片等等。 湯唔會太咸， 而且魚煮得岩岩好， 非常嫩滑。 非常開胃另外叫左兩碟小食， 一碟萵筍，清涼健康雞爪同平時泰式既有d分別，呢個味道冇咁濃， 多左陣花椒味道餐廳服務同環境都唔錯！ 食物份量都大分， 岩哂一家一齊食！

疫情關係返唔到大陸吃喝玩樂。但又好掛住又酸又辣又滑的酸菜魚。揀左依間近近地在油麻地又近地鐵站的廚十三。好耐無去依座大廈，從前有好多都相當質素的餐廳，經過疫情都已經捱唔住。這間廚十三，好嘢wo， 仲係屹立不倒。 環境唔錯，卡位是仿皮梳化，冷氣不冷不熱。坐得舒服。 最欣賞那壺茶。 我地二人叫了二人份量的酸菜魚，加了萵苣，土豆等蔬菜。值得一讚，魚爽滑彈牙，煮得剛剛好。仲可以用筷子夾上來不散可見其新鮮。酸辣湯唔算好重口味，但我鐘意，因為這湯真的能夠飲，酸辣味下帶點鮮甜味。認真不錯。 推介給鐘意食魚但又唔鐘意有骨的人。下次有機會，我會選米線。萵筍及土豆片蓮藕片好爽脆，多到食都食唔哂。 加了個小食，上上纖。原來是凍盤。這個幾得意。驚喜有鵪鶉蛋及鳯爪，但都是木耳及青瓜最配。手撕雞都是興別不同，不像其他集團餐廳用醬。真的加了乾辣椒及炸脆了的香菜。口感特別。 侍應們及廚師都是用普通溝通，味道正宗👍🏼

以前總會偶爾北上覓食，最愛吃酸菜魚，朋友介紹廚十三，說味道正宗又過癮。餐廳位於大廈二樓，晚上七點入座後半小時已全場滿座。每桌都放置了一壺茶，吃辣時不怕不夠茶喝，另外新張期內飲品都有半價優惠。點了小份酸菜魚，怕不夠飽還加了幾款配料，上桌時真的嚇了一跳，好大一盤好吸引呢。點了微辣，很容易接受的辣度，辣中帶麻吃得過癮。魚肉嫩滑入味，沒有魚骨啖啖肉的感覺讓人吃得更加滋味。酸菜魚好吃與否取決於酸菜，廚十三的酸菜讓人吃得停不了口，下次要點一碗白飯拌酸菜。加了4款配料分別是土豆片，豆卜，腐皮和青筍片。土豆片和青筍片都是爽爽的，很有口感。豆卜和腐皮則沾滿了酸菜魚的湯汁精華，味道濃郁。酥炸無臉男，很有趣的名字，其實是酥炸豬肉。每件沾上了薄薄的炸粉，即叫即炸熱辣辣，豬肉不乾身，肉質爽嫩，配上一點點辣粉惹味非常。碧綠脆筍把青筍輕輕灼過再配上少許麻油，清新開胃的菜式。青筍口感爽脆入口帶淡淡麻油香，能清清口腔中和一下麻辣味。廚十三久仰大名，果然沒有令人失望，以後不用北上也吃到好吃又正宗的酸菜魚了。

小份酸菜魚兩人份嘅酸菜魚份量都唔少，魚片夠滑、唔易散，都冇骨！湯底叫中辣，可能因為本身酸菜味好重，所以食落唔算辣！加上湯底唔油，所以即使連湯飲都得！下次會想再試大辣！另外，我哋加咗必食嘅寬粉、金菇、同肉食系必叫嘅午餐肉！大讚嘅係寬粉，佢係厚身嘅寬粉，食落煙煙韌韌，仲吸哂湯底！必叫！上上簽有鵪鶉蛋、蓮藕片，海帶，冇骨雞爪，椰菜花，湯底係湯冰冰嘅麻辣，辣度唔算高，但食落好特別！棒棒雞除咗酸辣，我哋仲想食麻辣！所以叫咗棒棒雞食！夠哂麻麻辣辣！

今日胃口麻麻，又唔想食飯，食啲刺激開胃嘅嘢都好喎，朋友仔好有我心，搵咗間酸菜魚。好，坐低睇吓有咩好食先。不開心的黑木耳，先來一個酸酸地嘅黑木耳，木耳好爽脆，食完好開胃。正經的雞被撕，睇餐牌個名已經好搞笑，事實上係手撕雞，唔會太辣，好香芫荽味，我本身唔食芫荽，但呢味菜有芫荽香，又唔會有芫荽嗰種好搶嘅味道。老壇酸菜魚，估唔到二人份都咁足量，滑滑無骨嘅魚塊，酸酸辣辣嘅味道，仲有好多配料，尤其係豆腐卜，索晒個湯底，好正！墊底仲有米線，米線食落又爽又彈，唔會過腍，唔錯！飲埋汽水，爽呀！

近排天氣都開始好熱, 成日冇乜胃口咁, 有乜野好得過嘆住冷氣,食住香香辣辣開胃既酸菜魚丫, 廚十三之前都食過CWB個間, 因為疫情關係佢暫事CLOSE咗,但係原來油麻地分店無CLOSE今日一於過海食佢啦恒定必叫大酸菜魚加青筍加薯粉小辣, 今日點多個泡椒雞腳, 黑糖糍巴, 真係好大食丫, 好快酸菜魚到了, 香到不得之了, 急不及待咁食返舊, 勁滑D魚肉, 又夠哂麻, 因為叫咗小辣, 唔太辣, 啱哂我, 再講下個泡椒雞腳, 好香泡椒味, 好有農家既味道, 而黑糖糍巴, 有少少飯粒既糍巴, 口感有層次, 黑糖香甜不得不試

平時都好中意食酸菜魚，但真係間間都唔同味，朋友推介又咁多好評就來試下，好好食！我地叫左個避風塘炸魚同一份大嘅酸菜魚，個避風塘炸魚，不得了，好！好！食！ d魚好好食，好新鮮，炸得好好，非常酥脆，再配避風塘味，簡直完美，辣度亦都剛剛好，外脆內軟，又唔會覺得好油，仲好入味酸魚都係我係香港食過數一數二，叫左個大份酸菜魚加粉絲，d魚好大舊，啖啖肉，份量夠多，魚亦都好彈牙好新鮮，但個湯我個人覺得有少少唔夠酸，可能我叫左小辣所以個湯淡d, 粉絲就一般般，有d太淋，另外叫左個白飯都係，有少少軟。另外，坐位安排都幾好，坐得幾舒服會再同朋友來食