座銀

營業中

休息中

每次經過這店門口總會聞到一股「難聞」的疑似牛蒡味道（後發現果真是牛蒡味）因此一直沒有想試。這次碰巧隔壁的拉麵店已關門，故此選了這家。$138一碗拉麵、$148一碗沾麵，還要加一，定價高了些。主打拉麵的雞湯味濃、但有點鹹、個人不喜歡牛蒡所以沒有怎麼吃、拉麵偏硬；朋友則表示其沾麵的湯底不夠熱，需請店員加熱。店內的牛蒡味實在太大，所以我們快快吃完便走了。味道不能說不好吃，但對於不喜歡牛蒡的人來說，這裡可能不是最好的選擇。

小編今日心情好好，皆因口入面既痱滋已經好返得七七八八，終於可以解禁食返d熱野食，最近呢個禮拜都系食西餐或壽司，真系ＤＲＹ爆。今日又系我小編發板，似乎同事們對我既選擇較有信心！哈哈！所以今日決定去好耐冇幫襯既ZAGIN座銀，食我最愛既雞湯拉麵。等位等差唔多25分鐘，然後等食物黎又系差唔多20分鐘，真系如果冇起碼個半鐘食飯時間就咪去呀！一坐低已經立即叫野食，小編今次ORDER雞海鮮拉麵，其餘同事都系一樣，有兩個同事都系第一次食座銀，食完都話非常好味，系十分值得呢個價錢，大家連湯都一飲而盡ar！真系好好味道呢！雖然小編目測冇左日本師傅坐鎮，但似乎水準質素都KEEP到，唯一要投訴既系唔知典解小編ö個碗拉麵系冇紫蔥同埋青蔥，熟悉我既朋友都一定知道我系蔥怪，絕對冇可能同餐廳講要小蔥OR走蔥，所以小編第一時間問點解唔比蔥我，職員首先比d白蔥我，但小編要既系同其他同事一樣每一碗都有青和紫蔥，真系超唔開心呀，即時再叫師傅比返d蔥我，都OK ，師傅即刻比左一兜我，但其實唔明點解自動幫我走蔥LOR！扣分呀！其餘既都OK，服務唔錯既，如果冇走蔥應該有100分LOR！

中環📍呢間暫時係我香港食過最好味嘅 #沾麵 🥢 ⭐️湯底 🍜非常濃郁嘅雞湯，但係食落去一啲都唔油膩，話說係用咗沖cappuccino嘅方法去打呢個湯底🐔平時啲雞湯一定會有一層油係面，但係呢度湯底嘅面層好咖啡泡☕️ 💰148⭐️塊肉雖然比其他食沾面嘅地方較薄，佢嘅特別之處係咬落有似好滑嘅火雞肉❣️❣️Overall scores: 7/10

今日好熱，行到上嚟，想話飲杯啤酒🍻，食碗拉麵🍜，點知侍應同我講 : 冇啤酒😱❗️算⋯⋯，都係食雞白湯拉麵😋。湯頭都係咁香濃，都係咁熱👍。牛蒡都係咁香脆👍，叉燒夠味👍，雞肉滑嫩👍，係啲荀好似少咗👎。有時候真係不得不佩服日本人嘅執著同堅持💪👏👍😃。

好耐之前已從一位住在跑馬地附近的日本人口中，聽過「座銀」這間拉麵店，但平時去銅鑼灣的話也甚少走去跑馬地，所以一直無緣嘗試。這天在中環辦點事後，正好在下午茶的非繁忙時段來到「座銀」的中環分店附近，正好一嘗。與香港大部份以豬骨湯底為主打的拉麵店不同，「座銀」是主打雞白湯，而今次我亦叫了一碗最基本的的雞白湯拉麵。坐在吧台位，清楚看到店員在用棍型攪拌機，當麵端出來時，我便明白為何會這樣了。湯色奶白帶泡沫，樣子像cappuccino，這應是攪拌機把湯在臨上桌前再攪拌的效果。湯味偏鹹濃厚，但卻屬易入口的那種鹹，它和這裏靭度適中，中幼闊度的麵幾夾。至於麵本身掛湯程度只屬中等。麵上的炸牛蒡唔單止吸睛，仲十分好食。它不但炸得不油，味道帶少許甘，感覺清新，只吃此物應已屬不俗的下酒菜。叉燒有一塊，應是慢煮的效果，相當嫩滑。此外另有一線薄雞肉，雖是雞胸部份，但並不嚡口。整體而言，這是我近期在港島吃過最好的日本拉麵，不過連埋加一要百五元，都咪話唔貴。不過偶爾吃之倒冇所謂。

銀座拉出名既白雞拉麵!! 曾幾可時要排隊，今日去(星期日)竟然有人係出面叫你入去試試! 本人都鐘意食拉麵既，Lee 個拉麵，好識合相機食先!! 上面個抽野真係賣相一流!! 但本人覺得個湯底真心偏鹹!! 飲左3-4杯水! 但都發現間店既細心位, 坐低時逢上了一杯熱茶，但食緊既時候，佢係refill 冰水比我地既，都幾細心!!!上面個抽野，一開始係幾好食既，夠香口，但淋左之後佢又好長，有D 難咬,佢係咪竹筍黎ga?🧐湯: 偏鹹，但唔算油! can’t imagine 沾麵會再鹹幾多

雞湯拉麵過江龍「鷄Soba座銀拉麵」🇯🇵 去過大阪的朋友，可能對「鷄Soba座銀拉麵」會有一點點印象。座銀主打雞湯拉麵，剛開業就獲日本餐廳食評網Tabelog選為5,000大拉麵之一，聽起來幾有信心😏香港的分店本來開在跑馬地，偶然經過歌賦街看見長長的人龍才知道原來中環也開了分店。餐廳的裝修以木材為主，好像日本地道的拉麵店，尤其在Open Kitchen 看著師傅準備身材，很有feel〜座銀的食物選擇非常簡單，海鮮雞拉麵，雞湯拉麵，雞湯沾麵，當中最推薦雞湯沾麵😍沾麵湯底以Cappuccino的打法在表面打上一層泡沫，雞湯入口柔滑，濃有厚身，雞味香濃，鹹度適中，忍不住飲完一啖再一啖！🤤麵條硬度適中，掛湯能力亦相當不錯。叉燒肥瘦分明，湯底的雞肉也很嫩滑，而充滿煙熏味的糖心蛋更加加分。平心而論，座銀可以說是香港最出色的雞湯拉麵店！👍🏻

終於都食到座銀！由佢喺跑馬地已經好想試，不過真係太遠，中環店方便好多呀～平日7點前到仲要唔洗排隊～雞白湯拉麵$138所有嘢都係即叫即製，所以都要d時間，除左麵係即叫即煮之外，個奶白色雞湯，都係即刻用打咖啡泡沫嘅方法打，好滑呀～碗麵一條條果d係炸牛蒡黎，一邊等一邊聞到佢炸緊嘅香味，配料仲有叉燒同雞肉各一片，唔會話乾爭爭咁，可惜無得加錢再加多塊。麵質無得揀但食落係岩岩好，彈牙的，每啖拉麵都掛到湯～蛋就要另外加錢，醬油味好入味，又夠溏心，必食！雖然價錢相比起其他拉麵店係中上，但論份量，味道，細心程度（一邊整碗麵一邊用水熱座住！），服務，好值得試！

襯住long weekend，我終於黎左座銀朝聖！🇯🇵 今次黎既係位於歌賦街既中環分店，因為跑馬地真係太唔就腳😪不過老實講有啲失望😥 雞白湯底係濃既，但唔係一試難忘，要一試再試咁出類拔萃。再講，佢碗拉麵又細，又得一塊肉，又要排隊入，但就承惠$150一碗 (包加一)，性價比頗低😔 Taste: 👅👅👅1/2Value for Money: 💰(on a scale of 0-5 emojis)應該唔會再去了。

我每次去跑馬地店，食雞白湯拉麵，都係落大雨😅，咁啱今日又係😅。外面落住雨，門口企咗幾個人，我仲以為要排隊😓，點知行去門口問，有位可以即刻入座喇😁👍中環環境比跑馬地氣氛熱鬧好多，大概係都係上班族，話題多😁。先嚟杯啤酒先🍺，杯都係一樣雪凍咗嘅😁。麵個碗，都係有預熱咗先放湯同麵👍，牛蒡就一樣咁脆👍，湯頭一樣咁甜👍，雞肉又滑👍，叉燒又香👍，麵身彈牙掛湯👍，食到停唔到😜，最底有啲荀添，飲埋啖湯個碗仲出煙架🤣👍。炸雞因爲我食完麵先食🤔，個雞皮唔知係唔係咁唔脆😄，但係雞味好香👍，仲要有汁👍，好正👍，佐酒一流😋。

炎炎夏日又好想食麵，食沾麵就最適合不過啦！這間拉麵店主打雞湯做湯底，今次試一下個雞白湯沾麵（$148）熱湯配冷麵沾麵，先講一下濃湯，好像忌廉湯。雖然很有黏性而且非常濃郁，但絕對不油膩！冷麵浸落濃湯度，濃湯掛在沾麵上，真係一試難忘。另加了一隻溫泉蛋（$15），溫泉蛋味道不特別反而伴碟的牛蒡就好好食

經朋友介紹就嚟咗試吓呢間座銀。打開個餐牌其實選擇唔多，只係得兩款拉麵同埋一款沾面，咁我就點左雞白湯拉麵加一隻蛋。呢個雞白湯打到起泡好似cappuccino咁樣，好creamy，而且一啲都唔膩。而喺面頭嘅牛蒡炸到脆卜卜好脆口，但係就略嫌有少少油。個麵底就係幼身嘅，不過個人就覺得硬韌度可以強一啲。呢碗拉麵有兩塊肉，紅色就係叉燒，白色就係雞肉。叉燒做到入口即溶嘅效果，好好食。雞肉亦都十分嫰滑，唔會好”鞋”。加點嘅蛋都做到流心嘅效果，唔錯。最後以表誠意將師傅用咗多個小時熬出嚟嘅湯底，全部飲晒真係太滿足喇

今日由於小弟放假，相約兩位中環區工作既老友食午餐～ 其中一位朋友推介一試呢間座銀雞白湯拉麵，聽聞係香港最濃郁既雞白湯黎！今日我地三個分別食左雞白湯拉麵，海鮮雞湯麵同沾麵，算係一次過試晒三款。我自己最近偏愛沾面加上以濃郁為其中一個賣點既湯底應該係好好配搭～ 試左之後果然有好好掛麵效果同骨膠原充足既口感。 麵質比一般沾麵店幼身但由於佢濃郁到好似忌廉湯一樣既湯底同打係表面既白雞湯泡令到味道同掛麵效果恰到好處。 另外兩個麵我本人就冇試但朋友口中都覺得味道唔錯，但店員一開始由於太忙碌將白湯同海鮮湯撈亂左，不過湯底顏色分別咁大我地都自己掉轉返～另外值得一提既係佢配菜烤牛蒡，係濃厚既湯底中佢冇太油太濃既感覺，仲增加左整個拉都配搭既口感！ 最後作為一間主打拉都既店，做沾麵既時候都有準備好鰹魚湯比我去試飲佢既湯底值得一讚！

座銀bookmark了很久但一直未試因為跑馬地真係唔方便見到中環開左梗係要黎試下未去之前仲擔心會好多人排隊點知出乎預料無人排反而隔離就好多人排隊打開餐牌選擇不多只有兩款拉麵同一款沾麵(貴精不貴多)第一次黎食梗係要試”雞白湯拉麵”雞白湯打到起泡就好像cappuccino一樣味道好香濃，口感好creamy😋有點像喝忌廉雞湯麵條嘅軟硬度雖然無得揀不過就軟硬適中而且掛湯力很強👍🏻雞肉同叉燒都不錯估唔到雞胸肉一啲都唔嚡旁邊還有炸牛蒡另加的溏心蛋也很不錯整體非常高質湯底真係非常出色而且好夠熱，食到尾都仲好熱完全係可以再encore嘅拉麵店

雞湯底真係無得輸，仲要打埋泡，可見係好花功夫心機。炸牛蒡好特別，未試過你其他地方食到。兩種唔同嘅肉，好似係火腿同雞胸，火腿都幾大塊，肥瘦均勻，不過味道冇乜特別。雞胸正常，可能係因為剩雞胸嘅關係，有少少乾。面係比較粗嘅面，唔係我鍾意食開嗰種幼面，不過都ok. ＄15加左隻糖心蛋，幾好食。雖然埋單要168 ,不過總括講都算唔錯。員工嘅訓練有待改善，雖然整體都算有禮貌。不過係我食食吓嘅途中，有兩個員工係我後邊傾計，喺度講粗口。雖然講得唔大聲，不過都比我聽到。同埋買單嘅時候，侍應生將張單俾咗我就走左去，要我叫番佢返嚟攞返我張信用卡走。你賣＄150一碗拉麵，員工嘅培訓真係要多少少