平民扒房@友蠔食 (已搬遷) 新店位置

正呀正呀正呀！！！多謝街坊陪我lunch咁癲走去食生蠔😌要為下晝返工叉叉電，再為放工後上堂打定底🤪係要食飽啲同豐富啲嘅😈呢款嚟自法國嘅<<Fine de Claire>>($30/pc, $168/6pcs)淡淡嘅海水味，食出佢嘅鮮甜，滴少少佢嘅生蠔sauce...好yum😋飲埋佢杯<<菠蘿特飲>>($22)直頭係又爽又gur! 佢係唔甜嘅菠蘿味梳打🍹好fresh👍🏻👍🏻👍🏻炒得香口乾身嘅<<蒜香海膽香草意粉>>($98)有一大篤海膽喺上面~仲諗緊就咁食定搞散佢撈勻之際，發現意粉之間都有內藏海膽㗎！超大方😆冇問你要幾多成熟嘅<<自家秘製紐西蘭肉眼>>($128/400g)原來上碟時就係一成熟!想要幾生幾熟自己決定💪🏻咁啱我同瓜姐都係鍾意三成熟👏🏻👏🏻👏🏻影埋相影埋boomerang啱啱好食得🤗牛味夠香而且入口軟嫩🐮配埋超滑嘅薯蓉真係好滿足!未能滿足到你嘅話，餐湯同白飯都係無限refill! 不得了🤗

今日係男朋友生日，去完拍拖慶祝後我就帶左佢去一早book好既平民扒房食晚餐🥣店員見我地拎住好多野所以都比左大啲既枱我地。我就發板叫左半打生蠔、一個意粉同兩款牛扒😛，全部食物既質素都非常之唔錯，男朋友都好滿意🥰-首先黎左兩個餐湯，係蕃茄薯仔湯，🍅裏面超足料勁多蕃茄同薯仔粒，個湯好rich好正😋連唔鍾意食蕃茄既男朋友都飲晒！之後就黎左個生蠔🦪我叫既係法國既Fine de Claire生蠔半打😛個有連埋生蠔汁同檸檬一齊上，啲生蠔好新鮮仲隻隻都好飽滿，😍😍半打先$168真係超抵！店員哥哥話佢地會等客人食晒生蠔先上牛扒，確保生蠔食嗰陣係最新鮮～真係好細心呀😛之後就上左蒜蓉白汁蜆意粉🍝，個賣相好靚😋而且好大盤，未食已經比滿分啦～啲蜆都幾大隻有肉食架🤤🤤意粉唔會成pat白汁咁浸住，所以啲意粉唔會淋晒👍🏻終於上左牛扒啦，我叫既分別係澳洲和牛200g同巴西牛柳 200g我比較鍾意澳洲和牛😍😍貴少少但牛味超重、肉質都好嫩滑😋超正飲品都非常有水準😋

• 法國時令生蠔 ; 熱石板美國牛板腱 ; 龍蝦忌廉意粉🦞•💵Price: $198 ; $188 ; $108-呢日睇戲咁岩去左旺角，就去左戲院附近既女人街行下睇下有無咩好野食，見到呢間主打食熱石牛扒既平民扒房好似幾多人幫襯，所以就膽粗粗入去試下喇🙆🏻‍♀️淨係食牛又好齋，所以前菜叫左個生蠔食下，雖然我知係呢啲地方食蠔有啲冒險😂不過太想食，黎到size都唔算細，食落幾新鮮，而且開得算好唔會食到蠔殻碎。然後到重點，就係枱枱都必定order既熱石板牛扒，黎到塊牛得一成熟，用熱石一路燒住，一路見住佢「炸炸聲」就諗起細個食花園餐廳個種興奮😂🤭 btw總之舊熱石就夠你燒到well done既，所以你燒到滿意既熟度就可以拎開食～我揀左美國既top blade，$188有兩大舊共400g，醬汁同調味料可根據自己喜好配上。我將佢燒到大概四五成熟，食落肉質有嚼勁，肉味算濃，呢個價錢黎講我覺得可以接受既🐮

去到旺角近近地覺得呢間餐廳食扒同埋食生蠔都好出色佢哋嘅牛扒都比較大碟同埋意粉都值得讚許食咗蜆肉白汁意粉，真係幾唔錯㗎，白汁配到適中，蜆肉亦都夠彈牙，食完都幾飽肚。再加上呢一間餐廳嘅牛扒同埋牛筋都幾好食，一路笑一路根據返自己想食嘅熟度，實在係平民之選。價錢比較大眾化亦都比較適中，啱晒普羅大眾去食。仲有仲有佢哋每一個人都會有湯飲㗎，我就飲咗南瓜湯，暖位唔錯的。雖然唔係好大不過其實同朋友去食都完全冇問題，大家可以去參觀同埋去食。

收工同朋友黎旺角行街， 上網睇下有咩好食，朋友突然想食生蠔，於是搵到呢間價錢相宜嘅餐廳。-兩個人實在太餓，叫咗生蠔， 牛扒，意粉，同兩杯飲品。-蕃茄湯嘅蕃茄味都幾香濃，材料都幾豐富，又多薯仔，都幾開胃。-呢度有多款唔同產地嘅生蠔，於是叫左半打法國生蠔。味道唔錯，有淡淡海水味，夠鮮同都幾大隻，$198有半打非常CP值高。個sauce都同生蠔好夾呢！-牛扒揀咗美國牛板腱，有成400g，份量都幾多，夠兩個人食。而且用咗宜家最興既熱石板燒牛扒，餐廳會預先煎熟了一成，然後就比客人按自己個人喜愛熟度再煎。我同朋友都中意食比較熟，煎到7成左右，牛味夠香， 又唔多筋部，配埋黑椒汁唔錯，非常惹味！而且仲送一碗口感細滑嘅薯蓉，上面仲有少少雜菜，食完牛扒再食蔬菜無咁guilty。-白汁蜆肉意粉勁大舊的蜆肉！都幾多粒~意粉份量幾多，軟硬度適中，又夠creamy!-飲品篇👉🏻雜莓乳酸特飲👉🏻菠蘿特飲兩杯都唔會太甜，果味都幾突出，非常解渴呢。-呢間餐廳夠經濟實惠，值得一試。

🥩充滿熱情水準一D都唔平民嘅平民扒房‼️🦪———————————平日去都幾Full 儘量7點半之前到會好D因為係小店 所以都唔係太多位架炸🙈.🇫🇷🦪法國生蠔 - 6隻 ($198)好驚喜 估唔到小店會有咁出色嘅生蠔食落口好creamy juicy 最重要係非常新鮮 鮮甜 size都唔細架 好飽滿 💕 黎款無咩海水味 個人係非常鍾意🥰 🥩美國牛板腱 400G ($188)一上檯熱啦啦 炸炸聲 超級熱 大家小心辣襯 店員會親自介紹點用熱石煎塊牛扒 你鍾意整幾成熟都可以 食到尾都仲係熱辣辣 如果有需要店員仲會幫你煎一煎同切 本身店員話會有根 但係食落又唔覺wor🤣🤣 牛味都好濃 而且口感都頗嫩 啖啖肉 表皮脆 內裡嫩 調味都好夠 唔洗特別點醬 不過附送嘅醬都好惹味 酸酸甜甜 食落好開胃 配飯真係一流🥰🥰牛扒仲附送 薯蓉同少少配菜 薯蓉勁creamy 調味岩岩好 雖然好邪惡 但我停唔到口🤣🤣👉🏻叫熱石板牛嘅價錢已經包曬前菜，湯同白飯任添任食架啦🥳 大佬咁抵得唔得架😍😍 佢地嘅🍄蘑菇湯都係真材實料 啖啖蘑菇肉 口感超豐富🤘🏻🍝蒜香白汁蜆意粉 ($88)黎個價錢超級抵食 因為份量都幾大 而且蜆肉大

女人街好多女人，唔通平民扒房好多平民👀！？等朕微服出巡，黎到到九龍區視察民情，食下平民美食先👅嘩！原來鋸牛扒食生蠔係咁架～晏晝原來都真係友蠔食，正。$120左右有6隻，$200左右有12隻～是日生蠔肥美鮮甜喎😍👍熱石巴西牛柳$88有200g～好適合唔鍾意肉筋或肥肉既人，配蒜蓉同醬汁，咀嚼時有層次！蒜蓉白汁蜆意粉$69～啲蜆有3分1隻蠔咁大隻！同埋第一次食野有咁細心既服務，有靚女幫我地翻熱凍左既意粉☺️

今日放工決定到旺角尋覓好食晚餐每次經過都會俾佢門口招牌上石燒牛吸引到，今次決定入去會一會佢，大概七點左右去到見到入面座無虛席，都要大概等10分鐘先有位。入舖頭前，店員會幫我哋量體溫同埋用消毒啫喱清潔雙手，我覺得呢個舉動十分之窩心，同埋店員嘅態度十分友善。由於喺出邊等位嘅時候已經決定咗食啲咩，所以入到餐廳嘅時候就即刻落單。上菜嘅速度亦都十分之快，亦都保持熱辣辣嘅水準。嗌咗400 g嘅巴西牛柳配黑椒汁牛柳上面嘅蒜粒簡直係畫龍點睛，可以根據自己食牛扒嘅習慣嚟控制牛扒嘅生熟程度！我平時食開七成熟，所以我就會煎耐啲，但亦都唔會令到塊牛扒好韌，仲有牛嘅香味。再沾埋黑椒汁嚟食，絕配！旁邊會有一碟小小嘅薯蓉配菜，但係個薯蓉就略嫌冇味。之後亦都嗌左蒜蓉白汁蜆意粉我本身就好鍾意食意粉！呢個意粉做到好creamy，又唔乾，入邊仲有幾隻大大隻嘅蜆肉，但唯獨是食到有少少沙。芝士忌廉炒蛋由於我哋處於一業個好肚餓嘅狀態，所以亦都叫咗一個芝士忌廉炒蛋，呢個最令我驚喜，不論係多士定係炒蛋，我都十分之推薦！芝士可以拉絲，我個人就鍾意配埋旁邊嘅薯蓉一啖食！口感好豐富，但係又唔會太過膩。最後亦都叫咗兩杯嘢飲，一杯係青蘋果乳酸

大胃一介草民，永世住唔到洋樓養番狗㗎喇，但食生蠔鋸靚扒唔係妄想喇啩？就喺平平無奇嘅女人街，地方唔大但無礙有上流享受生蠔閃閃生輝，睇落真係好fresh食落好有海洋嘅感覺，好鮮呀啲sauce配搭得好好，黑椒味重而不喧賓奪主菠蘿特飲出奇地好飲，大胃唔係好飲菠蘿都覺得會飲上癮石榴乳酸都好好飲㗎和牛厚到呢，要攤多陣先會熟啲食住沙律先啦，顏色好開胃佢嘅真身係薯蓉，一樣好味到扒清光400g嘅肉眼扒大塊到呢兩種扒都唔需要太熟，牛味縈繞喺口腔內，揮之不去湯都好過癮，菇味好濃好香完全不自卑嘅一餐，間唔時咁食真係可以提高自信

好似食垃圾咁，失望透頂，絕不再食。.之前見好多人排隊等，今日黎食下個午餐，點知食到好嬲。.首先唔評論味道啦，呢啲係個人口味，但我就覺得唔好食囉。重點係！「食物唔熱」「牛嘅勁難食」！.叫左個「咖哩牛腩飯」同「鐵板牛柳」。.前者：細碟飯小，肚餓小小/男士一定唔飽。一拎黎巳經唔熱，食左2分鐘直頭室温咁凍嘅，咖哩汁小到無汁咁樣，牛腩得4粒，1粒係成舊牛油脂肪，3粒係柴皮咁好似煲完湯嘅瘦肉，完全咬唔到，勁痴牙，成口渣，薯仔2粒蘿蔔2粒，個芯係爽嘅，無咩點煮過。.後者：塊扒好似漢堡扒嘅大小，又係勁柴皮，又多根，無論3成、5成、7成、全熟，都係又硬又難食，咬得好辛苦好耐，但都係吞唔到落去...仲有鐵板勁細，完全唔夠位煎啲牛，塊版仲要唔熱，小小熱左10分鐘之後，塊板凍到連啲牛都唔識變色.....要叫人換埋熱嘅比我。.是日餐湯：南瓜湯見到真係用南瓜溶整，但味道就麻麻地，本人就唔係咁中意。. 都有好嘅係員工服務都可以，都友善。但啲野食就真係又細份又難頂，好肚餓咁入去食，但都食唔哂啲野食，因為實在太太太太太難食。絕對唔會再試！

行路經開諗住食意粉牛牛 叫左澳洲和牛同海膽蒜香意粉 佢澳牛好似已經係Top但都無牛味而且有大量筋 但個黑椒汁ok 無個黑椒汁真係搞唔掂意粉味就無大問題 但就爆多油加過熟 待應有禮貌既但好似唔太能夠應付多人價格係同區可以食到好味啲既石燒牛同意粉

星期五晚飯時間無訂枱，經過呢間餐廳難得有好多吉位就入去，點知中伏。海膽烏冬原來唔係手打烏冬，又細碗，烏冬食落去酸既。生蠔我哋叫咗一打，唔算好大隻，但係個味道唔差，所以呢個價錢算合理，補償番個烏冬。不過整體都好失望，仲係好肚餓唯有寄望過牛扒好食，最後牛扒本身個質素應該麻麻，食落去冇味嘅，擦膠咁既質地，咬好多下先夾硬吞落肚。本身好肚餓最後竟然食唔晒，因為實在太難食。唔使排隊係有原因㗎，所以千其唔好哂錢試

叫左200g和牛、半打法國生蠔。法國生蠔味道普通，但尚可接受。重點係牛扒，個賣相係靚既。可惜一食落去，味道真係好唔掂。完全唔似係呢個價錢既牛扒應有既味道。牛扒肉味好淡，完全無乜味（唔怪得要另外放個燒汁比你去點？）。服務係正常，但一開始落單時，侍應話$38任飲汽水任食薯條可以只係一個人叫，只係每次只上一份同一罐汽水。咁我就叫左啤酒，女朋友叫薯條汽水。結果飲完一罐叫佢refill，佢就話一個人叫既話無得refill⋯

今日放工打算去女人街搵下野食，見到呢度無咩人打算試下新野，叫左個肉眼牛扒加黑椒汁，送湯。個湯都幾健康？🤔之後牛扒上台時已經感受到香港土地短缺問題，左tun 右tun 先有位放。見到牛扒係2塊石上面，有一塊石係熱既，一塊是係唔熱既，聽聞是防止牛扒過熱。但係其實塊石好細，而且牛扒好un好難切，切完啲牛出來跌曬落台面。食落口，啲牛完全無牛味，口感好un，點黑椒汁後太咸...作為伴菜既薯蓉（連上面既蔬菜）都係凍既😱賣單都要成百幾蚊，當比錢來鍛鍊牙教。

不平民的味道陪完男朋友去旺角買GAME之後落好大雨…去左D橫行避雨其間見到有間石燒牛既餐廳，於是就同男朋友去食返個平民晚餐。餐廳有單次性圍裙提供，都幾周到下。南瓜湯有少少creamy，要讚係幾乎無南瓜絲，因為我好唔鍾意飲湯飲到渣。甜甜哋，食嘢之前可以暖一暖胃。巴西牛柳200G有兩塊石，一塊熱，一塊不熱，用一塊煎好可搬去不熱果塊，都幾貼心既設計。牛上面放小小蒜茸，一齊煎仲香，三四成medium-rare就可以令到個汁保存得好JUICY，鮮嫩，唔會油膩，口感正。吾單止得牛，仲有粟米蘿蔔做配菜底有薯茸。叫左蒜蓉白汁蜆意粉蜆肉大大隻，好多粒添，重鮮味。白汁裏面有少許洋蔥，淡淡的忌廉味道，很creamy，調味調得很好，加上意粉煮得軟硬適中，入口甜甜的，彈牙，幾好食。最後我哋點左兩杯乳酸特飲，酸酸味味好開胃。