影片
更多
2019-08-28
58 瀏覽
是日又同女朋友都去到尖沙咀，雖然到咗夜晚，但又未係好肚餓，咁啱又俾我經過k11這間餐廳，外面裝修得都算唔錯，好有和風日式嘅感覺，加埋食爐端燒，都係比較輕量啲，所以就入去試下啦。入到餐廳，侍應就帶咗我去吧台嘅位置，其實我仲更加鍾意坐呢啲位，可以睇住個廚師慢慢燒串燒，十分唔錯。我哋當然要點佢嘅招牌菜，幸福鳥串燒，然後都叫咗雞翼，番茄煙肉，燒茄子，仲有飯糰。最為推薦嘅，當然係佢嘅招牌菜，幸福鳥串燒。一客有四件，都係唔同嘅味道，有鹽燒味，辣味，芝士同埋醬汁。我食落就覺得辣味同醬汁味嘅味道最為突出，而且雞肉棒十分有口感，仲有啲雞軟骨喺個肉棒入邊，十分有咬口，同埋四件嘅口味都唔同，很有新鮮感。串燒雞翼方面，雞翼燒得乾身，咬落去都幾香脆，都係其中一個推介菜。番茄煙肉就睇人啦，我個人就幾鍾意食嘅，因為比較鍾意嗰種外脆內軟，外熱耐冷嘅感覺茄子同樣外皮都係好香脆，而茄子肉就好軟綿綿。三文魚飯糰。飯糰可以包住紫菜，三文魚都幾厚肉，我諗正常男仔食量都要食返兩三個，不過嗰日就比較飽所以我一個就夠喇。總結，招牌菜亦都係必點嘅，其他串燒嘅質素亦都唔錯，推薦大家來試下。
是日又同女朋友都去到尖沙咀，雖然到咗夜晚，但又未係好肚餓，咁啱又俾我經過k11這間餐廳，外面裝修得都算唔錯，好有和風日式嘅感覺，加埋食爐端燒，都係比較輕量啲，所以就入去試下啦。
入到餐廳，侍應就帶咗我去吧台嘅位置，其實我仲更加鍾意坐呢啲位，可以睇住個廚師慢慢燒串燒，十分唔錯。
我哋當然要點佢嘅招牌菜，幸福鳥串燒，然後都叫咗雞翼，番茄煙肉，燒茄子，仲有飯糰。
最為推薦嘅，當然係佢嘅招牌菜，幸福鳥串燒。一客有四件，都係唔同嘅味道，有鹽燒味，辣味，芝士同埋醬汁。我食落就覺得辣味同醬汁味嘅味道最為突出，而且雞肉棒十分有口感，仲有啲雞軟骨喺個肉棒入邊，十分有咬口，同埋四件嘅口味都唔同，很有新鮮感。
串燒雞翼方面，雞翼燒得乾身，咬落去都幾香脆，都係其中一個推介菜。
番茄煙肉就睇人啦，我個人就幾鍾意食嘅，因為比較鍾意嗰種外脆內軟，外熱耐冷嘅感覺
茄子同樣外皮都係好香脆，而茄子肉就好軟綿綿。
三文魚飯糰。
飯糰可以包住紫菜，三文魚都幾厚肉，我諗正常男仔食量都要食返兩三個，不過嗰日就比較飽所以我一個就夠喇。
總結，招牌菜亦都係必點嘅，其他串燒嘅質素亦都唔錯，推薦大家來試下。
張貼
