幸福班戟 (已結業)

我是來找幸福的，今次終於到我同約了兩月多的朋友去銅鑼灣搵幸福，我們排隊排了1個小時多，究竟這1小時是否值得呢？我想講是可以接受的，回頭率也是可以的。不過在香港的pancakes 界裡算不錯，首先pancake 是富有空氣感，有彈性，有動L感。pancake 兩邊都煎得很均勻，時間掌握得很好，內裡亦有海綿蛋糕質感，很不錯啊～我們點了奶茶班戟配自家製殼麥，奶茶醬偏甜，蘋果肉桂殼麥很香口天然，我最愛這個鮮忌廉，超滑溜似雪糕，不太甜奶味香濃，非常滿足。座無虛席，看到廚房裡多麽熱鬧及繁忙，任何時段都人流不斷的幸福pancake又點少得鹹班戟呢~我們叫了全麥班戟配芝士蘑菇奄列，pancake 質感結實，很香的燕麥味，仲食到一粒一粒的麥芽，好有咬口。芝士蘑菇奄列，有蛋香芝士味濃，反正蘑菇味不太出，配上新鮮番茄汁都好fresh。至於配菜是沙律菜加洋蔥汁，菜新鮮汁很惹味，整體上是不錯的。反而飲品就比較一般，咖啡同菜也非常日式，咖啡及茶味也不濃，普通了一點，所以這18元加不加也沒大所謂。餐廳是先拎檯上的座檯號去櫃檯落單，先付款後上餐，食完就可直接離開，清水是自助形式，自斟自飲，自由度很大。

😆阿魚因為上次去日本無食到幸福pancake，但香港又開左店，所以決定同朋友去食!!!😆阿魚10點就去到利園，上到去零幾分，但已經人山人海....大排長龍....😆然後第1 round既人已經入左去食緊!!!😆🔖🔖🔖重要提醒!!如果你係想做第 1 round 入去食野既人，就一定要早過10點去到餐廳!!!🔖*現在可以上網訂位啦!!!但只可以星期一至五先可以訂....T^T😆等左1個鐘，終於入到去食 😆因為Pancake只可以叫一次，之後係唔可以加單，所以我地一次過叫左3個!😆📝🍽：原味🥞 ($108)熱朱古力🥞($118)奶茶🥞($133)😆d 🥞都等左大約20mins先到😆阿魚最愛就係原味🥞同奶茶🥞!!😆🐟💬：呢間係無FLIPPER'S咁空氣感，亦無Grams咁厚實，不過佢係有蛋味同淡淡既麵粉味。😆其實味道係一般，但加埋Cream食就不錯!!!😆原味🥞 ($108)：原味其實係蜂蜜味，佢有d蜂蜜醬比你落的😆 熱朱古力🥞($118)：朱古力就係偏向黑朱古力!!!😆 奶茶🥞($113)： 奶茶個醬就真係最正!!朋友重話食到有伯爵茶既味!!!😆同埋佢係有用餐時間，餐廳職員大約在90

當天在利園三期某間餐廳吃完飯但不算很飽就決定來挑戰這間人龍不斷的班戟店幸好當天是平日大概八點多 只需等二十分鐘左右就有座位了一坐下就被告知要一次過下單 不能加單我們兩個人就吃一個原味班㦸加一杯飲料等了二十分鐘 主角終於上場了三片厚實的班㦸配上糖漿 賣相挺不錯味道方面蛋味濃郁 裡面軟棉有空氣感 口感不過不失要作比較的話 我覺得銅鑼灣另外某間班㦸店更好吃更有口感而其他服務大多都是以自助為主 所以服務而言就無法評論如果需要排超過三十分鐘以上我絕對不會再訪

日本過江龍A happy pancake，登陸銅鑼灣利園都一段時間。喺日本已經係忠實粉絲嚟到香港當然一定要試，日式梳乎厘班戟數年前開始大行其道，接近每個到當地旅遊的人都會到不同名店朝聖。其中評價極高的「幸せのパンケーキ一」，號稱讓人吃完有滿滿幸福感，在日本各地也擁有極高人氣。今次班戟店同日本一樣都係即叫即整，所以每份製作大約都需要20分鐘時間，而且佢哋都係用天然嘅方法令到班戟更加香軟鬆化。 古典魅惑班戟($138)今次見到呢款限定版鬆軟班戟當然要試吓，原來佢係軟熟嘅班戟配上法式紅桑子醬汁，面頭就加上白巧克力慕斯醬，每一啖都有清爽的酸甜口感與略甜的白巧克力慕斯醬是絕配。芝士慕絲雜莓醬班戟($128)，原味班戟蛋味更濃郁，外層煙韌，內裡鬆軟。而這款芝士慕絲，與小倉牛油製法相似，把芝士製成慕絲，口感幼滑之餘，又不失香濃味道，配上酸酸甜甜的雜莓醬，清新味美。「幸せのパンケーキ一」卻令我驚喜非常，每一客班戟都新鮮製作，需時二十分鐘，非常鬆軟，入口軟綿，加上滿滿的蛋香，頓時成為我心目中的第一名。下次再試一下原味班戟，應該最樸素味美。

久聞其名，今早10:15光顧，這時不用排隊。是日藉員工招呼入座，但因1人，被安排到門口座下，是風囗。坐下便看到聲明要等最少20分鐘到40分鐘不等，最後等了40分鐘才有pancake 送上！要知道之前已是沒有多少人，怪不得長期要排隊。同時點的㗎啡要再問才送上。沒感到有什麼服務。老實説，味道、口感沒什特别，不値花時間等候。同上的cream (看相片以为是雪糕）又鞋又太甜。會否再有興趣光顧？真要考慮考慮。要吃pancake 真有很多其他選擇。

去到Lee Garden 3 已經心知不妙，多人到呢…好想放棄。但係始終敵唔過網上啲comment, 決定一試。點知一等，等咗45分鐘。其實佢都唔係好多選擇，又keep 住有人排隊，佢地係可以keep 住整，咁個turnover 咪多啲，啲人咪排少啲囉。大家開心 一場黎到，梗係要試哂鹹點同甜點啦～鹹班戟食咗全麥班㦸配芝士磨菇奄列。可能全麥太健康，一食落口，一啲幸福感都無。去咗邊? pancake 始終都係甜嘅，揀個鹹嘅配奄列真係唔係好夾甜班戟食咗奶茶班戟配自家製穀麥。講真，賣相唔係咁討好，以為佢落咗咖喱汁 😓食落口感唔錯，甜甜地，不過無咩特別，唔知點解要排45分鐘

聽朋友講開門前去等位，係最快捷嘅方法！未夠10點去排隊，都已經一條隊龍了！10點開門安排安排一下，望望下好驚呀！咁快坐滿嘅？感謝上天，竟然我同我honey係最後兩個，默默等待，我哋去首輪嘅最後兩個班戟，足足等了50分鐘哈哈！不過真係好好味，連少食甜嘅另一半都話好味。終於嚟咗朝聖，用料係靚嘅，淨係見佢用北海道 OMU cream 梗係好食啦！整得都好食，但一個人食晒成份甜嘅確係有啲膩，下次要試吓鹹味 pancake 先。自己出去斟嘅 fruit water 好 fresh 好好味，真係可以唔使叫嘢飲都得。開門係10:00，平日開門前到就唔使排，人多就要齊人先入得。温馨提示：唔好叫凍啡😒PS佢冇收+1 㗎，收銀處有個盒你可以俾小費的

由開幕至今都是大排長龍，有次晚上8時路過想試，但已截龍，真的太誇張！直至最近有朋友好神心晨早去排隊，我先至有機會一嚐「幸福的滋味」。我們點了原味和配三文魚的鹹味各一款，即叫即製的斑㦸要等候20分鐘，透過L形玻璃可一窺整個製作過程。但咖啡的等候時間也需要15分鐘或以上，而且質素極平庸，不如到樓下的STARBUCKS喝手工咖啡更好。斑㦸是那種鬆軟如梳乎厘的質感，入口即溶，似有還無的感覺，吃完仿如沒吃過，難道就是所謂的幸福感？（腦海即時汎起日本飲食節目中的囡囡以極浮誇表情大叫「幸せ」）至於鹹味之選，我們選了三文魚牛油果全麥斑㦸，粉漿中混入了麥粉，口感仍是如雲似霧，我忽然覺得口中的斑㦸像是一片浸了牛肉的全麥麵包，濕軟如綿但有帶點疙瘩，感覺很奇怪，有點毛管戙。總括而言，甜的比鹹的好。至於幸福的感覺，我認為是朋友給我的——晨早排隊等位，又搶着買單；至於口舌上的幸福，我完全感受得到。

今日係好朋友嘅生日，所以就揀咗嚟到銅鑼灣新開嘅幸福pancake食個幸福嘅下午茶喇！我哋大約三點半嚟到，已經見到有大概20-30人排緊隊，而且仲截左龍添！職員話要過多1段時間再返嚟先可以繼續排隊，因為商場唔可以比咁多地方客人去排隊！我哋都係喺側邊扶手電梯守候着，當佢一放返條龍嘅時候我哋就繼續排返隊喇！排咗大約1小時，終於我哋都有位入座喇！呢度係唔需要收+1服務費嘅，除咗有凍水熱水之外，仲有用生果浸成嘅水，都係可以自助隨便拎黎飲嘅！我哋兩個女仔分別叫咗兩款pancake，一個甜嘅，一個咸嘅！第一個係生果pancake，佢一上到嚟啲生果好似一座山咁呀，配上三塊厚身、軟熟嘅pancake，加埋佢個忌廉一齊食，除咗好食，我都諗唔到其他形容詞喇！第二個就係三文魚牛油果芝士慕絲pancake！同樣地都係有三塊pancake，但係好明顯望到呢三塊pancake同甜嘅pancake係唔同嘅，因為望落去係比較深色啲，食落去係比較實淨啲，原來佢係有麥嘅成份架！至於味道係非常豐富嘅，因為可以同時食到三文魚、牛油果，同埋pancake，再加啲芝士慕絲，口感係好有層次架！最後我哋仲加咗$28就可以加到一啲比較特

星期日男朋友暪住我偷偷地去排隊食日本人氣幸福Pancake! 身為打卡foodie又懶健康的我, 好期待食全麥Pancake 男朋友排了一個鐘多,點了一個人氣原味幸福pancake和一個全麥pancake 配芝士奄列&沙律人氣No.1 - 蛋味好重 好綿密的感覺 不是梳乎厘感覺 個人覺得不落糖漿比較好全麥Pancake味道好奇妙 不合自己口味奄列反而幾好 好滑 芝士味幾出沙律好dry 整體來說,我不會再排隊而且價錢太貴！試過一次就算

係日本次次都無機會試到，香港開左一輪避開人潮今日終於有機會食，利園3期很易搵而且環境唔錯，上兩層扶手梯就會見到人龍排隊。我今日1220分到達，有大概十幾人等緊，條隊分兩截仲要轉灣，心想應該要等1個鐘，就是預左等所以無所謂，幸好最後只係等左15分鐘就有位，可惜朋友未到(要人齊才可以入座)。所以有驚喜唔係等太耐。後來當我用餐期間大概1點左右係完全不用排隊直入。

某平日放了早上的假，9時半辦完事情，9:45 到，趕得及第一批入。遲十分鐘的便要在外繼續等了。本想試一鹹一甜，但店方在我們坐下時便告知是日沒有鹹的。好失望。所以唯有叫兩甜，鮮果和奶茶了。其實本來就不明白 what the hype is all about. 這種日式 pancake 雖然有蛋香，但吃下有漿住的感覺，又滯，我每次食一件都夠哂！不過老公在沖繩吃過後幸福pancake 後念念不忘，我便陪他來了。他説看到香港的員工pat個pancake都馬馬虎虎的，不像日本的細心認真，不知是否因而影響口感，而空氣感也不及日本的。當日在其中一塊pancake 食到一條幼頭髮，講俾侍應知，佢話做過全新一份。我們趕時間，問他可否只重做那一塊，他說不可以。我說真心趕，他便說下一份便做給我們，而他又真的很快給了我們。鮮果新鮮而奶茶味也不錯。枱與枱太近，我們坐在一個 party of 8 or 10旁，好嘈。我們只此一次便夠了。

今天晚上同朋友去左銅鑼灣Happy Pancake食梳乎厘班戟，排隊約40分鐘，等煮好要25分鐘。班戟蛋味濃，好鬆軟，內裹質地比Flippers的班戟實啲，Flippers的班戟內裹質地比較多空氣，各有各好。朱古力香蕉班戟，朱古力醬好好味，香蕉好白淨。芝士慕絲雜莓醬班戟，芝士味較淡，雜莓好味，忌廉唔錯，配搭得幾好，奶茶班戟配自家製榖麥，味道一般，但價錢最貴。咖啡拉花好靚，味道可接受，有機格雷伯爵茶，配甜品，好夾。

幸福pancake係從日本開來香港的pancake店 所以一定好多人排隊，今晚我地6:30黎到 等了半個鐘先可以入座。到晚上好多餐點都售罄了，本來想點奶茶口味的也賣完了。所以點了一個原味的幸福班戟和朱古力香蕉班戟。價錢方面，都係一百到百多元一份。而點餐就要自己拎個牌出去比錢，點完一次後就冇得再加單。兩款的班戟都是一樣的，只是一個多了朱古力醬和香蕉。味道來說我覺得不差，但沒有很驚喜的感覺。如果要排隊的話 就不會再吃了。

星期一中午12時半到，等左大半個鐘入得去其實比想像中等得短時間，因為睇翻其他食評好似仲要等耐D-一入到去個環境好舒服，坐位好闊落餐廳光猛得黎都好日式令我有一刻同自己講我係去左日本咁緊係要試試個原味幸福pancake!-原味幸福班戟舊cream比想像中甜好多好多班戟係我鐘意食既口感，鬆軟唔太乾身但配埋cream就會比佢既太甜而破壞左個pancake-但估唔到芝士慕絲雜莓醬班戟又幾好食！pancake同原味一樣但慕絲醬同pancake味道好夾！雜莓醬唔點好食d，因為會蓋過pancake淡淡既蛋香-相比我下，個人會prefer同樣在銅鑼灣F字頭既souffle pancake雖然兩者味道同價錢都差唔多，但因為等位時間短D