幸福班戟 (已結業)

滿心期待.等左20分鐘.叫左一個火腿pancake.一個朱古力pancake.火腿果個不知所謂.口感差.另一個就普普通通.賣相又一般.一定唔會再食.都唔明點解有人排隊.

上班期間突然想食幸福班戟，放工即去，去到排第二，好快有位，三個人叫咗三款梳乎厘班戟。第一個是原味幸福班戟108元，班戟好鬆軟，蛋味好濃，配上牛油和蜂蜜，好好味。第二個是熱朱古力班戟配自家製脆殼麥118元，溶化了的朱古力好好味，脆殼麥反而唔係好夾。第三個是最貴的季節限定款式，草莓配軟芝士班戟158元，軟芝士非常好味，草莓新鮮，值得推介。蜂蜜可以免費添加，有免費自助水吧：水果水、凍水和熱水。不用加一服務費。

黎之前好驚要排幾個鐘隊，點知平日放工黎排左幾個字就有位，好彩好彩。食完先知原來店員話可以上網訂位。幾鐘意餐廳d燈光幾光猛，影相好靚。餐牌寫住pancake即叫即整，要等20分鐘。用餐時間就90分鐘，都食得切既。兩個人叫左個原味同士多啤梨芝士味，個pancake食落去真係好鬆軟，好有蛋味，真係幾好味，不過d cream真係勁小，個原味得一小舊cream, 完全唔夠。有圖有真相。食pancake唔可以無cream 所以如果佢有多d cream會更加多，要就住就住食，無cream食pancake 好dry架嘛，所以呢樣真係令我有d失望。

聽講happy pancake成日都排長龍，於是今日碰碰運氣，係平日晚飯嘅時間七點鐘嚟到排隊。原來真係冇揀錯時間啊，只係有大概五個人係我前面。唔使等夠15分鐘已經能夠安排位置入內就坐。而且仲見到剩返好多吉位。同朋友點左一個朱古力味嘅pancake。哇，有好多朱古力醬啊，仲有用人手打嘅cream，上面仲鋪滿左啲果仁。pancake軟淋淋，震騰騰。不過絕對唔覺得係食咗一陣風咁樣，因為佢都幾厚身而且有質感。個人來講覺得點cream俾點朱古力醬更好味。因為朱古力味比較濃味，所以蓋過咗pancake本身嘅蛋香味。大少少甜味，好輕身，感覺一啲都唔肥。下次如果點原味可能味道更佳。pancake總共有三塊，兩個女仔一碟share就啱啱好啦。食完真係會有好幸福嘅感覺架， so happy。

第二次嚟呢間食梳乎厘PANCAKE雖然已經開咗都好耐， 但WEEKEND嘅日間時候仍然係要排一段隊試試夜晚6點幾嚟人龍少咗好多， 唔洗20分鐘就入到座咖啡係加＄18就有味道不過不失等咗10分鐘都無PANCAKE就上啦～原味超香蛋味食落軟棉棉但又唔會似食空氣咁朱古力味醬勁多加埋自家製穀麥， 多咗重口感， 好好食我唔覺得朱古力太甜喎， 不過超多就真嘅， 因為食到最後仲剩好多， 朱古力控應該會鍾意XD

以往去日本都會去食一次幸福pancake, 呢家隨時都有得食喇，正正正奶茶班戟配自家製穀麥 $133pancake 入口即溶，蛋味唔算好重，配上我至愛既手打奶油cream 勁好味。而奶茶醬的奶茶味就不太突出，與穀麥一齊食口感豐富，更有咬口。全麥班戟配芝士蘑菇奄列 $118未食過咸pancake，唔知係咩野味呢？ 賣相就一般，但估唔再十分有驚喜，充滿麥味既pancake, 都係入口即溶，唔駛配任何醬汁都好好味！配埋熱奄列食，大滿足！！價錢同日本差唔多，而且冇收加一，自己去counter 埋單，好有去左日本既感覺呀！！ 思鄉（日本）的我，間唔中都要食一次❤️

好彩有老公一早去排隊，如果等放工先去排都唔知幾點先有得食。我地叫左一咸一甜。幸福班戟配蜂蜜牛油，焦糖漿當然係好鬆軟啦，都有口感架，唔係完全食空氣咁，甜度剛好。全麥班戟配芝士蘑菇奄列個人就唔係好鍾意食咸的pancake，所以就唔係好岩我口味。不過老公話芝士蘑菇奄列還不錯。有自助水吧，可以自己斟水。室內環境闊落，舒服。地理位置係新開的利園三期，唔算話好遠，黎開銅鑼灣可以一試。

其實我好怕等位，見到要排隊既鋪大多數都唔食⋯但朋友堅持⋯好啦⋯咁食啦⋯11點開左無耐，朋友已經入座（坐出面）原來坐出面係乜都要自助（攪笑）11:30 已經開始多人⋯12:00已經坐滿⋯香港人發生左咩事？晏都未食黎食pancake 係咩玩法？？但連早餐都未食就黎食pancake ,諗起都有點瘋～但一黎到，E~~又真係幾好食喎！好鬆軟好夾，芝士個cream 又唔溜，口感又真係幾好！打卡影相一流～杯奶茶，又幾好飲！但兩條友，早餐都未食就黎食佢，叫一個share 就$176 落樓，好crazy !😆

星期六上午，竟然約咗朋友去幸福班戟食早餐！因為早上比較人少，所以一早11點鐘就去到！果然人唔太多，所以等左10分鐘就有位了。我哋一人點了一份。一份原味加雲呢拿雪糕，另一份熱朱古力果仁。以為真係要等20分鐘，其實10分鐘就到，可能因為人唔多。原味果一份配有蜜糖，如果唔加就可以完全食到原味啲蛋香味！個班戟又鬆又軟，加上雲呢拿雪糕，超正！另外嗰份熱朱古力班戟，個熱朱古力醬超好味，又唔甜，啲果仁焗得好脆，我超鍾意朱古力醬！

老實講，食完幸福pancake後，係唔太幸福，可以話係不幸福的幸福pancake。為咗朝聖，第一次去個陣，我同朋友係放工時間係銅鑼灣食完飯，約9點幾到利園三期。唔係食呢間真係無咩機會認識利園呢個地方。但個陣鋪頭已經唔再開放排隊，我地都理解嘅。到第二次，我地一放工，大約8點左右到場諗住排隊。已經見到前後分咗兩條人龍，明顯有管制人流。但當我地想排個陣發現無位排，已經截龍咁款。店員話之後仲有個時段會再開放比人排，叫人遲少少再去。結果我同朋友去食晚餐再返去，又重現第一次嘅情況，已經無得再排。放工去食真係難過登天。第三次我地揀咗星期六晏就去，大約2點到。都已經唔少人等緊，今次終於擠到入去排隊條龍。等咗近兩個鐘，4點幾先有得入座。幸福Pancake＄108班戟面層有層薄薄嘅糖霜，淋上焦糖漿，都幾香甜。班戟底層同面層焦脆感較重，而入面都營造到梳乎厘嘅口感，鬆軟且帶少許流質感。味道富蛋香，溫熱嫩滑。呢款可以食到最原始嘅班戟風味，簡單樸實。芝士慕絲雜莓醬班戟＄128雜莓醬酸甜可口，配上班戟，風味會變得有些少不同。對於兩個女仔而言，每人平均食3件班戟，都唔係一件易事。所幸呢間嘅班戟唔會太滯，食完唔會膩到想

由幸福班戟開幕至今，都因為太多人排隊而放棄去試。早前發現而家可以訂枱，不叫只可以book兩人枱，而且夜晚都係好快滿，所以都冇訂到。點知今晚誤打誤撞，發現早啲到就冇乜人！我地掉轉食左soufflé pancake先食飯嘅決定係完全正確架！睇黎大家都係習慣食完晚飯先黎食甜品🤭入到店舖已經有好大陣蛋香味，好香呀😍今次叫左一個原味同一個朱古力。賣相好靚嘅~ 原味班㦸上面嘅牛油好滑，不過個糖漿就太甜，朋友仲食到啲苦味😅 個班㦸本身都有質感，反而空氣感冇乜，比我想像中實。所以唔係個種食完好似冇食嘅感覺囉。朱古力呢個個cream打得好好，超級滑，不過稍甜，加埋朱古好漿就甜到死。我最鍾意係上面嘅nuts，又脆又好味😋食完幸福班㦸之後，有少少失落感。可能希望愈大失望愈大，我甚至掛住另一間食soufflé pancake嘅餐廳！睇黎好快我就會再食架喇❤️

平生最討厭的就是要等，就算是多出名的店，如果知道要等，大多數不會去吃了。但由於得罪了女皇的關係，所以幹了這個討厭的事情來。為的就是吃這個pancake，雖然本身也喜愛吃梳乎厘pancake。但足足等了兩個小時，好了，將近到我的時候係時候叫她來吧。坐下來就快快點餐，又等了差不多半個小時，期待已久的pancake才上枱。Pancake 本身果然鬆化，蛋香充沛，配上香甜的糖醬一起吃，終於可以忘掉苦等兩個小時的痛苦。另外一個熱朱古力pancake.想不到這個反而更有驚喜，朱古力汁是香濃帶黑朱古力味，不會過甜。配合自家製穀麥一齊吃簡直是美妙組合。若果不用兩個小時的等待，一定隨時回來再吃。

晚上十點左右來到，平日晚上又是下雨天，等候既人唔多，前面大概十個人。店內座位很多，當然是全滿呀！同日本一樣，可以從大大的玻璃窗睇到廚房製作梳乎尼班戟。餐廳是自助的，水，碟等等都是自助，埋單可直接到櫃面埋單。落單可以搵侍應的。我們吹水坐到差不多關門的時候。最受歡迎的班戟已經售罄了，就是朱古力香蕉班戟。看了餐牌，我們選了這個餐牌以外的期間限定😍芝士草莓🍓班戟。由於限定每人要點一份班戟或飲品。兩個人就點了一份班戟和一份茶。日本國產草莓配軟芝士班戟班戟日本士多啤梨好甜好香忌廉細滑的芝士有拉絲，但古怪的另有淡淡的檸檬香味，大概是檸檬🍋皮的作用。好清新！甜蜜香橙🍊茶味道好好聞茶☕️飲落普通的。

最近好想食下甜品見到好多人去食班㦸，搞到我都心癢癢想試下去到嘅時候已經好多人，排左大概一個鐘先入到班㦸有甜同鹹可以選擇為左食甜品先黎呢度嘅我當然只會㨂甜嘅班㦸我同朋友兩個人食 叫左一份熱朱古力班㦸同一份幸福班㦸(加雪糕)幸福班㦸好好味！尤其是配搭住雪糕一齊食，冰火交融，食到停唔到蛋香味好重，甜度剛剛好，又唔會太膩但唔知係已經食左半份幸福班㦸嘅緣故定係冇加雪糕嘅關係熱朱古力班㦸相對遜色朱古力味道蓋過左班㦸本身嘅香味食左一件已經覺得好膩我會推薦食幸福班㦸加雪糕！加雪糕！加雪糕！很重要要說三次

做完facial,一個人行過見不是好多人排隊咪去陳下熱鬧。即叫即做班戟，杯奶茶由熱轉涼都未有得食😂😂。班戟好彈，軟熟，不加糖獎也ok, 不失望，杯🌹奶茶好普通，沒有🌹香味，茶又淡。未必會再來，性價較低。