平民扒房@友蠔食 (已搬遷) 新店位置

收工同朋友黎旺角行街， 上網睇下有咩好食，朋友突然想食生蠔，於是搵到呢間價錢相宜嘅餐廳。-兩個人實在太餓，叫咗生蠔， 牛扒，意粉，同兩杯飲品。-蕃茄湯嘅蕃茄味都幾香濃，材料都幾豐富，又多薯仔，都幾開胃。-呢度有多款唔同產地嘅生蠔，於是叫左半打法國生蠔。味道唔錯，有淡淡海水味，夠鮮同都幾大隻，$198有半打非常CP值高。個sauce都同生蠔好夾呢！-牛扒揀咗美國牛板腱，有成400g，份量都幾多，夠兩個人食。而且用咗宜家最興既熱石板燒牛扒，餐廳會預先煎熟了一成，然後就比客人按自己個人喜愛熟度再煎。我同朋友都中意食比較熟，煎到7成左右，牛味夠香， 又唔多筋部，配埋黑椒汁唔錯，非常惹味！而且仲送一碗口感細滑嘅薯蓉，上面仲有少少雜菜，食完牛扒再食蔬菜無咁guilty。-白汁蜆肉意粉勁大舊的蜆肉！都幾多粒~意粉份量幾多，軟硬度適中，又夠creamy!-飲品篇👉🏻雜莓乳酸特飲👉🏻菠蘿特飲兩杯都唔會太甜，果味都幾突出，非常解渴呢。-呢間餐廳夠經濟實惠，值得一試。