幸福班戟 (已結業)

來自日本嘅幸福班戟 ，响利園3期開左首家海外分店，一向都鍾意食梳乎厘同班戟嘅我，當然要去試下啦。今日星期五大概十點幾黎到，已經見唔係好多人（我前面大概得十幾個人度）以為好快入得，但係因為第一輪嘅客人已經全部入晒座，要等有人食完先有得入，結果最後都排咗1個鐘頭😥。終於到我坐低喇😑今日叫咗熱朱古力班戟配自家製穀麥即叫即整，等咗大概15分鐘就有得食喇。班戟好鬆軟，甜度適中，只係個朱古力sauce甜咗D，佢地個cream打得好滑，好好食😋。總共有三件班戟，其實都好足料，我食到第二件已經好飽喇😂下次黎，我都係叫番個 original 幸福班戟😅。幸福，就是這麼簡單。