平民扒房@友蠔食 (已搬遷) 新店位置

同先生去家樂坊等行街拍下拖，行到攰就去通菜街睇下有咩食，見門口易拉架餐牌幾多野食又想食扒就入去試下。我地對熱石板牛扒有點興趣就點左熱石板牛柳同友蠔食DIY生蠔套餐已包是日前菜，湯同飯都係任添任食前菜係椰菜沙律加左d千島醬? 椰菜絲爽脆帶甜幾好味。蘑菇湯有蘑菇蓉味道都唔錯，係稀左點。熱石板牛扒份量都算足，肉質好軟嫩又多汁好味，但一定一定要煎到岩自己鍾意既熟度就起左落碟先，如果唔係會變得太熟。伴碟既菜都係煎2煎要起，如果唔係會燶。lee度熱石板牛柳洋蔥汁香香甜甜幾好味。友蠔食DIY生蠔幾有創意，2隻新鮮可生食生蠔自己燒到自己鍾意既熟度幾鮮甜，1隻較肥美，另一隻就瘦少少。都唔錯但份量就比較少。有位男侍應都幾nice我見有個$198有12隻生蠔拼盤好吸引，下次要約埋鍾意食蠔既大細佬黎食。