幸福鳥 (K11購物藝術館)

營業中

休息中

雖然新開了K11 Musea，但K11還有未試的餐廳。不用行太遠，近近地吃串燒。漬蒜頭，酸酸蠞，爽脆，開胃。溫泉蛋，滑入口，水漾中有少少蛋黃的厚。豆腐沙律，清新。雞肉壽喜燒，又有一隻蛋。這次把它拌勻，以湯的溫度把它慢慢煮至半熟。雞肉可以，尚算嫩。鍋內有不少洋蔥、菇和菜。飯的硬度、濕度都控制得宜，但差點飯香。串燒反而叫人有少少失望。菇和秋葵太乾，雞肉也是。只有雞軟骨算是可以。整體來說都可以，百餘元的午餐，坐得舒適，服務有禮。

今日星期日，帶左媽媽去食日本串燒lunch 同媽媽食左個幸福的午餐幸福鳥以串燒做主題，所以點都要點一客串燒的lunch set Lunch menu 有8款，價錢由$98 起都算經濟坐位很好，有空間感媽咪鐘意熱食，所以點左雞肉壽喜燒一set 有日本米，麵豉湯，雞蛋，蒜頭，芝麻醬豆腐壽喜燒有洋蔥就冬菇，雞蛋，雞肉湯清肉嫩雞蛋好滑，蛋黃味濃，用上等日本蛋我點左個幸福串燒四盛合勉治雞軟骨雞肉長蔥燒雞脾肉燒秋葵燒得香口，醬汁配搭出色啖啖肉又彈牙今日真係一餐好幸福的午餐

本身見新開張評分都唔錯，又見依家openrice訂座有85折，所以黎試下。食物方面，雞肉肉質比較嚡，而且有幾款食物都冇味道，想用鹽去調味，但鹽罐入面d鹽全部濕晒一舊舊，比較好既係清酒煮蜆，蜆肉大隻肥美。服務方面有待改善，9點半後啤酒買一送一，我問店員A可唔可以mix黑啤同白啤，佢唔清楚要去問經理，但等左好耐完全冇回覆，結果過左一陣竟然黎左兩杯啤酒，好奇怪，等緊回覆確定落單已經原來落埋單，之後我又問送酒黎個店員B咁係咪姐其實買一送一可以mix，佢又話要幫我問問，但最後依然冇回覆，然後等到個著西裝既經理見到我地舉手先終於解答到我地問題。兩杯draft beer都冇乜氣又唔凍，飲落麻麻地。不過環境裝修都唔錯，幾舒服。我明白新開張可能有好多方面都做得唔夠完善，但都希望可以真係正視問題。希望可以之後會改善可以有機會再黎試

餐廳裝修有日本風味，平日午市去已經滿座。好彩等一陣就已經有位。入到去環境都幾舒服，當然要試吓呢度嘅串燒。午市有不同嘅午餐，叫咗串燒套餐：有秋葵細細舊易入口，調味啱啱好。雞軟骨棒我鍾意食，呢個因為雞肉夠林，入邊全部都係免治雞軟骨，有口感。雞脾肉燒另一個風味，雞肉都算唔錯。雞肉長蔥燒，夾埋啲大蔥，幾香。大蘑菇唔會好乾，有啲蔬菜幾好。燒雞翼我覺得個皮燒得好脆，調味又好味，唔錯。跟餐有麵豉湯、麻醬豆腐、蒜頭及溫泉蛋。另外叫咗鱈魚西京燒，雖然份量唔算好多，但係魚夠滑，皮夠脆，好食。

位於k11商場內幸福鳥居酒屋充滿著日本風情，在店面設計了手水舍，神舍的許願牌和御守掛滿了整間餐廳的牆上，店內還有鳥居。有開放式的水吧位置，可以一邊觀賞廚師即席燒烤，讓氣氛非常熱鬧。居酒屋以串燒、爐端燒等為主。*當日沖繩菠蘿.膠原BB豬、活鰻、一夜干等都是已經售罄。非常可惜。以日本居酒屋的用餐習慣，首先先點酒水、然後慢慢一邊飲一邊叫一邊食。啤酒只有生啤和黑啤選擇，其他都是清酒。枝豆是居酒屋開胃菜必備之選。少少咸搭配啤酒或酒精飲料一流。幸福鳥（免治軟骨雞肉串燒）四種不同的味道：鹽燒、汁燒、芝士、激辛加入了雞軟骨增加了嚼口，免治肉質較軟身加入了軟骨，整體就會剛剛好，不太軟或太硬。四種不同口味都非常經典，最為特出的是汁燒口味，雞肉都吸收了汁醬的甜味，又不會太過火。華味鳥雞脾肉燒（鹽燒、汁燒、紫蘇梅醬、山葵）同樣有四種味道，最不一樣的是紫蘇梅醬。從來沒有發現紫蘇葉的獨特香味加上梅醬酸味，能讓雞肉的肉味更加特出。醬燒日本魷魚筒原隻魷魚上菜，單是賣相已經非常吸引。厚身魷魚不上彈牙，而且還十分爽口。觸鬚的部分以炭烤得乾身和脆口。（但是這個等了超過40分鐘，可能是當日漏單）*並不是試食。

食物總體不錯👍🏻。✅牛舌和牛肋骨很好吃😋，很 juicy，也不會太乾。💯✅雞泡魚干作為酒前小吃是一個蠻不錯的選擇。✅清酒煮蜆，味道不錯，並且處理過程很好，完全沒有沙👍🏻。✅燒乳豬很好吃，味道和份量適中。❎燒魚就真的很一般，不好吃，略嫌燒得有啲乾，肉質比較硬和味道一般😑。 ✅Sake 很好喝。✅炒雜菜，味道也不錯，但是份量很少。環境也很舒服和乾淨，侍應的服務態度很好，只是反應略慢。價錢不算平，大概$700/位。💸

和朋友到這家於K11開業不太久的日式餐廳晚飯，它名叫「幸福鳥」，很有意思的名字。這餐廳主要提供串燒和小食，每一款都很便宜，我們點了以下食物：幸福鳥（免治軟骨雞肉串燒）一客四件，用四款不同的調味醃製，包括鹽燒、汁燒、芝士和激辛，配搭新穎，肉質軟腍，肉汁亦豐富。鐵板日山和牛漢堡用鐵板盛載，厚厚的一大塊，很有飽肚感。用筷子輕輕一夾，肉質很鬆軟，牛肉味濃郁。咖喱牛肉湯烏冬很傳統的日式做法，用濃濃的咖喱湯煮成，烏冬粗身，滑不溜口，吸收了咖喱的味道。有多片牛肉，但較為硬身。京都特濃男前豆腐看餐牌的名字，感到它很特別。當店員送上來時，我們也對它的形狀感到很有趣。豆腐嫰滑，味道清新，加上表面一些薑蓉，刺激了味蕾。原條茄子我們看見鄰桌點了這道食物，被吸引了，於是我們也點一客。這是燒原條茄子，師傅靠他的刀功切了數下，再加上鏗魚碎，令平平無奇的茄子變成一件藝術品一樣。我們都很滿意這裡的食物質素，但店員人手不太足夠。

試新嘢!同幾位朋友食 lunch， 見新開無幾耐，又唔多人就試下啦！睇相都唔錯咁同朋友分別叫咗唔同set 雞肉壽喜燒， 唔算有咩驚喜，都係壽喜燒果種甜味。但個鍋本身有隻蛋，又送多隻蛋 如果有誠意少少可以轉其他前菜會好啲。不過無都算啦，午飯時間你想有咩誠意細串燒set, 4串唔多，啱食量細嘅人，味道唔錯，都幾香，燒得啲色都幾靚仔。不過串燒都係配啤酒正啲另外仲有個咖哩牛腩set，如圖片不符，只有幾粒牛腩，咖哩味道亦只係普通超市可以買到自己煮果啲，零失敗嘅咖哩味。可惜掛住傾同食無影相。總括而言，lunch 合格，未見突出。終於舖頭係賣串燒為主, 有機會試埋晚市先見真章!要一讚，店內服務都算唔錯,店員有不停主動加水，唔洗叫。亦有兩個似經理嘅人企喺門口，剛好做歡迎同送客，又剛好見唔到店內! 叫親落單佢哋就唔會見到，得一兩個細嘅做。唔知晚市係咪咁呢？

We came around 18:00 on a Thursday night and got seated without booking, we were told only one non- booking seat was available tonight! It’s amazing experience and the food were cooked with passion! We ordered the 4 ways chicken, chicken wings, ox tongue, Wagyu beef, grilled rice ball, pork with asparagus, corn and tofu. We also ordered 2 drinks, which was typical. Chicken 4 ways ( liked the one with the sauce the most!) , wagyu on the right and ox tongue on the top! ( we repeated the order of o

本身諗住去新開嘅K11 Musea試新野，但係係openrice意外發現左K11依間日式串燒店🍢俾佢掛滿日本神社祈福牌既外牆裝修吸引左，好特別⛩✨燒雞泡魚干✨雞軟骨串✨燒雞心串👍🏻✨和牛串👍🏻左至右✨燒黑豚肉蘆筍串👍🏻👍🏻✨雞脾肉燒(鹽燒)✨招牌幸福鳥免治軟骨雞肉串燒(辛辣)👍🏻👍🏻👍🏻✨燒羊扒👍🏻✨燒活鰻✨咖喱牛肉烏冬整體味道不錯，環境舒適，好岩同朋友慢慢食🍢吹吹水💦

今日喺k11行完街之後, 就喺地下一間專食串燒嘅專門店食晚飯, 坐吧枱, 最好嘅感覺就係望住廚師嘅烹調,  有視覺享受, 抽氣系統不錯, 唔算有太大嘅油煙餐廳係專食鳥燒為主, 當然叫咗佢嘅signature , 華味鳥配搭紫蘇味添, 紫蘇嘅味道幾特別, 配埋肉質鮮嫩嘅雞肉, 百般滋味在心頭馬蹄鮮魷肉棒 , 啖啖肉的燒肉棒蘸滿秘製雞汁伴溫泉蛋黃同吃，口感更滑, 魷魚肉同Q彈配蹄既爽跪, 沖繩菠蘿 , 菠蘿的清爽口感, 令人更開胃喎!雞皮串燒, 燒雞皮配鹽, 酥脆的, 用鹽吊一吊味, 味道更加出喎青椒仔 , 青澀味提升青椒口感, 爽脆的口感, 配埋木魚做TOPPING, 不錯

好開心可以坐Bar檯，睇住d師傅們喺度努力燒呀燒，好開心。我地一行二人，試了BB豬、燒牛脷、燒魷魚筒、戲院乾魷魚、鰻魚、燒飯團，如果要排次序，我覺得鰻魚最好食，之後係BB豬，排第三嘅係燒魷魚筒，跟住係燒飯團，然後就係燒牛脷同埋戲院魷魚。其實BB豬同鰻魚都真係好好味，不過覺得鰻魚燒得d皮好乾身，脆口，而且舊鰻魚好肥美，所以睇高一線；BB豬其實都唔差，肉汁香，皮又好食，不過可能d人話係No 1必食，所以太有期望反而有少少失望；燒魷魚筒其實好考功夫，燒過龍會燶，尤其是魷魚鬚d尖，如果燒得唔夠火候，就會好難食，呢度就燒得啱啱好，邊脆內軟；飯團有兩種，我地就揀咗燒嗰種，個面燒到乾身兼有少少飯焦，好味；燒牛脷夠厚身，無渣，似乎都係靚料，唔錯，只係無前面嗰d咁精彩；最後就係戲院魷魚，個人覺得有d硬，而且唔算好香，所以感覺差少少。

朋友今日帶我黎呢間串燒就要book位既。我地吾大食又無乜要求，所以叫得吾多。醬燒日本魷魚筒原條魷魚筒真係超大條！會太乾！真係剛剛好！個醬汁都好夠味！阿波尾雞脾肉燒鹽燒、汁燒、紫蘇梅醬、山葵我地叫哂咁多隻味！都吾細條。2個人一人半條都ok！4個味各有特色！山葵我覺得最出色！紫蘇梅醬都幾特別！馬蹄鮮魷燒肉棒呢個應該係有豬有雞又有魷魚肉。佢仲有個蛋一次上埋。口感就更滑！飯團對比其他肉就真係有啲失色！同卡通一樣既飯團打卡都吾錯！京都特濃男前豆腐食完咁多肉食個豆腐清下口味都幾好。味就無乜。但就貪佢夠清

為食妹👧🏻最like eat 日本菜。知道K11有間**幸福🐦**有🔥BB🐷食。二話不說今晚黎試試有隻得得意意嘅🐦托著雙🥢。好有日本嘅味道。🇯🇵豉汁活鰻～遠遠望到師傅🔥著串燒。放上枱香噴噴。有淡淡豉汁味。芝士蛋糕～平時食開嘅芝士蛋糕油淋淋。呢度係🔥架。🔥得乾身。食多兩三件都唔怕溜。為食妹👧🏻爆like 沖繩菠蘿膠原BB🐷～BB🐷個皮脆卜卜。🐷肉又嫩又滑。菠蘿🍍唔係配角。一樣好juicy 💯

幸福是什麼？每個人的定義都唔一樣，可能好簡單也可能好難，當下的你，感到幸福嗎？或許某d氣氛令人不太快樂，生活的壓力令人透唔到氣，但都希望可以同身邊的人互相打氣，互嗌加油！好好食餐飯，食飽之後重新出發。呢一日，我們遇到幸福鳥，和式鳥居⛩️祈福的裝修以及親切的服務態度令心情好起來，食飯也是舒緩壓力的最好方法之一。餐廳分為吧台區同餐枱區，如果坐吧枱就可以睇住師傅料理，視覺上都好享受。祈福牆上有好多許願牌，心意滿滿，好窩心。中午時間，除左可以揀餐牌上各種野食，仲可以揀午餐定食，配有特濃味噌湯同野菜田園沙律，都可以加配野飲。我地點左一份幸福串燒丼，有四串串燒，分別系燒秋葵，大蔥雞肉串，雞髀肉串，免治軟骨雞肉串，和式定食好豐富，溫泉蛋好療癒，口感超級正，最鐘意燒汁淋飯，好惹味。雞肉嫩滑，燒得好入味，豐富夠送飯。另一個餐系鹽燒鮭魚定食，一大舊三文魚，用料上等，擠檸檬汁調味，更惹味。燒鰻魚，肉質juice,燒汁入味，肉厚厚口感佳。真系超級滿足。