幸福鳥 (K11購物藝術館)

營業中

休息中

今日行K11，經過見到呢間餐廳門面好得意，好日本風而且門口仲有好多祈願既牌，望下原來係食串燒同燒物為主~6點零唔算好多人就入去試下~我地坐左係可以望住師傅燒烤既位置，一路等可以睇住師傅點燒，齋睇已經好想食!我地叫左幾款串燒同鐵板小食~呢款鐵板日山A5和牛漢堡上檯時咋咋聲，夠哂熱辣辣，A5和牛充滿油香，成個和牛漢堡好Juicy又唔會一吉就散，唔錯! 濱燒帆立貝係原隻帆立貝，燒得好香又食到帆立貝既鮮味!正!串燒方面叫左幾款~幸福鳥即係免治軟骨雞肉串燒，食到雞肉之餘咬到一粒粒軟骨，有口感又夠香~ 而西班牙黑毛豬露荀卷有用黑毛豬薄片包住露荀燒，咬落口爆哂汁好juicy~仲有其他串燒我燒得好正!要數最愛既係呢個山葵雞脾肉燒~雞脾啖啖肉又嫩滑，上面既wasabi俾得幾重手，食落口刺激又供鼻，勁爽!可惜食飽先見到d燒栗米勁大條~下次一定要叫黎試下!

近2個多月香港的確變得很緊張，每逢週未假日都有遊行。對於尖沙咀的確少了很多人流。現在相約吃飯我都會選擇平日，起碼都會安全一點吧。今日來到K11商場人流少了，行走都覺得好鬆動，不知道好事定壞事吧！日本我深信好多香港人都喜歡，全因食物及服務都以高質以及夠精緻。是夜到訪 「幸福鳥」的確有一種感動的感覺，門外已經有日本風的角落，牆身寫上不少的祝福語。「香港人加油」，睇落是有一點心酸的感覺。究竟香港何時走回安定繁華的景象？餐廳內部既裝潢都全走日本風格，吧檯位置可以近距離可以目睹師傅為我們製作的食物，的確有一番滋味。Suntory Premium Malt Black $58吃燒物又點少得飲啤酒，才會有所盡興。黑啤是生啤，不會有苦澀的味道，我深信女仕們都會喜歡。幸福鳥 （免治雞肉串） $118/4串幸福鳥應該是此店的招牌菜，以免治雞肉串利用不同的配搭吃出不同味道。首先有鹽燒味道帶有脆身並少許鹽味不錯，汁燒味道超過多汁而且惹味；芝士味頂層流心芝味超香濃富層次分明，最後激辛的辣度帶有刺激感與黑啤同吃非常匹配。華味鳥雞脾肉燒 $128/4串四款的華味鳥雞脾肉，以鹽燒我深信與平常雞肉串最大分別是相當嫩滑。

今天在尖沙咀行K11的時候下大雨，所以就打算隨便在商場食晚餐。見到「幸福鳥」裝修很有特色，是以神社做主題，店內店外都貼滿許願掛飾。本身以為在大商場、裝修也不錯價錢一定很貴，結果價錢是意想不到地合理，兩個人食也不用$350。.安排了我們坐在吧枱，就是正面對爐端燒。一邊食，一邊見到廚師在燒，很有日本的風情。.廚房控制得很好，很乾淨。即使坐在正前面，也沒有覺得特別熱，亦沒有油煙撲面而來。.⭐️免治軟骨雞肉串燒（汁燒、鹽燒、芝士、激辣）- 一串$30，四串$118即叫即燒，所以都是熱騰騰的。燒得剛剛好，不會太燶，又保留到肉汁，所以每一口都很juicy。雞軟骨粒增加了串串的口感，更有嚼勁。個人最喜歡汁燒，味道與雞肉配合得很好。但又不會奪去雞肉的鮮味。激辛是辣得很有勁，但又點到即止，是很有層次的辣，建議大家食這個前水杯最好是滿的。.⭐️燒魷魚筒（$98）是原隻魷魚，魷魚是大size 而且肉厚。燒出來很香，賣相十分不錯，肉質有彈性。.⭐️玉子燒（$38）燒出來是熱騰騰的，很香的雞蛋味，滋味十足！.⭐️三文魚飯團（$38）配上一塊大紫菜，你喜歡怎樣包都得。內裏三文魚的份量也挺多。.⭐️一口蕃薯（$22）一串有三

K11開咗間日本料理餐廳連子華神都去過，作為小粉絲既我當然要去試吓啦！( 上網都見到好多好評！相信會幾好食)好多小牌仔可以留言！成幅神宮願望牆咁樣餐牌午餐set親子丼+咖喱牛肉烏冬前者姐係滑蛋雞飯 建議加小小豉油再撈勻黎食！後者超出預期，個人覺得非常好食 咖哩味好出 烏冬相信唔係平價位 牛肉又正 呢個無得輸阿波尾雞脾肉燒有四款選擇 鹽燒、山葵、紫蘇梅醬、汁燒咁梗係試啲特別野啦 所以簡咗紫蘇梅醬同山葵紫蘇梅醬酸酸甜甜，山葵味重但唔會好辣各有千秋！免治軟骨雞肉棒都係有四款簡 鹽燒 、芝士、辛辣及汁燒咁呢個就試鹽燒同汁燒！先唔講用乜燒先，本身佢個雞非常好食 原材料已經贏咗 就算用邊種方法燒，都食到雞肉原有既雞味！京都特濃男前豆腐 豆腐好多時都係百X豆腐見到啲紋路就知道。呢度就有誠意得多啦！豆腐都係由日本黎，豆味特濃，加咗大量薑蓉，軟滑清新清酒煮蜆份量雖然唔算多，勝在隻隻都無沙又鮮甜咬落去清酒就係口到流出黎 推薦！總結，食日本爐端燒可以話係一種享受，近距離欣賞廚師既手藝，又可以品嘗美食，食完呢餐真係有幸福了既感覺

週末假日去了K11逛街，逛到差不多肚子有點餓於是便和朋友找尋一下有什麼好吃，看見有一間新開業的日式居酒屋吃串燒餐廳，我們兩人都喜歡吃串燒二口不說進了餐廳。餐廳裝潢設計很有日本神社的感覺，充滿東瀛風味，我們選擇了坐Bar枱看著一串串的串燒在爐端燒，背後還有很多燒酒的酒樽裝飾。醬燒日本魷魚筒 魷魚原隻很厚身，魷魚鬚部份燒得很乾脆，魷魚筒口感爽口彈牙，還有陣陣的炭燒風味。燒粟米 燒粟米是原條燒的份量, 上枱時粟米已經切開幾分再塗上蒜味牛油, 慢慢把蒜味牛油沾滿了粟米上，吃下去的時候好香粟米粒粒爽脆。阿波尾雞手羽先鹽燒得都好入味，再灑上七味粉、燒烤火喉剛剛好。燒茄子 也是原條燒的，茄子肉燒得仍然很有水份， 茄子肉上滿滿木魚絲。燒意大利大磨菇大磨菇刷特醬汁，將大蘑菇烤至表皮微焦脆，咬口仍保有豐腴的菇汁，不錯。

同屋企人在籌劃明天的家族大旅行， 說著說著啲日本癮又出嚟了， 所以今日午餐就拉左朋友去食日本野。餐廳中午設有午餐定食，款式都算多，朋友揀左鹽燒三文魚定食。但我因為唔太餓，所以唔想吃米飯， 於是我選了幾樣串燒， 再加一份男前豆腐大家share。中什，還是不要吃太飽啊！男前豆腐是京都產的😍，上面放了少許薑容吊味，店員建議澆上少許醬汁食，會更好味。豆腐味道很濃，因為是涼菜，所以好適合夏天吃😋。日本便當一向都很營養均衡，燒魚、米飯、前菜、湯，看似簡單，但美味十足。三文魚以鹽調味燒烤，肉質依然幾嫩。我一向都係肉食類， 所以串燒選擇當然都很一致。今次點了雞脾肉串、雞肝、雞翼同埋加了兩條多春魚給朋友。雞肉串以紫蘇葉包著再加梅醬， 很開胃， 雞脾肉結果有肉味， 可能是因為用了阿波尾雞的原故。雞肝好大個味道濃郁，吃著酒癮有點發作😅。雞翼是串燒必點類， 我喜歡加點七味粉吃，惹味👍。

呢排大家都大壓力，有時食好野係好好既relax方法，所以就去左幸福鳥食我最愛既日本野幸福鳥係k11入面，地鐵站出口連接住，唔洗出outdoor就黎到，門口有神舍既裝飾，用黎影打卡相一流呢度有大量既燒物選擇，每樣都試少少岩曬貪心既我每個人都有不同既願望，但我相信呢排有一個願望都幾多人會寫，而我都好希望呢個願望可以實現到我當晚係坐吧檯，所以好清楚睇到燒物製作過程，視覺享受SUNTORY BEER ($58)食燒物一定一定唔少得飲啤酒，SUNTORY清清地易入口好岩女仔日山和牛串 ($88)靚牛燒完之後出曬油勁香，值得一試燒雞泡魚干 ($48)、芝士年糕 ($32)雞泡魚干係好好既佐酒小吃，餐廳有既話必叫，芝士年糕記得趁熱食，入面芝士溶曬有拉絲效果架燒茄子 ($48)睇住師父將原隻茄子放上爐燒，上碟就淨係俾茄子入面最嫩既白色肉俾客人食，加埋木魚，心機之作

K11 地下開業幾個月的串燒店, 大門前放有鳥居及手水舍裝潢, 吸睛也吸引, 今晚見人龍不算長, 就決定一試幸福鳥上的幸福鳥一面牆上掛上客人滿滿的繪馬餐廳有不少卡座及獨立枱, 不過最喜歡還是坐在吧枱前看著師傅工作食物選擇有很多都是自家獨有, 如豉汁活鰻, 可惜今晚八時未到已沽清坐在吧枱前見著師傅取出原條茄子, 原隻鮮魷, 都是每件用保鮮紙獨立包裹, 讓人對餐廳信心大增先來原條燒粟米, 上面的蒜香牛油不會太濃但又有著畫龍點睛的作用, 沒有蓋過粟米本來的甜味. 醬燒日本魷魚筒燒得到位, 非常非常黏韌, 好有咬口, 外層又香口, 好味道得很意大利大蘑菇, 有驚喜, 蘑菇非常帶水份, 出色雞軟骨串燒玉子燒有獨特風味, 整件玉子都非常軟綿, 蛋的香氣滿口流溢清酒煮蜆的湯底非常清澈, 蜆肉幼滑西班牙黑毛豬蘆筍卷的肉片非常薄, 蘆筍的清香也突出馬蹄鮮魷燒肉棒, 很有特式阿波尾雞手羽先

全港首間獲日本「松本酒造」認可既爐端燒專門店最啱同三五知己shopping完再摸下酒杯底🍶談心嘅好地方店員安排左我哋坐係吧枱。面前可以俯望師傅認真燒嘢嘅手工製作樣。背後掛上左一串串既繪馬。細心d睇，唔少人寫咗「香港加油」嘅字句。即刻聯想到各區嘅連儂牆📝幸福鳥 免治軟骨雞肉串燒🍢 芝士味🧀依間鋪頭嘅名物&震店之寶，配搭上濃厚嘅芝士，味道相當match豉汁活鰻鰻魚皮脆肉厚，加上豉汁嘅配搭，鮮味十足燒廣島蠔日本新鮮空運到港嘅廣島蠔，大隻肥美，最啱一班蠔嘅愛好者鐵板日山A5和牛漢堡採用A5和牛，肉質鮮嫩多汁，用鐵板燒更加野味燒飯團🍙加左師傅特別調製嘅醬汁，外面果層飯有種食緊煲仔飯啲飯焦嘅感覺原條茄子🍆大大碌原條燒上面再加左木魚絲，令成件事變得不平凡 ———————————————————#尖沙咀 #尖沙咀美食 #尖沙咀k11 #幸福鳥 #串燒居酒屋 #串燒 #香港旅行 #香港美食 #香港好去處 #hkfoodie #foodiehk #hkfoodiexblogger #presslogicholiday #燒鳥 #燒鳥串燒 #yakitori #やきとり #やきとり屋 #焼き鳥屋 #焼き鳥

是日又同女朋友都去到尖沙咀，雖然到咗夜晚，但又未係好肚餓，咁啱又俾我經過k11這間餐廳，外面裝修得都算唔錯，好有和風日式嘅感覺，加埋食爐端燒，都係比較輕量啲，所以就入去試下啦。入到餐廳，侍應就帶咗我去吧台嘅位置，其實我仲更加鍾意坐呢啲位，可以睇住個廚師慢慢燒串燒，十分唔錯。我哋當然要點佢嘅招牌菜，幸福鳥串燒，然後都叫咗雞翼，番茄煙肉，燒茄子，仲有飯糰。最為推薦嘅，當然係佢嘅招牌菜，幸福鳥串燒。一客有四件，都係唔同嘅味道，有鹽燒味，辣味，芝士同埋醬汁。我食落就覺得辣味同醬汁味嘅味道最為突出，而且雞肉棒十分有口感，仲有啲雞軟骨喺個肉棒入邊，十分有咬口，同埋四件嘅口味都唔同，很有新鮮感。串燒雞翼方面，雞翼燒得乾身，咬落去都幾香脆，都係其中一個推介菜。番茄煙肉就睇人啦，我個人就幾鍾意食嘅，因為比較鍾意嗰種外脆內軟，外熱耐冷嘅感覺茄子同樣外皮都係好香脆，而茄子肉就好軟綿綿。三文魚飯糰。飯糰可以包住紫菜，三文魚都幾厚肉，我諗正常男仔食量都要食返兩三個，不過嗰日就比較飽所以我一個就夠喇。總結，招牌菜亦都係必點嘅，其他串燒嘅質素亦都唔錯，推薦大家來試下。

我全家都好幸福！但身為「鳥」即是「雞」之一族，成為了我們的席上菜，只能說「此生無憾」，難言幸福！以阿波尾雞及串燒鳥作主打的幸福鳥，環境佈置高雅，拍照燿目；我們雖然坐高椅吧枱，椅下加設放袋隔層，心思細意，空間寬敞，服務態度殷勤，餐未吃已經感覺良好。京都特濃男前豆腐 $48尋覓餐牌上的特色食物，找到這款平時少見的－京都特濃男前豆腐，味道及質感確實濃郁，真正吃到豆腐香，唔試唔知道，值得試的。但依我口味，我還是最喜歡絹豆腐，最滑溜！午巿套餐有四款，看來幸福串燒丼是必點的選擇。幸福串燒丼 $108兩款汁燒阿波尾雞雞俾肉，一款汁燒免治軟骨雞肉，一串青椒，組合均衡，份量足夠配白飯，另有前菜漬物、豆腐沙律、溫泉蛋及麵豉湯。面對師傳門，認證他們的心機功夫，串燒恰到好處，肉汁保持，香嫩味道好，鹹甜皆平衡的滋味。去過日本四國旅遊的人，都會對德島阿波尾雞一試難忘，當地的走地雞，肉質結實香嫩，真的不同！幸福鳥選材已先贏一步，加上師傅手藝，串燒鳥真水準之上！阿波尾雞雞俾肉燒 $28@幸福鳥阿波尾雞雞俾肉燒供應四款口味，因為幸福串燒丼內有兩串汁燒的，額外加的這兩串我選了紫蘇梅醬及山葵。醬汁造型特出，大大增分，分辨明

Lunch time, 和同事來K11試試這間幸福鳥。幸福串燒丼幸福串燒丼有三串串燒, 都是雞肉串。串燒面鋪了紫菜。其中有我最喜愛免治雞肉串, 肉質嫩滑。味道得宜。另外,有一串秋葵串燒, 亦燒得恰到好處。同事點的鹽燒鮭魚定食, 賣相吸引。三文魚外皮燒得脆口。我和友人都一致讚賞三款前菜,有溫泉蛋,麻醬豆腐,鹽漬蒜頭。我們最喜歡麻醬豆腐和鹽漬蒜頭, 是開胃的前菜。西班牙黑毛豬露荀卷黑毛豬薄薄的卷著露荀, 夾著一起吃,爽脆。露荀又多汁, 完全不覺肥膩。

朋友想食串燒，所以今日放工就相約在尖咀，試下呢間新開既日式居酒屋。我地都係根據餐廳地址去找尋，起初以為會喺K11商場既外圍，找尋一番後，再問一問CS，才發現原來餐廳是在商場裡面既。門外有一個非常日本風既corner，讓人又開始懷念日本既美好。餐廳內部既裝潢都好靚，我地就揀佐坐吧台，可以望住廚師為我們烹調，別有一番風味。餐牌裡面既食物種類夠多，而且價錢唔貴，閉起雙眼胡亂挑選亦都唔會太貴。牆上有許願牌，可以放上自己既願望。巨峰味乳酸 $38飲品係食串燒既必需品，一般情況，啤酒，係最夾既，但係呢日我就想飲杯 Non-Alcoholic既，所以揀佐呢杯巨峰味乳酸，味道係濃既，而且By Default 唔多冰，唔會令到味道太快太易變淡，正！咖哩牛肉烏冬 $78食串燒之餘，點都要有D飽肚既野食，我地就揀佐咖哩牛肉烏冬，份量都不小，咖哩汁做得夠哂濃，有漿口感，烏冬亦都夠爽夠彈，熟度岩岩好。豉汁活鰻 $68燒活鰻，係個人幫襯居酒屋既心水之選，而呢度亦都燒得非常出色，鰻魚層皮燒得十分脆身，而鰻魚汁亦都浸入佐鰻魚肉裡，香得黎帶有點點既juicy感。免治軟骨雞肉串 (芝士) $30免治軟骨雞肉串有4款不同既