平民扒房@友蠔食 (已搬遷) 新店位置

行過女人街經過，見到好多人企哂系門口就八下有咩。座無虛席，店員忙到轆，都會同客介紹一下menu, 有漏單情況，有跟進返，態度良好。主打熱石板食物，仲有其他野食推介，芝麻雞、豬肋骨、蒲燒鰻魚等。所有熱石板食物同其他主打食物推介均配前菜湯同白飯任添任食。最後揀左【澳洲和牛】做緊優惠$148/200g，幾吸引。先將牛扒整到一成熟，再放系熱石板上，可以煎到岩自己心水的生熟度先食。和牛油脂好香，肉味剛好，肉質鮮嫩。【秘製雞扒@自家蔥油汁】$108雞扒份量勁多，肉質吾老都幾juicy ，蔥油好香口，撈飯食好正。啲油四濺哂出黎，有圍裙提供。生蠔都好抵食$198/12隻，可惜媽媽吾食生野，下次同fd黎食。

食好野一定要識瓹窿瓹罅，黎到旺角女人行旁其實都有好多好野食，價錢抵到哇一聲，真係值得推薦呢間平房扒房，一坐底已經有前菜同餐湯，店舖雖小裝修一點都唔馬虎，而且入型入格既裝修好時尚！主菜：「澳洲和牛200g」$148百零蚊就食到咁厚身咁嫩口既牛肉，1成熟上台，但鐵板仍然炸炸聲，食唔慣太生既可以切開一片片再放係板上繼續燒，想食幾成熟由你自己控制！我就鐘意食5成左右，口感十分嫩滑香口，即是燒耐左都一樣係嫩口，真係估唔到香港地旺角區仲可以食到咁親民價既牛扒！「美女百扒@松露白汁」$108豬扒大大塊肉質鬆嫩，配埋松露白汁食好有新意！其實呢到有兩塊係到架啦，真係淨食都已經夠哂飽，唔夠仲可以叫意粉或白飯架！

🔅🔅🔅今晚與閨蜜相聚各自瞥下男友撐檯腳就來個二人浪漫鋸扒夜選址係旺角熱鬧通菜街勝在選擇多價錢親民最後揀左平民扒房🔸主打熱石板扒類仲有各種新鮮生蠔由於個人不太好生蠔所以揀左一份扒和意粉🔹<熱石板澳洲和牛200g> 選左呢款餐廳近期的主打上碟時和牛只有一成熟～把它慢慢煎至五成熟好喜歡這處理方法😋可按自己心水來煎～和牛口感比較淋肉味不算突出而且脂肪也較多不過味道也是不錯👍🏻🔸<燴龍蝦忌廉意粉>看賣相正常一般原來味道非常之好龍蝦肉很多毫不吝嗇肉質爽口彈牙又好鮮甜😍和濃稠的忌廉汁十分配搭意粉軟硬口感不錯芝士很香兩個人share份量剛剛好～😆🔹<菠蘿特飲>菠蘿味好清新好解渴味道不太甜很不錯🤩🔸<雜莓特飲>雜莓味不夠突出味道較淡一般般～🔹原來凡叫熱石板類已配前菜湯同白飯而且可以無限添加所以後加了一個飯最後食到超飽呀😳🔸<總結>食物的性價比挺高回頭率也很高～🔅🔅🔅

去旺角食飯其實都是另一種辛苦, 就是有太多的選擇。這晚我們又進入了女人街內搵食,  最後竟然是到"扒房"!!扒房內不算大, 小店以灰黑色為主色, 型型地有點像酒吧加西餐廳的地方。 內裏氣氛輕鬆, 簡簡單單的, 很適合放工後開懷大吃的地方。這兒的生蠔也很抵吃, 一打也不用二百元。不過這晚我倆還是被肉香吸引了。點餐後很快便送上磨菇湯, 一看就知很足料。菇茸雖然很多, 但都打很頗細, 加入了忌簾和高湯等, 令整個湯更幼滑。此外, 菇味濃郁但不會過咸搶喉, 是自家製的味道。 MENU 內有4款牛的選擇, 我們胃口不算大, 就點了200G 的美國牛板腱。以燒熱的熱石盛着牛扒, 傳來陣陣的香氣, 油花四濺, 真是聞到這股肉香也令口水也快流出來。幸好餐廳一早準備了圍裙, 那就不會弄污衣服。牛扒的烹調程度也可以跟個人口味以自己調節, 牛板腱送來時約1成熟, 如果要5成可多熱2-3分鐘。剛切開的牛扒約三成熟, 所以我再在熱石略煎四邊, 那就剛好是五成熟。肉汁鎖住了, 吃下去濃濃的牛肉味, 油脂不算多, 但肉質仍保持嫩滑, 比很多西餐廳做得還要好。加上洋蔥和秘製牛椒汁, 令整個牛板腱的味道和層次都豐富不少

呢日去左旺角行街, 發覺有唔少新既餐廳都未見過同朋友經過呢間覺得D 野食幾吸引, 二話不說入左去!餐廳細細地, 但都可以坐到20人左右坐落都幾舒服, 櫈底仲有個欖可以俾客人放袋羅宋湯前菜有個湯同沙律, 個湯酸酸甜甜好開胃熱石板澳洲和牛呢個好抵! $148就可以食到200g 既和牛真係好大塊好厚店員話上碟時只有一成熟, 可以按自己需要慢慢煎到滿意個牛真係超級多肉汁, 好易入口熱石板好夠熱, 食野食得慢既我可以慢慢煎友蠔食DIY生蠔@牛油蒜蓉汁呢個蠔真係好大呀! 可以生食/放去煎, 我地選擇左食熟既, 好甜好有肉, 性價比高見到餐廳最近仲做緊優惠, $198有12隻好抵喎菠蘿特飲、青蘋果特飲overall 食物高質有驚喜! 下次有機會再黎試

前菜有沙律，湯是磨菇湯，另外我們各加$12要左個特飲，石榴特飲同野莓乳酸特飲。友蠔食DIY生蠔@牛油蒜蓉汁 $128，生蠔上枱時是可即時食用的，亦可以即生蠔在熱石板上煎至自己心水的生熟度，套餐配是日前菜、湯同白飯任添任食。生蠔係珍寶size超級巨型，上台時已經哇哇聲，我喜歡食熟蠔，所以放了在熱石板上燒，出晒煙，熱度可以煮成十成熟，好新鮮肥美，脹卜卜好滿足。另外叫左個熱石板推介，澳洲和牛有優惠 $288就有400g，有兩塊和牛在熱石板上，熱辣辣小心油會彈到，可以帶上圍裙。牛扒上碟時只有一成熟，可以切開煮自己喜歡的生熟度，我喜歡熟，朋友喜歡生。入口好香牛味，又不會過韌。可惜的是餐廳環境迫狹，坐得不太舒服，但第一次吃熱石板燒的體驗還是不錯。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

放工同朋友去旺角買野，見到一間叫平民扒房嘅餐廳，決定入去睇下究竟有幾經濟實惠！🥳餐廳入面好舒服，仲用左食物相做裝飾☺️餐牌主打都係熱石板套餐，佢地有4種唔同嘅牛俾你簡，餐廳👍🏻推介有芝麻雞同骷骼骨(豬肋骨)。我地見到澳洲和牛做緊優惠，$148就有200g，超級平民價，即刻叫返份😍🍀澳洲和牛 ($148/200g) 熱石板嘅套餐仲包前菜，餐湯同白飯任添任食☺️ - 前菜沙律新鮮，開胃之選 - 蘑菇湯蘑菇湯非常之足料，清楚見到入面有好多蘑菇碎 - 和牛餐廳特別嘅地方係首先會將和牛煎到一成熟，然後放上熱石板俾我地自己煎到自己想要嘅熟度，啱晒我地一個鍾意食生啲、一個鍾意食熟少少嘅客人，煎好嘅和牛肉質完全唔韌！牛肉多汁，牛味濃郁，配上洋蔥汁同牛肉上面嘅蒜蓉，超級好味！😋另外有薯蓉同幾件蔬菜，同樣可以放上熱石板煎🍀蒜香海膽香草意粉　($98)海膽鮮甜好味，意粉配上洋蔥粒啖啖蒜香味，口感豐富！👍🏻🍀雜莓乳酸特飲，菠蘿乳酸特飲 ($22@杯，跟餐$12@杯)雜莓乳酸酸甜甜開胃，菠蘿乳酸清甜👍🏻

呢排石板牛好似好hit，但我哋屋企唔食牛肉，又想試下石板燒......旺角呢間餐廳就滿足到啦！友蠔食DIY生蠔（$128）見到兩隻大過我手掌嘅蠔就好興奮我從來無食過咁大隻蠔架！！其實隻蠔一黎就可以生食，不過有石板玩下就當然試下啦！將蠔放係熱石板上面，嗰種滋滋聲令人好期待～因爲蠔殼比較大同厚，熱力需要d時間先上到蠔肉，所以要慢慢等下啦。望住隻蠔慢慢由好大隻好水嫩光滑到縮小咗表面轉咗少少啞色，即係佢開始熟啦DIY可以自己決定生熟度，我唔中意食太熟嘅蠔所以見佢縮到咁上下就停。呢到提供咗三種汁比大家自己配搭：cocktail醬、蒜蓉同洋蔥汁。咁大隻蠔可以每啖唔同嘅汁啦！（個人推薦洋蔥汁加蒜蓉）芝麻雞半隻（$128）食咗咁大隻蠔個口好鮮好滿足～再黎呢到嘅另一個招牌菜：芝麻雞。隻雞比我想像中細，而且得半隻，我驚老爸唔夠飽就+$38任食薯條汽水。雞都係石板上，所以一樣有滋滋聲（好好聽）雞皮薄肉嫩，完全唔洗用力就可以拆肉，d雞肉真係好滑，又夠入味唔錯唔錯！平時出面食雞好多都好肥又煮得過老，呢個老爸都話正架！順帶一提其實個set包沙律、湯同白飯任食，我當日嘅湯係蘑菇湯，都好足料架，值得encore，沙律

以家想搵間高質d嘅西餐食扒都要$300+ ，今次經朋友推薦嚟呢度食，真不確為平民扒房。 沙律❤️菜絲沙律有口感，車厘茄爆汁新鮮，千島醬完美配搭😋餐湯❤️蕃茄濃湯超級濃郁，茄味突出非常足料。磨菇湯打成蓉，每一啖都係磨菇嘅精華。 令人驚嘆嘅地方係沙律，湯同白飯都係任fill！！服務員仲會主動問你使唔使添，值得讚揚👏👏👏生蠔❤️Majestic 海水味偏重，鮮甜大隻🥰Fine De claire 好creamy, 同樣新鮮👍美國牛板腱❤️上菜時大概3成熟，鐵板超熱，可自行燒至自己想要嘅熟度。牛板腱厚身，牛味濃，燒耐左仍可keep到肉汁，絕對係高質牛👍👍焗原隻龍蝦❤️配上蟹籽芝士白汁，好配搭😍龍蝦肉非常彈牙，新鮮美味，仲係即叫即焗，熱辣辣，好有heart🥰呢度無論食物質素，食材，服務都非常滿意同高質，價錢仲要係平民化，性價比算係係香港數一數二了🥰

同朋友食生日飯，見到呢間都多人幫襯就走入去試吓啦！咁餐廳入邊嘅位置唔算太多，而且都多人幫襯，所以都大約等左10分鐘先有位！一坐低就被隔離枱手掌咁大嘅蠔吸引住！問咗侍應原來就係門口餐牌嘅熱石板套餐一號，咁當然叫份嚟試下啦！之後我哋就叫多份剛才係門口等位時見到好吸引嘅澳洲和牛，見佢$148就有200g真心覺得抵，其實佢有4款牛可以揀，但我哋最想食都係澳洲和牛，因為平時係大型超市買都要成二百幾蚊！好快石板蠔就送到，真係超大隻超誇張，完全係大過手掌，不過我因爲唔食生嘢，所以都係用石板煎熟，隻蠔就算煎完都超鮮甜，而且佢側邊有個汁點埋都好正！之後澳洲和牛都到啦，佢本身煎到一成熟，可以比我自己再煎到自己喜歡嘅熟度，咁我哋就切開自己煎啦，食落口牛味濃郁而且多肉汁，食得出係優質牛肉！最後見仲未係好飽就試埋個海膽撈冷烏冬，都幾好食，海膽味道唔錯！

平民牛扒之餐廳真係沒有改錯名架🙋🏻‍♀️入到店內沒有特別裝修,小店一間座於女人街內,坐位真是不太舒服,地方亦偏細,抽風設備比較差,但件牛扒真係低食夾大件🥩,而係有質素牛🐂,我叫了一件200g澳洲和牛🥩用熱石版上讓你慢慢燒的,除你自己喜歡💕可以控制熟的程度肉質軟熟幾重牛味,肉裡肥膏亦不算太多,口感及味道很不錯👍只係$148+10%重要任加餐湯及沙律🥗令外還點了一份200g紐西蘭肉眼🥩當然沒辦法同和牛相比,肉質實一點有咬口,牛味一般👌但都算合格嘅👌都是餐湯🥣沙律🥗白飯🍚任裝🤭價錢$78+10% ,個價錢真係嚇親人,物超所值🔪🥩🙋🏻‍♀️,大眾化價錢而又有質素鋸扒地方之選我一定再光顧

旺角通菜街一向有好多小店，之前openrice 搵到依間平民扒房，有個熱石板好似幾有趣，所以今日就食佢啦！熱石板牛有4款唔同國家的。我都唔係好識分，個澳洲和牛就緊優惠$148 就有200g,做緊推廣就決定食佢$148 已經無套餐價錢，包咗前菜湯仲有白飯任裝。前菜係一個沙律，今日老闆娘話佢整咗3款湯。我選了蘑菇湯和芝士粟米湯。仲有一款係薯仔蕃茄湯。老闆娘整嘅湯都係無咁‘傑’，感覺上無咁飽濟兩個湯都好香。澳洲和牛來了一切開，唔好睇佢咁生。其實係故意，亦都係重點。老闆娘話現在係一成熟，客人想食幾成就喺鐵板再整熟啲。咁可以食到唔同熟嘅程度。又好食又好玩。肉上有蒜泥，再配洋蔥汁。其實我覺得唔加汁，本身肉已經好好味伴碟仲有個薯菜，原來菜都要加熱，我仲傻下傻下，食咗個凍。跟餐加咗個冷麵，清清地，海膽三文魚子好夾食冷烏冬。本身單點可以叫唔同人份量，我覺得幾好。之後繼續玩鐵板，食咗半隻芝麻雞，同樣係前菜湯加白飯任裝。雞就無一成熟，本身都食得，不過就可以keep住加熱，熱辣辣食，雞又夠滑，正👍🏼 雞本身係用照燒汁煮的，好入咪。唔會又淡又鞋口。跟餐再加咗特飲，一般依類飲品我都好怕化學味。依度無，非常好今次係

想食個平牛扒裝飾黎講 有啲舊式扒房嘅感覺餐廳都幾細心 因為係用熱石板所以都有提供埋圍裙我呢啲食肉怪物 當然係食牛扒牛板腱 喺熱石 上菜仲係熱辣辣圍裙發揮到作用 因為啲油脂會彈出黎牛肉好軟又好滑 我地叫3-4成塾入面仲係粉紅色 配埋蒜蓉仲有燒汁我個人就比較喜歡唔落汁 食原汁原味豬扒 呢個豬內食落係嫩滑嘅 一啲都唔鞋入要仲係juicy 嫁添 比起我平時食嘅唔同叫牛排定豬排 都係套餐 配有餐湯同沙律 仲有白飯如果好似我咁唔鐘意食飯 仲可以加錢轉薯條任食添

旺角女人街好多野食～但係呢唔係間間都得～ 同frds子去左lee 間～ 合理價錢食晚飯餐湯係菇菇湯～都幾大碗下其中一個餐有沙律跟加左個三文魚子海膽烏冬 凍食嚿海膽幾大下😆餐飲叫左Guava 乳酪同 Guava 果汁好味好味叫左個厚豬扒留意下個盤係燒熱左既石板咁放係枱面塊豬扒仲”芝芝咋咋”咁豬扒配松露醬好香好正～完來咁食都幾好味呢～另外仲叫左件美國牛扒woooo...放低已經非常之香噴噴...兩個人先hk$278 !!堅抵食

來一個“不平凡的午餐”，朋友帶我到來旺角女人街裡面的餐廳吃lunch,今次開飯餐廳是「平民扒房」。朋友說他是被熱石板吸引，因為可以自己煎自己吃， 皆因餐廳是主張牛扒上碟時只有一成熟， 餘下就由客人自我調整牛肉的生熟度，既可以玩下煎牛扒又可以打卡，又幾好玩喎。我們點了「澳洲和牛」醬汁就配上洋蔥汁，和牛上加上牛油及蒜蓉，味道香濃惹味，和牛質素也不平民，非常優質，肉質彈牙，牛味重，好味到一口接一口，CP值十分高。介紹番個餐湯是蕃茄湯， 番茄味很濃而且帶酸，飲完後相信開胃。前菜是沙律，沙律菜也很新鮮。另外還有「 芝麻雞半隻伴照燒汁」也會用熱石板送上，雞肉很嫩滑，很香口，愛吃雞的你一定會喜歡。至於蔬菜配薯蓉可直接食或放在熱石板上煎，薯蓉味道夠香濃很滑，我覺得凍食或熱食都一樣好味。再加38元就可以住食薯條及汽水，薯條即叫即炸，而且很有薯仔香，很美味。飲品方面，竟然有石榴特飲，非常特別，而我就點了檸檬可樂，可樂配牛扒及炸薯條一流好享受。