幸福班戟 (已結業)

記得第一次食幸pancake係喺福岡，是日本通朋友話幸pancake係佢喺日本食過咁多間pancake入面最值得試嘅一間。一試之下真係驚為天人，比我想像中嘅好味程度有過之而無不及。望穿秋水，估唔到幸pancake竟然會喺香港着陸。雖然已經開咗業幾個月但係人潮仍然不減。星期五當日六點，有幸得到收早嘅朋友先行排隊，等左一個鐘左右終於都入到餐廳。我哋order咗野莓pancake，由於pancake即叫即整所以等左大約15分鐘先上。好多朋友會問日本同香港分店嘅比較，我就認為其實香港分店嘅水準都做到日本嘅八成，因為味道同口感都非常相似。幸pancake屬於濕潤嘅pancake，蛋味濃郁，保留空氣感嘅同時都唔係識落一陣風個種。唯一美中不足嘅地方係pancake唔熱，只屬微溫。諗起喺日本分店食到熱騰騰個中感覺，難免會對本地分店扣一點分。但整體來講質素仍然相當理想，如果日後人潮減退嘅話，都可以考慮多啲嚟食，過吓口癮。

新開就特別多人排隊，我個fd在銅鑼灣放工，已經即刻去排，排到我黎到都繼續排，我諗都一共大概排左一個鐘🙈 你話值唔值得我又覺得還好，佢味道不差，但未至於要為左佢排咁耐。平時既我都會食甜，但這天忽然想試咸既pancake，都算有驚喜啊😃因爲佢有加麥落去，而我本身係幾鐘意麥味的。不過加左麥的會比無麥的發得無咁起，因為重左。但我頗喜歡這樣。今次叫左個煙三文魚牛油果咸pancake. 味道都不錯的，材料感覺都新鮮但蛋味不算好香。不過我諗大多數人都會比較喜歡甜🍭🍭，始終梳乎厘pancake 的空氣感重，輕飄飄的，食左就像一陣風🌬，同咸食食起上來感覺唔太似整體的一個食物，似每一樣items都係分開咁😮。總括來說佢都係好味既，但我短期內應該會去物色一下其他既pancake，我諗此刻我會想食蛋味重，鬆軟厚得來又不要太空氣的pancake 多點🙊

去到見到人龍，不過唔算太長，約大概一小時半個鐘就入到去。坐下來立刻叫了我最期待的原味配上蜂蜜牛油及焦糖醬原味配上蜂蜜牛油及焦糖質地很豐富，甜度適中，配上蜂蜜牛油及焦糖醬十分滿足而班戟即叫即整的需等侯二十至三十分鐘，,真的是新鮮製造。班戟使用日本小麥粉和雞蛋製成，然後高溫焗製，足足4cm厚的梳孚厘班戟，超級輕盈鬆軟，內裡感覺軟綿綿入囗即溶，蛋香味充足，超級之選。

今日難得同同事同時間收工，就決定去食個tea傾下計😊同事係吃貨黎，就揀左呢間幸福pancake，一開始見倒條龍已經驚左，但見一場黎到就等下啦，最後等左大概一個鐘。Pancake有分鹹同甜，每人至小叫一樣正價食物或飲品，我地就叫左兩個pancake。雜莓芝士慕絲pancake，一黎到已經聞倒好香！咬落好濕潤同好鬆軟，似梳乎厘既口感但又唔會太空氣，仲好重蛋味其實食多兩啖會有飽肚感，不過加上旁邊既雜莓醬酸酸甜甜就可以減淡膩口既感覺。芝士慕絲都好滑好濃芝士味仲有必叫既原味幸福pancake，除左配上蜂蜜，連舊cream都係蜜糖味！可惜個人黎講蜂蜜味過份濃，唔太岩口味總括黎講係好味，但等得太耐而且落單後都需要再等一段時間，我諗要等人潮過後先會再幫襯了

利園三期未開既時候，已經聽到要開幸福班戟。友人就附近，有2次我地食完晚飯後，都想食甜品，但2次去到門口，都見已經截左人龍。星期五晚，我地2個都早收工，係銅鑼灣食完晚飯，8點都未到，就突然想又再挑戰一下呢間幸福班戟。我地大約夜晚8點黎到，見到門口已經有大約1x-20人等緊。好開心，今次終於都可以試下呢間咁多人排隊既班戟店。由於班戟係即叫即整，所以入坐既人都唔會太快出黎。過左大約5-10分鐘之後，我地後面都越來越多人，大約8點10分左右，已經截左人龍。但截左人龍之後，黎既人其實有多無少，但佢地都失望而回，好似我頭2次黎咁。大約8點40分就入左去。班戟係即叫即整，落單之後都等咗大概15分鐘先有得食。食過希慎同希雲街同類型既班戟店。希雲街個間就抵食，希慎味道比較多選擇，但個人覺得呢間最好味。班戟好香蛋味，好滑好soft，入口即溶。簡簡單單配上蜜糖好夾，好好味。如果唔洗等我都會再想試多次。

這是感覺很不幸福的一次經歷。我和朋友星期六下午4時左右去到，排隊站了足足2小時有多，終於有位入座。但是很多食物已經售罄。我們點了幸福pancake 和熱咖啡一杯,再等多40分鐘。成個用餐過程要2小時以上。感覺真的很不幸福！！！好像飢民等救濟的情況。至於食物質素，是有保證的，不會難吃。價錢算合理可以接受。不收加一服務費。但是我重申，如果你想帶小朋友，女朋友，老人家來吃pancake的話請務必要三思！真係玩下手要等3個幾鐘先有得食。

襯住今日唔洗返工，去咗食間日日都好多人排隊嘅班戟 ， 點知 … 😥 去到都係好多人。個個都唔洗返工架咩? 平日都要排成45min 😓 真係好難想像weekend 要排幾耐。班戟口感唔錯，好有空氣感。奶茶班戟個樣好奇怪，好似加唔咖哩醬咁， 好唔吸引。不過食落都唔錯嘅，但係唔可以食得慢 😂 如果唔係會有啲濕，口感即刻變哂另外麥班戟配omelette都係有啲怪。咸班戟始終唔係咁夾，如果唔洗排隊，下次都係試返原味啦。不過要排隊嘅話，我諗我唔會再黎

Queued over 30mins, waited over 20mins after order...and it’s good! I can say it’s worth the wait!!!🤣🤣🤣 We ordered a savoury pancake meal, the one with thick cut bacon. We also order one from the sweet section, the one with milk tea homemade granola...I personally prefer the sweet one, as the pancake seems much nicer, although the milk tea sauce is a little too sweet for me. The savoury pancake is whole meal, something different and healthier I guess which also nice, but when there’s the origina

星期日八點幾經過銅鑼灣，記得呢度有間日本的過江龍幸福pancake新開，我呢個pancake痴梗係即刻去睇下。去到見到人龍，不過吾算太長，咁梗係堅持排隊。大概大半個鐘就入到去。好彩我地早排，因為大概八點三已截龍，想排都冇，雖然九點三先last order.入到去，被安排坐二人枱，成間装修跟日本大部分餐廳好相似，幾舒服。我們叫了幸福pancake 及 朱古力香蕉pancake,加一杯奶茶。已好快叫，因為都要等一段時間才出餐。幸福pancake ～～厚厚軟軟的pancake啊！每一口每一啖，好香好軟，好有蛋的質感，不似有啲得陣風咁，所以真比較飽肚。配上奶油，好香滑，也好濃郁。以$108三大件，絕對抵食。朱古力香蕉pancake ~~那三件pancake應該跟幸福是一様的，香軟有質感。今次配上忌廉，好似更滑溜，加上好新鲜的香蕉，再淋上濃郁朱古力，又係另一款超級好味的pancake.凍奶茶～～一般日式凍奶茶，好ok呀食完已不需要再食晚餐了，真係好飽，好幸福！

終於黎呢間幸福班戟朝聖！前排面書好多人推介，到11月尾終於有機會。原本諗住襯平日黎會唔駛排咁耐，但都要排45分鐘。入到去，店內環境都幾簡潔，望落舒服。睇到話要整20分鐘，我地就快快手叫左佢最出名既幸福班戟$108。我地又唔食得太滯，所以單叫一個班戟，每人叫一樣茶。跟餐既茶就＄28, 單叫就$48, 都幾貴。我係點左有機非洲甘露茶，話係無咖啡因，入面有南非茶、金盞花同洛神花。聞起黎好香果香味，但飲同聞都唔覺有金盞花同洛神花⋯⋯傾左陣計，主角終於到！外觀真係有種可愛感～好岩影相幸福班戟配蜂蜜牛油同焦糖漿，我個人唔太中意蜂蜜牛油，因為鹹鹹地唔太夾。我中意配焦糖漿多D，個焦糖漿係好香！班戟個口感，第一啖係有D surprise，好軟，  有種咬棉花糖既口感，當然再實在少少。都OK既，但我就唔覺得值得排咁耐隊同咁貴去食，我食唔太到幸福。                               

銅鑼灣新開的日本pancake 店大約排了40分鐘先入到去。我和友人分別點了原味（$108）和奶茶pancake.（$133）。原味pancake 一上桌已經香氣四溢😋。咬下去軟綿綿的，麵粉的香氣更強烈。配上maruka honey 淡淡的蜜糖香氣，絕配。奶茶pancake 也很好。奶茶的cream 甜中帶帶茶香和茶苦味，和pancake 出奇地夾。點上奶茶醬層次感更好。 📝比起flippers, 幸福pancake 口感上比較濃密，沒那麼空氣感。看個人口味選擇那一間吧。

因為上次去日本無食到幸福pancake，但香港又開左店，所以決定同朋友去食!!!😆阿魚10點就去到利園，上到去零幾分，但已經人山人海....大排長龍....😆然後第1 round既人已經入左去食緊!!!😆🔖🔖🔖重要提醒!!如果你係想做第 1 round 入去食野既人，就一定要早過10點去到餐廳!!!😆等左1個鐘，終於入到去食😆因為Pancake只可以叫一次，之後係唔可以加單，所以我地一次過叫左3個!😆📝🍽：原味🥞 ($108)熱朱古力🥞($118)奶茶🥞($113)😆d 🥞都等左大約20mins先到😆阿魚最愛就係原味🥞同奶茶🥞!!😆🐟💬：呢間係無FLIPPER'S咁空氣感，亦無Grams咁厚實，不過佢係有蛋味同淡淡既麵粉味。😆其實味道係一般，但加埋Cream食就不錯!!!😆原味🥞 ($108)：原味其實係蜂蜜味，佢有d蜂蜜醬比你落的😆熱朱古力🥞($118)：朱古力就係偏向黑朱古力!!!😆奶茶🥞($113)：奶茶個醬就真係最正!!朋友重話食到有伯爵茶既味!!!😆同埋佢係有用餐時間，餐廳職員大約在90分鐘之後都叫我地要離座😆飲品方面，要另外加錢。餐廳都有橙+檸檬水、清水比大家自助去斟黎飲！

今天本來約了朋友去行山，但天公不造美，我們唯有選擇plan B,來這裏朝聖！ 我們下午12時多到達，等了大約45分鐘，終於能入座！餐廳位置不算太多，但環境十分舒適及空曠店員提醒可以自由斟水，沒想到有橙片水！餐牌沒有太多選擇，但已經很足夠！而我當然選擇試他們的招牌！幸福班戟我們等了約10分鐘便上菜了！食物被端上時，蛋香味撲鼻，令人垂涎欲滴！切下去時十分鬆軟！口感更佳！是我喜歡的疏乎厘質感，有一點厚實有一點空氣感，吃下去有飽肚的感覺！而且配上蜂蜜牛油及焦糖醬，令口感更豐富，更有層次！雖然很飽，但也把它吃完！熱朱古力班戟配自家製穀麥上菜時已被熱朱古力醬嚇呆了！沒想到是這麼的多！這個朱古力醬是dark chocolate，味道剛好不會太甜，而且自家製穀麥口感特別，但個人比較喜歡原味， 因為蛋香味較濃！三文魚牛油果芝士慕絲班戟叫了兩個甜點當然點一個鹹點！這個班戟與剛才的不同，加入了全麥，十分喜歡他們的檸檬芝士慕絲，酸酸甜甜的配上煙三文魚及沙律，十分開胃！整體來說，餐廳的食物質素不錯，與日本的相似，希望下次會有一些期間限定產品試試

香港開左咁多間此類型的pancake...呢間係我暫時食過最最最好吃的！吃完真的很幸福噢～絕對好吃過尖沙咀好出名的那間是日點了四款...當中一款咸...三款甜！咸的是全麥班戟配以三文魚牛油果芝士慕絲全麥的班戟質感跟甜的很不同 質感粗糙一點 但味道很不錯噢👍🏻配上三文魚及牛油果芝士慕絲 全配👍🏻👍🏻👍🏻幸福班戟 即是原味配上蜂蜜牛油及焦糖醬甜的班戟不是食風一樣 質地很豐富 甜度適中 再配上蜂蜜牛油及醬就不會過甜👍🏻👍🏻👍🏻芝士慕絲雜莓醬班戟芝士慕絲好好味呀 跟咸點的一樣 但配上甜班戟同雜莓醬一起吃 出奇地有不同的味道 好出味 而雜莓醬酸酸甜甜 很醒神👍🏻👍🏻👍🏻整個不會很膩奶茶班戟配自家製穀麥我最期待的一項 上檯時很像咖哩呀😂不過唔知係太飽還是真的太膩...味道比我想像中沒太好吃...是配搭味道的問題...班戟就不影響到...食左好幾啖都想像唔到呢個係幼茶味！

今日試個 味道不錯 不過整體及不及日本 個別 款式較少 服務及氣氛也一般 員工士氣十分低落 裝修一般 解議可以用比較好的物料 飲料方面不多選擇 出餐時間較長 排隊也要40分鐘 希望可加快出餐時間