廉記冰室 (春園街) (已結業)

Everything in Wanchai is constantly changing, even the famous goose shop has moved down the road and there is a new shop nearby solely serving Chinese tea and coffees.As a Wanchai foodie, I had to check it out but there are so many negative comments on this place that I had to choose the food carefully.They serve the usual Hong Kong style stuff and lots of freshly baked pastries at the front.I went for the kaya toasts because I love Kaya.The appearance of the Kaya is a bit different in colour, i

由佢新開至而家，一直都係維持住長龍狀況.... 特別係午飯時間，沒有辦法，附近太多office，有新餐廳自然會比較吸引吧，而且重點是相比接手前的那間茶記，廉記價錢比較大眾化，貼近「茶記」的價位。.今日lunch 咁啱係附近，硬著頭皮試下等唔等到位啦....長到見唔到尾嘅的人龍..可能等位時已經差不多2點，所以唔係等左好耐就有位。.同我預期有出入，午餐並唔係有太多選擇（相比一般茶記）。.叫咗一個午餐C 同埋蕃茄焗豬扒飯(包一杯咖啡或茶）。起初以為會好快上菜，點知又係同我預期有出入，都等左好一陣啲嘢先黎（喺等候期間仲聽到隔離枱嘅客人直情話如果啲嘢食再唔嚟就要取消order）.係唔係即叫即焗就真係唔知啦（應該冇可能係）..芝士同埋無骨豬扒其實OK,但係敗筆就在於個飯度完全係焗過頭的感覺，飯粒一唔係斷開晒，就係太硬/乾我有懷疑過自己係咪食緊飯焦。.午餐就不過不失....幸好出名嘅奶茶冇失手....其實之前都有試過早餐，就係覺得不錯今次先黎挑戰午餐，結果就失望而回

岩岩系附近做完運動，經過見到呢間新開既冰室就入去試試佢啦！由於唔想汗水白流既關係，就食個常餐先！ 呢個餐個名好特別，叫男人最愛，sorry, 呢個餐係我地三個女人都一致想食，福麵菠蘿油呢d人間美食女人都好愛架個餐有豬扒腸仔福麵，火腿奄列菠蘿油，邪惡度爆登，不過唔理得咁多喇，食左先講！份量好多，奄列既火腿一d都唔孤寒，好足料！福麵唔會過淋，豬扒可以，但如果調味豐富d會更好！唯一要彈彈佢地菠蘿油，因為包唔熱，所以牛油唔溶，就咁食係包還包，牛油還牛油既感覺，係敗筆所在，好在既係個菠蘿包夠脆，未致於難食...凍檸茶值得一讚，茶味夠濃唔會好甜，冇叫少冰但都唔會成杯冰！價錢灣仔區黎講算中等，環境舒服又唔會摧你走，雖然坐到廚房截單都叫我地埋完張單可以慢慢坐，唔錯唔錯

今早到開業只有數個月的廉記冰室吃早餐。，和大家分享一下個人觀點。大多數的朋友在港式茶餐室吃早餐一定會點即食麵，於是也選了五香肉丁煎蛋麵，這裏配備的是福字麵，配任何一款出爐麵包，奉送餐茶或咖啡，定價36元。先說食物質素：五香肉丁的份量不算小、煎蛋熟度約七八成達荷包蛋的要求丶福字麵自2013年被日清食品吞併後麵的質素也不差、出爐菠蘿包雖略略低於華嫂，但也熱騰騰、奶茶也接近80分。總括來說食物質素是中級以上。價格方面灣仔區內的雙併一丁麵平均約33元，它收36元但提供福字麵令加出爐麵包一款，食物分量多一些，價格並不便宜也算是抵食。環境方面：由於是剛剛啓業不到半年所以裝修頗新。服務員的態度也和藹可親，不扮隱形人（顧客有要求都會處理）。單憑觀感衛生也頗佳。但有兩樣事要關注：早餐最先上枱的是出爐麵包包，繼而是雙併麵，最後來奶茶不是理想的次序，奶茶和麵包同步上枱會較稱心。最後是進門處有一級樓梯，一不小心會被拌倒。第一進來時也跌了一跤。但總括來說今天的早餐也算吃得頗愉快！

收工收得早，見到春園街開左間懷舊茶記，裝修又幾高檔，而且乾淨，決定試下。由於接近六點，未有晚餐，於是叫左豉油雞脾同薯條打發下時間，志在吹水。由於旺區關係，人客都好多，見好多人叫麵包加餐飲，估計麵包係主打。話口未完，香噴噴既滷水雞脾已上台。雞脾好大隻，成個碟甘大，而且幾入味，雞肉都唔鞋口，點上少少甜香既滷水汁，唔錯。薯條係粗身，加上少許椒鹽，好香口。食食下都已經晚餐時間，順便係度食埋。煎左口魚豉油汁，條魚大到覆蓋成碟飯甘滯，魚肉嫩滑又冇骨，少少豉油吊味都夠鮮甜，仲有例湯送，係南瓜濃湯，我反而覺得稀返上少會比較好味。另外叫左招牌香脆燒豬肘加酸菜薯仔，等左大半個鐘左右，因為即叫即燒緣故。豬皮燒到卜卜脆，冇得頂，熱辣辣好香口，豬肘肉完全冇肥膩感，而且好嫩，啖啖肉加上酸菜，味道合拍。值得一提係餐廳咸檸七，個咸檸檬好大個，相比其他餐廳得一小塊好好多。

我幾鐘意光顧茶餐廳，多選擇、價錢又親民，今次在灣仔買完衫後就試下新的廉記冰室。激厚的西多士，影相呃like之選，看著一大塊牛油在熱熱的西多士慢慢融化倒上糖漿再切開，麵包幾軟熟，不過花生醬未夠多。還有麵包選擇，我們點了雞批、蛋撻，全部都熱騰騰好暖胃。酥皮蛋撻鬆化有蛋香，不錯。芝士鮮茄焗豬扒飯好多鮮茄、芝士佈滿飯面，蕃茄酸酸甜甜好開胃，而芝士鹹香味十足，夠惹味。而豬扒肥瘦適中，肉質夠腍不會太老，超正。

有圖為證！買小食送啤酒係咩玩法？啲一口牛大大粒，又夠juicy，配菜有一大堆。再加埋支藍妹夠晒霸氣，都係一百蚊內落樓！食完飯唔夠候，或者細食人士，嚟呢度食個宵夜就一流！個菠蘿油都好正，外面鬆脆，裡面嘅牛油就creamy到極點。大大件配埋杯凍奶茶，投降！再加產呢度都幾光猛，位置數量都夠多。裝修新舊共融都幾有心思，仲有四隻大大隻字寫住「廉而有信」，夠晒貼題。灣仔區嘅朋友，呢間新開嘅茶記又係一個新選擇！

前天下午又跟同事到了灣仔去吃下午茶。行到春園街見到一間裝修幾新的冰室就走進去。這冰室也寬闊，座位都ok。照扶我們的服務員姐姐態度非常有事，而且有耐心。我問她食什麼醬汁撈麵，她好細心解釋。我和同事每人叫了一個茶餐。我叫了吉列魚柳撈公仔麵（芝士汁）$39，而他叫了一個廉記茶餐＄56。魚柳不錯，魚片厚厚的，而且炸得脆，炸粉也不厚，非常香口。芝士汁也有芝士味，也有一點奶油的味道，味道不錯。但對撈公仔麵的麵有點失望,因為它不是炒底，是煮的，有點過冧。廉記茶餐的白汁雞皇奄列都幾好食，同特別。多士香脆。沙嗲牛肉公仔麵的沙嗲汁都幾香濃，牛肉也不錯。總括來説個茶餐都幾好。

呢間冰室呢, 地方十分大, 十分好坐, 企係出面已經覺得好大陣菠蘿油香味!菠蘿油係真係好香既, 味道都比較甜同埋重味,我同朋友都覺得好好食! 我覺得可以必試,中意食甜既朋友應該會好中意下!沙爹牛麵, 沙爹牛比較濃味沙爹醬係好味既, 牛肉算係軟而易入口, 麵唔算多, 作為下午茶係合適!麵會配埋火腿奄列,蛋係口感上仲可以再滑d,味道ok既, 會配埋多士俾客人食, 多士外皮都夠脆, 牛粒呢到, 就有d乾身, 可以加小小汁落去會更為好食, 我知道有人中意食牛既原汁原味,但係都好多人中意點汁食, 所以如果牛粒呢到有埋小小醬汁點可以解決過乾既問題, 薯仔如果配蜜糖炒會更為好味!

喺灣仔行完街，攰攰哋，就睇下利東街嗰邊有咩食，行下行下行到去春園街，見到有間好似茶餐廳嘅餐廳，叫廉記冰室，一入到去侍應姐姐熱情招待我們，好有親切感！呢間冰室嘅野食種類唔多，我哋分別叫咗啲小食同套餐，小食就有鮮菇菌奄列、吉列魚柳薯條沙律同吉列豬排沙律，而套餐就一人一個，燒羊架同燒豬手。呢度嘅奄列，蛋滑就唔在講，仲好足料，好多蘑菇粒；吉列豬排同魚柳都炸到外脆內軟，同薯條或者沙律食都好夾！到套餐喇，個燒豬手要大讚特讚，個豬皮好脆，豬手肉好稔，好似食緊火腿咁，佢呢度嘅set好特別，每個都配咗啲酸菜，幾開胃下；而個燒羊架燒到幾香，冰室嚟講算煮得幾好，如果佢嘅套餐份量可以再多小小，就更加好喇！冰室當然唔小得飲紅豆冰，紅豆冰紅豆多，又唔係好甜，真係絕配啊！大家可以去呢間新潮冰室試下！

喜歡到灣仔找東西吃，尤其是小店，但原來想吃的泰國菜大排長龍，時間不許可的情況下，茶餐廳是較好的選擇。經過春園街，被這茶餐廳光猛整潔的外觀所吸引，決定一試！一般也會選茶餐，不用煩，但份量比較多，只好選擇他們的”NON SET”-散叫！但令人《百思不解》之一 : 雙拼麵$30.....豬扒/牛扒/雞扒+$15.....那到底雙拼麵有什麼？還是這個叫什扒面？ 唯有詢問一下侍應小姐，安娜侍應小姐的回應是”我哋唔會咁多野寫晒出嚟㗎！沙爹牛肉嗰d啦!!!”🙄🙄🙄.....真係食咗幾十年茶餐廳，第一次冇得揀，確實孤陋寡聞😏😏....唯有要沙爹牛旦面，不敢再問😆 詳情可參閱附圖🤓《百思不解》之二, 叫的是沙爹牛，為何沒有”沙爹”味也沒有”牛”味🤔🤔🤔，同伴叫了豬扒面，豬扒很大塊，試了一口，嘩！跟我沙爹牛的味道竟有9成似😲 餐廳真的慷慨，豬扒大之餘、梳打粉也絶不吝嗇！ 《百思不解》之三, 散叫雙拼面標價$30.....最後收$34.....其實現在［貨品售賣條例]大行其道，奉勸餐廳最好在餐牌列明《只供參考》!!!

多選擇@廉記冰室 灣仔春園街13號地下 香港廉政公署簡稱廉記，但這冰室兩者零關係。在中環返工時都有幫襯過食晚餐，今日等妹妹收工先醫飽肚平快正三個字滿足香港人，$78煎三文魚扒忌廉汁，可跟飯/意粉/薯菜，要了意粉比較夾白汁 三文魚兩大塊太實在了，連皮煎得香煎無腥味，沾上全脂忌廉汁食更細滑。有意粉就100%填飽肚子，但沒怎樣調味偏淡。湯是青豆蓉忌廉湯，質地喝下似飲鹹的綠豆沙。餐跟了甜點同飲品，一杯熱檸茶維他命c有助預防感冒。唔洗有任何加一服務費，茶餐廳正正是香港特式。

茶餐廳的美食一般來說比較邪惡，但又不知為何，魔鬼美食方才最美味，菠蘿包+西多士，偶爾放縱，亦未嘗不可！ 今日行過春園街，發現一間新開的茶餐廳，名字叫做廉記，平時睇得警匪片多，對 "廉記" 這個字很敏感，即時想起廉政公署，其實並無關係，人家的意思是："廉而有信"，相信意喻客人可以食得安心，價錢亦相宜。但就是個名有趣，好奇光顧。 環境光猛企理，感覺清潔，客人頗多，樓上有半層，我們不想即時與人搭檯，所以上了一樓。 選擇方面不及其作茶餐廳有百多款的多，主打套餐為主，簡單方便，已包餐茶，奇怪地沒有飲品餐單，可能茶餐廳的飲品大家已經耳熟能詳，無需多寫。 兩個人叫兩個餐，同伴的晚餐C：西蘭牛扒黑椒汁，只售＄80，包括青豆蓉忌廉湯及餐茶。 茶餐廳的水準及味道，黑椒汁濃郁惹味，調味不錯，牛扒肉質算是對得起客人，豆蓉忌廉餐湯亦沒有出錯，檸蜜沒有過甜。 女人的浪漫 $68，忌廉波菜溫泉蛋配蒲燒鰻魚讚岐烏冬，尚有一杯餐茶。 忌廉波菜溫泉蛋，溫泉蛋煮至流心，口感非常滑溜，這個蛋做得非常好，可惜忌廉過多，菠菜雖然腍嫩，過膩不敢多吃。 套餐水準就是茶餐廳般，我最欣賞的還是這兩款邪惡之寶 : 雖然是晚

今次嚟到我好少去嘅灣仔去呢度行吓順便食個下午茶餐因為同埋親戚食就算佢個位置好大嘅地方呢一間茶餐廳最大嘅特點係地方坐得好舒服而且職員嘅服務態度都好好仲有啲嘢食嘅質素都好高而且種類有好多餐牌都有三頁紙而且寫得好清楚左好多種類㗎出爐菠蘿油 $$24菠蘿油嘅份量好大而且order左一2分鐘就送到黎所以送餐嘅速度好快而且個牛油都係少少溶啱啱好個賣相都好靚㗎火腿奄列 $28佢嘅份量都幾大而且火腿好多仲有隻蛋都好大而且佢個多士有超多牛油同埋個多士好厚鮮油芝士火腿炒蛋菠蘿包 $39個火腿好大件這個蛋都好香好滑有牛油國菠蘿包同頭先一樣都係好好食豉油雞翼撈一丁 $34有好大隻雞翼而且可以轉出前一丁同埋佢嘅瑞士汁都好好食雞翼呢就係好大隻係連埋雞翼尖都有再加上價錢唔算好貴覺得好抵食吉列豬扒薯條$$37唔到佢個吉列豬扒都咁大而且唔厚粉有好多肉再加上煎得一啲都唔乾同埋好香吉列味薯條嘅份量我覺得都啱啱好吉列豬扒薯條$$37凍奶茶 多奶小冰 x 2 奶茶方面覺得有少少偏甜所以下次我會講少甜熱華田 入邊加左奶飲落去都好好飲

第一次寫食評，明知比附近茶記貴（前天在附近茶記只需要$28)，但還是點了炸髀薯條。食物送到時有點意外，因為點的是炸髀薯條，但看上去像滷水雞髀多點。店員亦說不太肯定是否炸髀。及後，另一店員替我換了，再來的那一份還是像滷髀多點，只是顏色淺了一點。老實說，很失望，一點炸了的感覺也沒有，薯條少得很，本以為貴了那麼多會好吃些和薯條會多點，但卻沒有，味道也很普通。唯一可取的是薯條。因為是粗薯條，只要不是過份油炸便可以。