平民扒房@友蠔食 (已搬遷) 新店位置

原來呢一間人氣石板燒平民扒房，唔單止牛肉做得出色，佢哋嘅生蠔都真係唔錯。今次Friday night晚黑同friend嚟撐枱腳，仲試咗一下佢哋嘅半打新鮮生蠔。生蠔夠肥美，食落去都好新鮮。而且佢哋嘅石燒牛，當然唔可以錯過，叫咗兩款，分別係大理石，同埋牛板鍵，牛肉好香濃，佢仲好悉心咁樣，分開咗兩個石板俾我哋煎。唔會驚一塊牛扒太逼唔夠位，配埋豐富嘅沙律，同埋清新嘅飲品，簡單又容易滿足嘅dinner set.

《平價大餐蠔扒宴🦪》———————————————-#平民扒房@友蠔食 🦞-女人街多好嘢食大家都知，今日來推介一間平民扒房，一如其名CP值超高！慳家情侶慶祝又想撐枱腳，呢間就啱晒啦💰-🥩 牛扒上枱只有一成熟，可以喺熱石板煎到自己啱心水嘅熟度，有得食又有得玩，再配上醬汁同調味料簡直一流。美國牛板腱入口啖啖肉唔黏牙，好軟嫩，重點係配搭埋勁量蒜蓉非常香口惹味！呢個價錢仲包咗薯蓉雜菜，湯同白飯可以任食😍-🦪 嚟慶祝又點可以唔食生蠔，我哋叫咗半打，法國頂級即開生蠔超級新鮮， 略有海水鮮甜味，爽口飽滿， 最緊要係價錢經濟實惠😝-💡 題外話，見到餐牌仲有寫最近做緊周年大酬賓，12隻生蠔拼盤可以以優惠價升級，又或者紅白酒買一送一等等嘅推廣，都幾吸引，推薦大家嚟試吓～-主食就叫咗個蒜蓉白汁蜆意粉，另外兩款特飲都非常清爽，帶點微甜，啱晒食咗啲咁重口嘅食物去解膩☺️-⭐️價錢參考：（另收加一）美國牛板腱：$98 (200g)法國頂級生蠔半打：$198蒜蓉白汁蜆意粉：$78雜莓特飲：$18菠蘿特飲：$18🍌抵deal 指數：8/10💰人均消費：$220

餐牌睇到未必有，選完無。谷友可直接問清楚有咩食會好啲。焗蠔可以放棄，未識欣賞。空間細最好食完先入去購物，無位放。味度一般唔算特色，中價水平，生蠔一般未算物超所值。

小店環境較細小，座位不多，需要拎籌等位～另收加一服務費是日推介生蠔 $198 @12隻，頂級法國生蠔🦪$198@6隻，size 是No.2左右。本來這個價錢沒有太大期望，點知上枱時有驚喜，它的大細媲美平時網上買的，好抵食，入口時有淡淡的海水味～新鮮#澳洲和牛 $148@200g 充滿油脂的厚切邪惡和牛，石燒時彈油射程遠（記得用紙巾擋著）肉質嫩滑而且夠腍，沾醬後帶出香甜和牛味。吃多會膩，旁邊有些蔬菜🥬薯蓉解濟。推介～#石燒牛柳 #巴西牛柳 $88@200g配合一冷一熱石頭自行加熱，生熟程度可配合自己口味調整，不錯的設計～牛柳也是非常厚切，肉質偏瘦，不怕肥。#菠蘿特飲 $18不會太甜的菠蘿味梳打，好飲～個人喜歡💕#野梅乳酸特飲 $22不會很酸，甜甜的開胃#是日餐湯充滿蘑菇碎的蒜蓉湯服務質素：7/10環境舒適度：6/10ᶘ ᵒᴥᵒᶅ個人口味評分：8/10

放工心癢癢想食蠔，好彩搵到間價錢平民嘅扒房😛。今次試咗三款蠔，當中對Gillardeau最滿意。🦪Gillardeau（$36/隻 $198/打）口感爽脆而且味道細膩。海水味較溫和，反而有好重嘅鮮甜味。🥩巴西牛柳 $88/200g🥩自家秘製肉眼 $78/200g牛柳脂肪少但肉質嫩滑。肉眼就比較多油花，多少少脂肪嘅香味。雖然枱面冇salt & pepper，但調味好足夠。加埋蒜蓉更加香。附送嘅前菜薯蓉有唔少清甜嘅蔬菜，但個人唔鍾意凍食嘅薯蓉😅。🍝蒜蓉蜆肉意粉 $78每條意粉都掛滿幼滑白醬。除咗蒜蓉亦加入了唐芹，增添香氣。

即興飯局🍴朋友帶我食好西，高汁抵食*平民扒房*想食乜都有😋啱晒貪心嘅我哋💕友蠔食，緊係要試吓，佢地啲生蠔🦪好新鮮 蠔味夠，做緊promotion$2xx有2款蠔法國🇫🇷美國🇺🇸我就鐘意法國多啲 ，大隻而juicy😋美國都唔錯👍🏻食完頭盤，睇下餐牌佢主打石燒，不妨一試，朋友話澳洲和牛好好食😋200g好大塊，仲可以自己燒，滿足。骷髏骨都好正👍🏻，鐘意食辣必試，但醬汁平太平均，上面濃味，有面得肉味。海膽忌廉炒蛋😋，好食，但海膽少。試咗幾樣都唔錯💕坐位偏細唔多，keep住好多人排手，用餐時間寫明60分鐘，好趕，好彩冇趕我地走，我地都食咗差不多2個鐘，價錢抵食，值得一試👍🏻

放工嚟咗呢間餐廳，夜晚7點半，等咗15分鐘倒先有位。一入到去都唔會好大陣油煙味，可以冷氣都好大。叫咗最平嘅牛扒，包個前菜同湯同白飯 (不過要問佢攞，男朋友係冇飯不歡嘅人，問佢攞咗2次，態度都不錯🙉)。因為得一個樓面，點餐又係佢，傳菜又係佢，所以等得少少耐。但一嚟到，佢都好有心機咁教我哋點食，所以ok嘅。佢有2塊石板，一凍一熱，牛扒嚟到入面仲係生，所以佢suggest我哋放喺熱石上面一分鐘，再反轉煎多一分鐘，先切開，放喺凍石到防止overcooked。最平嘅牛都唔會韌，亦都多汁，只係會食到少少酒味，可能係醃咗啲嘢🤔粗薯條好好食，又脆又唔油，重點係夠熱。叫2人份仲可以任添！意粉幾有創意，海膽味，唔會腥臭，88蚊有咁嘅質素都幾抵。唯一可改善係，啲枱，牆，好癡粒粒。應該係d油彈到，又冇清潔好 🧽

我地一家四口2大2小等位等左差唔多30分鐘，入到去位姐姐服務態度算唔錯，介紹左有咩生蠔，最後我地叫左佢介紹既$198+$60生蠔，6隻大6隻細。生蠔算新鮮，話係法國既，但無講法國咩蠔，聽到隔離枱問咩品種，姐姐都唔係好up得出個名。食落無海水味，因為太耐無食生蠔所以先試下，有機會再去應該都唔會再食生蠔。另外叫左3個set,龍蝦/豬扒/澳洲和牛。龍蝦係一隻開邊，肉質同味道都唔錯，熱石上可以保暖都ok,比想像中大隻。豬扒都係熱石上，但一上已經熟左9成，熱石上明顯overcook左，味道好夠但太熟了乾口，呢樣唔掂。最後澳洲和牛係最得既，好重牛味同好大件，有兩件既，但要快手切，因為牛大約一成熟，舊石燒到10分鐘倒就開始唔會超熱，要煎熟就要耐少少，所以一黎我都切晒片慢慢煎。套餐上其實寫左套餐包括是日前菜、湯白飯任添任食，以為呢三樣野都可以添食，但原來前菜無得添，呢度就有d誤導了。我地有兩個小朋友1個4歲1個8歲share 3個餐12隻生蠔，感覺係有d唔夠食，但飯可以添就諗住實夠。我地第一次叫左3個飯，要叫先會俾，唔會自動提供，一碟飯真係好細碟，一個拳頭細d,真係好快KO,要再叫添多兩碟先叫做有野落

平時瘦編去旺角諗唔到食咩，通常都會去通菜街搵食。因為個頭有好多餐廳選擇，仲要大部份都係又抵又好食！今次瘦編就同朋友搵左間平民扒房，質素都幾好！👍🏿-推介大家一定要叫嘅熱石板系列，可以揀紐西蘭肉眼、美國牛板腱、巴西牛柳同澳洲和牛，可以揀埋份量200G同400G。熱石板上菜嘅時候會有兩塊石，一塊熱，一塊唔熱，用熱個塊石去煎肉，剪完就搬去唔熱果塊，幾貼心既設計，可以避免過熟！瘦編今次就試吓紐西蘭肉眼，上面放咗少少蒜茸，一齊煎好香，肉汁好juicy，好鮮嫩，唔會太油膩，好有口感正，$78有咁質素，好抵！🤩-熱石板系列會配埋新鮮炸起嘅薯條，另外亦都叫咗個燴龍蝦忌廉意粉試下，意粉都好大份好足料。兩個餐我地都揀左特飲梳打，味道好清新，唔會有奇怪味。推介！🥰-味道評分▶️🌕🌕🌕🌕🌑 (4)抵食評分▶️🌕🌕🌕🌕🌑 (4)回購評分▶️🌕🌕🌕🌕🌑 (4)-➡️ 平民扒房@友蠔食📍 旺角通菜街1A-1L號威達商業大廈地下D號舖

今日中午，朋友帶左我去旺角食呢間平民扒房，我地叫左兩份lunch set嘅石燒牛扒餐。牛扒本身預先煮到一成熟，我哋可以將牛扒燒到自己想要嘅熟成度。餐廳好細心，提供了兩塊石板，一熱一凍，熱石用嚟燒熱牛扒，燒好左就可以放翻喺凍石嗰一邊，咁樣牛底扒就唔會燒得太熟，設計非常有心。🥣餐湯 係南瓜湯，幾好飲。🥩自家秘制紐西蘭肉眼 $78肉眼都幾大份，有少少筋，牛肉味幾重，肉上嘅蒜蓉燒香後，配搭埋牛扒一齊食，非常夾。🥩巴西牛柳 $88牛柳比較厚身，份量亦好足夠，牛肉幾香口，唔會有筋或者有渣，咁嘅價錢食到咁嘅質素嘅牛柳真係幾抵。🍟薯條薯條用上粗身嘅薯條，配埋茄汁食，好啱作為牛扒嘅伴碟。🍝蒜香意粉 +$8意粉用上比較幼身嘅意粉，餐廳將蒜茸粒同意粉撈埋，蒜粒成功將意粉嘅味道昇華咗，就算就咁食意粉都會覺得好好味。🍍菠蘿果汁特飲 +$8果汁特飲應該用上有氣嘅梳打水沖成，有氣嘅果汁好啱食完鹹野飲。果汁特飲唔係好甜，就算平時好怕甜嘅我，飲落都可以接受到。🥭芒果果汁特飲 +$8同菠蘿味嗰杯類似，不過呢個係芒果味。都幾好飲。呢間真係大件夾抵食，抵佢叫平民扒房！

#跟住我食唔中伏.而家好多地方都有得食石燒牛扒🥩但真係唔係度度都好食🥺有啲得個靚字有啲又貴又唔好食，有啲份量太細食唔飽…😅今日分享一間位於旺角嘅 #小店 ❣️好食得來質素又好OK🤤🔥.#平民扒房 #lunch menu除咗石燒牛扒，仲有好多選擇🤩不過 #牛扒控 都係揀番扒吃🎉😁.［巴西牛柳］$88/200g牛柳一大一細，店員講到明大嗰舊係生好多建議襯舊石熱就切開即燒即食🤤不過石凍咗店員都會更換，所以唔洗擔心💞牛柳好多肉汁好juicy，肉質好嫩滑超好食😆好中意可以自己控制每一啖肉係幾成熟❣️牛柳上面嘅garlic好香，洋蔥汁on side偏甜我就覺得唔洗點sauce都好夠味😋.［自家秘制紐西蘭肉眼］朋友揀咗肉眼，肉質比牛柳實淨有咬口啲店家自家調過肉眼味道，應該加咗黑椒我就麻麻地🤭都係中意食肉本身陣味多啲🤤.Lunch set會配湯、蔬菜、飯/意粉/薯條＆野飲薯條即叫既炸👍🏻大大份又係我最愛嘅粗薯❤️飲品有多款特飲選擇💖食完飲杯凍特飲好爽！.呢個價位在旺角食到呢個質素😍絕對值得再來😋

朋友約左去mk，呢排留意到通菜街附近好似新開左好多餐廳，我地一於去𥄫𥄫。發現到呢間個名幾得意又咁啱有位，我地就入去試試。鋪面裝修幾有feel，又有掛飾，lunch都基本full曬。店員遞上lunch set menu，價錢果然fit曬個名，肉眼價格都夠曬平民。我同fd見到加128就可以有六隻生蠔，梗係試埋啦！set包左餐湯同一個小食，賣相吸引。我點左薯條都夠脆，份量啱啱好。隨即，店員同我地講解生蠔，呢款生蠔係澳洲既，味道好清甜，果然無點錯。主菜肉眼排用熱辣辣既熱石奉上，切開中間啱啱好pink pink地，肉質幾夠腍，無筋，蒜蓉汁調味剛剛好，唔會太鹹。總體好滿意呢個lunch，絕對超值！

今日行街去到旺角通菜街，發現有間好親民感覺嘅平民扒房@友蠔食， 見到佢有牛扒🥩食又有生蠔🦪食好似好正，於是去左食lunch先點佢嘅法國生蠔 Gillardeau Oyster🦪， 之後再食佢嘅熱石板牛扒餐🥩，已包餐湯同飲品， 今日餐湯係南瓜湯，南瓜湯好鮮甜Gillardeau Oyster🦪法國生蠔好creamy澳洲和牛🥩熱石板嘅好處就係可以將牛肉放在熱石板上面，煮到隨自己喜歡嘅生熟程度，澳洲和牛比較多油脂，牛味香濃😋美國牛板腱🥩牛肉比較淋身，肉質幼嫩又多汁😋親民嘅價錢又可以食到生蠔同牛扒，真係唔錯😍

上個星期日同妹出去旺角行街街前，先去附近食個lunch, 以前比較少去女人街個頭食飯，因為實在太多人啦！不過疫情期間，冇咗啲遊客，所以有好多排檔都冇開，而家成條街都好行咗好多！經過見到一間餐廳叫《平民扒房》，即係呼喚緊我啦！哈哈！見到啲Lunch Set嘅價錢都真係好親民，真係好啱我呢啲平民呀！經店員介紹下點咗巴西牛柳 、蒲燒鰻魚滑蛋飯同追加生蠔！Lunch Set 都有跟湯同餐茶的！牛柳都算幾大份的，肉質鮮嫩唔鞋口又冇筋的，而生蠔雖然不是好肥美同大隻個啲，但都好鮮甜的！以親民嘅價錢都可以過下食生蠔同据扒癮，感覺的確唔錯！

想搵地方剧扒食生蠔🦪唔一定要好貴～我地發現左係通菜街呢間餐廳可以用平民價錢食貴野🤣 lunch set價錢非常親民 又有新鮮法國生蠔食！呢間餐廳唔係好大 但係行入去感覺好溫馨 仲有少少聖誕裝飾tim🎄0️⃣蘑菇湯Lunch set包餐湯同熱飲～呢碗蘑菇湯望落普通 但飲落非常好飲 啖啖都有🍄 好足料～1️⃣巴西牛柳200g ＄88呢個熱石、凍石燒牛柳都算係餐廳名物～巴西牛柳肉厚多肉汁 脂肪唔多🤣每邊用熱石板煎完1分鐘鎖住肉汁 再反去另一邊燒😛黑椒汁另上 燒好再點汁～唔洗淋上熱石以免燒焦😆 仲有側邊一小桶薯蓉同菜 🍅 2️⃣ 咖喱牛腩飯 $58呢個店主強烈推介🤣🤣食落真係驚喜🤩牛腩好香炆得好淋😋咖喱🍛好香又唔會太辣～呢個價錢真係好抵食3️⃣法國生蠔 🦪 $198/6隻生蠔係空運嘅法國生蠔 size都偏大 非常新鮮甜美😋4️⃣菠蘿特飲/ 芒果特飲🍍🥭 水果味都幾fresh～飲厭左咖啡奶茶都可以一試！