幸福班戟 (已結業)

終於！終於！ 有機會來嚐一口幸福班戟啦！晚上特別早吃完晚飯，大概8:15就來到排隊啦！大概等了50分鐘就入座了！每人必須點一個食物/飲品，所以我們一行5人就點了3個班戟和2個熱茶！與友人邊聊天，邊聞到陣陣由開放式廚房傳來的蛋香，很快店員就為我們送熱辣辣震騰騰的幸福班戟！即叫即做的原味幸福班戟非常厚身，一切開就是濃濃的蛋香！ 班戟質地很輕柔綿密，同時帶點空氣感、鬆軟又fluffy的感覺！ 班戟上半溶的牛油很重蜂蜜和牛奶的味道，再加上微酸甘甜的焦糖醬，簡直就是無敵的組合啊！本來抱著奶茶會太甜膩的懷疑下作出這次勇敢的嘗試這個奶茶班戟配自家製穀麥 哈哈。雖然奶茶醬是挺甜蜜，但茶味也出奇的非常香濃，像是伯爵茶和午後紅茶的感覺讓人回味無窮。 班戟依然充滿蛋香，質地綿密fluffy。 最棒的是配上輕盈柔軟的鮮忌廉、酸甜可口的玉桂蘋果和自家製的脆脆穀麥，與奶茶醬相輔相成互相配合著，口感一流！話說花了這麼長時間排隊又能不嚐嚐鹹點呢 嘿嘿 ！而鹹點裡最想試就是這個全麥班戟配芝士磨菇奄列！全麥的班戟一切開就是滿滿的小麥味，咬一口是粗糙實在而有層次的口感，非常特別！ 芝士磨菇奄列煎的剛剛好，濕潤的雞蛋配上拉

聽聞要排好耐隊,所以約埋朋友平日去~我哋大約6點幾去到~等咗35分鐘就入到去喇~環境幾舒服~大部分都客人都係女仔~見到其他人都係叫2個班戟~所以我哋都決定一人叫一個~我好保守咁叫咗 幸福班戟~不過我加咗雪糕~製作需時~我好似等咗15定唔知20分鐘~但都唔重要~當個班戟嚟到嘅時候~等待嘅心情即刻沖咗落個肚度~變咗肚餓~好誘人嘅班戟~彈吓彈吓~一切落去好似切滑蛋咁~食落甜甜哋~好幸福我無林佢啲焦糖漿,因為同佢個麥蘆卡蜂蜜牛油一齊食已經好好味~仲有雪糕一齊食都好味~而朋友叫咗 奶茶班戟配自家製穀物係咸食嚟嘅~幾特別~同佢啲穀物一齊食好夾朋友好滿意呢個奶茶味班戟啊～嘢飲我叫咗 甜蜜香橙茶有啲失望,估唔到係茶包朋友就叫咗凍咖啡~佢又無乜特別嘢講~應該都係普通凍啡一杯~

平日 11:xx am 人龍唔太長約廿人，排了約廿分鐘，可以接受👌急不及待🤤點了奶茶🥞🚀🚀🚀加$28有杯Cappuccino☕️⋯⋯就算唔叫嘢飲，入坐都會問要暖水定凍水，凍水可以自己無限refill落order時會先問飲品先上定後上☕️咖啡糖應該係用鸚鵡糖等了大約25分鐘⏳⋯⋯幸福的味道終於降臨😍Pancake 好鬆軟又夠香，同凍凍哋嘅cream非常配合🥂反而個醬奶茶味唔出，配上原粒杏仁好有感，但略嫌所謂嘅自家製穀麥太甜，用原味會更好，因為個漿本身都帶甜，蘋果玉桂臨尾先feel到，整體pancake都唔錯，員工態度亦好好，有禮、有問識答🙇🏻‍♀️🙇🏻‍♂️會有下次，期待抹茶再次歸來。。。

約咗朋友3pm先到先等，一上到去只見龍頭不見龍尾～個心已經凸一凸💔，但都排隊啦，因前一個星期日，朋友也去過，也等了一小時左右。可以接受。起初一小時條隊也有行過，但距離龍頭仲有一段較長的時間，所以繼續排定放棄，真係好難決定。但既然排左一段時間還是繼續吧。但排下排下由3點3排到6點3，足足排左三個鐘。好彩的是有朋友同行一齊排，可以替換去下洗手間，如果得一人「真係忍無可忍啦」輪到我們入場時，職員已提醒我們order後，需要等20分鐘左右才有得食。但不知是否今天是星期六，所以他們動作快了，我們order 後大概10分鐘便開始食了。我們5個大人3個小朋友，共order了五個班㦸，因為排咗咁耐一定要食返夠本朋友極力推介「朱古力香蕉班㦸」是最好味，所以我們order了三個。當然招牌推介的「幸福班㦸」也點了一個。另外試試新口味亦點了一個「芝士慕絲草莓班㦸」。可能因為排了很久，由下午茶等到晚餐，所以十分肚餓，所以覺得班戟十分好味，但因為人多關係，可能預先整定了，所以沒有熱辣辣的感覺，這裏便扣了一點點分。如果不喜歡太甜的話，可選擇幸福班戟，如喜歡甜的人更便可選擇朱古力。由於現在有很多班㦸牌子的選擇，所以這

朋友話去博多一定要食幸福pancake，但太忙所以冇去到日本果間，所以令我更想食。得知香港開左間幸福pancake, 所以諗住返到離一定要試下，係人都講到咁正。今曰終於有時間去上下係銅鑼灣呢間幸福pancake啦， 放工去到大概6點，到要排隊，大概有20人左右，估計要排一粒鐘，點知45分就在位。比預期快左 haha心諗排左咁耐，點都要叫一人一份haha, 終於叫左幸福及奶茶pancake, 但要等約20分鐘。大概20分鐘，pancakes到啦，賣相不錯，先試幸福pancake, 不是熱我，甚至有d 凍，碟上附上了蜜糖，至於這個蜜糖我與朋友都不喜歡，怪怪的。隨後奶茶pancake都到了，好期待，但愈期待愈失望。奶茶pancake味道太復雜，不是熱的，有點冷，很甜。so sad.... 不喜歡，實在浪費時間去排隊。唔識形容，總知不外如事，不是難食，只係本人0唔岩食。但賣相是不錯的，但我唔會在香港再去吃多次囉。

09:50開始排隊，10:02入座，10:07落單，雖然話即叫即造，正常等廿分鐘，滿座等40分鐘，但我坐到11:02，足足一個鐘先見到我叫個PANCAKE，會唔會等太耐? 個PANCAKE真係鬆得實在，係配得上souffle pancake，但要人等一個鐘就太過份，有其他客人都話以後唔再黎，我都覺得冇下次了。

今日有事請假，搞完嘢後就諗起呢間店，就順便去啦！十點半左右去到，店內已經坐滿人，等到半個鐘後終於有位。開始睇Menu，有咸有甜，最後選咗芝士慕絲雜莓醬班戟再加多杯早餐茶。班戟鬆軟，空氣同粉漿比例配搭得宜，若然唔跟醬食係口感軟滑。 芝士慕絲很順，芝士味不濃烈。雜莓醬內有好多莓，但本人覺得較為甜一尐，但接受到。早餐茶味道及香氣不錯，但不宜將茶包浸太耐，3最多3分鐘左右就要倒到茶杯，否則有少苦味。總括而然，整體印象同味道不錯，可以再嚟。到離開店時，依然仲有人排隊。後記。食完後，食唔到午餐，因為食完呢個實在太幸福滿瀉啦！

之前在日本東京食過，再在大阪找到此店，(幸福 班戟)，當時真的感到有種幸福的感覺，從未食過如此的食物！老闆主厨太厲害！回港仍然記掛住此美味食物，在港亦吃過了不同的班戟店，有九龍城的，旺角的，更有尖沙咀的，但答案只係....失望！由其是那間吊高來賣的，在大阪未曾見過門口有人排隊，反而香港一日只賣幾十個。今次亦只是來銅鑼湾碰碰運氣，星期六上午也排了差不多大半小時，但一坐下及看看環境佈置，也很似日本的店舖，不一樣的是今次餐牌是有中文字的，價錢亦很合理，與日本差不多，班戟送到面前，令人驚喜，同日本當地一模一樣，第一口將班戟放到嘴裏，感覺立即回來了.........就是那幸福的感覺！

上星期二, 一位轉工朋友咁岩有一星期FREE TIME~就了我陪佢去搵幸福 ~~PANCAKE!先前係日本食過幾次, 都覺得唔錯既~今次黎HK都食少少啦～今日朋友2點幾黎到排..冇得卜位..係日本平日係可以網上卜左位先既~但其實兩個人HEHEHAHA咁好匆就入左去. 個TURNOVER 都好快~最後排左40MINS 就食到~價錢大概係日本既十算~可能呢輪新開, 真係有日本人係入面監工一齊做~因為密密整, 密密出貨, 少D 人手氣力都唔得~我地坐左係廚窗位置, 望住佢地整真係好治癒~落完單冇幾耐就有得食喇..又唔記得影朋友個款原味.呢款係朱古力蕉~~~ 糖漿自己落~好香好香~~~~MENU同SETTING都跟足日本, 唔加配餐飲都可自助加水..有普通冰水同檸檬冰水提供~~~都算係有HEART~ 

等咗三個鐘先食到 連㗎妹都為之瘋狂的幸福Pancake🥞🔸幸福Pancake $108🔹抹茶Pancake $138🔸全麥Pancake配奄列 $98每款Pancake都待落單後才開始逐份製作，而且堅持不用泡打粉，用天然方法令它有鬆軟口感。由打蛋白霜到最後裝飾，製作需時約20分鐘。幸福Pancake使用日本蛋和北海道牛奶製的牛油，配上紐西蘭麥蘆卡蜂蜜。吃起來蛋味香濃，鬆軟得來又不完全在吃空氣，不失飽肚感，兩個女生可以分享一份。最喜歡原味的幸福Pancake，口感綿密，配搭蜂蜜牛油及甘甜的焦糖漿的味道更佳。抹茶味的蛋香不夠突出，而且偏甜，鹹味Pancake則與甜味的不同，相對沒那麼鬆軟，口感比較粗糙。足足排了三小時 短期內還是試過一次就算了

來自日本嘅幸福班戟 ，响利園3期開左首家海外分店，一向都鍾意食梳乎厘同班戟嘅我，當然要去試下啦。今日星期五大概十點幾黎到，已經見唔係好多人（我前面大概得十幾個人度）以為好快入得，但係因為第一輪嘅客人已經全部入晒座，要等有人食完先有得入，結果最後都排咗1個鐘頭😥。終於到我坐低喇😑今日叫咗熱朱古力班戟配自家製穀麥即叫即整，等咗大概15分鐘就有得食喇。班戟好鬆軟，甜度適中，只係個朱古力sauce甜咗D，佢地個cream打得好滑，好好食😋。總共有三件班戟，其實都好足料，我食到第二件已經好飽喇😂下次黎，我都係叫番個 original 幸福班戟😅。幸福，就是這麼簡單。

開張到家都係長期人龍店，下午兩點去到唸住踫下運氣希望唔好太多人，現場目測廿幾人左右，預計排90分鐘，點知好好彩排左45分鐘就已經到我，但因朋友未到所以未入得(店舖規定要人齊先可以入)聽現場保安講話今日人龍去得比較快，正常二十人以上都要排90分鐘左右，因pancake即點即做已經要20分鐘，所以最快都要45分鐘先翻到一張枱，pancake質素個人覺得可以做到日本70%，主要係無日本咁香，或者係雞蛋問題，應該唔係用日本蛋，鬆軟度一樣做得好好，而我點鮮果pancake鮮果就無喺日本食咁清甜，但整體係ok好味道，食完係完全有幸福感覺😂

我好鍾意食軟綿綿的疏乎厘班戟,曾在日本食過G字頭的,在香港一直好想吃到相同的味道.. 可惜香港G頭的班戟店的班戟不好吃,我就發掘其他....之前朋友見雜誌介紹幸福班戟,見到openrice的有過半數的食評說很好吃,所以做定功課,揀平日早D來排隊....我地無耐性等3小時以上,所以揀左星期二早上11點到達...原本想10點到但係遲起身出唔到發XD11點到達時,見到有一堆人排隊,比我想像中多,大約22人..以為要等成個鐘,無無聊聊影下店內突然快左好多,20分鐘後有位了,好快就點餐,等餐時又影下相第一次來,當然點最基本的"幸福班戟"試下個餅點先,等左15分鐘就有,都幾快甜度剛好,餅入面都夠軟,餅的表面和底較乾身不夠滑,可能我果D焗得過火左..佢比香港G頭班戟好吃,但又遜過日本G頭的..未吃過日本幸福班戟所以無法兩地比較了,呢度可惜D...餅上面的CREAM我覺得唔夾件班戟,但身邊的人就話好食,各花入各眼吧..但呢間的蜜糖時係我食過最好食,我唔鍾意楓糖的味,好多店都會用佢....主角係班戟,其他係配角,咩都唔落之前食都覺得件班戟好食,就係成功了!試完甜,就食個鹹班戟, 佢既質感無甜班戟軟,但係

開10點，10點半到也等了一小時！但值得的！見到製作過程，已經很活色生香！端上檯面，很香的茶味唷！！不過，有點太甜，如果可以少甜，就一百分了！！！配杯茶，不錯！

特登星期五放半日假同朋友嚟朝聖1：30PM到都要等候50分鐘！入到去其實都見到仲有好2～3張檯無人， 不過可能唔想間店坐得太迫， 又或者唔想D野食做得太急， 所以無放人入去啦每人一定要叫一份PANCAKES， 我地叫晒甜嘅三款都好好食， 我覺得奶茶味最特別， 加埋燕麥有咬口非常唔錯其餘2款都好食， 加＄28多杯咖啡都好高質素㗎雖然等咗好耐， 不過食得滿足又開心都值得！奶茶班戟配自家製穀麥 $133芝士慕絲雜莓醬班戟 $128原味幸福Pancake $108