平昌

營業中

休息中

聽人講兆萬呢間韓燒店好好食。一開𨋢我就嘩左出聲～全場full House，好熱鬧。前面兩個情侶想walk in都冇曬位，真係記得要早啲book位。唔算好肚餓，所以今日同friend一齊食呢個最平的大君Set. Waiter都好好，畀我哋坐入細房，枱數少啲，同隔離隔得遠啲，冇咁大油煙。不過都係會全身韓燒味😂但好嘅係，袋可以擺凳入面，而且店員嘅講解都好詳細，幾有心。就算只係大軍Set, 選擇其實都唔少。好surprise啲前菜：泡菜、大豆芽都已經好好味，仲有爐邊蛋食。我哋唔想諗，決定每樣嘢食嚟一round。其實食完已經飽曬XDD最推介：＊＊＊＊＊杏飽菇＊＊＊＊＊肉類炭燒雞肉串、五花腩、牛小排、整體肉類醃得好好，唔會過鹹，提升咗肉嘅香濃味。再燒得脆脆地，甜甜地😋正~ 而且店員會keep住留意同幫手換爐，唔怕燒燶。**海鮮類帶子同蠔size偏細，魷魚冇乜味，不食可也最後仲叫咗menu上嘅海鮮泡菜煎餅，同埋流水麵。泡菜煎餅較肥膩，但燒下會香脆好多。流水麵清淡但係好味。野飲可以自由拎，選擇偏少。都係飲茶同水好啲，解下膩。如果佢可以提供嘅燒汁醬類多啲就好喇！總括覺得呢間以味道取勝，唔算貴，但好食。😆

今次已經係第三次嚟食👍🏻佢價錢係分唔同種類貴啲就多啲選擇 今次揀咗大君御膳 種類款式唔算少 已經好足夠👍🏻有張黃店證書 哈哈 入面環境好闊綽 唔會好似有啲燒肉店咁同隔離枱好近 連隔離啲煙都漂埋過嚟呢度就絕對冇咁嘅情況出現飲品種類同平時放題嗰啲都差唔多唔飲甜野嘅 連水都有😂肉類款式有20樣左右海鮮就6樣 仲有啲熟食 例如冷麵 年糕 湯等肉類方面我比較推薦豬五花腩 LA牛排 牛舌 牛肋骨肉佢啲肉類唔會好多肥膏亦都好新鮮 同埋唔會結晒冰咁依家望番啲相都流緊口水😂就咁食已經好夠味 唔需要醬汁鰻魚都好正 叫咗幾轉 不過燒完之後會黑晒可能因為啲醬汁 但係服務員都好好有時會主動過嚟換鐵板 或者主動叫佢哋換都OK海鮮蔥餅出奇地幾好味 分量唔算好大 幾啖就會K.O 水冷麵都推薦係咁食肉 食返啲凍冰冰嘅面消下都唔錯

入到餐廳坐低之後，店員就會幫你開爐，將雞蛋將到係鍋邊，再為你送上泡菜芽菜同埋生菜。食物嘅選擇都唔算少，有豬牛羊雞海鮮同埋蔬菜，而且仲有唔少嘅熱食可以選擇，例如有泡菜煎餅，肥牛大醬湯同埋冷麵等等。肉類有分未醃製同埋醃製嘅，適合唔同口味嘅人，肉嘅質素呢個價錢來講都幾好，煎完之後唔會好乾柴，仲保留到少少肉汁。比較推薦嘅係牛肋條同埋豬頸肉，因為呢兩款食物本身脂肪較多，煎完之後會將油香逼出來，再用生菜包住肉同埋泡菜食，就唔會覺得油膩。而店員嘅服務態度都好好，會主動幫你換爐，refill泡菜芽菜同埋生菜。

同朋友講起好耐冇去過韓國，朋友就話要帶我去一間真係有韓國Oppa既韓燒店😏✨收費$198就有韓燒、熟食、飲品，任飲任食之餘仲提供埋啤酒😛平日18:40上到去入座率都差唔多8成，真係好彩有book位🙈🙈首先呢度既裝修已經好有韓國食五花肉飲燒酒果d小店感覺，大家坐類似氣油筒既櫈，揭開坐墊仲可以放袋，感覺可以吸少d味😛😛✨🎈燒烤類韓燒款式當中以豬肉最多，有厚切有薄切，有原味，另外亦都有醃製左帶甜或者帶辣味😋😋每樣試吓都好快就飽，我就比較鍾意醃製左薄切款，另外豬頸肉都唔錯👍🏻另外仲有雞/牛肉類、海鮮類有蠔、扇貝、蝦等等…..所以呢間韓燒真係性價比高👍🏻😅🎈熟食類熟食類又幾有驚喜，款式都算多。因為之前聽朋友介紹話一定要試炒粉絲，果然真係好好味😋😋另外我地仲試咗海鮮煎餅、鰻魚、炸蝦，仲有一個湯，整體都唔錯👍🏻以韓燒店黎講，員工做野都好主動，主動收碟，又會主動換塊燒烤板👍🏻👍🏻另外我地落既野都冇漏單既情況，上菜仲好快👍🏻不過可能因為大家都開住個火，有少少愈燒愈熱，冷氣/抽風再勁d就好🙈🙈

📝今次食左：大君御膳 $218加一，埋單$240@1👉🏻今次去到主攻牛、豬肉！所以就算有唔同石窩料理都冇食～特別推介豬五花腩同埋照燒肥牛片。豬肉夠厚夠肥，用生菜包住加啲泡菜食就一流啦😛。肥牛片油脂分佈平均，唔係坊間啲cheapcheap肥牛嚟！連住照燒汁一齊燒好夠味！不過如果想試真啲牛味就要叫返冇跟sauce既肥牛片啦！不過可能因為今次我地係兩個人食，無論叫幾多都會因應人數比返相應份量我地(;´༎ຶД༎ຶ`)漏單比錯嘢嘅情況都會出現，所以對食物配送方面唔係幾滿意....點解我會話佢係小韓國？因為一入門口就有個oppa用韓式廣東話招呼你😚😚舖頭播既歌、裝修都同真·韓國燒烤店一模一樣。👁所以大家係旺角行街行到攰都可以上去燒下肉‼️不過要留意返呢度成日爆場！多人就可以事先預約，但二人就唔開放預約登記，可能就要walkin撞下彩啦(｀_´)ゞ

兆萬一向都好多餐廳，但係食過幾間其實都好普通！而最近都因為想食韓燒嘅關係，朋友話兆萬有間食韓燒嘅唔錯，上網又見到啲評語幾好，就即刻去預約！去到餐廳大約7:00左右，上到去已經見全部滿座，心諗睇嚟呢間真係有啲料到喎！等咗一陣終於有位，今次我哋揀左大君御膳，價錢HK$198再加一！大君御膳都包咗好多種類，包括有豬，牛，雞，鴨，蔬菜類，海鮮類同埋熱食！仲要包埋無限飲品！真係唔可以睇小呢個價錢，我估唔到$200左右就可以食到燒蠔同燒帶子😋😋坐低咗之後，侍應馬上就將蛋漿倒滿係燒盤😍😍同一時間，我哋就即刻寫低食物既Number叫野食！我哋都叫咗唔同種類嘅菜，但我個人就比較鍾意食調味左嘅肉，因為真係好入味！但相反，辣調味嘅肉我就唔係好食得出有辣味！我哋另外都叫咗啲熱食，有海鮮煎餅，燒鰻魚，炒粉絲等等！我冇諗過炒粉絲真係好好食！我覺得以咁嘅價錢食到呢種質素已經好喜出望外！唯一可以有改進嘅空間係個地方比較焗促，如果可以冇咁煙嘅話，相對會坐得舒服啲！

睇OpenRice食評見到呢間係醬油蝦任食，心諗二百幾蚊就可以任食醬油蝦有冇咁着數啊，跟住就即刻打電話去訂位啦，去到坐低食環境好似同其他韓燒一樣都係韓式裝修，咁唔理啦就梗係要揀有醬油蝦任食嗰個套餐，嘩真係性價比超高，仲有其他嘅燒肉都要一棒，真係質素好好

今天放工和媽媽到旺角燒肉店燒肉， 舖頭好有韓國烤肉舖嘅感覺，非常前衛，年輕化， 店員服務態度良好，情招待。 我們點了大君主是放題。有不同種類嘅肉， 例如有五花腩，牛肉，雞肉等等， 選擇好多。 又有唔同嘅小食選擇，例如有海鮮煎餅，海鮮石頭鍋湯。店員會將蛋漿倒係燒爐嘅附近， 蛋慢慢熟左之後食， 感覺好鮮美， 嫩滑。 我哋燒緊五花腩，肉質好新鮮， 用料上乘。仲有無限添食嘅泡菜，生菜，生菜係用嚟包住燒好咗嘅肉，咁樣食就唔會好油膩。唔同種類嘅五花腩，辣醬，薄片， 可以一次過滿足唔同嘅口感。 肉質新鮮。仲有海鮮，有生蠔，帶子，蝦，選擇很多， 食到停不了口。仲有雞翼，燒肉串，熟咗嘅鰻魚，味道都好好食。海鮮薄餅 ，外脆內軟， 非常好食。海鮮豆腐湯，好香濃， 感覺一流。

平昌韓國燒肉店⭐️朋友之前食過話平,靚,正!於是我同朋友喺附近行完街就過去左食飯!一入到去已經有好多人排緊隊,好彩朋友已經book咗位,溫馨提示建議大家先book位!套餐我哋揀咗世子御膳$298,因為可以食埋大君御膳$218,加多$80就多20幾種肉類加熟食選擇相對抵食👍而且服務真心不錯,店員收碗碟好快手而且又幫手更換爐板!整體來講食物質素高,cp值好係好唔錯!飲品係自己拎,選擇都幾多,有烏龍茶,忌廉溝鮮奶,汽水等等…小食我地叫左醬油蝦😋肉質爽口味道鮮甜好味,生蠔好新鮮燒完仲有淡淡海水味,每人都食左3隻以上推介!海鮮種類有虎蝦,扇貝,魷魚,帶子等等…肉類有牛,豬,雞,最推介係牛舌,肥牛片,豬頸肉,薄切五花腩片,雞腎串,雞軟骨等等…

放假前決定同朋友出去食返餐好食嘅韓燒😚因為我地兩個都大食嘅關係，所以決定覆食放題。呢間放題有兩個set，我地叫咗貴啲個set世子御饍，即係所有餐牌上面嘅嘢食都可以點✌🏻因為我哋嗌咗貴嘅set所以肉類有超級多選擇，叫咗個世子set上面嘅T骨牛扒同牛肉眼，份量好大！值得一提佢嘅肉唔會好似出邊放題果d醃得太鹹，保留到肉味! 豬護心同豬皮都好好食。另外個辣雞肉都有d驚喜，燒完好香口重點係唔會過鹹！海鮮都有唔少選擇，帶子味道鮮甜嘅不過可能我哋唔識燒，所以燒完有少少細隻😂。另外魷魚都正常，唔會太韌。佢熟食都有好多嘢揀，熟食都有少少驚喜，海鮮蔥餅上菜嗰陣仲係熱辣辣，水冷麵都同喺韓國食嘅差唔多。炸芝士同炸蝦都好食。不過豆腐炒泡菜就好似係一個或豆腐上面加泡菜咁，冇乜特別但係都好食嘅。佢店員數量都多，會主動替換鐵板！呢點喺韓燒入邊真係好重要！

最近好想好想食燒肉見到呢間既review唔錯即係捉埋朋友黎試本來book咗7點半但早咗放工唸住睇下6點半入唔入到座不過佢都好full booking 所以冇得提早入座行一陣等到7點半先入座啦估唔到咁夜都係咁多人係超旺場~ 叫咗個世子set啦~ 叫世子set就連大君set入面既都可以揀既但大君set就唔可以點埋世子set入面既野所以叫世子set其實好抵肉類海鮮熟食通通都有不過我係食肉獸所以都冇叫熟食淨係點哂肉類同海鮮係點餐板上面寫好number寫好數量就得㗎食物雖然就任點既但唔好眼闊肚窄食野盡力以為就好啦每抬都年有生菜芽菜同埋泡菜俾大家既最正係有爐邊蛋食韓式燒烤最重要就係爐邊蛋呢度既爐邊蛋好夠滑👍🏻👍🏻最正都係燒到成個爐都係野食值得推介呢度既五花肉👍🏻 仲有牛舌都好好食 食嘢最當然要野飲特別燒肉 呢個既野飲係任飲既酒類除外啦人均306算係咁👍🏻回頭度 8/10

香港地韓燒開到成行成市，好食真係唔係幾多，中伏既係天多！搵到一間有質素係難得～今次呢間好高汁！入到黎，人山左人海，好鬼多人，好鬼熱鬧，食得韓兆油煙多少不免架啦。侍應佢地服務好好啊，一下子睇住咁多人，都好好服務同招呼，真心好專業👍🏻！好啦，入翻話題先，間餐廳按照食物種類多少而分左3 sets 韓燒。我地簡左大君，無論你簡邊種都好，樣樣都好高質！打開餐牌，有牛肉，豬肉，雞肉，丸，海鮮，蔬菜，仲有熟食…..好多好多！有醃肉無醃選擇！第一round ，當然叫牛，豬，雞，魷魚，鯖魚啦！一上碟，真係好豐富，肉類同埋好鮮！啲肉燒到香噴噴！肉汁豐富，勁鮮嫩，油脂分布平均，生菜🥬勁新鮮，勁爽脆，包埋啲肉一齊，去晒啲油膩，好fresh ！海鮮一啲都唔差，魷魚燒到爽口鮮甜又彈牙，兩件蠔，勁鮮甜多汁！一啲都唔腥！勁鮮勁香！虎蝦一樣勁鮮甜！燒到卜卜脆！我地都仲有叫其他熱食，年糕，炸蝦，冷麵，燒鰻魚，通通都有水準！野食任飲，有汽水，有茶，仲有任飲啤酒！總結來講，性價比超高既韓燒！必試！

食物個人覺得幾好味，但侍應態度真係好差，一話冇book位就話佢哋而家冇位，但明明仲有好多位，之後又改口話有位，然後勁快咁介紹餐牌，講咁快鬼聽得徹咩，之後叫佢哋幫手換個鐵又扮聾，三請四請先過嚟，收錢就快快手，半個鐘就話要last order ，啲野食又上唔齊，黃店都咁既質素，呢世人都唔會再食

同家姐午市時間去，凈系睇個餐牌已經冇乜選擇，仲有部分系午市冇得落order...好啦照食啦，但d肉一上黎睇落就好唔新鮮，waiter服務算系正正常常，d食物真系需要改進，一定唔會recall嘅餐廳

今晚我同同事去兆萬中心試咗一間好有地道風味嘅韓式燒烤，嗌咗一個 "大君御膳" 兩人埋單 連加一 都係四百鬆啲，認真抵食。呢度嘅佈置好有傳統韓燒嘅特色，餐前小食有 大豆芽、同埋泡菜。出一面嘅啤酒同飲品都係 自助任飲。店内嘅平均年齡都係後生仔為主，好有氣氛，最搞笑係坐我哋隔離枱有幾個真韓國人，真係有啲好似睇緊韓劇一樣氣氛！LA牛排、牛肋骨肉 、牛舌都係必點推介，除咗肉質柔軟，顏色鮮豔，感覺十分新鮮之外，烤肉燒起上來充滿肉汁，真係出面其他放題嘅烤肉不可比較。仲有我至愛嘅海鮮，虎蝦、扇貝、仲有半殼石 蠔仔、魷魚同埋鯖魚柳 ……"豬肉泡菜湯"上枱時熱辣辣， 湯底十分鮮甜，入口喉嚨唔會太辛辣，味道調配剛剛好，好有誠意！最後一提係呢度嘅侍應，十分高效率，食物上枱嘅時間夠快，而且兩個鐘嘅放題，大大話話幫我們更換了燒烤盤四至五次，抵讚！