座銀

營業中

休息中

一直有留意跑馬地的座銀，但因為對住在新界的我太偏僻而一直沒去試。得知中環開了分店後實在是恩訊，真的方便很多，也促使我很快便來嘗試。海鮮雞湯拉麵是以雞白湯作底，再加海鮮味道煮成。因海鮮的味道重，基本上都遮蓋了雞湯底，個人覺得是比較重口味，不及另外雞白湯那麼出色。拉麵用上白麵，頗為彈牙。以喜歡吃硬麵的我來說，這裡的麵雖然不能自選硬度，但煮出來也不會過腍，最重要是不糊口。因海鮮雞湯濃稠，麵掛了不少湯，整件事情更重口味。反而最簡單原始的雞白湯是最讓人驚歎的。用雞肉雞骨淆成奶白色的湯，顏色甚至比鮮魚湯還要更純白，便已經知道是十分濃郁。喝一口更是令人心醉，非常香醇的鮮雞味道，絕對沒有肉腥味，是就這樣可以喝光數碗的美味！要淆成這樣的味道的話，應該會附帶很重骨膠原的漿稠質感。可是這裡把雞白湯打成一層泡沫放面，更有輕盈感，不會覺得有負擔。右邊白色的是雞肉，左邊粉紅色的是叉燒，兩者都是慢煮的，口感腍滑得交關。 尤其是雞肉，就算這裡用的是全瘦的雞胸肉，慢煮後都不用多咀嚼，是在其他地方較少吃的。炸牛蒡作為配菜也很特別，牛蒡切至非常薄片，炸得乾身卻不會過份油膩，澱粉的甜有點像番薯片乾，無論裝飾或是味道都是一流。

雞白湯拉麵 ＄138朋友介紹到中環庭銀食拉麵，環境尚算舒適，可能時間尚早關係，根本唔需要等位，店員有禮貌，隨後奉上熱茶，食拉麵，梗係要配返杯日本茶，睇餐牌介紹，試咗個雞白湯拉麵，湯汁好似咖啡打奶泡咁，叫做cappuccino打泡法，果然有點創意，湯底味道香濃，而且因為有泡嘅關係，質感都算係幾滑身，旁邊還配上慢煮叉燒肉片，口感是非常嫩，及有豬味，反而片雞肉不及其出色了，側邊仲有炸牛蒡，香脆可口，唔會即淋。店內選擇雖然款式唔算好多，而係值得一試再試。

經過早上辛勞既工作，友人約我到呢間位於中環既日本鋪頭，一齊試吓呢到既沾麵。中午時分，店外人頭湧湧，我同友人拎左張飛，望入鋪頭，入面得好少位置，估唔到等左10分鐘就入得。食日本野衛生真係好緊要，呢間餐廳既衛生一流，負責煮食既員工帶住手套，食都食得安心一d。而店員都講日文黎歡迎顧客，一入鋪頭就好似去左日本食野咁。我就叫左一個「雞沾麵」，$148一個，仲要加一，包左麵、湯和一個小食。麵質可以自己揀，我揀左超硬，所以食落好爽口。而湯底有濃濃既雞味，好似食咗一隻雞咁，好好食，令人一試難忘。可能係因為日本餐廳，呢度嘅員工好有禮貌，賓至如歸。身為中環返工嘅一份子，我一定會再食呢間沾麵！

🙆‍♀️ 雞白湯拉麵 $138 超出色的雞白湯，雞湯略稠身，但唔係膠質重 好黏口果種，用Cappuccino 打泡法係表面打出薄薄的泡，令湯底更綿密。加入雞脂同魚介湯熬製，雞香四嗌，果種雞既鮮香真係令人好幸福，唯一敗北係食到尾，愈食愈咸，愈食愈口渴。炸過既牛絲夠香脆，我鐘意放入湯後，牛膀唔會即刻軟晒，反而保留了煙韌口感，亦帶甘香。粉嫩既叉燒偏廋 肉味較淡但肉質尚算軟腍，慢煮雞肉保留雞既鮮味，但未算驚喜。加$15既煙燻溏心蛋，無乜特別，蛋漿亦唔係好澎湃。總括而言，雖然雞肉豬肉同蛋 相對地都無雞白湯咁出色，但呢碗神級好味既湯絕對值得大家專程黎食，真心！

中環唯一買雞白湯拉麵,同朋友經過富街見到餐牌面只有三款拉麵小食不多三款都是,進入店裏面點了一個海鮮雞湯拉麵,但味道偏咸,聽到對面的男服務員說話上有很大聲,對著女服務員講嘢態度, 在場外都被嚇一驚 樣子很兇又大聲, 女服務員EQ好個沒有說什麼就行開了, 很勤力工作, 很想有機會再來這間雞湯拉麵小店再嘗試其他味道拉麵,女洗手間很潔淨又美麗, 跟足日本式洗手間, 這裏是香港第二間 中環分店,原本本身在跑馬地裏,有做限定

座銀一直係我心目中香港拉麵既No.1。(我仲未得閒去排隊食尖沙咀一燈，唔知遲啲食完，呢個諗法會唔會改變呢🙈) 雖然知道座銀係上環開分店呢個消息已經一段時間，但係一直未有時間黎。對我黎講，跑馬地同上環都超級遠啊😢但為左美食，所有付出都係值得既！-兩間座銀嘅裝潢同樣充滿濃厚日式風格，而且座位寬敞，坐得舒適。店員主動有禮，主動詢問我地飲凍茶定熱茶。熱辣辣既拉麵當然要配凍茶，茶味十分香濃，好好飲～-餐牌上寫住沾麵汁比湯底更濃郁。雖然沾麵好吸引，但我都係鐘情於食雞白湯拉麵多啲。呢度既湯頭好有特色，用Cappuccino打泡法，口感會更綿滑。落單後唔洗十分鐘，拉麵已經出現係我面前🍜炸牛蒡即食又得，浸落湯底再食都得，一次過試曬兩種風味。奶白色湯底有層層泡沫係上面，味道香甜，口感Creamy，而且完全唔油膩，感覺好滿足😝慢煮雞胸，凍食，浸落湯咁食都得，我個人就鐘意就咁凍食。不過朋友就覺得雞胸味道普通，反而叉燒有驚喜。-溏心蛋($15)～兩個人嗌左兩碗拉麵一隻蛋，收費$300左右。價錢比較進取，但我絕對會回頭😍

中環歌賦街附近都有幾間出名嘅拉麵店而呢間座銀開係周月隔離 午餐時間2間都同樣多人係香港以雞白湯嘅拉麵實屬少見亦令我一試便愛上 叫左一碗雞白湯拉麵加糖心蛋湯底 濃郁而不膩 打上一層泡沫更細滑絕對可以連湯都飲埋 都唔會覺得好膩麵條幼細但掛湯能力好 每一啖都享受到湯嘅滋味豚肉 肉質粉嫩細薄 一放入口有即溶感覺炸牛蒡脆口不油 沾上湯食一流糖心蛋 煙燻過 淡淡木味 雖然不算流心但好好食服務環境都幾好 價錢有點貴 但真係值得一試👍🏻坐係吧枱可以望住師傅製作拉麵嘅用心

我一直好鍾意食一蘭，但香港好食既拉麵店唔係好多，聽講座銀個雞白湯拉麵fomay湯底而慕名而黎。下午茶時間黎到舖頭細細客人唔多，叫左佢出名雞白湯拉麵。師傳有幾個係日本人，用日文同英文同其他廚師互相交流。因為我有d趕所以都有d擔心要等好耐，好彩客人唔多師傅又手快，五分鐘就得食。拉麵走精緻路線，賣相唔錯。泡沫湯頭好好rich口感細膩，唔算太咸岩岩好。拉麵係比較粗身既拉麵，最驚喜係上面微甜既炸牛蒡，輕身脆口。掛碗邊既叉燒同雞肉第一口咬落去係凍既有點失望。薄片叉燒唔多肥膏都幾好食。雞肉係慢煮雞胸，無我想像中咁軟熟但都唔算鞋口。個底有我至愛既竹筍。食完成碗麵係夠飽的 (平時一蘭要加替玉先會飽)。總括來講都好食既值得一試既，我覺得座銀既拉麵同一蘭好唔同所以好難比較。不過$152一碗拉麵實在幾貴，如果唔係經過未必會特登再返去。

凍冰冰，想食碗熱辣辣既拉麵🍜聽人介紹有間好多人話好食既拉麵舖仲要有香港特色——就係要排隊😂難得星期五放工緊係要食返D好野令自己開心下😂七點幾去到，等左陣就已經入得，冇乜人排隊但入面就坐滿。叫左一個海鮮雞湯，一個雞soba白湯拉麵一黎到相機食先啦一條條果D係炸牛篣一碗成$138🙊點都影多幾張先講下個海鮮味雞湯都唔錯既，但海鮮味好濃，蓋過哂D雞味😂唔講唔知有雞份D炸牛蒡正常冇咩味，但好脆啊😂雞肉同叉燒，不過不失既壓軸介紹雞soba白湯拉麵當我試完一啖，真係覺得好正啊🤤🙊見到面有層泡泡咁，係因為師傅利用cappuccino打泡法將D雞湯打到咁雞湯入口濃郁香濃，成個感覺好rich好creamy未食過有咁既雞湯，好特別啊就算食完成碗都唔會覺得口渴有好多拉麵多味精又鹹食完都一定要狂飲水呢個超值得推介最大缺點真係太貴啦$138一碗仲要加一不過係值得去食👏🏻👏🏻👏🏻我會再去😂

俾人歧視的熱沾麵又來到香港其中一條我最喜歡的街道上 - 歌賦街。走進了很有親切感的雞Soba座銀拉麵店內，今天感覺想來個沾面。但天氣太凍了，掙紮下要求了來個熱面，放棄平時口感極佳的凍麵。落單後幾分鐘，店長走過來問“你肯定你想要熱麵？”我話係。再過幾分鐘主廚兼朋友走過來再問，“你個沾麵要熱面？！面會黏埋一齊嫁。“ 我話 “但真係好凍啊..。” 最後店員呈上的是圖中的沾麵。作為小食家，我叫得凍麵，就做左心裡準備麵條會黏住。但廚師細心地把熱麵用高湯呈上，大大減低麵條黏住的機會。我吃第一口後，發現主廚觀察着我，我做了個手勢形容好吃。雖然的確口感是無凍面好，但溫度適合天氣，而且麵條用料本身好，口感不是很差。其實對很多人來講，這個經驗可能很無聊，或覺得客人想要吃什麼廚師店員這麼多意見幹麼。但作為香港識食之人，吃的已經不是一碗麵那麼簡單。而是店裡的一人一物所有細節。我在這店已經吃過很多次了。但這一次還能給我留下深刻印象，就是負責煮同店面的人都對食客能否享受到最佳品質而緊張，但又拿捏到平衡。就是清晰表達他們的想法之後，還是尊重食客的選擇，然後再細心用方法保持質素。食物品質服務態度好，絕對不是高級法國菜

呢間餐廳附近有大排檔，又有高級餐廳喺對面。不過，以前未食過沾面，有啲興趣試吓。唔錯於是我哋都決定攞飛。鋪頭細細，等位都等左半個鐘，但係見呢間相對多人排隊，應該都係信心保證，既然行到過嚟，就照食啦。呢間餐廳價錢都唔平架，以最出名嘅雞湯沾面來講，都要百五蚊，仲要加一。不過沾面真係幾好食，將面身點下啲汁，產生好濃郁嘅香味。沾面唔算太油膩，幾軟身可口。另外點咗拉麵，有雞湯拉麵同埋海鮮雞湯拉麵，味道偏鹹，不過食落香口。但唔好既地方係選擇唔多，得呢兩款拉麵。值得一讚嘅，就係呢間鋪頭會提供圍裙比食沾面嘅客人，費事啲汁彈到客人成身都係。環境都幾零剩，除咗價錢貴少少之外，都值得一試既

去完PMQ，記得有朋友話呢間啲雞湯拉麵好食，見唔多人，咪入去試下。坐低覺得環境幾好，坐bar都唔覺得迫。叫咗個雞湯拉麵，$138真係好貴，但一試無妨啦，就睇你有幾巴閉。拉麵湯底打泡打到cappuccino咁，係有特色嘅，而且味道真係幾鮮甜。如圖所見配料尚有牛蒡同幾塊雞肉同叉燒，不過不失啦。不過定價定到$138就真係太過份，食完始終覺得肉赤。

大滿足😍看Mademoiselle Privé Hong Kong展覽前，我們光顧PMQ附近一間較新的拉麵店「座銀」🍜（它在跑馬地有分店，但從沒有光顧過。）這間拉麵店的湯底很有特色😋真的要推介一下！它的雞湯採用日本生產之雞隻，熬製而成的濃厚雞白湯。我們點了海鮮雞拉麵及雞沾麵😍雞沾面的雞湯用了cappuccino的打泡法，很濃郁呢！海鮮雞拉麵$148很美味，但較愛鷄湯底鷄沾麵$138十分好味😋$15棟木煙熏糖心蛋（忘了拍實物的照片）味道不錯😋

Actually the food was fine.Can't say very good because it's a bit expensive.The problem was service.One staff gave my ramen to another person even she got my order.Few minute later, the customer asked her check order and she just pass ramen to me without say anything.Ramen was not a good condition already and how she just gave me the ramen?At least she has to ask is it ok or not. or sorry.Anyway I don't want to go anymoreeven I'm a big fan of ramen.

天氣轉冷，到中環打算添衣。突然心血來潮，想要在購物前補充體力。決定去食拉麵，來到早前於開張的中環座銀。由於時間尚早，可以直接入坐。店員亦奉上熱茶一杯(可選凍水)。庭銀出名的有雞白湯拉麵，於是無慮即決。點了雞白湯拉麵，另加溏心蛋，餐廳亦提供一條小圍裙（左下角）。有慢煮叉燒及雞肉各一片，亦有炸牛蒡及少量蔥及洋蔥。師傅用電動攪拌器把白雞湯底打泡， 喝時有如creamy的忌廉湯一樣。叉燒及雞肉肉質軟腍，炸牛蒡香脆，蔥及洋蔥亦清新。相對地，溏心蛋則較為平凡。雞白湯拉麵$138加$15溏心蛋，另收加一服務費。絕不便宜，但一分錢一分貨，拉麵實在值得一食再食！