幸屋

營業中

休息中

第二次遠到來灣仔光顧。這次下午茶時段來，人客不多，感覺休閑多了。店子小，食物選擇不算多，但我反而喜歡它的專注，追求質量比數量重要。男友喜歡它的豚角煮，超大舊的。我喜歡它的環境及日式佈置。這個時段來談談天挺好的。晚間比較熱鬧，有時顧客談得興起，的確有點吵。

幸屋 - 親民拉麵小屋今日介紹一間位於灣仔的日本餐廳，雖然位置不起眼，但內裏的裝潢有一種溫馨暖意的感覺，柔和的燈光加上木桌椅，很地道的一間拉麵小屋。蟹柳蟹籽沙律爽口的青瓜絲加上蟹柳絲和蟹籽，和滿滿的日式沙律醬。芝麻雞翼炸得香脆有底味的芝麻雞翼。金武士豚骨拉麵、黑蒜濃厚山藥豚骨拉麵拉麵的款式眾多，而且可以按自己的喜好選擇拉麵的粗幼度、湯底的濃度等等。點了金武士和黑武士，金武士有濃郁的豚骨湯味，黑武士則有濃厚的山藥味，但完全吃不出藥材味，兩者也配有溏心蛋，叉燒選了御屋，包括有日式叉燒片和豚角煮。

今日同friend經過灣仔幸屋，諗住好久冇食拉麵，就決定在呢間吃。店裡有座位也有卡座，生意好好，睇嚟我哋選擇應該唔會錯。服務員態度好好，我哋一落座即刻送上一杯熱水和煎茶茶包。friend鐘意食辣，嗌左赤武士辛味拉麵，3等辣。麵好彈牙，湯底夠辣夠勁。成粒日本流心蛋，加埋辣味，friend話好好食。豚角煮好大舊，肥瘦相間好嫩唔會油膩。我嗌左醬燒牛肉丼，牛肉好多塊，又大，鋪滿整碗飯上，而且醬燒味好正，牛肉又煙韌，有嚼勁。日本溏心蛋，蛋黃好金黃。日本米又香甜。好抵食。小食有芝麻手羽，皮脆肉嫩，表面散滿芝麻，香味十足。吉列廣島蠔，外脆內暖，蠔子肥美。好正。

今日搵到呢間好多正評嘅拉麵店餐廳唔算大 但樓底好高 裝修仲好日式入到去有少少去咗日本嘅錯覺黑松露元貝赤雞胸湯拉 ($118)呢款主餐牌冇 我估應該係期間限定慢煮赤雞胸肉比較瘦 但亦唔會柴配料幾豐富 除咗主角大大粒元貝之外仲有成隻糖心蛋 梛菜 黑木耳絲 洋蔥條特濃味噌廣島蠔沾麵 ($108)沾麵汁有驚喜 加入咗蠔味唔會過鹹主角三隻廣島蠔 鮮味又飽滿沾麵好掛湯 每啖都充滿廣島蠔味不過我地坐風口位  過一陣個沾汁已經凍哂芝麻手羽 ($36)雞翼新鮮炸起 皮脆肉嫩面頭有白芝麻粒零舍香口

今日係同朋友黎到港島搵下有冇d隱世小店，估唔到真係比我地搵到呢間咁好味既日式拉麵店。我自己最先要讚係佢個 和風餃子 6隻 38蚊佢煎完大大片咁上，外觀已經贏哂，同埋佢既內在亦都唔差，配料好足大大隻。我自己叫左個黑松露元貝赤雞胸湯拉麵 都係118蚊佢既湯底好濃，我到而家仲好回味佢既大大隻元貝，真係唔係講笑，鮮到不得了。不過可能因為湯底本身太鮮太濃，黑松露都有少少食唔出。特濃味噌廣島蠔沾麵 108蚊大大粒蠔好足料好新鮮，特濃既湯底更加要讚啦。

收工跟同事在附近吃晚餐，見到這間拉面店位置雖然不太好，但都客似雲來要排隊等候，於是就決定嘗試一下。我們點了：鰻魚丼、魚介醬油沾面、炸雞和燒多春魚。鰻魚丼：味道介乎在中等和中下水平之間，味道正常，沒有什麼特別之處，份量倒是挺大的，飽腹還好，屬於不過不失的水准；魚介醬油沾面：雖然選了幼面，但面條都幾粗，不過軟硬度ＯＫ，叉燒等配料味道唔錯，可能我個人口味問題，湯汁的味道感覺挺濃厚，所以最後是飲不下那碗濃湯的，同樣份量都是大大份的，總體而言算唔錯！炸雞：與我相像中的“炸”雞有很大出入，一咬之下完全唔鬆脆香口，反而有點軟冧冧的，肉質口感都是一般，令人失望！燒多春魚：這個反而讓我感覺有點驚喜，外面的魚身酥脆，里面的魚肉清甜鮮美，咬下去的時候可以清楚感受得到魚肚子里那一包魚籽一粒粒的咬口。雖然外表有點嚇人（條魚一臉死不瞑目的樣子），但味道真心不錯，值得推介！總括而言，這是一間不過不失，正常水准的拉面店！

今日，我哋經過一條小行仔，見到間日本野，門面似居酒屋，而鋪頭入面坐滿曬食客，好Full。我哋都唔想再行，就決定食呢間。😝我哋係門口等一陣，都唔係等咗好耐，店員好有禮貌咁安排到我哋入座高枱，同時奉上一杯水及煎茶茶包。店員服務及態度超Nice，讚👍蒲燒鰻魚丼🍚：鰻魚食落好肥美好Juicy。最最最重要係大部份嘅骨已經處理好，食落口係無嘜骨。😻再加上溫泉蛋及甜甜地嘅蒲燒鰻魚汁，撈飯一流，好滿足。🥰特濃魚介醬油沾麵🍜: 揀咗熱沾麵，個人認為要熱辣辣咁食先之好味。😙 店員話叉燒瘦啲，而豚角煮就肥啲，最後揀咗叉燒。我揀咗幼麵，食落麵條軟硬適中及非常掛湯，食到濃濃嘅魚介味。😋 最後當然要叫店員加熱湯，飲埋嗰熱湯。🤩炸雞🐓：外層香脆，雞肉滑嫩，一啲都唔油膩，食到停唔到口。🤤燒多春魚🐟：燒到好香脆，連骨都脆卜卜，好好味😍

好耐冇食拉麵，今日放工同同事去咗公司附近喺灣仔嘅一間拉麵舖食沾麵～餐廳嘅裝修都幾靚， 典型日式風格， 樓底都好高我哋嗌咗兩款沾麵，兩份小食魚介豚骨沾麵：面底有凍同熱選擇，配菜有溫泉蛋， 荀，洋蔥，蔥花，紫菜同叉燒， 魚介味道濃郁， 面質都好彈牙，好好味鹿兒島赤雞沾麵：呢款沾麵用慢煮雞胸肉代替一般嘅叉燒，係坊間少食到嘅配菜， 食落嫩滑，有雞肉嘅鮮甜， 沾麵湯底係好濃嘅雞湯， 比魚介清淡一些， 啱曬冇咁重口味嘅朋友和風餃子：典型嘅日式煎餃子底部有好香脆嘅面皮底， 食落除咗香口之外餃子入面都有肉汁， 又驚喜蟹子沙律：味道冇乜特別，但食得出店家用嘅青瓜絲好新鮮

呢日happy friday，放工之後就同朋友去左灣仔呢間拉麵店食dinner，呢間餐廳既感覺好和風，好似去左日本咁。打開餐牌，見到入面有好多選擇，拉麵、沾麵同丼飯都有。我地點左個特濃味噌廣島蠔沾麵，麵上面有幾隻大大隻而又新鮮既廣島蠔，沾麵既口感彈牙，將佢浸入濃郁既湯汁入面再食，超好味。另外，我地亦都點左個燒鳥丼，啲雞肉燒到好香，而且都幾嫩滑，其他配菜都幾多。小食點左和風餃子，$38蚊有好多件，抵食。仲有惹味既燒雞皮。

ℍ𝕒𝕡𝕡𝕪 𝔽𝕣𝕚𝕕𝕒𝕪 去到灣仔利東街附近的日式居酒屋🏮當然要食碗拉麵啦🍜睇睇餐牌, 選擇都幾多, 除咗拉麵, 仲有沾麵, 定食, 丼, 仲有好多小食。我哋order咗2款唔同嘅麵, 仲加2個小食。🍜黑松露元貝赤雞胸湯拉麵- 第一次食拉麵配雞胸, 估唔到咁好食, 雞胸好滑, 湯底濃而不鹹, 黑松露味就淡咗啲, 呢款拉麵唔係主餐牌, 要試就要快。🍜特濃味噌廣島蠔沾麵- 本人係鍾情沾麵, 但通常都係好鹹, 預咗要加湯嘅心態去試就冇輸, 但嚟碗麵, 味道啱啱好, 湯底有層次感, 廣島蠔鮮味夠, 好滿足。芝麻手羽- 即叫即整, 脆口。汁煮牛舌- 蘿蔔甜味重, 牛舌入味, 甜甜的。整體都唔錯, 雖然係小店, 但空間感足夠, 坐得舒服, 店員友善, 服務好, 價錢實惠, 會再去。

看完OpenRice 試吓入來環境不錯 座位間距夠 溫度適中叫了 1.特濃味噌廣島蠔沾麵（冷底）$108麵質煙靭、材料豐富、湯底Good 及 夠濃廣島蠔則一般2.鰻魚飯（附溫泉蛋）$93送來時連碗同材料好熱（印象分高啲）鰻魚份量夠葱夠多、香，與鰻魚及溫泉蛋混在一起好味道以上皆有+$20 有小食及飲品小食要多春魚 新鮮炸起 夠香脆比起一般店舖嘅做得更好 份量及味道👍店員雖有鄉音 但有禮貌及服務態度👍這才是最重要整體而言 係值得一試

今天下班後相約朋友在公司附近吃晚飯，來到這間在後街的日式居酒屋小店，所以便試一試餐廳有極高樓底，空間感十足餐廳的拉麵和丼飯都可以根據自己的喜好來點，十分貼心鰻魚丼 - 鰻魚有兩大塊，溏心蛋也有一隻，十分足料鰻魚沒有碎骨，十分入味！配了鰻魚汁來混飯吃，令人吃不停口黑武士 - 即是黑蒜湯底拉麵，選了豚角煮和叉燒，可以滿足我吃晒兩款的願望豚角煮肥瘦均勻，肉質鮮嫩叉燒有入口即溶的感覺，配著拉麵吃是絕配汁煮牛舌 - 牛舌爽口彈牙，也十分入味和風餃子 - 這個餃子十分有驚喜！外皮煎風十分香脆，餡料滿滿的這間居酒屋的食物質素很有驚喜，環境舒適，值得再來

好耐冇食日本野啦，今日行完街就去到灣仔人氣拉麵店—幸屋💪🏻.原來出左幾款新拉麵，我地就叫左嚟試下啦！首先係赤雞沾麵❤️沾麵湯十分濃郁！加上極掛湯嘅又好有咬口的拉麵一齊食剛剛好🥰 配料都好豐富，有好腍又健康嘅赤雞👅👅仲有流心蛋添😎.另一碗就嗌左黑松露元貝赤雞拉麵🍜 撈好後湯底好重黑松露味，同時亦好鮮味！麵底係幼款，同樣咁煙韌👍🏻👍🏻 .小食嗌左汁煮牛舌👅 味道好日式，牛舌亦好彈牙😇.另一款叫左炸雞🍗正常發揮又唔太油嘅😌#hk #hkfoods #hkfoodie #hkfooddiary#hkfoodblogger#hkdessert#coffee#hkig#goodwest#hkfoodies#hkfoodporn#foodies#hkigers#hkfoodblogshare#好味道#好西#香港好西#香港美食

拉麵就經常食😛 但係其實我好少食沾麵🤭 因為我好怕太濃郁嘅湯會食到好滯🥲 但係男朋友想食沾麵就黎左呢一間位於灣仔嘅幸屋😍我哋5:30左右嚟到，餐廳啱啱落完場🤓 所以唔使等位就可以入座特濃味增廣島蠔沾麵$108呢一款沾麵，可以選擇凍或者熱既麵底🔥❄️今日我哋就試吓凍嘅面底❄️😍 沾麵湯非常濃郁而且熱辣辣，上枱嘅時候仲繼續滾緊😳😳 配菜亦都非常之多🤓由於湯底係非常🔥 所以同凍麵非常之配合 將沾麵放入湯，食嘅時候溫度啱啱好 而且因為廣島蠔既味道令整個麵鮮味十足黑松露元貝赤雞胸湯拉麵$118我自己就叫咗呢一款赤雞胸湯拉麵，最值得一讚就係個雞胸，肉質富有彈性，脂肪比例少但係出奇啲雞味非常之重😍❤️ 湯底相對就冇沾麵咁濃 但係我就非常之喜歡😘另外再叫咗兩份小食蒜香雞軟骨$38炸得非常之香脆 一口一粒 十分香口和風餃子$38呈圓形嘅和風餃子🥟上面鋪上咗木魚沙律醬 味道豐富非常滿足

一早bookmark咗想試呢間拉麵，今日行開港島區終於可以一試！ 六點鐘去到得一枱，叫左兩碗拉麵， 等咗35分鐘先有。期間聽到廚房好多類似譚仔阿姐喺度大大聲傾計…… 旁邊有樽辛辣大豆芽配菜。。。只有酸味 叫左碗金武士（ 普通豬骨湯拉麵），但比錯碗黑武士（ 黑蒜油豬骨湯拉麵）。算啦照食，唔想再等多半個鐘換過碗！ 叉燒： 鞋拾拾又硬， 肉味，無！調味，無！ 一啲都唔香！麵條：叫粗麵， 但嚟到嘅係喺超級市場買一包包味x拉麵嘅麵餅！豬骨湯底： 豬骨味，無！ 直程係港式雞粉味精開嘅湯底！ 黑蒜油味，無！成碗嘢等得粒溏心蛋係正常，根本唔可以叫做 日本拉麵！ 又一次信錯openrice嘅好評差唔多＄80一碗，都唔想浪費，但真係食咗一啖已經食唔落去 …埋單時譚仔阿姐問我係咪唔好食…… 我只好搖搖頭，畀完錢就走……好耐冇中伏啦!