幸福班戟 (已結業)

終於黎呢間幸福班戟朝聖！前排面書好多人推介，到11月尾終於有機會。原本諗住襯平日黎會唔駛排咁耐，但都要排45分鐘。入到去，店內環境都幾簡潔，望落舒服。睇到話要整20分鐘，我地就快快手叫左佢最出名既幸福班戟$108。我地又唔食得太滯，所以單叫一個班戟，每人叫一樣茶。跟餐既茶就＄28, 單叫就$48, 都幾貴。我係點左有機非洲甘露茶，話係無咖啡因，入面有南非茶、金盞花同洛神花。聞起黎好香果香味，但飲同聞都唔覺有金盞花同洛神花⋯⋯傾左陣計，主角終於到！外觀真係有種可愛感～好岩影相幸福班戟配蜂蜜牛油同焦糖漿，我個人唔太中意蜂蜜牛油，因為鹹鹹地唔太夾。我中意配焦糖漿多D，個焦糖漿係好香！班戟個口感，第一啖係有D surprise，好軟，  有種咬棉花糖既口感，當然再實在少少。都OK既，但我就唔覺得值得排咁耐隊同咁貴去食，我食唔太到幸福。