平民扒房@友蠔食 (已搬遷) 新店位置

同先生去家樂坊等行街拍下拖，行到攰就去通菜街睇下有咩食，見門口易拉架餐牌幾多野食又想食扒就入去試下。我地對熱石板牛扒有點興趣就點左熱石板牛柳同友蠔食DIY生蠔套餐已包是日前菜，湯同飯都係任添任食前菜係椰菜沙律加左d千島醬? 椰菜絲爽脆帶甜幾好味。蘑菇湯有蘑菇蓉味道都唔錯，係稀左點。熱石板牛扒份量都算足，肉質好軟嫩又多汁好味，但一定一定要煎到岩自己鍾意既熟度就起左落碟先，如果唔係會變得太熟。伴碟既菜都係煎2煎要起，如果唔係會燶。lee度熱石板牛柳洋蔥汁香香甜甜幾好味。友蠔食DIY生蠔幾有創意，2隻新鮮可生食生蠔自己燒到自己鍾意既熟度幾鮮甜，1隻較肥美，另一隻就瘦少少。都唔錯但份量就比較少。有位男侍應都幾nice我見有個$198有12隻生蠔拼盤好吸引，下次要約埋鍾意食蠔既大細佬黎食。

行街行到攰，見到呢間野裝修唔錯，於是就入去醫醫肚。前菜揀左個沙律同海膽烏冬，個沙律賣相麻麻而且個樣有d hea，海膽烏冬就唔錯，烏冬夠凍同好彈牙，加埋海膽同青瓜絲一齊食幾好味。野飲就分別叫左雜莓特飲同雜梅乳酸特飲，不過兩杯飲落其實差唔多。個餐湯就麻麻，味都算夠，不過好流質唔似平時飲開嘅西湯咁傑。我地叫左一個美國牛板腱同埋一個自家秘制紐西蘭，當我地問店員有冇得揀幾成熟果時，店員答因為係鐵板上，所以可以自己燒到幾多成。當d扒上嘅時候真係連埋塊鐵板成板上，而且塊板嘅溫度都好高下，但塊扒表面係熟嘅，未去到blue rare咁上。重點尼喇，我地好蠢地冇問到店員攞到碟仔，塊扒長時間放左係個鐵板上面好易燒到過熟，當然，如果食開全熟嘅梗係冇問題。到最尾，因為我果塊扒比較薄身，食到一半已經變左全熟。男友果塊扒就厚身d，所以食到一半果時目測有4至5成熟左右。其實對於唔識煮野同埋冇煎扒經驗嘅人尼講，要自己燒到想要嘅熟度係有d困難，同埋如果真係點呢個餐，一定要問店員攞碟仔！一定要問店員攞碟仔！一定要問店員攞碟仔！重要的事情要講三次！

女人街啲餐廳成日都轉，冇黎一排已經唔同咗好多，竟然搵到間高質廉價扒房👍🏻🥇食物絕對不平民☺ 餐廳入面裝修簡單，但係別具風格。 牆上掛有網嘅裝飾，再夾上不同食物嘅圖片，另外仲掛咗懷舊鐘 餐廳唔算好大，但係都有空間感。餐牌有推介嘅熱石燒套餐，牛係主角 有紐西蘭牛、美國牛板腱、巴西牛柳、澳洲和牛分別有200 gram及400 gram選擇，亦有燒蠔、豬扒、雞扒、羊扒等等，除咗熱石燒仲有意粉類、小食類、 忌廉炒蛋配多士等等店員熱推石燒蠔及蠔， 套餐包前菜、湯及白飯任添任食 。 前菜係沙律，分量唔算好多，但係可以添食。是日餐湯係蕃茄薯仔湯，餐廳黎講非常足料，好多薯仔同蕃茄，而且湯比較「杰」身，幾好飲:我哋就嗌咗美國牛板腱200g（$98）牛肉厚身，肉質夠林，充滿牛味:切出嚟有少少血水，然後可以按自己喜好煎到自己滿意為: 份量足夠一個人食，真係抵食! 另外叫左DIY生蠔2隻（$128）。可以自己將生蠔放在鐵板上，燒至自己心水嘅熟度😋 生蠔大大隻， 新鮮又creamy☺不過我個人覺得燒蠔配白飯好奇怪，所以我哋都冇要白飯飲品加左乳酸石榴特飲🍍菠蘿果汁特飲，酸酸地幾開胃。呢個價錢有咁嘅質素我覺得真係幾抵

【$78就食到肉眼⁉️】#自家秘制紐西蘭肉眼200g $78套餐已包前菜 湯同埋白飯今次嘅餐湯係香濃蕃茄湯 入面有薯仔粒同埋洋蔥 再加上酸酸地 好開胃🥳肉眼上枱時係1成熟 可以用熱石板控制想要嘅生熟度扒上面有蒜泥 好香🥰而且仲好厚肉 幾重牛味 再配上小編揀嘅蔥油真係好正🤤醬汁分別有蔥油 蒜蓉同埋洋蔥可以揀大食少少嘅朋友可以揀400g 再加上白飯就夠曬👍🏻-#芝麻雞半隻@照燒汁 $128都係包咗前菜 湯同埋白飯表面搽上照燒汁 燒得好香🤩切開就見到有啲肉汁漏出嚟肉都好嫩滑好入味😍鍾意蠔嘅朋友可以+$28加焗生蠔一隻焗生蠔可以揀白汁芝士蘑菇或者辣肉醬小編就揀咗白汁芝士蘑菇 芝士再加上蠔嘅鮮味 真係想食多幾舊🤣唔想食蠔嘅朋友 仲可以加錢叫其他例如有火焰意式凍蕃茄配香草胡麻醬 海膽撈冷烏冬同埋任食薯條汽水依個價錢有依個質素真係一流🥰

今日本來是放假，但因為公司太多工作，所以要OT。老公見我辛苦，所以就說不如出街吃晚餐。老公逛街看到這間餐廳，覺得餐牌也不錯，於是就叫我過去。餐廳裝修簡約，走現代化復古路線，牆上掛著掛畫，而每枱都有一個掛籃掛在牆上，放著餐牌，好讓客人多一點空間放食物。另外桌下面亦有一個籃，讓客人放自己的東西，是貼心表現。餐牌很美，相片很吸引。我們是很懶的，所以就點了兩個套餐，每款都有餐湯，前菜及白飯任添，另外我們加了一款美食及兩杯特飲。是日套湯是忌廉磨菇湯，湯裡有很多磨菇，不是黏黏的，亦不是太鹹，我跟老公都很喜歡這個口感，好味，老公還添多一碗。前菜是沙律菜，有生菜青瓜絲椰菜及小蕃茄，蔬菜新鮮，醬汁是千島醬汁，甜甜的，整體可以。我們加了一個火熖意式冷蕃茄配香草胡麻醬，上菜時職員為它淋上酒，然後就著火。視覺很好，在其他餐廳未見過，非常特別。雖然上面是火，但蕃茄還是凍的。蕃茄應該是酸酸的，但出奇地很甜，真的有點意外。底部還有一點點沙律菜，配上香草胡麻醬，覺得很香，好好味。美國牛板腱賣相很吸引，在餐牌介紹上碟的時候只有一成熟，客人可按喜好將扒煎到自己的程度，然後再配上自己喜歡的醬汁。這塊石板是非常熱，要很小心。

經過門口見啲扒價錢唔太貴，諗住行入去試下，當時店員有介紹扒餐有任食白飯，前菜同湯，而且更可以+$38任食薯條汽水，更有幾款野食都可以加錢食野食未到聽到隔離枱話意粉好揸流攤，諗住話咁平質地正常都好一般我叫肉眼，朋友叫左牛柳，肉眼黎到聞落好香，但食落真係好一般，咬唔開直接吞，加上店員對食品既認識不足，叫左一份薯條一碟飯兩杯汽水，朋友想再加汽水，諗住叫店員加，一位店員只在收銀附近，叫左3，4次先理諗住再加薯條時候，店員同樣都只在收銀附近，不太理會出面客人既需要，到店員出黎，只係叫客人比錢所有野食都好一般，湯好酸，薯條全部都係有一陣油係面，服務態度冷淡

呢一段時間都好流行 平價，又平民既牛排 🥩 ， 見甘多人去食我同一班朋友，點可以執輸緊系去食下啦！！ 呢間主要以套餐計算 ， 揀完主菜之後 前菜(沙津) ，湯 🥣 ， 白飯 無限任添架 大胃王快過黎 🤣 ！！ 前菜 (沙律🥗) 沙律作為飯前開胃菜冇得輸 酸酸甜甜 ，湯🥣 餐單上冇列明咩湯 可能日日五同 飲得岀今次係蘑菇湯 啖啖蘑菇味 美國牛板腱 200g ，五算太大件 不過夠厚身 放系熱石上紅卜卜既肉 可以燒到想要嘅熟度，好有牛味 又五柴 。 DIY生蠔 ，兩隻大大隻又肥美既生蠔呀 放系熱石度 熱一熱 加少少蒜蓉醬 有BBQ嘅味道 ，生蠔肥美燒完好多汁 ，系份量有小小......🙈 菠蘿特飲 - 雜莓乳酸特飲 ， 酸酸甜甜 一邊吹水一邊飲 。

| 真。平民扒房 | .是日晚餐精選 餐湯（蘑菇湯） 沙律🥗 同白飯無限refill 一定會飽啊🔹# 香草羊架$238配秘製咖喱忌廉汁 食落以爲沙爹醬汁有四支羊架肉質剛剛好軟嫩  陣陣羊的香味🔹#生蠔 $146味道鮮甜 淡淡的海水味但pacific個款有腥味 唔新鮮🔹#鐵板牛板$198牛肉輕輕煎香表面 一成熟上鐵板自己根據喜好再煎  有d似吉列牛玩法有筋位我鍾意medium rare🤓🔹#乳酸soda果汁加益力多味 好普通———————————————— .  🌟平民扒房@友蠔食 旺角通菜街1A-1L號威達商業大廈地下D號舖————————————————

地點係旺角，約朋友一齊食飯好方便！佢個地點都容易搵，因為嗰度全條街都係餐廳嚟㗎！係小店黎既，一去到，就有人安排坐位，果到台唔多，大約7-8張啦！之後職員拎餐牌比我地，好詳細咁講解有咩食可點叫，好細心唷！佢配有湯同沙律，個湯唔錯唔會好濃味！沙律份量都唔細！但係佢呢度好好，餐湯同埋沙律都係任添架！如果鍾意食嘅人就可以食多啲！非常好！———200g牛柳我地叫左個200g牛柳，好林，加埋佢個醬係唔錯！有牛既肉味！———骷骼骨（豬肋骨4支骨@魔鬼辣醬）呢個好好食！佢嗰醬好特別！佢係辣醬但係又唔係好難，但又有辣味真係唔錯！加上佢嘅豬肋骨煮得好熟，同埋唔係好痴骨，好容易食！仲要啖啖肉！食肉獸啱晒！———炸薯條新鮮炸起嘅薯條好好食！佢係用粗既薯條！加咗少少幼鹽同埋好少嘅黑椒！令到個薯條味更加出！正！

今日中午約了朋友在旺角食飯，見平民扒房的環境舒適，很適合坐低傾下計，於是入去找個座位。由於餐廳主打牛扒和蠔，當然要試一試，分別點了澳洲和牛(200g)、芝士焗蠔，另外又點了蘑菇湯和蒜蓉白汁蜆意粉。澳洲和牛的扒質質素高，medium 的生熟程度恰到好處，牛味濃郁，口感豐富，性價比高，而芝士焗蠔都不負眾望，半溶的芝士鋪滿蠔面，蠔肉不會過熟，裡面仍然保持嫩滑。signature 以外，蘑菇湯和蒜蓉白汁蜆意粉都做得十分出色，蘑菇打到完全碎裂，每口湯都能吃到蘑菇碎粒，至於蒜蓉白汁蜆意粉蒜蓉、牛油味濃，嚐牛油的我十分喜歡。吃了這麼多東西，坐了個多小時，埋單才三百元，食物又好味，十分超值啊。

通菜街有好多小店 唔想食太貴既我 多數會係果度揀~其中一間叫平民扒房細細間 但入到去都感覺幾有Feel~ 有扒又有蠔~ 都係2人約會之選~食物選擇多 有肉有意粉有常餐首先講下兩碗蘑菇湯我最中意飲有料蘑菇湯 味度濃郁~~飲落會咬到好多蘑菇碎粒~西冷肉眼200g $78牛扒個洋蔥汁非常好食 係好香既蒜泥!而且牛扒好厚肉!!! 成件事都好香~~~芝麻雞半隻@照燒汁 $128層皮燒得好香肉都好嫩滑留意!!!!!!!!!!!!!一定飽!!!!!!!!!!!!!因為白飯任裝!!!!!!!!^^

跟老公提早過聖誕節吃大餐、原來想吃牛排但是有些東西晚餐才有、就點了兩個午市套餐、有白湯跟紅湯還有熱飲跟主菜、我點了豬扒菠蘿麵包、老公點了牛排、才100算是平價又抵食、菠蘿麵包好脆香口、缺點就是豬扒跟牛排的醬汁不合胃口、算還可以啦

同朋友慶祝生日，叫左3個餐一齊分享，一試先發現呢間平民扒房除左價錢平民之外，其他野一啲都吾平民！位置係女人街，非常方便，岩晒我呢啲路痴一坐低之後店員好好甘會詳細介紹個menu同果日有啲咩推介，服務同誠意都滿分第一個上既係海膽烏冬，雖然只係前菜，但估吾到個海膽又幾鮮之後就到我超中意既生蠔，同海膽一樣都係非常鮮味，成隻park落口真係冇得頂呀！主菜方面我地叫左燒羊架，燒雞同龍蝦，店家一般都會將三樣野並排甘一齊上，一上果下個畫面都幾震撼！羊架燒得剛剛好，完全冇騷味半隻雞3個人share，份量剛剛好，而且層皮燒得好香，啲肉都好嫩滑龍蝦芝士味好濃郁，食落啖啖肉，正呀仲有蘑菇湯同炸薯條 加加埋埋真係超級豐富同滿足既一餐呀！！

平民扒房有精選一人晚餐，價錢由HKD168-HKD268不等，當中包括了餐前小食，包括了沙律、生蠔、餐湯主菜一款。香濃蕃茄湯 - 蕃茄湯好濃郁，酸酸甜甜，好醒胃。黑松露忌廉湯 - 黑松露味好香好濃，甜酸胡麻醬冷蕃茄 - 前菜，原個蕃茄咁上，蕃茄酸甜開胃，外面淋上焦糖，加埋胡麻醬，味道好夾。蕃茄底下有青瓜絲，令個菜更清爽。鮮海膽撈冷烏冬 - 另一道前菜。海膽鮮甜，烏冬幾滑溜，加埋三文魚子、紫菜絲同青瓜絲，增加左口感層次。生蠔 - 晚餐包一份2隻的生蠔，生蠔夠質素唔錯，夠新鮮，唔會腥，口感Creamy。俊男牛扒 - 兩道主菜一齊上枱，賣相唔錯。牛扒大大塊，肉質唔錯，唔會好un，夠牛味。蒜味意粉幾香，煮得較硬身，食落有咬口。脆炸大雞脾 - 外皮金黃有光澤，內裡嫩滑好juicy，又唔會太油膩。

這間位於旺角叫平民扒房的餐廳，裝修好靚，復古風，好適合客人打卡影靚相。餐廳老闆態度也十分nice，會同我們聊天，服務各樣都很好，令我們有很開心的用餐經驗。而食物的質素都很高，首先點了兩種蠔---生蠔和芝士焗蠔。生蠔一點都不腥，很鮮甜，帶點海水醎醎的味道，滴上檸檬汁別有一番風味。而芝士焗蠔有很重芝士味，烤得剛剛好，又有蠔的鮮味！前菜方面有鮮海膽冷烏冬和甜酸胡麻醬冷番茄。兩款前菜水準都很高。海膽吃得出是鮮甜的那種，烏冬煙韌有咬口。而番茄很特別，有層薄薄的糖在表面，好像冰糖葫蘆一樣，酸甜酸甜的，又有胡麻的味道。然後這兩款主菜不得不讚，超級豐富，份量超足。想不到牛扒居然有兩大塊，而半隻雞都很大件，像全隻雞一樣牛扒濕潤不乾，亦都不會韌，旁邊有黑椒汁可以點，不過已經很夠味，因為牛扒我們選了雜菌底，有洋蔥的味道，而且牛扒本身已經有醎味。而雞的水準都很高，皮脆肉嫩，口感不乾。這裡兩個人吃已經超級夠飽，滿足的一餐，一定會再來。