平民扒房@友蠔食 (已搬遷) 新店位置

平民扒房週末，森仔同女朋友又去旺角走一走。行到見餓，就入了一間於西洋菜街既餐廳。因為森仔深深被佢個名和菜單上的食物吸引:平民扒房。先講下個環境。店主在裝潢方面亦蠻用心的。用上不少牆飾和牆櫃，善用空間來放餐牌和餐具。雖然地方不大，但也給予每一枱足夠空間，不會令人感到迫和不舒服。因此，餐廳大約只能容30人左右。講反食物的質素。餐廳主打一些平價的扒類和蠔類。所以森仔今次叫了兩個套餐：香草羊架和俊男牛扒。再加了生蠔和焗蠔，和一個前菜焦糖蕃茄😍😍😍前菜焦糖蕃茄這個前菜，森仔從沒食過，不但覺得很新穎，味道亦非常之好。佢係整個蕃茄去左皮，之後雪涷，令其冰冰涼涼的。之後配上芝麻醬和底下放了沙律🥗菜。最重頭戲係我頂部放上焦糖，再和火槍燒溶，令到外部脆脆的，甜甜的。整個口感和味，又酸又甜，又溫又冷的，十分正。作為前菜，亦十分開胃，滿有特色👍🏼👍🏼👍🏼生蠔生蠔一客有2隻。味道鮮甜，淡淡的海水味。一食入口，就有種滿足感。若再肥美一點會更正😍😍😍焗蠔焗蠔亦好好味。個感覺同生蠔完全不同。配上芝士和沙拉醬再焗，熱辣辣的，好食👍🏼👍🏼香草羊架兩個主食亦用燒熱的石板上枱，誠意十足。同時石板下的木板上亦印上平民扒房，很美

19:30都full house，香港人真係好鐘意試新野。扒唔係特別新鮮既食品，熱石上而唔係鐵板依點就有點新奇。晚餐有分單叫定套餐，套餐包前菜、生or熟蠔、湯、主食同飲品。黑松露忌簾湯大碗但咸左少少，好彩黑松露味道夠。精選生蠔連冰沙碟上，估唔到小店都有依個細微位。一大一細少少，微甜帶鮮。白汁蘑菇芝士焗蠔蘑菇同白汁細細融合，芝士味唔重，蠔都無縮到好細，欣慰哈哈哈。一格鮮海膽撈冷烏冬海膽新鮮，微甘帶甜！有菜有青瓜幾健康，脆口既！烏冬中等質素啦，幾多，有半份夠食。甜酸胡麻醬冷蕃茄依個蕃茄係好幾驚喜。首先大隻，外層係焦糖，內帶酸。秘製洋蔥汁既俊男牛扒洋蔥汁好甜同無左刺味，依個幾好。有吉x家牛肉汁感覺！牛扒份量大既，蒜味意粉就少左少少。牛扒都軟軟，少部分根位硬d，同厚身d較有口感。單食唔加汁，都夠牛香味。自家葱油汁既香煎雞扒葱油汁有oilve oil同橄欖菜既味道。雞扒好嫩，去皮多汁！比牛扒好，又夠厚！薯條多多，香林既，係底個d比熱石過火左。熱檸檬水、青蘋果汁

系旺角暗巷 都係搵食好地方！  今次就食呢間新野~ 難得系女人街見有餐廳賣蠔~ 雖然我暫時唔食得蠔住！ 但係我都揀jor 入去食~ 呵呵呵呵店鋪裝修簡單 清潔~ 冇咩油煙味！佢d 蠔都好似好抵玩咁~  可惜我唔食得！ 嗚啊~所以叫嗌jor 個豬扒同雞腿餐啦！其實個前菜都好多野揀,有個精選生蠔或者芝士焗生蠔, 由於朕未能食生蠔 所以飲個靚湯就算 佢比較特別~ 如果你嗌兩個餐 佢會幫你安排放同一個盆 一齊上！左邊就係豬扒配蒜香意粉, 豬扒大大塊 而且都好厚身,師傅有幫佢調過味, 所以食落口就唔會鞋 同冇味！ 而且佢畀你配埋個松露醬. 感覺還可以其實我比較中意呢個雞髀配飯多d~ 除jor 個size 都系大件之外, 重點系佢即炸 個皮比較薄 脆,肉既話都算嫩,那個小小雞油出黎 配飯, 覺得好好味！ 普通食扒黎講, 呢度都屬於平 都抵食！ 而且唔會覺得好貴,重點系味道還算可以！ 值得試下！ 

同姊妹行行下女人街見肚餓就走咗入呢間平民扒房食lunch。餐廳面積唔算太大，大概可以坐十幾二十個客人。餐牌上圖文並茂，都有幾多選擇。我哋揀咗甜酸醬鷄髀蛋飯($42)配熱咖啡(跟餐+$5)及蒲燒鰻魚蛋飯 ($48)配凍檸檬可樂(跟餐+$10)。餐廳先送上是日餐湯，蘑菇湯有質感，湯入面仲有少少通心粉，頗有心思。甜酸醬鷄髀蛋飯 - 鷄髀十分大隻，鷄皮香口，鷄肉唔會嚡，蘸點甜酸醬，再加上滑蛋、雜菜等，大件又抵食！蒲燒鰻魚蛋飯 - 肥美嘅鰻魚加上鮮味鰻魚汁，同時亦有滑蛋及雜菜做配菜，亦係一個唔錯嘅選擇！熱咖啡 - 十分順滑，味道唔錯。凍檸檬可樂 - 大大杯，夠解渴😁

琴晚本身係想去登打士街掃街做dinner的，但由於真係太擠擁嘅關係，突然想搵間餐廳正正式式咁食正餐，然而行左入通菜街見到呢間新開嘅平民扒房又有蠔食，滿足曬foodpigss🐷🐷三個願望：平、有扒&蠔食、仲可以坐低慢慢享受店員話而加新開張，會不斷地更新menu而呢頁係普通版👇🏻呢頁同上面嘅分別就係SET會多左三樣豐盛嘅前菜，然而可稱作平民中嘅豪華版👇🏻🐷🐷就選擇左喺平民餐廳食豪DD！鮮海膽撈冷烏冬：食落係Q彈嘅烏冬配酸酸地嘅冷麵汁，加埋底下好fresh嘅青瓜絲，十分開胃，配上海膽同魚子，可謂錦上添花甜酸胡麻醬冷蕃茄：好新㯋嘅前菜，又係青瓜絲作伴，而主角係一整個蕃茄，喺又冰又脆嘅外表，係焦糖帶出嘅甜加胡麻醬，味道同口感都好有層次精選生蠔係來自南非，店員仲好好人咁教我利用叉嘅弧度打橫用力由下而上完整連帶子刮曬成隻生蠔出來，而味道係鮮甜，唔腥白汁蘑菇芝士焗蠔，岩曬唔食生嘅朋友，有芝士同白汁味而又不會掩蓋蠔嘅鮮味餐湯係菌湯同蕃茄薯仔湯，足料主菜就分別食左自家蔥油汁@香煎雞扒（$168）加蒜香意粉&秘製洋蔥汁@俊男牛扒（$188）加白飯。餐廳會將兩塊熱石板擺埋一齊上枱，當中嘅每種扒各自有兩塊，si

之前聽朋友講話旺角開左間新店叫平民扒房@友蠔食，想一齊去食，今日終於去左食了＼(^o^)／，佢係一間主力食扒同生蠔既餐廳 餐廳撲素簡潔，都幾整齊入面仲有個繩網位夾住d食物相，都幾特別當日我地叫左2個精選一人餐同半打生蠔，套餐包括- 鮮海膽撈冷烏冬 或 甜酸胡麻醬冷蕃茄- 精選生蠔2隻 或 白汁磨菇芝士焗蠔2隻- 餐湯1碗主餐配菜可選擇田園沙律，炸薯條，蒜香意粉，白飯或雜菌(冬菇/雞脾菇/白菌)甜酸胡麻醬冷蕃茄呢個係冷盤，蕃茄冰凍又鮮甜，再加上我最愛既芝麻醬，撈埋一齊食，正呀底下仲有d青瓜絲~個蕃茄好juice呀鮮海膽撈冷烏冬海膽清甜又唔苦，烏冬都好煙韌，口感十足面頭仲有幾粒飛魚子同紫菜絲底下就係青瓜絲白汁蘑菇芝士焗蠔好香芝士白汁味，好好食磨菇忌廉湯這個味道香濃，飲到好香磨菇味啖啖磨菇蓉，主食出場松露白汁@美女豬扒配菜蒜茸意粉個菜名好好笑，叫美女豬扒，佢有個叫俊男牛扒😂d豬扒都幾入味，肉質都唔會太乾蒜茸意粉撈埋黑松露白汁食，超好吃喔佢個黑松露白汁好香松露味，我好快就點完，服務員都好細心，見到我就快用完d醬汁，就比個新既松露汁比我，未在客人發聲前留意到客人既需要，夠細心，讚呀日式燒汁

好耐未試過可以早過7點前就可以離開地獄，難得有咁嘅機會當然要搵朋友仔出嚟吹水食飯啦，今次我地目的地係旺角嘅小店　 旺角區大部分小店都集中係女人街，所以我地行咗2個圈之後最終搵咗一間扒房，選擇呢間扒房嘅主要原因係生蠔 黃色燈光再加牆上的裝飾，令我有一種懷舊嘅感覺。  今次我地選擇咗一份一人晚餐和一份廚師推介                                                          一份一人晚餐前菜-          鮮海膽撈冷烏冬冷烏冬上放上新鮮海膽，冷烏冬內配上醃制過嘅青瓜，不過呢⋯⋯呢個由於冷烏冬個汁同醃青瓜都係酸嘅，我覺得同個海膽好似唔係咁match -          生蠔雖然唔知係邊款蠔，但個味道好易入口，只係食到最尾有少少海水味。其實餐廳仲有其他蠔款可以order 架 餐湯-          蕃茄湯好濃好濃嘅湯再加上薯仔粒，個口感好正，對於蕃茄控簡直一流主菜-          自家蔥油汁@香煎雞扒 配田園沙律塊雞扒幾廚師醃製過後已經好好味，仲帶少少酒味tim，所以我冇試過個蔥油汁。美中不足的地方就係沙律菜係放底架，所以當我地想食

經過通菜街見到一間新開嘅扒房，地方唔大，但係見餐牌幾有特色，就入去試一下。餐牌選擇不少，重點主菜可以單點或套餐形式，價錢相差$100內，變了套餐的話多了不少食品。所以我們都選擇了套餐。每個套餐各有一個前菜，一款蠔及湯。前菜方面二選一，有海膽撈烏冬，海膽味道比較濃郁香，烏冬方面有彈性加上青瓜絲及醋酸酸地幾清新。前菜還有甜酸的胡麻醬蕃茄，除了甜酸味道之外還有濃郁的胡麻香味，非常開胃。精選生蠔味道清新，有香海水鮮味，鮮味十足，只加上檸檬汁已經足夠。另一款則是熟的白汁蘑菇芝士焗蠔，除咗裏面嘅蠔依然非常新鮮之外，表面白汁蘑菇嘅味道用料剛剛好，所以有香味而且不會搶了蠔的香氣。餐湯是番茄薯仔湯，酸味適中，而且有好多薯仔喺裏面，質感豐富。咖喱忌廉汁香草羊扒配炸薯條咖喱忌廉汁甜甜地，不會太辣，比較適合清新的香草羊扒，羊大概七成熟，不會太老，薯條亦比較香脆。炸蒜香油特大虎蝦意粉虎蝦比較有特色，因為size真係超級大！個頭亦都好大，裏面有啲肉同埋好香。虎蝦蝦身兩邊嘅肉質彈牙有炸蒜香味，完全能夠提升本來的鮮味。意粉方面比較硬身，符合對西餐的預期。套餐跟特飲可以平少少菠蘿特飲石榴乳酸特飲兩隻味道都幾清新，值得一

婆仔第一次 trial 完打泰拳... 手都震埋... 好肚餓... 落左堂行左入女人街搵下有咩食... 搵到間有扒据既小店就決定幫襯... 不過等埋朋友收工先撐到台腳~等到朋友一齊入座... 一趟開到門... 職員好熱情咁上前打招呼... 一坐低婆仔都唔客氣咁直接問有咩推介...精選一人晚餐: 熱石推介~ 個熱石併埋實在太靚要影相... 但影左陣相先食都 KEEP 得住溫度... 可以慢慢食... 因為呢個 set 實在太多野食...主食揀左香煎雞扒... 帶有微微既酒香... 好厚切... 好滑唔洗加任何既汁... 仲要煎到個雞皮金黃色脆卜卜...好邪惡呀... 所以配番沙律菜一齊食就岩曬~婆仔不嬲都唔太敢係街食生蠔... 不過個餐包左精選生蠔 2 隻就唔浪費... 同埋呢度主打有蠔食就同朋友一齊分享... 加左少少檸檬汁食... 好鮮味帶有海水咸味~ 重點係婆仔平時食生蠔會好快肚仔痛... 呢次乜事都無... 證明生蠔好新鮮~前菜有得揀海膽揀就緊係揀鮮海膽撈烏冬啦... 先食海膽... 再將烏冬同青瓜絲三文魚籽同汁再搞伴多一次先食... 咁就每啖都帶有醋味... 個汁既味道好熟.

與朋友閒逛旺角，見這餐廳頗多顧客，便入去吃lunch~羅宋湯，溫熱暖和，充滿酸酸甜甜的🍅香味。忌廉湯，入口順滑。兩款餐湯皆加入通粉，增加飽肚感。蔥油汁雞扒蛋飯，🐔皮滑溜，肉質結實，配搭醬汁很惹味; 🥚 口感嫩滑。洋蔥汁牛扒蛋飯，份量十足，加上洋蔥及醬汁，帶點鹹香; 🥚口感嫩滑。石榴乳酸特飲，酸酸甜甜的乳酸，滲出石榴果香，美味可口~ 凍朱古力，🍫微甜不膩，大杯抵飲!每人約50元，包餐湯、扒飯及飲品，簡單飽肚的午餐。

友人報料話這裡的生蠔很低食，收到舉報，第一時間到了現場。這裡位於通菜街，地點方便。店內不是很大，不過坐得舒服。精選一人晚餐：俊男牛排🥩$188、炸子half雞🐔$188。包前菜、生蠔、餐湯、配菜。前菜：海膽撈冷烏冬，海膽味溶入烏冬內，令烏冬增加了層次感。前菜：甜酸胡麻醬冷蕃茄，蕃茄外層多了一層焦糖，除了胡麻醬的味道外，增加了一種甜味。生蠔：法國majestic，店員提示不用加任何配料，可以吃到蠔的味道。首先嘗到海水的鹹味，之後吃到蠔的鮮甜味，想不到在旺角，吃到蠔吧級數的生蠔，下次食蠔又多個地方了。餐湯：磿菇湯，味道適中，如果可以再熱少少更好，因為我喜歡喝熱湯。俊男牛排🥩，有兩塊牛排🥩，剛剛好五成熟，肉質有點嚼勁，配上蒜香意粉就很飽肚了。炸子half雞🐔，這個雞和中式炸子雞做法不一樣，雞皮烤焗得很香，雞肉保持嫩滑，吃到雞的甜味。

今日去旺角行街，心血來潮想食扒，但又唔想食太貴🤔一搵之下竟然比我搵到呢個平民扒房，真係岩曬我。鋪頭係通菜街入面，靠邊行一直行就會見到。個門面都幾有feel啊😄入面環境都幾好，有少少英倫風格。坐低望望menu，又真係唔算貴，佢D套餐有好多唔同combination，點都會有一個合你心意，份量睇落都幾多😆咁我想食肉，當然要食個牛扒！朋友就叫左個饅魚飯。先黎左個是日通粉，我食左忌廉湯通粉。通粉唔會煮到太腍，食落都幾有口感。發覺食住通粉咁樣飲湯，比起就咁飲更過癮😆牛扒飯黎左，嘩，塊扒都幾大塊呀。上面仲有埋滑蛋。滑蛋真係炒得好滑，送飯好好味。牛扒就唔會煎太老，食落都幾有牛味。👍🏻筋位都好有油香，咁既價錢有咁既牛扒，性價比非常高。友人話佢個鰻魚飯都幾好食，佢同我諗法一樣，都覺得滑蛋係令碗飯加分既原因👍🏻鰻魚加蛋加飯，食落層次即刻豐富左😄總既黎講，我地兩個都話下次會再想試埋佢個晚餐，呢度出品真係幾唔錯👍🏻👍🏻

今日係happy friday，又係同老公搵野食嘅時間，今晚想去街買空氣清新機， 所以決定咗去旺角 ，去到女人街搵食，發現一間新開嘅西餐廳，新開多數都穩陣， 而且地方乾淨企理， 所以一於試下。老公同我都要“精選一人晚餐”， 主菜揀左松露白汁@美女豬扒同埋日式燒汁@炸子half雞，前菜各一，共有海膽撈烏冬、甜酸胡麻醬冷蕃茄、生蠔2隻、芝士焗蠔2隻湯。好多野食，分別係$168 & $188，都算抵食。海膽有驚喜，好鮮好鮮，有甜味。生蠔比較細隻，但好鮮，海水充滿口腔，正正正！蘑菇湯淡淡磨菇 ，好正 ，好濃郁。 蕃茄湯略嫌太酸，我鍾意番茄湯入面嘅薯仔，好粉。豬扒一般，佢個黑松露醬就好正，幫豬扒加咗唔少分。燒雞就好好味，外面燒到好香，入面仲有肉汁，推介。下次要黎試下個牛扒。

今日放學放早左又未夠鐘返工，可以慢慢係旺角睇下有咩好食。有間新開嘅平民扒房，就即刻衝左去食啦。餐廳裝修以平實為主，黑灰色嘅牆壁，天花有吊左燈泡仔，播住英文歌，好有feel。我地就分別叫左雞肶餐同牛扒餐，跟餐有配白湯同紅湯。白湯係用菌蓉加小小忌廉，上面有香草。西餐黎講個湯偏稀，但有菌蓉係入面增加左口感。紅湯係蘿宋湯，入口酸酸地，唔辣，仲食到有粒粒蕃茄。相對下，我覺得白湯好飲啲。甜酸醬雞肶餐隻雞肶好大隻！跟餐會有炒蛋，蛋炒到金黃色，食落好香嘅蛋味，通常半熟嘅炒蛋會有一陣腥味，但e到無，仲好滑。雞肶大隻到有啲無從入手，唔知邊到切起好。雞肶好嫩滑，個皮好脆。牛扒煎到表有小小燶燶地，但入面仲係粉紅色，好吸引。入有有好香嘅洋蔥味。

今日去開女人街掃平貨 行到咁上下 有一間扒房出現喺眼前 仲要係平民嘅添 幾大都入去試下啦一入到去裝修非常之有特色 好似置身喺一個海盜船入面一樣首先頭盤有一個蘑菇湯同埋蕃茄濃湯 兩個都非常之好味 非常之濃郁 我個人比較喜歡蕃茄湯 貪佢夠開胃之後就有一個海膽紫菜魚麵 海膽味道非常之甘甜好香 魚麵亦都非常之有彈性同埋魚味 搭上紫菜有清新嘅感覺 之後有焗蠔 上面有芝士 非常之襯 而且令到蠔嘅鮮味更加有一個層次之後就有主菜 就係燒春雞同埋燒羊架 兩個都燒得非常之好食 羊架上面配上芥末醬 令到羊嘅騷味減低 而羊肉亦都燒得好鮮嫩可口 燒春雞嘅雞肉亦都好多汁嫩滑最後又有一個溫泉雞翼 雞翼喺一個蒸籠入面靠鋪底嘅石春 淋上熱水蒸氣令到雞翼熟 所以雞翼唔會水汪汪 而且雞肉亦都好嫩滑 非常之正