幸福班戟 (已結業)

唔係講笑，幸福係需要排隊的，而我就排咗45分鍾啦.......近年周街都係疏乎里pancake, 不來都唔想再食。咁......鬼叫依間出名咩，於是又排一次。我食過The One 的，希慎的，黑布街的，K11的。 主觀上，The One 的最差,黑布街的最親民,K11的不過不失，希慎的較好。而這個就介乎 K11的與希慎之間。45分鍾既等待，換來4-5分鍾既快感。幸福原來和疏乎里pancake 一樣，外表漲卜卜，甜密卻難飽滿。時令水果班戟 $138

Extremely happy after my visit here. There were six of us and we waited 30mins for our table. It was definitely worth the wait !!!We ordered the regular, tiramisu and the banana w chocolate sauce. All three versions were yummy. The pancakes were light and fluffy. The soufflé style pancake was not too sweet. The tiramisu version came with a coffee sauce that you can pour on top. The sauce was quite rich. We mostly ordered various coffee drinks. They were all good. Coffees were a bit on the weak s

都預咗晚飯時段會特別多人排隊，所以專登六點鐘就去咗排 ，但係都要等成個鐘先入座。未坐低店員就同我地講朱古力香蕉班戟已經sold out （當時只係7點...）。最後叫左芝士慕絲雜莓醬班戟（128HKD)同熱朱古力班戟配自家製穀麥(118HKD)。芝士慕絲雜莓醬班戟Pancake口感同鬆軟度ok(畢竟都係即叫即做，但係未到“wow”嘅程度）配雜莓醬，酸酸甜甜，加埋芝士夠曬邪惡。朱古力班戟配自家製穀麥穀麥增加左層次感，朱古力醬好濃味，但係個人覺得太heavy（本身都算鐘意食朱古力，但係食到一半覺得「嗯，食夠了」）

很好吃很好吃！排隊加用餐時間一個小時。上次朋友6:00來不用排隊，這次的等待時間還可以。第一次去所以點了經典的幸福班戟加甘露茶。班戟不可追加，所以下單時要想好要多少份班戟。到了利園3期，電話收訊不好。餐廳很貼心提供wifi，密碼簡單12345678，馬上可以使用。等了15分鐘，班戟做好了。比預算時間早了5分鐘。班戟陪蜂蜜牛油，糖漿，很好吃！班戟單吃不加牛油也可以吃到濃厚的雞蛋味。當然配合牛油更勝一籌。班戟軟硬適中，鬆軟有空氣感。入口輕軟超幸福：）注意：餐廳沒有最低消費。

日本🇯🇵班戟🥞另一品牌就食過幾次，呢間係原宿表參道人氣🔥一直都無機會試到，最近發現已經少咗人排隊，所以點都要試試比拼一下高低🤡.🥞奶茶班戟配自家制榖麥。同樣是厚厚的三件裝，感覺無對手咁鬆軟，是實在一點，奶茶味道不太濃，無搶去班戟嘅主角位置，再配上香滑嘅雲呢拿雪糕🍦，完美至極🤡.🥞幸福班戟。招牌班戟是首選，加上甜甜嘅麥盧蜂蜜和新鮮的發泡牛油，絕對是「幸福的感覺」🥰.只要是吃甜的已經足夠☺️

幸左試幸福pancake好耐喇，次次都因為條人龍而嚇怕左。weekend見有好多時間，身痕去左排😂其實都等左九個字咁滯，如果遲啲有得拎飛嗌號碼就好喇！我地嗌左個原味嘅幸福pancake同奶茶pancake share食。賣相唔花巧，好平實。一食落口果種即溶口感真係好食到難以形容，只可以話真係feel到幸福感！加上濃郁蛋味奶味，加少少糖漿簡簡單單已經令人食唔停口！我地一致覺得原味係好味啲，因為奶茶果款偏甜而且食唔出奶茶味，但就多左啲穀麥增加左口感！一人食一碟真係非常飽，完全可以當正餐食！幸福pancake暫時係我食過之中排第一一定會再黎食，想試晒唔同味呀！

放工後，有幾位放心將工作壓力儘訴的同事有多好呢！大家一番忙亂後，三個女子於一個不需要陪另一半的晚上，不開OT,早點去排隊試幸福pancake.3個人，可點3份不同的來share。 先來一份咸pancake, 個人認為pancake 應該是甜品，咸pancake感覺怪怪。我自己就不會再試。原味soufflé pancake 陪楓糖漿。幸福pancake口感比較實在，是有「真材實料」的感覺，不會讓你覺得在食「空氣包」。較黃的pancake蛋味亦比flipper’s 重。楓糖漿是另一加分位。 同事都大讚好食。不過呢，其實我較喜歡空氣感，軟軟動L的pancake。所以我始終比較喜歡flipper’s。算是個人口味不同。這款是同一款soufflé pancake只是換上朱古𤶸醬。此時此刻3人都已經吃飽，再加上朱古力醬的甜膩，食評不再客觀了。總括以言，喜歡厚實重蛋味就試幸福，若喜歡空氣感的就該去試Flipper’s。相信應各有捧場客。

❤️終於食到Happy Pancake 香港店啦！第一次食Happy Pancake 係係東京，食完返香港就知道佢就黎香港開分店，記得初初開張個陣大排長龍，令到我好卻步，雖然好中意食充滿空氣感嘅pancake ，但係要花上成個鐘去排隊就怕怕啦😖😖不過好在Happy Pancake 係可以online reservation 既！不過每個time-slot 得1個位，每次最多4個人襯住lunchtime 黎食，叫左一個咸 pancake 全麥pancake配三文魚牛油果🥑芝士慕絲一上枱個陣好香小麥味！pancake 鬆軟，三文魚有三大塊，好有魚味同唔會太咸，沙律菜同蕃紅好fresh 配上酸酸地嘅dressing 好好食呀！仲叫左2個甜嘅pancake share 分別係奶茶pancake 同tiramisu pancake ，甜嘅pancake 比起咸嘅pancake 更加fluffy 同有空氣感，所以更加大塊😂食到個肚勁飽順帶一提，呢到只可以order 一次pancake ，如果想食多過一款pancake 就要預先諗定同一次過order la☺️

幸福pancake👍🏼雖然有啲貴但兩個人吃足夠吃餐廳有最低消費要是只叫一份就必須加一份正價飲品我很幸運 等了5分鐘就有位置 地點：銅鑼灣利苑三期2樓舒芙蕾用鮮牛奶做吃下去很滑不會有奶粉味吃過有些平價的吃下去有濃濃的奶粉味真是一分錢一分貨

係東京試過呢一間班㦸，一路念念不忘，今日夜晚終於試到！排咗20分鐘就有得食啦～叫咗呢個奶茶班㦸配自家製穀物（$113)，真係好味到覺得自己好幸福😋😍奶茶醬好濃郁甘甜，係採用日本空運嘅雞蛋，souffle 蛋香味好重😋班㦸無其他班㦸店咁空氣感，比較挺身綿密👍🏻Topping 係佢哋自家製穀物，帶點蘋果肉桂味，好脆好match個soufflé~至於個cream都打得好幼滑，唔會過甜，一啖奶茶醬+班㦸+cream=perfect match👍🏻成碟一共有三件，同朋友share就最啱，自己一個一定食唔哂😂

📍A happy pancake@ $108-A happy pancake 都開左一排，都仲係咁多人排隊，要排一個鐘先有位，落完order再等20分鐘先有得食-上檯後有啲失望,因為望落冇左梳孚厘既空氣感。再講下味道啦，有奶味但唔夠濃，搽埋cream之後覺得個味分得好開，冇咩夾既感覺，同flippers 相比下係幾強差人意。如果要排一個鐘先食到，下次真係不了-呢個係香港店特有既奶茶班戟配自家製穀麥。個醬我仲以為係落錯左咖哩汁，一啲都唔似奶茶醬。賣相就真係一般般啦。佢唔會好甜，但食落真係唔似奶茶味。似係焙茶味多啲，奶茶特有既個隻先澀後甘甜既味道冇左，如果要排1小時先食到，我諗未必會翻兜了-地址：銅鑼灣利園三期三樓-推介指數👍🏻👍🏻👍🏻抵食指數👍🏻👍🏻👍🏻（5個👍🏻為滿分）

1. 要排隊一段時間2. pancakes 要煮20分鐘，滿座時要40分鐘。這個溫馨提示唔知點解係入座之後先見到，所以各位要預留足夠時間3. 每人都要有order (最底消費)4. pancake只可以order一次，之後唔可以加單5. 微信，支付寶係唔用得既食方面環境舒服，order左兩個甜pancakes, 一原味，一個朱古力味，幾好食。好似軟綿綿既面包入口，口感幾好，入口即溶，夠甜，個人鍾意原味多過朱古力味。下次可以試下平日黎食，可能唔駛排咁耐。

今日係星期五既下午時段去食！話說我2:50去到嘅時候見到淨係有一個人排隊，所以我就諗住去埋個廁所就出去排隊，誰不知...... 天阿😩我都係去咗個廁所10分鐘啫，條隊即刻長到喊。點解大家都咁得閒呢個時間黎食pancake😂最後好似大概等左半個鐘左右，就有得入去坐低啦。由於上個禮拜我先食咗一次pancake，而上次我係食Tiramisu 味嘅，所以今次就試吓佢嘅鹹pancake。鹹pancake佢有幾款，我今次就揀咗配煙三文魚、牛油果同埋芝士。佢呢款pancake比較特別，你可以見到pancake嘅外表感覺比較粗糙，因為佢用咗全麥嘅材料去做呢個pancake，所以食落嘅時候口感都有豐富嘅層次，食到有粒粒嘅感覺。而煙三文魚配埋牛油果呢個配搭冇得輸，好清新。佢仲有一大堆沙律菜伴碟，唔會怕食到好膩。平時成日都係食甜pancake，我覺得鹹pancake其實都幾好食🤪

最近很多地方都食到梳乎厘班戟，不過講到元祖，幸福班戟應該算是數一數二的代表。其他幾家牌子如Gram, Flippers也光顧過，覺得還是幸福班戟最抵食！唯一缺點就是班戟不是疊在一起，沒法給拍震動今次除左點了招牌的幸福班戟外，也試了果班戟。水果多汁新鮮，種類豪不吝嗇，有草莓、香蕉、蘋果、西柚等等，適合炎炎夏日解暑，同時中和班戟的甜味。

Sat late afternoon, my friend arrived around 5:30pm and waited for nearly 1 hour to get the table. My friend wanted the strawberry pancake but it was not on the menu, guess this was seasonal. We finally made our choices, ordered the tiramisu pancake which was seasonal item and milk tea pancake that we saw many people recommended this. For the milk tea pancake, we can taste the original pancake and it smell so good of the egg and the texture was perfect. The milk tea sauce was not what I expected